پاکستانی ٹک ٹار اسٹار حریم شاہ کی ویب سیریز ’راز‘ کا پہلا ٹیزر ریلیز کر دیا گیا۔

باغی ٹی وی :حال ہی میں خبر سامنے آئی تھی کہ حریم شاہ پاکستان کے پہلے او ٹی ٹی پلیٹ فارم (اسٹریمنگ ویب سائٹ) اردو فلکس کی ویب سیریز میں نظر آئیں گی۔ اور اب ان کی ویب سیریز ’راز‘ کا پہلا ٹیزر بھی منظرعام پر آگیا ہے۔

اردو فلکس کے انسٹاگرام اکاؤنٹ سے گزشتہ روز ویب سیریز ’راز‘ کا ٹیزر جاری کیاگیا۔ اس ویب سیریز میں حریم شاہ کی زندگی کی اصل کہانی دکھائی گئی ہے کہ کس طرح وہ ٹک ٹاک پر متنازع ویڈیوز وائرل ہونے کی وجہ سے مشہور ہوئیں۔

ویب سیریز میں سوشل میڈیا کی پاور کو دکھایا گیا ہے کہ کس طرح یہ سوشل میڈیا راتوں رات کسی کو شہرت کی بلندیوں پر پہنچادیتا ہے اور کس طرح ایک ہی جھٹکے میں سب کچھ ختم کردیتا ہے۔

ٹیزر میں دکھایا گیا ہے کہ متنازع ویڈیو وائرل ہونے کے بعد حریم شاہ پریشان یا مایوس ہونے کے بجائے الٹا اس صورتحال کو انجوائے کررہی ہیں۔

اس ویب سیریز کو اسد علی زیدی نے ڈائریکٹ کیا ہے۔ ویب سیریز میں حریم شاہ کے علاوہ اور کون کون سے اداکار شامل ہیں اور یہ ویب سیریز کب ریلیز کی جائے گی فی الحال اس حوالے سے کوئی تفصیلات منظرعام پر نہیں آئی ہیں۔

واضح رہے کہ گزشتہ روز حریم شاہ کی ویب سیریز کا ٹیزر منظرعام پر آیا ہے اور گزشتہ روز ہی حریم شاہ اور مفتی قوی کی ایک ویڈیو وائرل ہوئی ہے جس میں حریم شاہ نے مفتی قوی کو نازیبا گفتگو کرنے پر تھپڑ مار دیا تھا- یہ ویڈیو دیکھتے ہی دیکھتے سوشل میڈیا پر وائرل ہوگئی جس نے ہنگامہ برپا کر کے رکھ دیا اور ویڈیو ٹوئٹر پر ٹرینڈ بن گئی-

اسلام آباد ہائی کورٹ نے وینا ملک کے خلاف سابق شوہر اسد خٹک کی درخواست پر وزارت داخلہ اور وزارت خارجہ کو نوٹسز جاری کردیئے۔

باغی ٹی وی :ہائی کورٹ نے اسد خٹک کی درخواست پر وزارت داخلہ سے جواب طلب کرلیا کہ امریکی شہریت والے بچوں کو پاکستان لانے میں وینا کی مدد کس اختیار کے تحت کی؟۔

ہائی کورٹ نے سیکرٹری داخلہ کو 4 فروری کے روز نمائندہ عدالت بھیجنے کی ہدایت کردی۔

اسد خٹک نے درخواست میں موقف اختیار کیا ہے کہ دبئی کی عدالت میں وینا اور میرا تنازع چل رہا ہے اور عدالت نے بچوں کو کہیں بھی باہر منتقل کرنے سے منع کیا تھا لیکن اس کے باوجود وینا ملک پاکستانی حکام کےساتھ مل کر بچوں کو پاکستان لے آئیں، میرے بچے امریکی شہریت کے حامل ہیں اور پاکستانی حکام اس غیر قانونی اغوا میں ملوث ہیں۔

اسد خٹک نے درخواست کی کہ بچوں کی خیریت کا بھی کچھ معلوم نہیں، لہذا انہیں بازیاب کرانے کا حکم دیا جائے۔

