Baaghi TV

Author: غنی محمود قصوری

  • سینئر صحافی پر قاتلانہ حملہ،جان سے مارنے کی دھمکی ،صحافی برادری کا احتجاج

    سینئر صحافی پر قاتلانہ حملہ،جان سے مارنے کی دھمکی ،صحافی برادری کا احتجاج

    قصور
    سینئر صحافی پر قاتلانہ حملہ،قصور کی صحافی برادری کا احتجاج

    تفصیلات کے مطابق گزشتہ دن سینئیر صحافی قصور میاں عمران شہزاد انصاری پر غنڈہ گرد عناصر نے قاتلانہ حملہ کیا کپڑے پھاڑ دیئے اور ناجائز اسلحہ سے قتل کرنیکی دھمکیاں دیں جس پر صحافی برادری میں سخت تشویش پائی جا رہی ہے
    میاں عمران شہزاد انصاری نائب صدر قصور ڈسٹرکٹ پریس کلب اور ممبر ڈسٹرکٹ امن کمیٹی قصور ہیں ان پر قاتلانہ حملے پر قصور کے
    صحافیوں نے شدید احتجاج کیا ہے اور مطالبہ کیا ہے کہ فوری مقدمہ درج کیا جائے اور ملزمان کو فوری گرفتار کیا جائے
    قصور کی صحافی برادری نے ڈپٹی کمشنر قصور ، ڈی پی او قصور سے کہا ہے کہ فوری ایکشن لیں ورنہ قصور کی صحافی برادری شدید احتجاج کریگی

  • بار بار لوڈ شیڈنگ ،بجلی و برف نایاب،ہیٹ ویو،رحم کی اپیل

    بار بار لوڈ شیڈنگ ،بجلی و برف نایاب،ہیٹ ویو،رحم کی اپیل

    قصور
    بیشتر دیہی علاقوں میں بار بار لوڈ شیڈنگ ،بیشتر علاقوں کے ٹرانسفارمر جل گئے،
    بجلی نا پانی،برف نایاب شہری پریشان،

    تفصیلات کے مطابق قصور و گردونواح میں سخت گرمی کے باوجود قصور کے بیشتر دیہات میں بار بار لوڈ شیڈنگ کی جا رہی ہے جس سے لوگ پانی کی بوند بوند کو ترس گئے ہیں حتی کہ کارخانوں کی برف بھی نایاب ہو گئی ہے لوگ ڈبل قیمت پر برف خریدنے پر مجبور ہیں
    بار بار لوڈ شیڈنگ ، ایل ٹی لائنیں پرانی اور تاریں بوسیدہ ہونے کے باعث بیشتر علاقوں کے ٹرانسفارمر جل گئے ہیں
    جبکہ واپڈا حکام محض دعوؤں پر ہی اکتفا کر رہے ہے
    شدت کی گرمی کے باعث بیشتر لوگ ہیٹ ویو کا شکار ہو کر ہسپتال پہنچ رہے ہیں
    نیز برسات نا ہونے کے باعث بھی گرمی کی شدت میں اضافہ ہو رہا ہے اوپر سے بجلی بھی نہیں ہوتی جس کے باعث مریضوں،عورتوں،بچوں اور بوڑھے لوگوں کا جینا محال ہو گیا ہے
    اہلیان علاقہ نے واپڈا حکام سے رحم کی اپیل کی ہے

  • شدید گرمی و عید قربان کے باعث برف کی قیمتوں میں بڑا اضافہ

    شدید گرمی و عید قربان کے باعث برف کی قیمتوں میں بڑا اضافہ

    قصور
    عید قربان و سخت گرمی کے باعث برف کی قیمتوں میں بڑا اضافہ،قیمتیں آسمان سے باتیں کرنے لگیں،خریدار سخت پریشان

