قصور
پھولنگر کی نجی ٹائلز مل میں کرنٹ لگنے سے نوجوان جان کی بازی ہار گیا،حادثہ مل انتظامیہ کی غفلت کے باعث پیش آیا
تفصیلات کے مطابق ضلع قصور کی تحصیل پتوکی کے شہر پھولنگر کے نواح سراں اڈا میں واقع پاکستان ٹائلز مل کی غفلت کے باعث گزشتہ روز مل کا غریب ملازم جواں سالہ طالب حسین کرنٹ لگنے سے زندگی کی بازی ہار گیا
متوقی انتہائی غریب اور اپنے گھر کا واحد کفیل تھا
متوفی کے پسماندگان میں 4 بچے، بیوہ کے علاوہ بوڑھے ماں باپ شامل ہیں
متوقی کی وفات پر پورے علاقے میں سوگ کی کیفیت ہے
قصور
ضلع بھر میں عید پر بھی بدترین لوڈ شیڈنگ رہی،لوگ عرفہ کا روزہ و نماز عید پڑھنے سے بھی قاصر رہے ،ضلع بھر کے بیشتر ٹرانسفارمرز جل گئے
تفصیلات کے مطابق ضلع قصور میں گرمی بھی اپنے پورے جوبن پر ہے اور لوڈشیڈنگ نے لوگوں کا جینا محال کر دیا ہے
یوم عرفہ و عید کے دنوں میں بھی بدترین لوڈ شیڈنگ کا سلسلہ جاری رہا جس کے باعث لوگ یوم عرفہ کا روزہ اور عید الاضحیٰ کی نماز پڑھنے سے بھی قاصر رہے
ضلع بھر کے بیشتر ٹرانسفارمرز جل گئے ہیں جس سے لوگوں کی مشکلات میں مزید اضافہ ہو گیا ہے
لوڈشیڈنگ اس قدر ہے کہ یو پی ایس بھی مکمل چارج نہیں ہو رہے جس سے رات کے وقت مکمل تاریکی چھا جاتی ہے
لوڈشیڈنگ کا یہ سلسلہ عید کے تیسرے دن بھی جاری ہے
قصور
ڈسٹرکٹ پولیس کے ملازم نے ایمانداری کی اعلی مثال قائم کر دی،شہری کے گرے ہوئے 60 ہزار واپس لوٹا دیئے
تفصیلات کے مطابق ڈسٹرکٹ پولیس قصور کے نائب قاصد عبدالرزاق جٹ نے ایمانداری کی ایک اعلی مثال قائم کر دی جس سے ضلع قصور کی عوام کیساتھ قصور پولیس کا بھی سر فخر سے بلند ہو گیا ہے
گزشتہ روز نیشنل بینک چوک قصور میں عبدالرزاق کو 60 ہزار روپیہ کی رقم گری ہوئی ملی جس کیساتھ ایک شناختی کارڈ بھی تھا
عبدالرزاق نے انتہائی ایمانداری کا مظاہرہ کرتے ہوئے شہری کو تلاش کرکے اس کی گری ہوئی واپس کر دی
شہری نے عبدالرزاق کا شکریہ ادا کیا اور دعائیں دیں
قصور
شہری کی درخواست بغیر کاروائی کینسل،مذکورہ،شہری کا ڈی پی او قصور سے از خود نوٹس لے کر کاروائی کا مطالبہ
تفصیلات کے مطابق ضلع قصور کی تحصیل چونیاں کے قصبے الہ آباد نیو اقبال ٹاؤن کے رہائشی شفقت حسین ولد محمد رمضان قوم آرائیں نے بتایا کہ میں 29 جون بوقت 10 بجے اپنے گھر کے باہر کھڑا تھا کہ میرے ہمسائے فتح دین ولد قاسم کے جانور ہمارے پودوں کو کھانے لگے جس پر میں نے اسے جانوروں کو منع کرنے کا کہا تو اس نے مجھے ڈنڈوں سے بے دردی سے مارا پیٹا اور سنگین نتائج کی دھمکیاں دیں تو میں نے تھانہ الہ آباد میں درخواست دائر کی اور مجھے میڈیکل رپورٹ لانے کا کہا گیا جس کیلئے میں اسی دن ہسپتال پہنچا اور اپنی میڈیکل رپورٹ جمع کروا دی
مذکورہ شحض کا کہنا ہے کہ میری درخواست کے باوجود پولیس نے ملزم کو گرفتار نا کیا اور الٹا 5 جولائی کو میری درخواست کینسل کر دی گئی ہے جو کہ سراسر زیادتی ہے
مزکورہ شحض نے ڈی پی او قصور محمد صہیب اشرف سے ازخود نوٹس لے کر کاروائی کرنے کا مطالبہ کیا ہے
قصور
ڈپٹی کمشنر قصور فیاض احمد موہل نے سرکاری نرخنامہ جاری کر دیا،عوام تاحال سرکاری نرخنامے پر چیزیں خریدنے سے قاصر
