Author: غنی محمود قصوری

قصور
الہ آباد میں چور اور چوکیدار آپس میں مل گئے ہیں اے سی چونیاں نے جعلی کھاد فروخت کرنے والے دکاندار کے خلاف کارروائی کرنے کی بجائے شکایت کنندہ سے ڈیل کروانے کو ترجیح دی ہے اور جعلی کھاد بچنے والے کے خلاف کوئی کارروائی نہ ہو سکی

تفصیلات کے مطابق نواحی گاؤں مستوال کے رہائشی طارق وغیرہ نے قصبہ ارزانی پور کے دکاندار ملک افتخار سے گوارہ کھاد بلیک میں 2800 روپے اور ڈی اے پی کھاد 10000 روپے میں خریدی اور گلاب کی فصل کو لگانے کے لئے ڈرم میں ڈال کر پانی ملایا تو کھاد کی بجائے رنگ کیا ہوا پتھر نکل آیا اے سی چونیاں کو اطلاع دی تو اے سی چونیاں نے اپنے سرکاری گن مین نوید کو شکائت کنندہ اور جعلی کھاد بیچنے والے دکاندار کا نام پتہ نوٹ کروا دیا اے سی چونیاں نے بتایا کہ میں قصور میٹنگ پر جا رہا ہوں واپسی پر جعلی کھاد بیچنے والے کے خلاف کارروائی کی جائے گی تھوڑی دیر بعد کھاد بیچنے والے دکاندار نے شکایت کنندہ کو فون کیا کہ مہربانی کر کے معاملہ رفع دفع کر دو اور آ کر اپنے پیسے لے جاؤ
مقامی کسانوں نے اے سی چونیاں کے سرکاری گن مین نوید کے خلاف کارروائی کا مطالبہ کیا ہے کہ اس نے اے سی چونیاں کے پاس آنے والی معلومات میں خیانت کرتے ہوئے جعلی کھاد فروخت کرنے والے دکاندار سے ساز باز ہو کر اس کو سب کچھ بتا دیا حالانکہ اے سی چونیاں نے وعدہ کیا تھا کہ مذکورہ دکاندار کی دکان سیل جائے گی اور اس کے خلاف مقدمہ درج کر کے گرفتار کیا جائے گا

قصور
بےدردی سے قتل ہونے والے تاجر محمد اسلم کے ورثا کا الہ آباد ٹھینگ موڑ مین چوک میں احتجاج،پورا علاقہ غم و غصے میں مبتلا،ڈی پی او قصور کی سات دن کی یقین دہانی پر احتجاج ختم

تفصیلات کے مطابق قصور کی تحصیل چونیاں کے شہر الہ آباد میں گزشتہ روز اے ڈی ہوٹل کے مالک محمد اسلم کو نا معلوم اغواء کاروں نے اغوا کے بعد بڑی بےدردی سے قتل کر دیا تھا جس پر آج صبح سویرے مقتول کے ورثاء نے لاش سڑک پر رکھ کر شدید احتجاج کیا
پورا الہ آباد احتجاج میں امڈ آیا اور فی الفور قاتلوں کی گرفتاری کا مطالبہ کیا
احتجاج کے باعث پورا شہر بند ہو گیا اور سڑکوں پر ٹریفک جام ہو گئی
مظاہرین نے قاتلوں کی گرفتاری تک نعش کو نا دفنانے اور احتجاج جاری رکھنے کا اعلان کیا
مقامی پولیس نے مظاہرین سے مذاکرات کی کوشش کی مگر ناکام رہی
ڈی پی او قصور محمد صہیب اشرف موقع پر خود پہنچے اور سات دن میں قاتلوں کو گرفتار کرکے سزا دلوانے کی یقین دہانی کروائی جس پر احتجاج ختم ہوا
مقتول محمد اسلم کی نماز جنازہ بلال میرج ہال الہ آباد میں 10:30 پر ادا کی گئی جس میں پورے شہر کے لوگوں نے شرکت کی اور مرحوم کی دعائے مغفرت کیساتھ قاتلوں کی جلد سے جلد گرفتاری کا مطالبہ کیا

بے دردی سے قتل کے بعد پورے علاقے کی فضاء سوگوار ہے لوگوں میں خوف کی لہر پائی جا رہی ہے