خیا ل رہے کہ رواں ماہ پشاورمیں وینا ملک کے سابق شوہراسد خٹک نے میڈیا سے گفتگو کرتے ہوئے کہا کہ یواے ای میں مقیم میرے بچوں کواغوا کیا گیا، معصوم بچوں کوغیرمرد کے پاس رکھا جارہا تھا، بچوں کے اغوا میں یواے ای کے قونصل جنرل ملوث ہیں، بچوں کو آؤٹ پاس بنا کر غیر قانونی طورپرپاکستان منتقل کیا گیا۔

اسد خٹک نے کہا تھا کہ بچوں کے پاسپورٹ چوری کرنے کے حوالے سے الزام لگایا جارہا ہے، وینا ملک کی جانب سے خاندان اور مجھے دھمکیاں مل رہی ہیں، آئی جی خیبرپختونخوا مجھے اورمیرے خاندان کو تحفظ فراہم کرے۔

اسد خٹک نے کہا تھا کہ بچوں کی حوالگی کا کیس عدالت میں چل رہا ہے، میرے بچے پاکستان میں رجسٹرڈ نہیں ہیں انہیں زبردستی رکھا جا رہا ہے اس متعلق وزیر اعظم عمران خان اورآرمی چیف سے مدد کی درخواست ہے۔

اسد خٹک کاکہنا تھا کہ وینا ملک میرے بچوں کو لے کر فرار ہوگئیں میں وینا کے خلاف سارے ثبوت لے کر پاکستان آیا ہوں۔

دبئی کورٹ سے وینا ملک کی گرفتاری کے وارنٹ جلد جاری ہوجائیں گے اسد خٹک کا دعویٰ

امریکی بچوں کا دبئی سے اغوا پاکستان کو بدنام کرنے کی سازش کے سوا کچھ نہیں اسد خٹک

وینا ملک نے بھی سابق شوہر اسد خٹک کو 50 کروڑ روپے ہرجانے کا نوٹس بھجوا دیا

وینا ملک کو سابق شوہر اسد خٹک کی جانب سے 50 کروڑ ہرجانے کا نوٹس

اسد خٹک وینا ملک سے قانونی جنگ لڑنے کے لئے پاکستان پہنچ گئے

وینا ملک کا سابق شوہراسد خٹک کے خلاف ہتک عزت کا مقدمہ

ٹک ٹاکر حریم شاہ کی جانب سے مفتی عبدالقوی کو تھپڑ مارنے کی ویڈیو سوشل میڈیا پر وائرل ہوچکی ہے، اس ویڈیو کے بارے میں حریم شاہ کا موقف بھی سامنے آگیا۔

باغی ٹی وی :حریم شاہ نے سماجی رابطے کی ویب سائٹ انسٹاگرام پر اپنے آفیشل اکاؤنٹ پر مفتی عبدالقوی کو تھپڑ مارنے والی ویڈیو شیئر کرتے ہوئے کہا کہ مفتی قوی کو تھپڑ کیوں مارا اس کا جواب ملے گا سب کو۔

اس ویڈیو کو پوسٹ کرنے کے کچھ دیر بعد حریم شاہ نے ایک اور ویڈیو بھی شیئر کی جس میں وہ مفتی عبدالقوی کے ساتھ ایک چینل کے میک اپ روم میں موجود ہیں۔ اس ویڈیو میں حریم شاہ مفتی عبدالقوی کی کوالیفکیشن کی بات کرتی ہیں اور پھر کہتی ہیں کہ ’دنیا میں سب سے زیادہ علم ابلیس کے پاس تھا لیکن پھر وہ بگڑ گیا تھا ، اللہ کا عذاب آیا تھا اس پر ، ابلیس نہ بنو، شیطان نہ بنو، منافق مت بنو، اسلام کا مذاق مت اڑاؤ۔

حریم شاہ نے اس سارے معاملے سے قبل مفتی عبدالقوی کے ساتھ ایک ٹک ٹاک ویڈیو بھی بنائی تھی۔

واضح رہے کہ ماضی میں حریم شاہ اور مفتی عبدالقوی اپنے تنازعات کی وجہ سے خبروں کی زینت بنتے رہے ہیں، اس بار حریم شاہ ایک ٹی وی شو ہوسٹ کررہی ہیں خیال ظاہر کیا جا رہا ہے یہ سب حریم شاہ نے اپنے شو کی اچھی ریٹنگ لینے کے لئے سب کیا یہے جس کی اچھی ریٹنگ آئے گی تو ہی بات بنے گی کیونکہ آج کل ٹی وی پر ریٹنگ ہی سب کچھ ہوتی ہے اور ریٹنگ کیلئے کچھ نہ کچھ تو کرنا پڑتا ہے۔

