Author: غنی محمود قصوری

قصور
اساتذہ اپنے حقوق کے لئے سڑکوں پہ در بدر ،طلباء گھروں میں،حکومت ہوش کے ناخن لے،طلباء کے والدین کی پنجاب گورنمنٹ سے اپیل

تفصیلات کے مطابق پنجاب بھر کی طرح ضلع قصور کے اساتذہ بھی اپنے حقوق کی خاطر سڑکوں پہ مارے مارے پھر رہے ہیں اور در بدر کی ٹھوکریں کھا رہے ہیں اساتذہ کی اسی غیر حاضری کی بدولت طلباء گھروں میں بیٹھے ہیں اور ان کی پڑھائی کا حرج ہو رہا ہے
طلباء کے والدین نے پنجاب گورنمنٹ سے ہوش کے ناخن لینے کی اپیل کی ہے اور کہا ہے کہ انسانی شعبہ کے سب سے معتبر شعبے کے لوگوں کو ذلیل نا کیا جائے اور سرکار اپنی اشرافیہ کے اخراجات کم کرکے اساتذہ و تعلیمی سٹاف کو مذید سہولیات دے ناکہ اس طرح سڑکوں پہ ذلیل کیا جائے اور مار پیٹ کا نشانہ بنائے جائے اگر گورنمنٹ اتنی ہی کفایت پسند ہے تو پہلے اپنے اعلی عہدیداران سے کام کا آغاز کیا جائے نا کہ مستقبل کے معماروں کے اساتذہ سے

قصور
گزشتہ ماہ واپڈا کی طرف سے بجلی چوری والے علاقوں سے اتارے گئے ٹرانسفارمرز نہیں لگائے گئ،بل ادا کرنے والے صارفین سخت پریشان،وزیراعظم،وزیراعلی پنجاب و چیئرمین واپڈا سے از خود نوٹس کی اپیل

تفصیلات کے مطابق لیسکو واپڈا قصور نے گزشتہ ماہ بجلی چوری کے خلاف آپریشن میں بیشتر علاقوں بلخصوص موضع میر محمد،موضع ستوکی و ذیلی حویلیوں سے ٹرانسفارمرز اتار لئے تھے
بقول واپڈا اہلکاران ان علاقوں میں عرصہ دراز سے 90 فیصد سے زائد بجلی چوری ہوتی تھی اور زیادہ تر لوگوں نے ڈائریکٹ کنڈیاں لگا رکھی تھیں جس سے واپڈا کو سخت خسارا تھا
واپڈا کی طرف سے آپریشن میں ٹرانسفارمرز اتارے تقریباً ایک ماہ ہونے کو ہے تاہم ابھی ٹرانسفارمرز واپس نہیں لگائے گئے جس پہ بل ادا کرنے والے صارفین کا کہنا ہے کہ ہمارا کیا قصور ہے ہم تو بل ادا کرتے تھے ہماری بجلی کیوں بند ہے؟
متاثرہ صارفین نے وزیراعظم پاکستان،وزیراعلی پنجاب و چیئرمین واپڈا سے از خود نوٹس لے کر انصاف مہیا کرنے کی اپیل کی ہے

