Author: غنی محمود قصوری

قصور
عید الفطر پہ اندھیر نگری چوپٹ راج ،بڑا گوشت 1000 روپیہ اور چھوٹا گوشت 2200 روپیہ فی کلو تک فروخت،انتظامیہ خاموش تماشائی

تفصیلات کے مطابق قصور ضلع بھر میں گراں فروشوں نے حکومتی دعوے بے نقاب کر دیئے ہیں
گراں فروشوں نے عید الفطر کی آمد سے قبل ہی تمام ضروریات زندگی کی قیمتوں میں خودساختہ اضافہ کر دیا تھا
جس کو کنٹرول کرنے میں ضلعی انتظامیہ مکمل ناکام نظر آ رہی ہے اور انتطامیہ کے دعوے بے نقاب ہو رہے ہیں
عیدالفطر پہ قصابوں نے گراں فروشی کرتے ہوئے بڑا گوشت 900 سے 1000 روپیہ فی کلو اور چھوٹا گوشت 2100 سے 2200 روپیہ فی کلو تک فروخت کیا
مہنگائی کی ماری غریب عوام نے مجبور ہو کر مہنگے داموں گوشت خریدا
اس کے علاوہ تمام اشیاء من مانی قیمتوں پہ فروخت کی گئیں
عید الفطر کے موقع پہ کسی نے بھی پرائس کنٹرول نا تو عمل کیا اور نا ضلعی انتظامیہ نے کروایا

قصور
ضلع کی معروف شخصیت سابق چیف سیکرٹری پنجاب ،جاوید محمود قصوری کی نماز جنازہ آج صبح 10:30 پر ان کے آبائی گاؤں میں ادا کی جائے گی

تفصیلات کے مطابق قصور ضلع کی معروف ترین شخصیت سابق چیف سیکرٹری پنجاب،معروف سیاستدان جاوید محمود قصوری گزشتہ دن انتقال کرکے
ان کی وفات پہ ملک بھر سے لوگوں نے تعزیت کی اور ان کے رفقاء سے اظہار افسوس کیا
بطور سیاستدان جاوید محمود قصوری نے اپنے حلقے میں بہت اعلی خدمات سرانجام دیں
ان کی وفات پہ ہر آنکھ اشک بار ہے
ان کا نماز جنازہ 10:30صبح 08 اپریل کو ان کے آبائی گاؤں روشن فارم روشن بھیلہ قصور میں ادا کی جاٸیگی

قصور
نیشنل بینک قصور میں
نئے نوٹوں کی کاپیاں کسی کسٹمر کو نا دی گئی،سب دکانوں پہ سیل کر دی گئیں،کسٹمرز کو کہا گیا کہ نئی کرنسی نئی آئی

تفصیلات کے مطابق نیشنل بینک قصور میں اندھیر نگری چوپٹ راج ہے
بینک عملہ اپنے خاص کسٹمرز کو نوازتا ہے اور پیسے کماتا ہے
عید پہ آنے والی نئی کرنسی بینک عملے نے خاص لوگوں میں بانٹ دی اور کچھ منی چینج ایکسچینجز کو بیچ دی اور پیسے کمائے
جبکہ بینک کسٹمرز کو نئی کرنسی نہیں دی گئی
بینک کسٹمرز کے پوچھنے پہ بتایا گیا کہ نئی کرنسی نہیں ملی تاہم مصدقہ ذرائع سے تصدیق ہوئی کہ بینک میں نئی کرنسی آئی ہے جسے بینک عملہ نے منی چینج ایکسچینجز کو بیچ کر پیسے کمائے ہیں
نیشنل بینک کسٹمرز نے ڈپٹی کمشنر قصور اور بینک انتظامیہ سے نوٹس لینے کی اپیل کی ہے

قصور
قصور کا رہائشی لاہور کام سے اغواء ہوا،مالک کے مخالفین نے قتل کرکے ویڈیو کانٹیکٹ لسٹ میں شئیر کر دی،لوگوں میں شدید خوف و ہراس ،آئی جی پنجاب سے نوٹس کی اپیل

تفصیلات کے مطابق مشتاق احمد ولد نواب دین سکنہ قادر آباد قصور سٹی نے تھانہ صدر قصور کو مورخہ 11/3/24 کو درخواست دی کہ اس کا حقیقی بیٹا عاصم جمشید 28/2/24 کو لاہور کام پہ جاتے ہوئے لاپتہ ہے جس کا کوئی سراغ نا ملا ہے