    تفصیلات کے مطابق قصور و گردونواح گرمی بڑھنے کے ساتھ ہی برف کی قیمتیں آسمان سے باتیں کرنے لگی ہیں جس کے باعث خریداروں کو شدید مشکلات کا سامنا کرنا پڑ رہا ہے برف کارخانہ مالکان نے برف کے بلاک کا ریٹ شروعات موسم گرما میں 350 سے 450 روپیہ کیا تاہم اب عید قربان کے باعث فریجوں میں جگہ نا ہونے اور سخت گرمی ہونے کی وجہ سے برف کی فروخت میں اضافے کے پیش نظر اپنی من مانی کرتے ہوئے برف کے بلاک کی قیمت 650 سے 750 روپیہ کر دی ہے جو کہ سراسر زیادتی ہے
    ر جبکہ مزید ریٹ بڑھنے کا خدشہ بھی ہے
    شہریوں نے ضلعی انتظامیہ سے برف کے بڑھتے ہوئے ریٹ پر نوٹس لینے کا مطالبہ کیا ہے

  • عید الاضحیٰ کے موقع پر فول پروف سکیورٹی انتظامات ،عوام کا اظہار تشکر

    عید الاضحیٰ کے موقع پر فول پروف سکیورٹی انتظامات ،عوام کا اظہار تشکر

    قصور
    عید الاضحیٰ کے موقع پر قصور پولیس کی اصافی نفری تعینات کی گئی،مساجدوں میں پولیس اہلکار موجود رہے

    تفصیلات کے مطابق عیدالاضحی کے موقع پر فول پروف سیکیورٹی کیلئے قصور پولیس کی طرف سے ضلع بھر میں 429 مقامات پر 1400 کے قریب سیکورٹی اہلکار تعینات کیے گئے تھے
    شہریوں کے تحفظ کیلئے عید قربان کے موقع پر خصوصی اضافی نفری تعینات کی گئی تھی
    سینئر پولیس افسران فول پروف سکیورٹی انتظامات کو یقینی بنانے کے لیے خود فیلڈ میں موجود رہے
    شہروں کے ساتھ گاؤں دیہات میں بھی عید الاضحیٰ کی نماز کے موقع پر پولیس اہلکار موجود رہے
    ڈی پی او قصور محمد عیسیٰ خاں اور ڈپٹی کمشنر عمران علی نے عیدالاضحیٰ کی خوشیاں منانے کیلئے چائلڈ پروٹیکشن بیورو کے آفس میں یتیم اور بے سہارا بچوں کیساتھ پیار کیا اور خوب گپ شپ لگائی اور قربانی ادا کی
    ضلع بھر کی عوام نے عید الاضحیٰ کے موقع پر قصور پولیس کیساتھ ضلعی انتظامیہ و دیگر تمام معاون محکموں کا شکریہ ادا کیا

  • عید کی آمد کے پیش نظر ہر کسی کی من مانیاں،مہنگائی کا خودساختہ طوفان

    عید کی آمد کے پیش نظر ہر کسی کی من مانیاں،مہنگائی کا خودساختہ طوفان

    قصور
    عید کی آمد کے پیش نظر مہنگائی اور لوگوں کی من مانیاں شروع،ضلعی انتظامیہ سے نوٹس لینے کی اپیل

    تفصیلات کے مطابق عیدالاضحیٰ کی آمد کے پیش نظر ہر بندے نے اپنی مرضی کے ریٹس مقرر کرکے اپنی من مانیاں شروع کر دی ہیں جبکہ سرکاری نرخوں پر چیزوں کی فراہمی بہت مشکل ہو گئی ہے
    عید قربان قریب آتے ہی قصائی نخرے دکھانے لگے ہیں اور اپنے نرخ بھی بڑھا دیئے ہیں قصائیوں کی جانب سے
    پہلے دن بکرا ذبح کرنے کے 10 ہزار، گائے 18 ہزار اور دوسرے دن بکرا 6 ہزار جبکہ گائے کے 10 ہزار نرخ مقرر کئے گئے ہیں
    دوسری سمت عید قریب آتے ہی ٹرانسپورٹرز کی من مانیاں عروج پر پہنچ گئی ہیں
    کرایوں میں خودساختہ اضافہ کر دیا گیا ہے
    یکطرفہ کرایہ میں 40 سے 50 روپیہ تک اضافہ کیا گیا ہے
    نیز اسی طرح دیگر اشیاء ضروریہ کی قیمتوں میں خود ساختہ اضافہ کیا گیا ہے اور جواز یہ پیش کیا جاتا ہے کہ عید کے پیش نظر زیادہ منافع لینا ہمارا حق ہے
    شہریوں نے آر ٹی سیکرٹری، اے سی قصور اور ڈی سی قصور فوری نوٹس لینے کا مطالبہ کیا ہے