قصور

سیکیورٹی گارڈ سے اچانک پمپ ایکشن شاٹ گن چل گئی،5 افراد زخمی

تفصیلات کے مطابق گزشتہ دن دربار حضرت بابا بلھے شاہ کے قریب نجی ایکسچینج کے سیکیورٹی گارڈ سے 12 بور پمپ ایکشن شاٹ گن اچانک چل جانے کا افسوسناک واقعہ پیش آیا جس میں خاتون سمیت 5 افراد شدید زخمی ہو گئے زخمیوں میں ایک بچے کی حالت تشویشناک ہے
زخمیوں کو علاج کے لئے ڈی ایچ کیو ہسپتال قصور لیجایا گیا جہاں کم زخمیوں کو طبی امداد کے بعد گھر روانہ کر دیا گیا تھا
شہری حلقوں نے ڈی سی قصور و ڈی پی او قصور سے مطالبہ کیا ہے کہ ضلع بھر کے تمام سیکیورٹی گارڈز کے ویپنز کو چیک کیا جائے کیونکہ بیشتر ہتھیار کئی دہائیاں پرانے ہیں اور بیشتر سیکیورٹی گارڈ بھی غیر تربیت یافتہ ہیں
ان غریب مجبور سیکیورٹی گارڈز کو سیکیورٹی کمپنیاں بہت کم پیسوں میں ماہانہ تنخواہ پہ رکھ لیتی ہیں اور انتہائی خستہ حال ہتھیار تھما دیتی ہیں نیز سیکیورٹی گارڈوں سے ڈیوٹی 12’گھنٹے لی جاتی ہے اور اکثر و بیشتر چھٹی کرنے والے گارڈ کی جگہ اسی سیکیورٹی گارڈ کو مذید بارا گھنٹے کے لئے ڈیوٹی پہ روک لیا جاتا ہے جس کے باعث نیند کے مارے سیکیورٹی گارڈز نیم مدہوشی میں ڈیوٹیوں پہ دیکھ جاتے ہیں

قصور
سرکاری سکولوں کی نجکاری کے خلاف اساتذہ کی طرف سے ہڑتال،سکولوں کے اساتذہ و بچے و والدین سخت پریشان

تفصیلات کے مطابق پنجاب گورنمنٹ کی طرف سے سرکاری سکولوں کی نجکاری کئے جانے کے اعلان کے بعد سرکاری سکولوں
میں پڑھنے والے بچے،اساتذہ اور بچوں کے والدین سخت پریشان ہیں
اطلاعات کے مطابق نگران گورنمنٹ پنجاب کی طرف سے سرکاری سکولوں کو پرائیویٹ سیکٹر کو دینے کا منصوبہ بنانے کا انکشاف ہوا ہے جس کے تحت بچوں کو مفت کتابیں نہیں ملیں گیں اور غریبوں کے بچے تعلیم حاصل نہیں کر سکیں گے
نیز سرکاری سکولوں کو پرائیویٹ کرنے سے لاکھوں ملازمین اور اساتذہ بھی متاثر ہوں گے
پنجاب حکومت کے اس ظالمانہ فیصلے کے خلاف پنجاب ایجوکیٹرز ایسوسی ایشن اور سرکاری ملازمین کی نمائندہ تنظیموں نے پورے پنجاب میں ہڑتال اور احتجاج کا اعلان کر دیا ہے جس میں ہر ضلع کے ڈی سی آفس کے سامنے پر امن احتجاج ہو گا
گزشتہ دن سکولوں میں دس بجے کے بعد چھٹی کا اعلان کیا گیا اور احتجاج کیا گیا
زیر تعلیم بچوں،اساتذہ اور بچوں کے غریب والدین نے پنجاب گورنمنٹ سے استدعا کی ہے کہ ہم تعلیمی میدان پہلے ہی بہت پیچھے ہیں اب اگر سکولوں کو پرائیویٹ کر دیا گیا تو غرباء کے بچے تعلیم سے محروم ہو جائیں گے اور ہم مذید پیچھے رہ جائیں گے اور ترقی بلکل نا کر پائیں گے لہذا گورنمنٹ اپنے فیصلے پہ نظر ثانی کرے اور تعلیم حاصل کرنے والے غریب بچوں،ان کے والدین،اساتذہ و ملازمین پہ شب خون نا مارے

قصور
اینٹی کرپشن قصور نے لوگوں کو بلیک میل کرنے والا جعلی صحافی گرفتار کر لیا،مقدمہ درج