معروف مذہبی سکالرمفتی عبدالقوی کو حریم شاہ نے تھپڑرسید کردیا :آوازدورتک سنائی دی

پاکستان میوزک انڈسٹری کےنامور گلوکار ہارون شاہد نے وزیر اعظم عمران خان کی لگاتار 4 گھنٹے باؤلنگ کروانے کی یادگار تصویر شیئر کر دی-

باغی ٹی وی : گلوکار ہارون شاہد نے سماجی رابطے کی ویب سائٹ ٹوئٹر پر وزیر اعظم عمران خان تصویر شیئر کرتے ہوئے ہارون شاہد نے لکھا کہ ایک کھلاڑی کا کسی ملک کی قیادت کرنے سے کیا تعلق ہے؟

"What has sports got to do with leading a country?"🤷🏻‍♂️ sure it doesn't apart from teaching you about pride, honor, losing, winning, pain, pressure, rejection, endurance, mental sharpness, communication, travel, fame and money. All of this at times happens in just one match. pic.twitter.com/dz6yCdqpY7

— Haroon Shahid (@Haroon_5hahid) January 18, 2021

اپنے اسی سوال کا جواب دیتے ہوئے گلوکار نے لکھا کہ یقین مانیے کہ ایک میچ آپ کو فخر ، عزت ، ہار ، جیت ، درد ، دباؤ ، مستردگی ، برداشت ، ذہنی کشیدگی، سفر ، شہرت اور پیسہ کے بارے میں سب سکھا دیتا ہے۔

انہوں نے لکھا کہ کبھی کبھار یہ سب ایک کھلاڑی صرف ایک میچ میں ہی سیکھ لیتا ہے۔

خیال رہے کہ وزیر اعظم عمران خان نے اپنے کرکٹ کے دنوں کو یاد کرتے ہوئے وہ تصویر اپنے انسٹاگرام اکاؤنٹ کی زینت بنادی جب اُنہوں نے نان اسٹاپ ساڑھے 4 گھنٹے تک بولنگ کی تھی۔

عمران خان کی جانب سے شیئر کی جانے والی تصویر 43 سال پُرانی یعنی سال 1977ء کی بتائی جارہی ہے مذکورہ تصویر میں دیکھا جاسکتا ہے کہ لگا تار ساڑھے چار گھنٹے تک بولنگ کرنے کی وجہ سے عمران خان کی شرٹ خراب ہوئی ہے۔

پاکستان کے معروف اداکار و میزبان احمد علی بٹ کی جانب سے حال ہی میں سوشل میڈیا پر اپنی نئی تصویریں شیئر کی گئی ہیں جنہیں دیکھ کر مداح حیران رہ گئے ہیں۔

باغی ٹی وی : مزاحیہ اداکار احمد علی بٹ معروف اداکار و گلوکار آغاز علی کے بھائی ہیں جبکہ دونوں میں زمین آسمان کا فرق ہے، یہ فرق چہرے سے لے کر قد، کاٹھ اور جسامت میں بھی خوب واضح دیکھا جا سکتا ہے۔

آغا علی سلم اور اسمارٹ ہیں جبکہ احمد علی بٹ وزنی جسامت کے مالک ہیں۔حال ہی میں آغا علی خان کی جانب سے ایک تصویر شیئر کی گئی تھی جس میں انہوں نے اپنے مداحوں کو بتایا تھا کورونا وائرس لاک ڈاؤن کے دوران انہوں نے اچھا خاصا وزن کم کیا ہے۔

آغا علی کے بعد اب اُن کے بھائی احمد علی بٹ نے بھی سوشل میڈیا ویب سائٹ انسٹا گرام پر اپنی دو نئی تصاویر شیئر کی ہیں جس میں کافی اسمارٹ نظر آ رہے ہیں-

تصاویر میں دیکھا جا سکتا ہے کہ انہوں نے غیر معمولی وزن کم کر کے سب کو حیران ہونے پر مجبور کر دیا ہے ۔

احمد علی بٹ کی تصویروں کو صارفین کی جانب سے خوب پسند کیا جا رہا ہے اور یہ تصاویر خوب وائرل بھی ہو رہی ہیں۔