فیملی ذرائع کے مطابق عاصم لاہور چونگی امر سدھو پہ واقع پیٹرول پمپ ملکیت ایم پی اے
رمضان صدیق بھٹی پہ کام کرتا تھا جس کو رمضان صدیق کے مخالفین نے اٹھایا اور رمضان صدیق سے کئے گئے مطالبات پورے نا ہونے پہ قتل کر دیا
قاتلوں نے مقتول کو قتل کرکے اس کی ویڈیو بنائی اور رمضان صدیق کو مخاطب کرتے ہوئے مقتول کی کانٹیکٹ لسٹ میں اس کی لاش کی ویڈیو شئیر کر دی
تھانہ صدر قصور نے مقتول کے غائب ہونے کی رپورٹ درج کرکے بھی اس کے موبائل کا سی ڈی آر نا نکلوایا جس کے باعث مقتول کی گمشدگی کا معمہ حل نا ہو سکا اور بلآخر مقتول کو قتل کر دیا
ورثاء نے آئی جی پنجاب سے قاتلوں کو جلد گرفتار کرنے اور ایم پی اے و مخالفین کے تنازعے میں اپنے مقتول کے قتل ہونے کی اصل وجہ سامنے لانے کی درخواست کی ہے

قصور
عید کے قریب بھرپور وارداتیں ،سی جی ون ٹو فائیو سوار ڈاکو دہشت کی علامت،لاہور قصور مصروف ترین روڈ پہ سرعام واردات کرکے بھاگنے میں کامیاب،پولیس خاموش تماشائی

تفصیلات کے مطابق عید کی آمد سے قبل ہی قصور سٹی میں وارداتیں بہت حد تک بڑھ گئی ہیں جس کے باعث شہری سخت پریشان ہیں
تقریباً ہر روز سرعام مین شاہراہوں پہ وارداتیں ہو رہی ہیں اور قصور پولیس ان وارداتوں کو رکوانے میں مکمل ناکام نظر آتی ہے
سی جی ون ٹو فائیو موٹر سائیکل سوار ڈاکو دہشت کی علامت بن چکے ہیں جو کہ جب چاہیں جہاں مرضی جا کر دن دیہاڑے لوٹ مار کرتے ہیں اور بآسانی فرار ہو جاتے ہیں
گزشتہ دنوں معروف صدر دیوان روڈ سٹی قصور میں لاکھوں روپیہ کی سرعام واردات کے بعد کل دن گیارہ بجے لاہور قصور مصروف ترین شاہراہ پہ واقع الغنی میرج ہال اور شیل پیٹرول پمپ کے ساتھ واقع بیکری پہ دو ون ٹو فائیو سوار ڈاکو آئے اور اسلحہ کے زور پہ بیکری کے مالک محمد شہزاد سے 30 ہزار روپیہ نقدی اور قیمتی موبائل فون چھین کر فرار ہو گئے
ڈاکو جاتے ہوئے بیکری مالک کو زدو کوب بھی کرکے گئے
واردات کی اطلاع پولیس کو دینے پہ پولیس نے تھانے آنے کا کہا اور بیکری مالک کو سیکیورٹی گارڈ رکھنے کا حکم دیا حالانکہ صرف چند گز پہ واقع میرج ہال اور پیٹرول پمپ کے کئی گارڈز پہلے سے موجود ہیں نیز ایک ایسی شاہراہ کہ جہاں 24 گھنٹوں میں ہزاروں گاڑیاں ایک سیکنڈ وقفے سے گزرتی ہیں،پر واردات ڈاکوؤں کی دیدہ دلیری اور پولیس کیا ناکامی کا منہ بولتا ثبوت ہے
سٹی قصور کے شہریوں نے بڑھتی ہوئی وارداتوں کے پیش نظر اور پولیس کی ناکامی پہ وزیر اعلیٰ پنجاب اور آئی جی پنجاب سے نوٹس لے کر تحفظ دینے کی درخواست کی ہے

قصور پولیس نے بدنام زمانہ منشیات فروش گرفتار
تھانہ چھانگا مانگا پولیس نے منشیات فروشی کا مکروہ دھندہ کرنے والوں کے خلاف کریک ڈاؤن جاری کرتے ہوئے
ایس ایچ او طارق محمود کی سربراہی میں کاروائی کرتے ہوئے بدنام زمانہ اور ریکارڈ یافتہ ملزم شعیب کو گرفتار کر لیا
گرفتار ملزم کے قبضہ سے ڈیڑھ کلوگرام سے زائد چرس برآمد، ہوئے ہے پولیس نے مقدمہ درج کر لیا
ملزم قصبہ چھانگا مانگا اور گردونواح میں منشیات فروشی سے نوجوان نسل کو تباہ کر رہا تھا
ڈی پی او طارق عزیز سندھو کی خصوصی ہدایات پر ضلع بھر میں منشیات فروشوں کے خلاف بھرپور کاروائیاں جاری ہیں

قصور
سٹی پولیس وارداتیں رکوانے میں مکمل ناکام،ایک ہی علاقے میں گزشتہ 3 دونوں میں 5 وارداتیں،گزشتہ دن 4 بجے سرعام واردات ،شہریوں میں خوف و ہراس

