گزشتہ سال شوبز انڈسٹری سے کنارہ کشی اختیار کرنے والی سابقہ گلوکارہ رابی پیرزادہ نے مداحوں کو چہرے پرنور لانے کا راز بتادیا۔

باغی ٹی وی : مائیکرو بلاگنگ ویب سائٹ پر رابی پیر زادہ کے ٹوئٹر اکاؤنٹ پر سارہ ایڈمن سے منسوب ایک تحریر پوسٹ کی گئی ہے جس میں رابی پیرزادہ نے چہرے پر نور لانے کا راز بتاتے ہوئے کہا کہ سب سے زیادہ چہرے کا نور نماز سے آتا ہے۔

رابی نے کہا کہ جھوٹ نہ بولنے، دلوں میں نفرت نہ رکھنے اور ہر انسان اور بات میں پاکیزگی ڈھونڈنے سے بھی چہرے پر نور آتا ہے۔

رابی پیر زادہ نے مزید کہا کہ نے مزید کہا کہ انسان کا دل اس وقت صاف ہوتا ہے جب وہ دوسروں کے بجائے اپنے اندر کا میل ڈھونڈ کر صفائی کرتا ہے۔

سابق گلوکارہ نے لکھا کہ جولوگ ہمیں برے لگتے ہیں جب وہ سامنے آئیں تو ان کی کوئی بھی اچھائی یاد کریں اورکوشش کریں کہ وہ ایک اچھائی ان ساری برائیوں پرحاوی آجائے جوہمیں بدظن کرتی ہیں، اللہ ہمیں ہدایت دے۔

اس سے قبل رابی پیر زادہ نے من کی میل کو ختم کرنے کا طریقہ بتایا تھا کہ من کی میل کو ختم کرنے کے لئے پہلے اپنی میں کو ختم کریں اور میں کو ختم کرنے کے لئے عاجز بننا ضروری ہے اور عاجز بننے کے لئے ضروری کے کہ تم اپنی ہستی کو بھول جاؤ کہ تم کیا ہو بس تم اتنا یاد رکھو کہ تم خاک ہو خاک پر ہے اور تمہیں خاک میں ہی جانا ہے-

واضح رہے کہ رابی پیرزادہ نے شوبز چھوڑنے کے بعد مصوری کو اپنا ذریعۂ معاش بنالیا ہے اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیں۔

رابی پیر زادہ مصوری میں بین الاقوامی سطح پر پاکستان کی نمائندگی کریں گی

پاکستان شوبز انڈسٹری کے نامور اداکارحمزہ علی عباسی کا کہنا ہے کہ وہ خدا کے بارے کتاب لکھ رہے ہیں-

باغی ٹی وی : اداکار حمزہ علی عباسی نےحال ہی میں مائیکرو بلاگنگ ویب سائٹ ٹوئٹر پر بتایا ہے کہ ان دنوں وہ ایک کتاب لکھ رہے ہیں اور ظاہر ہے ان کی کتاب خدا کے بارے میں ہوگی۔

In the process of writing a book….obviously it,ll be about God 🙂 …hoping to be done by June 2021 Insha Allah. Will be a little inactive on social media bcz of that.

— Hamza Ali Abbasi (@iamhamzaabbasi) December 1, 2020

اداکار نے کہا کہ امید ہے کہ ان کی کتاب جون 2021 تک مکمل ہوجائے گی۔

حمزہ علی عباسی نے یہ بھی بتایا کہ کتاب لکھنے کی وجہ سے وہ سوشل میڈیا پر تھوڑے سے غیر فعال ہوجائیں گے۔

خیال رہے کہ اداکار ان دونوں اپنی فیملی کے ساتھ وقت گزار رہے ہیں اس کے علاوہ وہ اپنے یوٹیوب چینل پر اسلامی اسکالرز کے ساتھ مختلف موضوعات پر تبادلہ خیال کرتے ہیں۔