قصور
قصور پولیس نے اپنی کارکردگی رپورٹ جاری کر دی،100 سے زائد ملزمان گرفتار

تفصیلات کے مطابق ڈی پی او قصور محمد صہیب اشرف کی خصوصی ہدایات پر شہریوں کی جان و مال کی حفاظت کو یقینی بنانے کیلئے پولیس نے ہنگامی بنیادوں پراقدامات کیے ہیں جس کا مقصد عوام کی جان و مال کی حفاظت کو یقینی بنانا اور سنگین جرائم میں ملوث ملزمان کی گرفتاریوں کو یقینی بنانا تھا۔پولیس کی مسلسل محنت کے نتیجہ میں پولیس نے ماہ مئی کے دوران بین الاضلاعی خطرناک ڈکیت گینگ سمیت 19 گینگز کے 56 ارکان کو گرفتار کیا جن کے قبضہ سے 40 لاکھ روپے مالیت کا مال مسروقہ اور مختلف قسم کا جدید ناجائز اسلحہ برآمد کیا گیا ہے جبکہ دوران تفتیش ملزمان نے ضلع قصور میں 100 سے زائد سنگین وارداتوں کا انکشاف کیا ہے مجرمان اشتہاریوں کیخلاف کاروائیوں کے دوران قتل، ڈکیتی، راہزنی اور دیگر سنگین مقدمات میں مطلوب 156 مجرمان اشتہاری اور 295 عدالتی مفروران کو گرفتار کیا گیا
گرفتار اشتہاریوں میں 25 اے کیٹگری کے اشتہاری بھی شامل ہیں، اسی طرح ناجائز اسلحہ رکھنے والوں کیخلاف خصوصی مہم کے دوران 196 ملزمان کو گرفتار کرکے ملزمان کے قبضہ سے01کلاشنکوف،11رائفل،16بندوق،164پسٹل،04 کاربین اور 08 میگزین برآمد کرکے مقدمات درج کیے گئے ہیں
منشیات فروشوں کے خلاف کریک ڈاؤن کرتے ہوئے 108بدنام زمانہ منشیات فروشوں کو گرفتار کرکے ملزمان کے قبضہ سے 64 کلوگرام چرس اور 1034 لیٹر دیسی شراب برآمد کرکے مقدمات درج کیے گئے ہیں
ماہ مئی کے دوران 06 قمار بازی کے اڈوں پر چھاپوں مارے گئے اور 33 ملزمان کو گرفتار کرکے داؤ پر لگی 50 ہزار روپے کی رقم برآمد کرکے مقدمات درج کیے گئے
کائیٹ فلائنگ ایکٹ کی خلاف ورزی پر بھرپور کاروائیاں کی گئیں اور 126مقدمات درج کرکے ملزمان کے قبضہ سے ہزاروں کی تعداد میں پتنگیں اور کیمیکل ڈور کی چرخیاں برآمدکی گئیں ہیں
ڈی پی اوقصور نے کہا قصور پولیس کا ہر ایک جوان شہریوں کی جان و مال کی حفاظت کیلئے دن رات کوشاں ہے باقی ماندہ ملزمان کی گرفتاریوں کیلئے سپیشل ٹیمیں کام کر رہی ہیں جنہیں جلد گرفتار کرلیا جائے گا

قصور
موسم گرما کی چھٹیاں،کئی سکولوں میں بچے نئی کتابوں سے محروم،

تفصیلات کے مطابق ضلع قصور میں موسم گرما کی سالانہ چھٹیاں تو کروا دی گئی ہیں مگر ضلع بھر کے بیشتر سکولوں میں بچوں کو کتابیں نہیں ملیں

کوویڈ 19 وباء کی بدولت پچھلے دو سالوں سے مسلسل چھٹیوں کے باعث اس بار سالانہ امتحانات تاخیر کا شکار ہوئے
اور گزشتہ ماہ سالانہ امتحانات لئے گئے اور فوری رزلٹ کارڈ بنا کر بچوں کو نئی کلاسوں میں داخل کیا گیا مگر افسوس کہ گرمیوں کی سالانہ چھٹیوں کا اعلان یکم جون سے تو کر دیا گیا ہے مگر بیشتر سکولوں میں بچوں کو کتابیں نہیں دی گئیں جس کے باعث والدین سخت پریشان ہیں
کیونکہ چھٹیاں تین ماہ کی ہیں اور بچوں کیلئے ہوم ورک ہی نہیں
بچوں کے والدین نے حکومت پنجاب سے گزارش کی ہے کہ جلد از جلد بچوں کو کتابیں مہیا کی جائیں تاکہ سالانہ تین ماہ کی چھٹیوں میں ان کی تعلیمی سرگرمیوں کا حرج نا ہو اور بچوں کا تعلیم سے ربط ٹوٹنے نا پائے

قصور
ننھی بچی کی احمد تھیلیسیمیا کئیر ہسپتال اینڈ ریسرچ سنٹر کنگن پور کو جلد سے جلد پایہ تکمیل تک پہنچانے کی فریاد