تفصیلات کے مطابق قصور پولیس کرائم روکنے میں مکمل طور پہ ناکام نظر آ رہی ہے
عید کی آمد کے قریب وارداتیں بڑھ گئی ہیں
ڈاکو سرعام بےخوف و خطر لوگوں کو لوٹ رہے ہیں
سٹی قصور کے معروف علاقے صدر دیوان روڈ پہ گزشتہ 3 دنوں میں 5 وارداتیں ہو گئی ہیں
گزشتہ دن صدر دیوان روڈ پہ 4 بجے دن کو 3 ون ٹو فائیو موٹر سائیکل سوار ڈاکوؤں نے کار سواروں کو مین روڈ پہ روکا اور اسلحہ کی نوک پہ سرعام واردات کی
سی سی ٹی وی فوٹیج میں ڈاکوؤں کی دیدہ دلیری نظر آ رہی ہے جس کے باعث شہری خود کو عدم تحفظ کا شکار محسوس کر رہے ہیں
شہریوں کا کہنا ہے کہ اگر ہم مین شاہراہوں پہ محفوظ نہیں تو ذیلی کم ٹریفک والی شاہراہوں پہ تو حالات اس سے بھی سخت ترین خراب ہونگے

شہریوں نے آئی جی پنجاب اور وزیراعلی پنجاب سے ازخود نوٹس لے کر تحفظ فراہم کرنے کی اپیل کی ہے

قصور
پیٹرولیم مصنوعات کی قیمتوں میں اضافے پر شہریوں کی طرف سے اظہار تشویش،مہنگائی کی نئی لہر جاری،گورنمنٹ شرم کرے،اپنے اخراجات عوام پہ نا ڈالے

تفصیلات کے مطابق گزشتہ دن گورنمنٹ کی طرف سے ماہ رمضان میں عید کے قریب پیٹرولیم مصنوعات کی قیمتوں میں سرکاری طور پہ اضافے کے بعد عوام نے شدید تشویش کا اظہار کیا ہے
عوام کا کہنا ہے کہ گورنمنٹ ہوش کے ناخن لینے کے ساتھ ساتھ شرم کرے اپنی شاہ خرچیاں عوام کے کھاتے نا ڈالے اور اپنے اخراجات ختم کرنے کی بجائے عوام کو قربانی کا بکرا نا بنائے
لوگوں کا کہنا ہے کہ الیکشن سے قبل بڑے بڑے دعوے کرنے والے ماہ رمضان میں رب سے ڈریں اور اپنے وعدے پورے کریں
پیٹرولیم مصنوعات کی قیمتوں میں اضافے کیساتھ ہی مہنگائی کی نئی لہر نے جنم لیا ہے اور مہنگائی کا نیا طوفان غریب لوگوں کی زندگیوں پہ اثر انداز ہو رہا ہے جس سے غریب عوام کی مشکلات اور بڑھ گئی ہیں

قصور
قصور پولیس کی بڑی کارروائی ،قصور سے اغواء یونے والی لڑکی سندھ کے کچے کے علاقے سے بازیاب

تفصیلات کے مطابق قصور پولیس کی طرف سے بڑی کارروائی میں چار روز قبل پھولنگر سے اغوا ہونیوالی لڑکی کو صوبہ سندھ میں کچے کے علاقہ کشمور سے باحفاظت برآمد کروا لیا گیا
چار روز قبل پھولنگر قصور سے اغوا ہونیوالی سونیا بی بی صوبہ سندھ میں کچے کے علاقہ کشمور میں ڈاکوؤں کے ہتھے چڑھ گئی تھی جس پہ
ڈی پی او قصور طارق عزیز سندھو نے سندھ پولیس کے افسران کیساتھ رابطہ کیا اور سونیا بی بی کے اغوا کے متعلق آگاہ کیا اور
ڈی پی او قصور سندھو پولیس کیساتھ مسلسل رابطے میں رہے اور سونیا بی بی کی لوکیشن اور دیگرانفارمیشن شیئر کی جاتی رہیں
بالآخر سندھ پولیس اور پنجاب پولیس ضلع قصور کی مشترکہ کاوش سے سونیا بی بی کو کشمور کے علاقہ سے باحفاظت بازیاب کروا لیا گیا
تھانہ سٹی پھولنگر پولیس نے ایس ایچ او ثقلین بخاری کی سربراہی میں پنجاب باؤنڈری سے سندھ پولیس کے آفیسرز کا شکریہ ادا کیا
قصور پولیس کی طرف سے سندھ پولیس کے آفیسرز کو پنجاب کی روایتی پگ پہنا کر شکریہ ادا کیا گیا
تھانہ سٹی پھولنگر پولیس نے سونیا بی بی کو باحفاظت والد کے حوالے کر دیا گیا جس پہ سونیا کے والدین نے قصور پولیس کا شکریہ ادا کرتے ہوئے ڈھیروں دعائیں دیں
قصور پولیس کی اس کامیابی پہ پھولنگر کے شہری اور سماجی حلقوں نے قصور پولیس کی کامیاب کاروائی پر ڈی پی او قصور طارق عزیز سندھو اور انکی ٹیم کو بھرپور خراج تحسین پیش کیا