Author: غنی محمود قصوری

قصور
پیٹرولیم مصنوعات کی قیمتوں میں ایک بار پھر سے اضافہ،مہنگائی بے روزگاری اور مہنگی بجلی سے تنگ عوام میں سخت تشویش اور غم و غصہ

تفصیلات کے مطابق رات گورنمنٹ کی جانب سے ایک بار پھر سے پیٹرولیم مصنوعات کی قیمتوں میں اضافہ کر دیا گیا ہے جس کے باعث مہنگائی،بےروزگاری اور مہنگی بجلی سے ستائی ہوئی عوام میں سخت تشویش اور غم و غصہ کی کیفیت پائی جا رہی ہے
گزشتہ رات گورنمنٹ کی جانب سے پٹرول کی قیمت میں 1 روپیہ کا اضافہ ہوا جس کے باعث اب پٹرول فی لیٹر 257 روپیہ 13 پیسے اور ڈیزل 7 روپیہ اضافے کیساتھ ڈیزل کی 267 روپیہ 95 پیسے فی لیٹر ملے گا
شہریوں کا کہنا ہے اگر پیٹرولیم مصنوعات کی قیمتوں میں اسی طرح اضافہ ہوتا رہا تو شہریوں کا جینا حرام ہو جائے گا

قصور
گزشتہ دنوں ڈی جی خان اور ملتان میں ہوئے گیس کنٹینرز دھماکوں سے قصور میں گھومنے والے گیس کنٹینرز سے لوگ پریشان،بم ڈسپوزیبل اسکواڈ اور ڈپٹی کمشنر قصور سے نوٹس کی اپیل

تفصیلات کے مطابق گزشتہ دنوں ملتان اور کل ڈی جی خان میں گیس کنٹینرز سے لیکج کے باعث ہونے والے دھماکوں کی بابت شہر قصور کے لوگ خوف میں مبتلا ہیں کیونکہ قصور کے مضافات میں بھی گیس کے کیپسول نما کنٹینرز گزرتے ہیں
اور زیادہ تر ان کنٹینرز کے گزرنے کا وقت دن کے اوقات میں ہے جس کے باعث لوگ تشویش میں مبتلا ہیں
شہریوں نے بم ڈسپوزیبل اسکواڈ اور ڈپٹی کمشنر قصور سے مطالبہ کیا ہے کہ ان کنٹینرز کو رات کے مخصوص اوقات میں سڑکوں پر آنے کی اجازت دی جائے اور دن کے وقت سڑکوں پر ان کو نا آنے دیا جائے تاکہ لوگوں کو تحفظ کا احساس ہو سکے اور کسی بڑے سانحے سے بچا جا سکے

قصور
ضلع کے واحد ڈی ایچ کیو ہسپتال میں ادویات نایاب،نا ایمرجنسی نا او پی ڈی میں ادویات میسر،شہریوں میں سخت تشویش،وزیر اعلی پنجاب اور وزیر صحت سے نوٹس کی اپیل

تفصیلات کے مطابق ضلع قصور کے واحد ڈی ایچ کیو ہسپتال المعروف بابا بلہے شاہ ہسپتال قصور سٹی میں ادویات کی سخت قلت ہے جس بابت مریضوں کیساتھ ساتھ ڈاکٹرز بھی سخت پریشان ہیں
ادویات نا ملنے پر مریض سخت پریشان ہیں اور ڈاکٹرز سے تکرار کرتے ہیں
نا تو ایمرجنسی سے ادویات ملتی ہیں نا ہی او پی ڈی سے
مجبوراً ڈاکٹرز کو ادویات لکھ کر دینی پڑتی ہیں
اس ساری صورتحال پر شہریوں میں سخت تشویش پائی جا رہی ہے
شہریوں نے وزیر اعلی پنجاب اور وزیر صحت پنجاب سے ادویات کی قلت کو دور کرکے ادویات کی فراہمی کو یقینی بنائے کی استدعا کی ہے

قصور
اسسٹنٹ ڈائریکٹر اوقاف حالیہ تعینات DG آفس لاہور کرپشن کا ماسٹر مائنڈ اور بے تاج بادشاہ، معصوم اور شریف لوگوں کا جینا حرام کر رکھا ہے