  • آئس فیکٹریوں کو کھلی چھٹی،مضر صحت برف

    قصور
    آئس فیکٹریوں کی کھلے عام حفظان صحت کی دھجیاں،فوڈ اتھارٹی و ضلعی انتظامیہ خاموش تماشائی،ناقص پانی سے برف بنانے کا عمل جاری

    تفصیلات کے مطابق قصور اور گردونواح میں آئس فیکٹریوں کی طرف سے کھلے عام حفظان صحت کے اصولوں کی دھجیاں اڑائی جا رہی ہیں جبکہ فوڈ اتھارٹی و ضلعی انتظامیہ خاموش تماشائی کا کردار ادا کر رہی ہیں
    آئس فیکٹریوں میں بننے والی برف میں کیڑے،مکوڑے شامل ہو کر آ رہے ہیں
    نیز برف بنانے والے پرانے سانچوں کے باعث سانچوں کے ٹکڑے و زنگ برف کے اندر جم جاتا ہے جسے اسی طرح فروخت کیا جا رہا ہے
    نیز زیادہ تر آئس فیکٹریوں نے واٹر فلٹریشن سسٹم بھی نہیں لگایا اور عام پانی سے ہی برف بنا کر فروخت کی جا رہی ہے
    واضع رہے کہ چند سال قبل ہوئے ورلڈ ہیلتھ آرگنائزیشن کے سروے کے مطابق قصور کی ٹینریوں کی صنعت کے باعث دین گڑھ قصور سے 8 کلومیٹر سرکل میں زیر زمین پانی پینے کے قابل نہیں مگر اس کے باوجود قصور شہر میں آئس فیکٹری مالکان نے عام واٹر پمپ بورنگ کروا رکھی ہے اور کوئی فلٹریشن سسٹم نہیں لگایا
    ناقص پانی سے بنائی گئی اور سالوں پرانی سانچوں میں بننے والی برف انتہائی مضر صحت ہے جس سے کئی امراض جنم لے رہے ہیں جس کو روکنے کیلئے ضلعی انتظامیہ و فوڈ اتھارٹی کو واٹر فلٹریشن سسٹم اور حفضان صحت کے اصولوں پر برف بنانے کیلئے کاروائی کرنی ہو گی

  • پنجاب بھر کی طرح قصور میں بھی دفعہ 144 نافذ ،ڈپٹی کمشنر نے نوٹیفکیشن جاری کر دیا

    پنجاب بھر کی طرح قصور میں بھی دفعہ 144 نافذ ،ڈپٹی کمشنر نے نوٹیفکیشن جاری کر دیا

    قصور
    پنجاب بھر کی طرح ضلع قصور میں بھی دفعہ 144 نافذ,ڈپٹی کمشنر نے نوٹیفکیشن جاری کر دیا
    تفصیلات کے مطابق پنجاب بھر کی طرح ضلع قصور میں بھی دفعہ 144 کے نفاذ کیساتھ متعدد پابندیاں عائد کی گئی ہیں
    ڈپٹی کمشنر قصور عمران علی کی طرف سے نوٹیفکیشن جاری کیا گیا ہے جس میں
    عوامی مقامات پر قربانی کے جانوروں کے سری پائے جلانے، دریاؤں، جھیلوں، نہروں اور ڈیمز میں تیراکی کرنے، نہانے اور کشتی رانی پر بھی پابندی عائد کی گئی ہے نیز جانوروں کے فضلے اور اوجھڑی کو مین ہول، نالیوں یا نہر میں پھینکنے، منظور شدہ مویشی منڈیوں کے علاوہ کسی بھی جگہ قربانی کے جانوروں کی خرید و فروخت پر دفعہ 144 نافذ کی گئی ہے
    نوٹیفکیشن میں مزید کہا گیا ہے کہ پابندیوں کا فیصلہ انسانی جانوں کے تحفظ، امن و سکون اور ماحول کی بہتری کیلئے کیا گیا ہے

  • بند پیٹرول پمپ پر کھڑی بس کو آگ لگ گئی،دوسری بھی لپٹ میں

    بند پیٹرول پمپ پر کھڑی بس کو آگ لگ گئی،دوسری بھی لپٹ میں

    قصور
    بند پیٹرول پمپ پر کھڑی دو بسوں کو آگ لگ گئی،ریسکیو 1122 نے پہنچ کر آگ بجھائی

