شوبز سے کنارہ کشی کرنے کے بعد حال ہی میں شوبز میں واپسی کا اعلان کرنے والے اداکار فیروز خان نے پاکستانی دورے پر آئے ترک اداکار جلال آل سے ملاقات کی ہے۔

باغی ٹی وی : واضح رہے کہ جلال آل 7 جنوری کو ترک فلم و ڈراما ساز کمال تکدن سمیت دیگر افرد کے ساتھ پاکستان پہنچے تھے پاکستان پہنچنے کے بعد جلال آل نے عدنان صدیقی اور ہمایوں سعید سے ملاقات کرنے کے علاوہ 8 جنوری کو وزیر اعظم سے بھی ملاقات کی تھی۔

وزیر اعظم سے ہونے والی ملاقات میں دونوں ممالک کے درمیان ممکنہ طور پر جلد ہی بنائے جانے والے ڈرامے ‘ترک لالا’ پر بھی تبادلہ خیال کیا گیا تھا۔

پاکستان اور ترکی کا مشترکہ طور پربرصغیر کے مشہور کردار ترک لالہ پر ڈرامہ بنانے…

وزیر اعظم نے ترک وفد کو یقین دہانی کروائی تھی کہ حکومت پاکستان دونوں ممالک کی مشترکہ پروڈکشن کمپنیوں کے تحت بننے والے ‘ترک لالا’ کی تیاری میں ہر ممکن مدد فراہم کرے گی۔

وزیر اعظم سے ملاقات کے بعد جلال آل نے انسٹاگرام پر پاکستانی اور کشمیری جھنڈے سمیت ترک جھنڈے کے ساتھ کمرے میں کھچوائی گئی تصویر شیئر کرتے ہوئے اردو میں پاکستانیوں کے لیے محبت کا پیغام جاری کیا تو اداکار فیروز خان نے ان سے ملنے کی خواہش کا اظہار کیا تھا۔

جلال آل کی تصویر پر اداکار فیروز خان نے ان کے لیے محبت کا پیغام لکھتے ہوئے ان سے ملنے کی خواہش کا اظہار کرتے ہوئے ترک اداکار کو پیغام دیا تھا کہ اگر انہیں کسی چیز کی ضرورت ہو تو وہ ان سے رابطہ کر سکتے ہیں۔

فیروز خان کا پاکستانی دورے پر آئے ترک اداکار جلال آل سے ملنے کی خواہش کا اظہار

فیروز خان کے کمنٹس پر جلال آل نے بھی جواب دیا اور ان کی جانب سے ملاقات کی دعوت کو قبول کرتے ہوئے کہا کہ وہ ان سے رابطہ کریں گے۔

اور اب اداکار فیروز خان نے ترک ڈراما ارطغرل غازی کے اداکار جلال آل سے ملاقات کی ہے۔

فیروز خان نے اپنے انسٹاگرام اکاؤنٹ پر شیئر کی گئی پوسٹ میں اداکار جلال آل کے ساتھ تصویر شیئر کرتے ہوئے ان سے ملاقات سے متعلق بتایا۔

اداکار فیروز خان نے اپنی پوسٹ میں لکھا کہ جلال آل کی پاکستان آمد پر بہت خوشی ہوئی، انہوں نے لکھا کہ میں اپنے مداحوں سے درخواست کروں گا کہ وہ ترک اداکار کے لیے اسی محبت کا اظہار کریں جو ترکوں کو پاکستان اور پاکستانی بہن، بھائیوں سے ہے۔

انہوں نے مزید لکھا کہ آپ کے انمول تحائف اور محبت کا شکریہ جلال، میں جتنا شکریہ ادا کروں کم ہے۔

ان کی اسی پوسٹ پر اداکار جلال آل نے بھی کمنٹ کیا اور کہا کہ میں نے جو تحفہ دیا ہے وہ تحفے سے زیادہ ہے، آپ اس کے حقدار ہیں۔

جلال آل نے مزید کہا کہ انشااللہ آپ انسانیت، اسلام، ثقافت، آرٹ اینڈ ترکی-پاکستان کے لوگوں کی زیادہ سے زیادہ خدمت کریں گے۔

جبکہ اداکار کی اس پوسٹ پر ترک اداکار عثمان سیقوت نے بھی ماشاءاللہ کہا-

فیروز خان نے جلال سے ملاقات کی تصویر اپنی انسٹاگرام سٹوری میں شئیر کی-

علاوہ ازیں جلال آل نے انسٹاگرام اسٹوری میں فیروز خان کے ساتھ تصویر شیئر کرتے ہوئے بتایا کہ انہوں نے کراچی میں اداکار سے ملاقات کی۔

ارطغرل غازی کا عبدالرحمٰن الپ فیروز خان سے ملنے کے لئے بے چین

پنجاب میں پنجابی زبان پنجابی کلچر اور پنجابی میوزک کے فروغ کے لیے شروع کیا گیا ایف ایم ریڈیو پروگرام پنجابی ہیٹس پاکستان بھر میں مقبول ترین شو بن گیا ہے-

باغی ٹی وی :رپورٹس کے مطابق پنجاب نیٹ ورک کے ریڈیو اسٹیشنز جس میں گیارہ ریڈیو اسٹیشن پنجاب بھر کے 11 اضلاع سمیت کراچی کے سب سے مشہور ایف ایم ریڈیو 107 بھی شامل ہیں پر ہر ہفتے اور اتوار کوشام آٹھ بجے سے دس بجے تک پنجابی میں پروگرام پیش کیا جاتا ہے پروگرام میں پنجاب بھر سمیت کراچی سے ہزاروں لوگ بذریعہ ایس ایم ایس شرکت کرتے ہیں اور پروگرام کو اپنے مقبول ترین ایف ایم ریڈیو سٹیشن پر براہ راست سنتے ہیں-

پروگرام کی میزبانی زبیر قصوری کرتے ہیں عرصہ دراز سے ایف ایم ریڈیو انڈسٹری کے ساتھ وابستہ ہیں ایف ایم ریڈیو سننے والے صارفین نے بتایا ہے کہ یہ پنجابی کا پروگرام مقبول ترین پروگرام ہے-

جس میں ہر طرح کا پنجابی میوزک سمیت محبت پاکستانی کلچر اور پنجاب کے لیے بات کی جاتی ہے ایف ایم ریڈیو سننے والے مختلف صارفین نے باغی ٹی وی کو بتایا ہے کہ اس طرح کے پروگرام زیادہ سے زیادہ ہونے چاہیے تاکہ نئی نسل کو اپنے کلچر سے رہنمائی مل سکے-