تفصیلات کے مطابق احمد تھیلیسیمیا کئیر ہسپتال و ریسرچ سنٹر کنگن پور قصور کی کنسٹرکشن کا کام جاری ہے
جس کے باعث تھیلیسیمیا کے مریض بچوں کو پہلی روٹین کے مطابق بلڈ لگوانے کیلئے قصور سے لاہور لیجایا جاتا ہے
تھیلیسیمیا کی مریض بچی ایمان فاطمہ کے والدین اس کی مرض کی خاطر نہایت پریشان رہتے ہیں کیونکہ ہر ہفتے خون کا انتظام کرنا بہت مشکل ہے
احمد تھیلیسیمیا کئیر ہسپتال کی انتظامیہ نے ایمان فاطمہ کے ٹیسٹ کروائے ،میڈیسن لے کردی اور فریش بلڈ لگوایا گیا
احمد تھیلیسیمیا کیئر فاؤنڈیشن انتظامیہ نے بات چیت کرتے بتایا کہ
ان بچوں کی بہترین کیئر کی جا رہی ہے اور یہ بچے ہمیں بہت عزیز ہیں ہم اس پر اپنے اللہ کا شکر ادا کرتے ہیں اور ہم آپ سے اپیل کرتے ہیں کہ اس بیٹی جیسے،اس ننھی کلی جیسے سینکڑوں بچے ہیں ہمارے گردونواح میں جو لاہور کا سفر کرتے ہیں صعوبتیں برداشت کرتے ہیں
تھیلیسیمیا کی مریض بچی ایمان نے اہلیان علاقہ کے مخیر حضرات سے اپیل کی ہے کہ احمد تھیلیسیمیا کئیر ہسپتال کی جلد سے جلد تکمیل کیلئے دل کھول کر عطیات دیئے جائیں تاکہ ہسپتال کی جلد تکمیل ہو اور ان بچوں کو کنگن پور قصور میں ہی تمام سہولیات مہیا ہو سکیں

قصور
سخت گرمی کے باوجود ضلع بھر کے بیشتر فیڈروں سے کل رات سے بجلی غائب،راؤ خانوالہ فیڈر کے کئی دیہات میں رات سے لوگ بجلی سے محروم

تفصیلات کے مطابق لیسکو قصور کی طرف سے ضلع بھر کے بیشتر فیڈروں کی بجلی بند ہے
ڈویژن کوٹ رادھا کشن کی سب ڈویژن راجہ جنگ کے فیڈر راؤ خانوالہ کے بیشتر دیہات میں کل رات سے بجلی بند ہے
جس کے باعث لوگ پانی کی بوند بوند کو ترس گئے ہیں اور بغیر پنکھوں کے سخت گرمی میں وقت گزار رہے ہیں
فیڈر راؤ خانوالہ کے بیشتر دیہات میں یہ معمول بن چکا ہے کہ سارا سارا دن بجلی غائب رہتی ہے
زیادہ تر دن کے 12 گھنٹوں میں محض 4 سے 5 گھنٹے ہی بجلی مہیا کی جاتی ہے جس کی شکایات کئ بار لوگوں نے اعلی حکام تک پہنچائیں ہیں مگر کوئی کاروائی عمل میں نہیں لائی جاتی
شہریوں نے ایس ای لیسکو قصور اور ڈپٹی کمشنر قصور سے نوٹس لینے کا مطالبہ کیا ہے

قصور
پیٹرولیم مصنوعات کی قیمتوں میں اضافے کے بعد مہنگائی کا طوفان،ہر چیز کی قیمتیں بڑھ گئیں،شہری سخت پریشان

تفصیلات کے مطابق پیٹرولیم مصنوعات کی قیمتوں میں حالیہ اضافے کے بعد قصور میں مہنگائی کا نیا طوفان آ گیا ہے جس کے باعث شہری سخت پریشان ہو گئے ہیں
پیٹرولیم مصنوعات کی قیمتوں میں اضافے کے بعد دکانداروں نے تمام ضروریات زندگی کی اشیاء کی قیمتیں بڑھا دی ہیں جبکہ سرکاری ریٹ ابھی تک نہیں بڑھے

دکانداروں و تاجروں کا کہنا ہے کہ پیٹرولیم مصنوعات کی قیمتوں میں اضافے کے باعث کرایوں و دیگر اخراجات میں اضافہ ہو گیا ہے جس کے باعث قیمتیں بڑھانا ہماری مجبوری بن گئی ہے
دوسری طرف شہریوں کا کہنا ہے کہ ضلعی انتظامیہ سرکاری ریٹ پر چیزوں کی فراہمی کو یقینی بنانے پر سخت ناکام ہے جس کے باعث مہنگائی کا طوفان آیا ہے
شہریوں نے ڈپٹی کمشنر قصور سے ازخود نوٹس لینے کی اپیل کی ہے

قصور
پتوکی کی ڈومیسائل برانچ میں تعینات کلرک لوگوں کیلئے عذاب بن گیا ،شہریوں کا ڈی سی قصور سے کاروائی کا مطالبہ