    تفصیلات کے مطابق
    ریسکیو 1122 قصور کنٹرول روم کو جمبر موڑ پھولنگر سے کال موصول ہوئی کہ ایک بند پیٹرول پمپ پر کھڑی ایک بس میں آگ لگ گئی ہے لہذہ قریبی اسٹیشن سے گاڑیاں بھیجیں
    ریسکیو سٹاف موقع پر پہنچا تو معلوم ہوا کہ جمبر موڑ پھولنگر قصور کے نزدیک واقع ایک بند پٹرول پمپ پر کھڑی ہوئی ایک بس میں شارٹ سرکٹ کی وجہ سے آگ لگی جس کے بعد ساتھ کھڑی ایک اور بس کو بھی اگ نے لپیٹ میں لے لیا
    ریسکیو سٹاف نے بروقت فائر فائٹنگ ریسکیو کرکے دونوں بسوں میں لگی آگ کو کامیابی کے ساتھ بجھا دیا

  • ہسپتال میں شہریوں سے زائد پیسے لینا اور مار پیٹ کرنا معمول ،ایک اور ویڈیو سوشل میڈیا پر

    ہسپتال میں شہریوں سے زائد پیسے لینا اور مار پیٹ کرنا معمول ،ایک اور ویڈیو سوشل میڈیا پر

    قصور
    بابا بلھے شاہ ہسپتال میں پارکنگ فیس زیادہ لینا اور شہریوں کیساتھ مار پیٹ کرنا معمول بنا گیا،ڈی سی قصور سے نوٹس کی اپیل

    تفصیلات کے مطابق سٹی قصور میں واقع سب سے بڑے سرکاری ہسپتال بابا بلھے شاہ ہسپتال قصور میں موٹر سائیکل پارکنگ کی پرچی فیس 10 روپیہ کی بجائے 30 روپیہ وصول کرنے پر ہسپتال کے عملے کی شہریوں پر تشدد کرنے کی ویڈیو سوشل میڈیا پر وائرل ہوئی ہے جس میں ہسپتال پارکنگ کا عملہ شہریوں کو تشدد کا نشانہ بنا رہا ہے واضع رہے کہ سرکاری طور پر موٹر سائیکل کی پارکنگ فیس 10 روپیہ مقرر کی گئی ہے مگر کے اس کے باوجود پارکنگ عملہ 30 روپیہ فی موٹر سائیکل وصول کرتا ہے
    شہریوں سے زائد پیسے لینے اور مار پیٹ کرنے پر شہریوں نے ڈی سی قصور سے فوری نوٹس لینے کا مطالبہ کیا ہے
    واضع رہے کہ اس سے قبل بھی کئی مرتبہ شہریوں سے زائد پیسے لینے اور عملے کی طرف سے شہریوں کیساتھ مار پیٹ کرنے کی شکایات موصول ہو چکی ہیں

  • قصور،موٹر سائیکل چور گینگ کے 3 ارکان رنگے ہاتھوں گرفتار

    قصور،موٹر سائیکل چور گینگ کے 3 ارکان رنگے ہاتھوں گرفتار

    قصور،موٹر سائیکل چور گینگ کے 3 ارکان رنگے ہاتھوں گرفتار،موٹر سائیکلز برآمد،مقدمہ درج

    تفصیلات کے مطابق قصور کے تھانہ سٹی اے ڈویژن کے ایس ایچ او ضیاء اللہ کی سرپرستی میں پولیس ٹیم نے موٹر سائیکلز چوری کرنے والے گینگ کے 3 ملزمان حسن ولد سرفراز قوم بھٹی سکنہ کوٹ مراد خان قصور،فیصل ولد آصف قوم آرائیں سکنہ بستی برات شاہ قصور اور ارشد ولد غلام مصطفیٰ قوم انصاری سکنہ برات شاہ قصور کو گرفتار کرکے ان کے قبضہ سے چوری کی 4 عدد موٹر سائیکلز برآمد کرکے ملزمان کے خلاف مقدمہ درج کرکے حوالات میں بند کر دیا ہے،ملزمان نے موٹر سائیکل چوری کا گینگ بنا رکھا تھا اور قصور سٹی اور قرب و جوار سے موٹر سائیکلز چوری کرتے تھے