تفصیلات کے مطابق ڈپٹی کمشنر قصور فیاض احمد موہل نے ضروریات زندگی کی مختلف اشیاء کے سرکاری نرخ مقرر کر دیئے ہیں اور اعلان کیا ہے کہ کوئی بھی دکاندار اس نرخنامے سے زائد قیمت وصول نا کرے بصورت دیگر قانونی کاروائی کی جائے گی تاہم اس کے باوجود بھی لوگوں کو سرکاری نرخنامے پر اشیاء نہیں مل رہیں
سرکاری نرخنامے کے مطابق پرسوں گوشت مرغی کی قیمت 376 روپیہ مقرر کی گئی ہے جبکہ دکاندار 400 سے 420 روپیہ تک فروخت کر رہے ہیں اسی طرح دیگر اشیاء بھی سرکاری نرخنامے کے مطابق نہیں مل رہیں
شہریوں نے درخواست کی ہے کہ پرائس کنٹرول مجسٹریٹ چھاپے ماریں اور سرکاری نرخنامے کے مطابق دکانداروں کو چیزیں فروخت کرنے کا پابند بنائیں تاکہ عوام کو ریلیف ملے
قصور
ساون بھادوں و متوقع بارشوں کے پیش نظر ضلعی انتظامیہ نے راجباہوں،ڈرینوں، ندی نالوں کی صفائی شروع کروا دی
تفصیلات کے مطابق قصور ضلع بھر میں ساون بھادوں و متوقع بارشوں کے پیش نظر ضلعی انتظامیہ نے راجباہوں،ڈرینوں،ندی نالوں کی صفائی کا عمل شروع کروا دیا ہے تاکہ سیلابی صورتحال سے بچا جا سکے
گزشتہ سال ڈرینوں،ندی نالوں کی صفائی نا ہونے سے راجباہوں و دڑینوں وغیرہ میں سیلابی کیفیت پیدا ہو گئی تھی جس سے لوگوں کی فصلوں کو سخت نقصان پہنچا تھا
لوگوں کا کہنا ہے کہ قبل از وقت صفائی کا عمل قابل ستائش ہے تاہم دوران صفائی نکلنے والی گندگی کو کناروں پر رکھنے کی بجائے کسی اور جگہ پھینکا جائے تاکہ یہی گندگی دوبارہ ڈرینوں،ندی نالوں میں گر کر رکاوٹ کا باعث نا بنے
قصور
بھینس مالکان نے گوالوں کو دودھ 4 ہزار فی من دینا شروع کر دیا،دکاندار دکانوں پر بھی 4 ہزار فی من دے رہے ہیں،گوالوں کی طرف سے نقصان پورا کرنے کیلئے پانی،پاؤڈر و دیگر کیمیکلز کا بے دریغ استعمال
تفصیلات کے مطابق مہنگائی کے طوفان میں مذید اضافہ ہوتا جا رہا ہے ہر آنے والا دن نئی مشکل میں اضافہ کر رہا ہے
جہاں دیگر اشیاء ضروریہ کی قیمتیں بڑھی ہیں وہیں دودھ کی قیمتیں بھی بڑھ گئی ہیں
مویشی پال حضرات نے بڑھتی ہوئی مہنگائی اور مہنگے چارے کے باعث گوالوں کو دودھ 4 ہزار فی من فروخت کرنا شروع کر دیا ہے تاہم حیرت ہے کہ دکاندار ابھی بھی گوالوں سے 4 ہزار فی من ہی خرید رہے ہیں
اس نقصان کو پورا کرنے کیلئے گوالے دودھ میں پانی کے علاوہ بے شمار کیمیکلز استعال کر رہے ہیں جس سے لوگوں کو دودھ کے نام پر زہر پلایا جا رہا ہے
مضر صحت دودھ سے لوگوں میں مختلف قسم کی بیماریاں جنم لے رہی ہے
افسوس کی بات ہے کہ موجودہ و سابقہ گورنمنٹس آج دن تک کسی بھی چیز کی ریگولیٹری کرنے سے قاصر رہی ہیں جس کے باعث ملاوٹ و بلیک مارکیٹنگ کا رجحان بہت خطرناک حد تک بڑھ گیا ہے اور لوگ زہریلی چیزیں کھانے کیساتھ مہنگی خریدنے پر بھی مجبور ہیں
قصور
ڈسٹرکٹ ہیڈ کوارٹرز ہسپتال قصور میں بجلی کی آنکھ مچولی،ایمرجنسی و حساس ترین وارڈ،کارڈیالوجی کے مریض سخت پریشان
تفصیلات کے مطابق قصور ضلع بھر میں لوڈشیڈنگ کا راج ہے حتی کہ 35 لاکھ افراد کے لئے واحد اکلوتا ہسپتال ڈسٹرکٹ ہیڈ کوارٹرز ہسپتال قصور بھی لوڈشیڈنگ سے محفوظ نہیں
کئی دنوں سے ہسپتال میں بجلی کی آنکھ مچولی جاری ہے خاص کر کل رات سے لوڈشیڈنگ نے ایک نیا کھیل شروع کیا ہوا ہے جس کے دوران ہر پانچ میں دو سے تین مرتبہ بجلی آتی جاتی ہے