حمزہ علی عباسی کا جلد ہی شوبز میں واپسی کا اعلان

واضح رہے کہ پیارے افضل سے مقبولیت حاصل کرنے والے اداکار حمزہ علی عباسی نے ایک برس قبل شوبز سے کنارہ کشی اختیار کرکے اپنا وقت دین کی تبلیغ و ترویج میں وقف کرنے کا اعلان کیا تھا اور اس کے بعد ان کی ایک ویڈیو بھی وائرل ہوئی تھی جس میں انہوں نے دہریت سے اسلام تک کے اپنے سفر کو بیان کیا تھا

حمزہ علی عباسی رواں سال ستمبر کے آخر میں ایکسپریس انٹرٹینمنٹ پر احمد علی بٹ اور آن لائن تفریحی پروگرام کی پہلی قسط میں ’ کسوٹی آن لائن‘ میں گوہر رشید کے ہمراہ مہمان بنے جس میں انہوں نے انکشاف کیا تھا کہ ایک سال کے وقفے کے بعد وہ دوبارہ اسکرین پر نظر آئیں گے۔

حمزہ علی عباسی نے احمد علی بٹ کے سوال کے جواب میں بتایا کہ انہوں نے اداکاری نہیں چھوڑی ہاں ایک سال کا وقفہ لیا ہے اور اس سلسلے میں وہ دو پروجیکٹس پر کام بھی کر رہے ہیں اور ایک سال بعد سکرین پر نظر آئیں گے-

یاد رہے کہ حمزہ علی عباسی کی شادی گزشتہ برس اداکارہ نیمل بخاری سے ہوئی تھی اور دونوں کا ایک خوبصورت بیٹا بھی ہے۔ شادی کے بعد جہاں حمزہ علی عباسی نے اداکاری سے کنارہ کشی اختیار کی تھی وہیں نیمل بخاری نے شوبز کو خیر باد کہہ یا تھا-

شوبز انڈسٹری میں صرف خواتین ہی نہیں بلکہ مرد اداکاروں کو بھی کئی طرح کی مشکلات کا…

پاکستانی نژاد برطانوی اوپیرا سنگر سائرہ پیٹر نے لوک گیت ’سر دی بازی‘ کو انگریزی اور سرائیکی میں بھی ریلیز کر دیا-گانے میں سائرہ کا ساتھ دو برطانوی سنگرز نے دیا۔

باغی ٹی وی : تفصیلات کے مطابق سائرہ پیٹر نے لوک گیت ’سر دی بازی‘ کو انگریزی اور سرائیکی میں بھی ریلیز کر دیا سائرہ پیٹر کا کہنا ہے کہ اس لوک گیت کا بہت اچھا رسپانس آرہا ہے میں نے ساری زندگی صوفی بزرگوں کا عارفانہ کلام کا انگریزی میں ترجمہ کرکے دنیا بھر میں پیش کیا ہے۔

سائرہ پیٹر نے کہا ہے کہ سپر ہٹ لوک گیت سر دی بازی کو نیا انداز دے کر اوپیرا انداز میں گایا ہے دنیا کو بتادیں کہ ہماری صوفی موسیقی اور لوک موسیقی میں کتنی طاقت ہے۔

گلوکارہ کا کہنا ہے کہ میں نے اب تک شاہ عبداللطیف بھٹائی کے صوفیانہ کلام کو انگلش ترجمے کے ساتھ اوپیرا موسیقی میں دنیا بھر میں پیش کیا تھا میں ان دنوں لندن میں ہوں جلد پاکستان پہنچ کر نیا البم ریلیز کروں گی۔

پاکستان شوبز انڈسٹری کے کامیڈین اداکار یاسر حسین نے پاکستان سے کمبوڈیا منتقل ہونے والے ہاتھی ’کاون‘ کے کمبوڈیا پہنچنے پر ایک خط کی صورت میں کاون کے جذبات بیان کئے ہیں-

باغی ٹی وی : یاسر حسین نے سیڈیو اینڈ فوٹو شئیرنگ ایپ انسٹاگرام پر کچھ اسٹوریز شئیر کی جن میں لکھا کہ کاون کمبوڈیا میں بہت خوش ہے اس نے مجھے اپنی تصویر اور ایک خط خصوصی طور پر بھیجا ہے۔