تفصیلات کے مطابق قصور میں اینٹی کرپشن پولیس نے جعلی صحافی گرفتار کر لیا
قصور کے سینئیر صحافی محمد افضل ناصر بھٹی کے اخبار روز نامہ برسر پیکار کا جعلی پریس کارڈ بنا کر لوگوں کو بلیک میل کرنے والا صحافی اینٹی کرپشن پولیس قصور نے گرفتار کرکے تھانہ صدر قصور میں مقدمہ نمبر 1050/20 قائم کر دیا
اینٹی کرپشن قصور کو اطلاع ملی کہ فخر زمان نامی صحافی لوگوں کو بلیک میل کرتا ہے اور خود کو روزنامہ برسر پیکار قصور کا سرکولیشن مینیجر ظاہر کرتا ہے اس بابت جب اینٹی کرپشن قصور نے تحقیق کی تو پتہ چلا کہ سینئر صحافی قصور افضل ناصر بھٹی کے اخبار کا جعلی پریس کارڈ بنا کر ملزم سادا لوح لوگوں کو بلیک میل کرتا ہے اور صحافی نے اینٹی کرپشن نے ملزم کو حراست میں لے کر جعلی پریس کارڈ برامد کر لیا اور تھانہ صدر قصور کے حوالے کر دیا جہاں ملزم سے تفیش جاری ہے

قصور
جرائم پیشہ عناصر کے خلاف کاروائیاں تیز،منشات فروش رنگے ہاتھوں گرفتار

تفصیلات کے مطابق ڈسٹرکٹ پولیس قصور نے جرائم پیشہ عناصر کے خلاف کارروائیاں تیز کر دی ہیں جس کے
منشیات فروشوں کو پکڑنے کی خصوصی ہدایات جاری کی گئی ہیں
تھانہ صدر پتوکی نے کاروائی کرتے ہوئے بدنام زمانہ منشیات فروش عاشق عرف بولا گڑھی گر فتار کو رنگے ہاتھوں منشیات فروخت کرتے کر لیا جس کے قبضہ سے ڈیڑھ کلوگرام کے قریب چرس برآمد ہوئی ہے
پولیس نے مقدمہ درج کرکے تفتیش کا آغاز کر دیا ہے

قصور
گردونواح میں نامعلوم ڈاکو شہریوں کو بزور اسلحہ بندی بنا کر زبردستی لاکھوں روپے نقدی،موٹر سائیکل،موبائل فونز،ڈش رسیورز،میموری کارڈ و دیگر قیمتی سامان لوٹ کر موقع سے فرار۔ قاری شرافت نے پولیس تھانہ صدر قصور میں مقدمہ درج کروایا ہے کہ اٹھیل پور گاؤں میں میرے گھر میں دیوار پھلانگ کر نامعلوم آئے اور اسلحہ کے زور پر نقدی،4 عدد بیٹریاں ودیگر سامان لوٹ کر لے گئے ہیں۔رضا اشرف نے پولیس تھانہ صدر قصور میں اطلاع دی ہے کہ بائی پاس کے قریب تین کس افراد نے گن پوائینٹ پر مجھ سے ایک عدد ٹیب،20 ہزار روپے نقدی اور موبائل فون لوٹ لیے ہیں
چک نمبر 1 روسہ ٹبہ کے رہائشی کرامت علی نے پولیس تھانہ صدر چونیاں میں مقدمہ درج کروایا ہے کہ روسہ ٹبہ میں میری موبائل شاپ کی چھت پھاڑ کر نامعلوم چور 20 موبائلز،میموری کارڈ،اسیسری،سامان،،30ڈش رسیور اور نقدی رقم چوری کرکے لے گئے ہیں
۔زیشان نے پولیس تھانہ صدر چونیاں میں اطلاع دی ہے کہ کھائی روڈ پر نامعلوم نے میری موٹر سائیکل چھین لی ہے۔اشفاق احمد نے پولیس تھانہ الہ آباد میں اطلاع دی ہے کہ تلونڈی کے قریب تین کس نے گن پوائینٹ پر مجھ سے 73 ہزار روپے نقدی اور موبائل فون چھین لیے ہیں۔چک 30 کے رہائشی محمد جاوید انور نے پولیس تھانہ صدر پتوکی میں درخواست دی ہے کہ مسجد قدس کا صدر ہوں گزشتہ روز مسجد کے امام صاحب نے بتایا ہے کہ نامعلوم چور مسجد سے تقریباً 430 قرآن مجید اور دیگر مذہبی کتابیں چوری کرکے لے گئے ہیں۔مقامی پولیس مصروف کاروائی ہے۔