اس ساری صورتحال کے پیش نظر ہسپتال کی ایمرجنسی و انتہائی حساس وارڈ کارڈیالوجی کے مریض سخت پریشان ہیں اور انتظامیہ سے درخواست گزار ہیں کہ خداراہ ہسپتال میں آئے مریضوں کو تو سکون سے رہنے دیا جائے پہلے ہی اس بہت بڑے ضلع کے واحد ڈی ایچ کیو میں کون سی نمایاں سہولیات موجود ہیں؟
شہریوں نے وزیراعظم پاکستان سے نوٹس کی اپیل کی ہے
قصور
مشہور زمانہ قتل کیس کا فیصلہ،ملزم کو عمر و جرمانہ کی سزا
تفصیلات کے مطابق ایڈیشنل ڈسٹرکٹ اینڈ سیشن جج قصور محمد ندیم انصاری نے تھانہ بی ڈویژرن کے مقدمہ قتل سال 2021 میں ایک ملزم عاشق عرف پپو کے ہاتھوں قتل ہونے والے صدیق عرف لاڈی فروٹ منڈی والے کے مشہور مقدمہ کا فیصلہ سناتے ہوئےملزم عاشق کو جرم ثابت ہونے پر عمر قید اور مبلغ دو لاکھ روپے جرمانہ کی سزا کا حکم سنایا ہے جبکہ عدم ادائیگی جرمانہ پر مجرم کو مذید چھ ماہ سزائے قید بھگتنا ہو گی
استغاثہ کے مطابق مقامی صحافی ملک عارف علی کا سسر اپنے بیٹے ملک یٰسین کیساتھ فروٹ منڈی میں کاروبار کرتا تھا اور مقتول سے اکثر مجرم عاشق ادہار فروٹ خریدتا تھا اور کئی دنوں سے ادہار لئے فروٹ کی رقم ادا نہ کر رہا تھا
وقوعہ کے روز مقتول ملزم سے پیسے لینے گیا جب کافی دیر واپس نہ لوٹا تو مقتول کا بیٹا ملک یٰسین اسکا پوتا ارسلان اور کزن آصف کے ہمراہ ملزم کے گھر کی طرف جا رہے تھے کہ رکن پورہ کے قریب النصرت سکول سے ملحقہ خالی پلاٹ پر پہنچے تو دیکھا کہ ملزم عاشق نے بڑی سفاکی اور بے رحمی سے تیز دھار آلہ سے صدیق کو گلے اور جسم کے دیگر حصوں پر وار کر کے موت کے گھاٹ اُتار دیا ہے اور اب ان تینوں کو بھی جان سے مارنے کی دھمکیاں دیکر موقع پر سے چھری لہراتا ہوا فرار ہو گیا تھا
فاضل عدالت نے چالان موصول ہونے پر ٹرائل کر کے ثبوت و ٹھوس شہادتوں کی بناء پر سزا سنائی
مستغیث کی طرف سے مقدمہ کی پیروی سنئیر ایڈووکیٹ محمد اکبر چوھدری نے کی
قصور
مویشی منڈی قصور میں جانور تو وافر مگر خریدار نہیں،بیوپاری حضرات سخت پریشان،اجتماعی قربانی کرنا بھی مشکل ہو گیا
تفصیلات کے مطابق بکرا عید کی آمد کے پیش نظر مویشی منڈی قصور میں وافر جانور تو نظر آرہے ہیں مگر خریدار نہیں
بکروں،چھتروں،دنبوں،بیل،گائے اور اونٹوں کی قیمتیں آسمان سے باتیں کر رہی ہیں جس کے باعث خریدار نا ہونے کے برابر ہیں
3 سے 4 من کے بیل کی قیمت 2 سے 2.5 لاکھ اور اسی طرح 20 کلو گرام سے اوپر والے عام بکرے چھترے کی قیمت 40 سے 50 ہزار روپیہ مانگی جا رہی ہے
اس بار لوگوں کا اجتماعی قربانی کی طرف رجحان زیادہ ہے مگر مہنگائی کے باعث اجتماعی قربانی بھی لوگوں کیلئے مشکل ہو چکی ہے
گزشتہ سالوں میں ان دنوں عید سے قبل سڑکوں پر جانوروں سے لدی گاڑیوں کی خوب چہل پہل دیکھنے کو ملتی تھی تاہم اس مرتبہ ایسا بہت کم دیکھنے میں آ رہا ہے جس کی وجہ بے انتہاہ مہنگائی ہے
لوگوں کا کہنا ہے کہ مہنگائی نے ہمیں سنت ابراہیمی جیسے اہم فرض سے دور کر دیا ہے
حکمران ہوش کے ناخن لیں اور مہنگائی کم کریں تاکہ لوگ اپنے گھر چلا سکیں اور سنت ابراہیمی پر عمل کرتے ہوئے جانور قربان کر سکیں