تفصیلات کے مطابق اسسٹنٹ ڈائریکٹر محکمہ اوقاف حافظ جاوید شوکت کرپشن کا بے تاج بادشاہ اور ماسٹر مائنڈ ہے
اسسٹنٹ ڈائریکٹر محکمہ اوقاف نے اپنے عہدے کا ناجائز فائدہ اٹھاتے ہوئے شہری عبدالحمید ولد محمد عنایت رہائشی موضع کھارا کے نام کا قومی شناختی کارڈ، جعلی سائن انگھوٹے لگا کر تکیہ گلاب شاہ کھارا 129 کنال 2023-2024 مالی سال اور 2024 سے 2025 ،جبکہ دربار بلہے شاہ کا زرعی رقبہ 71 کنال 5 مرلے 2024 سے 2025 تک لیز، ٹھیکہ پر حاصل کرکے کاشت کاری شروع کر رکھی ہے عبدالحمید کو پتہ چلنے پر اس نے سارے وقوعہ کی درخواست 26 جون 2024 کو انٹی کرپشن قصور کو دی جس پر کوئی کاروائی نا ہوئی تو 20 اگست 2024 کو وزیر اعلی کمپلین سیل میں درخواست دی گئی اور مؤقف اختیار کیا کہ میرے نام پر جعلی طریقے سے زمین ٹھیکہ پر حاصل کی گئی ہے جس کا مجھے علم نہیں
مذید اس بابت سیکرٹری اوقاف کو 20 اگست کو درخواست دی گئی جس پر تاحال کوئی کاروائی نہ کی ہے اور ڈی ایس پی قصور سٹی سرکل 22 اگست 2024 کو درخواست دی جس ہر DSP صاحب نے رپورٹ مرتب کی۔ تاہم اتنے ماہ گزرنے کے بعد محکمہ اوقاف نے
ابھی تک کوئی کاروائی نہ کی ہے۔ اس سے قبل حافظ جاوید بطور اسسٹنٹ ڈائریکٹر سنہ 2022 میں معطل بھی رہا ہے۔جبکہ 2023 میں بھی حافظ جاوید شوکت کی انٹی کرپشن میں انکوائریاں چلتی رہی ہیں۔
اس کے اثرورسوخ کے باعث ہمیشہ کی طرح اتنے ماہ گزرنے کے بعد بھی اس کے خلاف کوئی کاروائی نہ ہو رہی ہے۔
متاثرہ شخص عبدالحمید نے وزیراعلی پنجاب ،DG انٹی کرپشن اور خصوصی طور پرسیکرٹری اوقاف سے گزارش کی ہے خدا کا واسطہ اسکے خلاف کاروائی کرتے ہوئے متاثرہ کے نام سے زمین کینسل کی جائے اور اسکے قبضہ سے زرعی زمین سرکاری تحویل میں لی جائے

قصور
قریبی دیہات میں موبی لنک جاز نیٹ ورک نے لوگوں کو سخت پریشان کر رکھا ہے،بجلی جاتے ہی سگنلز بند،سخت مشکلات کا سامنا،انتظامیہ سے سائٹس کا وزٹ کرکے کاروائی کا مطالبہ

تفصیلات کے مطابق قصور کے قریب رہنے والے دیہات کے موبی لنک جاز و وارد صارفین کو نیٹ ورک کے مسائل کا سامنا ہے
بجلی بند ہوتے ہی سگنلز ڈراپ ہو جاتے ہیں اور انٹرنیٹ سروسز کیساتھ ساتھ کال کی انکمنگ و آؤٹ گوئنگ ختم ہو کر رہ جاتی ہے
زیادہ تر جاز،وارد صارفین کے نمبر ملانے پر دو سے چار بیلز جانے کے بعد پیغام ملتا ہے کہ آپکا نمبر درست نہیں ہے اس طرح ایمرجنسی کی صورت میں لوگوں کو سخت مشکلات کا سامنا کرنا پڑتا ہے
بیشتر علاقوں میں سپر 4G اور 4G سروسز مؤثر طریقے سے کام نہیں کر رہیں کیونکہ قریبی ٹاورز کی دستیابی کم کلومیٹرز تک ہے
صارفین کا ضلعی انتظامیہ قصور سے مطالبہ ہے کہ ان کی سائٹس کا وزٹ کرکے علاقے میں مذید ٹاورز نصب کروائے جائیں تاکہ صارفین کو تیز رفتار انٹرنیٹ اور بہتر کالنگ کی سہولت فراہم ہو سکے

قصور
پابندی اور گرفتاریوں کے باوجود قصور اور گردونواح میں پتنگ بازی جاری

تفصیلات کے مطابق قصور ضلع بھر اور خاص کر سٹی قصور و گردونواح میں پابندی اور گرفتاریوں کے باوجود پتنگ بازی جاری ہے
گزشتہ روز سٹی قصور کے تھانہ اے ڈویژن نے شہر میں پتنگ بازی کی روک تھام کیلئے کاروائی کرتے ہوئے پتنگ باز ملزم غلام حسن کو گرفتار کیا تھا جس کے قبضہ سے کثیر تعداد میں پتنگیں اور ڈور کی چرخی برآمد ہوئی تھی
تاہم تشویش ناک بات یہ ہے کہ سخت پابندی اور وارننگ کے باوجود پتنگ بازی جیسا خونی کھیل جاری ہے جس کی وجہ سے شہری خود کو غیر محفوظ محسوس کرتے ہیں
ماضی میں بھی قصور میں ڈور پھرنے سے کئی افراد جان سے ہاتھ دھو بیٹھے ہیں