تفصیلات کے مطابق چراغ تلے اندھیرے کی مثال تحصیل انتظامیہ پتوکی انتظامیہ نے سچ کر دیکھائی ہے
پتوکی کی ڈومیسائل برانچ کرپشن کر گڑھ بن گئی اور سر پر بیٹھی تحصیل انتظامیہ خواب غفلت کے مزے لینے میں مصروف ہے
ڈومیسائل برانچ میں تعینات جاوید نامی کلرک پیسے بٹورنے کی خاطر شہریوں کو بلاوجہ خوار کرنے لگا ہے تاکہ رشوت لی جا سکے
اور اسی خاطر کبھی سائیٹ ڈاوون ہونے کا بہانہ تو کبھی صاحب کے دستخط نا ہونے کا بہانہ کرتا ہے اور اکثر سیٹ سے غائب رہتا ہے اور لوگوں کو کئی کئی دن خوار کرنے کے بعد کہتا ہے کہ آپکا کام جلدی ہو جانا تھا جان بوجھ کر خوار کیا ہے

شہریوں نے اسسٹنٹ کمشنر پتوکی اور ڈی سی قصور سے ڈومیسائل برانچ میں تعینات جاوید نامی کلرک کے رویے اور کرپشن پر نوٹس لینے کا مطالبہ کیا ہے

قصور
پتوکی میں دوران ڈکیتی والد کے سامنے 15 سالہ لڑکی سے ریپ کرنے والے ڈاکوؤں کو جلد گرفتار کرنے کا مطالبہ،وزیر اعلی پنجاب حمزہ شہباز کی متاثرہ لڑکی کے گھر آمد،

تفصیلات کے مطابق گزشتہ روز پتوکی میں واردات کے دوران ڈاکوں نے 15 سالہ لڑکی سے اس کے والد کے سامنے ریپ کیا
جس کی اطلاع بذریعہ ریسکیو 15 ملتے ہی پولیس کی بھاری نفری موقع پر پہنچی اور لڑکی کو میڈیکل رپورٹ کیلئے ہسپتال منتقل کیا گیا
فرانزک لیب اور کرائم سین نے شوائد اکھٹے کئے اور پولیس نے کارروائی کرتے ہوئے ایک مشکوک شحض کو حراست میں لیا جس کا ڈی این اے کروانے کیلئے بھیجا گیا ہے
پولیس نے سی آئی اے و ڈسٹرکٹ پولیس کی پانچ ٹیمیں تشکیل دی ہیں جن کو ملزمان کی فوری گرفتاری کا ٹاسک دیا گیا ہے
متاثرہ خاندان کیلئے فوری انصاف کی فراہمی کیلئے پورے پاکستان سے سوشل میڈیا پر گونج اٹھی اور اس بات کا نوٹس آئی جی پنجاب نے ازخود لیا
کل وزیر اعلی پنجاب حمزہ شہباز متاثرہ لڑکی کے گھر پہنچے اور ڈی پی او قصور محمد صہیب اشرف کو جلد سے جلد ملزمان کی گرفتاری کے احکامات جاری کئے
پورے پاکستان نے اس وقوعہ کی شدید مذمت کی ہے اور سوشل میڈیا پر باقاعدہ ٹرینڈ چلا کر ملزمان کی جلد سے جلد گرفتاری کا مطالبہ کیا ہے

قصور
پرسوں سے بیشتر مزدور گھروں تک محدود،لاہور فیکٹریوں میں جانے والے لوگ چھٹی پر،کئی پبلک ٹرانسپورٹ کی بندش کے باعث موٹر سائیکلوں پر فیکٹری پہنچے

تفصیلات کے مطابق ملک بھر کی طرح قصور میں بھی پرسوں سے احتجاجی دھرنے کے باعث مزدور لوگ گھروں میں بیٹھے ہیں کیونکہ ٹریفک بند ہونے سے سارا نظام درہم برہم ہے اس لئے دیہاری دار مزدور اب اپنے اپنے گھروں میں گھر والوں کیساتھ لمحات گزار رہے ہیں
قصور سے روزانہ ہزاروں لوگ پبلک ٹرانسپورٹ پر لاہور کی فیکٹریوں میں جاتے ہیں اور گھر کا خرچ چلاتے ہیں تاہم سڑکیں بند ہونے کے باعث فیکٹری جانے والے بیشتر لوگ بھی گھروں میں ہیں نیز جن کے پاس موٹر سائیکل ہے وہ بذریعہ موٹر سائیکل فیکٹریوں میں پہنچے ہیں کیونکہ زیادہ تر فیکٹریوں میں ڈیلی ویجز پر ملازم ہیں اور چھٹی کی صورت میں اس دن کی دیہاری کاٹ لی جاتی ہے