یاسر حسین نے کاون کے جذبات بیان کرتی اپنی انسٹاگرام اسٹوری میں اپنے الفاظ کو کاون کے الفاظ کہے اور کاون کی جانب سے ہی خط بھیجے جانے کا کہا۔

یاسر حسین نے لکھا کہ کمبوڈٍیا سے کاون نے انہیں اپنی ایک تصویر بھیجی اور ساتھ ہی خیریت بھی بتائی-

کمبوڈیا پہنچتے ہی کاون کی تنہائیاں دور ہوگئیں

یاسر حسین نے سٹوری میں کاون کی جانب سے لکھا کہ ڈئیر یاسر بھائی، السلام علیکم کے بعد عرض ہے کہ میں یہاں مست ہوں، آپ کیسے ہیں۔

کاون کی جانب سے یاسر نے لکھا کہ مجھے پاکستان بہت یاد نہیں آتا چڑیا گھر میں میری دیکھ بھال کرنے والے شخص کیلئے پیار اور دعا، کاون-

اس سے قبل سماجی کارکن شنیرا اکرم نے سوشل میڈیا پر کاون کے لئے جذباتی پیغام شئیر کیا تھا شنیرا نے اپنے ٹوئٹر پیغام میں کاون کو الوداع کہتے ہوئے کہا کہ ہمیں افسوس ہے کہ ہم آپ کو وہ گھر نہیں دے سکے جس کے آپ حقدار تھے۔

افسوس ہم کاون کو وہ گھر نہ دے سکے جس کا وہ حقدار تھا شنیرا اکرم

وسیم اکرم کی اہلیہ نے کہا کہ ہم اُمید کرتے ہیں کہ آپ کو کمبوڈیا میں اپنی نئی زندگی میں محبت اور خوشی ملے گی۔

شنیرا نے اپنے ٹوئٹ میں ہیش ٹیگ FarewellKaavan یعنی الوداع کاون بھی استعمال کیا۔

خیال رہے کہ 1985 میں سری لنکن حکومت کی جانب سے صدارتی تحفے کی حیثیت سے پاکستان آنے والے کاون کو اسلام آباد کے مرغزار چڑیا گھر سے کمبوڈیا منتقل کردیا گیا۔

مرغزار چڑیا گھر میں کاون پر جارحانہ رویہ اپنانے پر اسے ’تنہا ترین ہاتھی‘ قرار دیا گیا اور پھر عوام کے شور مچانے پر کاون کی زنجیریں ہٹادی گئیں۔

کمبوڈیا منتقلی سے قبل کاون کے اعزاز میں الوداعی پارٹی کا انعقاد کیا گیا جس میں متعدد معروف شخصیات نے شرکت کی، جبکہ صدر مملکت عارف علوی نے بھی کاون کو الوداع کہنے کے لیے چڑیا گھر کا دورہ کیا۔

قدرت نے جانوروں کو انسانوں کی انٹرٹینمنٹ کے لیے پیدا نہیں کیا،عدالت

واضح رہے کہ پاکستان سے کاون ہاتھی کو کمبوڈیا پہنچا دیا گیا جہاں امریکی گلوکارہ شیئر سمیت بڑی تعداد میں افراد نے کاون کا استقبال کیا۔

کمبوڈیا کی جانب سے جاری کیے گئے ایک اعلامیے کے مطابق پاکستان سے روانہ کیا گیا 35 سالہ کاون ہاتھی کمبوڈیا پہنچ گیا جہاں اُس کا گلوکارہ شئیر سمیت بڑی تعداد میں افراد نے والہانہ استقبال کیا گیا۔

وزارت موسمیاتی تبدیلی کے مطابق کمبوڈیا حکومت کی وائلڈ لائف ٹیم نے کاون ہاتھی کا استقبال کیا۔

خیال رہے کہ کاون کے لیے کئی سالوں سے مہم چلانے والی گلوکارہ شیئر کاون ہاتھی کی کمبوڈیا منتقلی سے قبل اسے دیکھنے کے لیے اس ہفتے پاکستان پہنچی تھیں۔

امریکی گلوکارہ عمران خان کوتلاش کرتے کرتے پاکستان پہنچ گئی ،کپتان سے ملاقات