اسلام کی خاطر عارضی طور پر شوبز سے کنارہ کشی اختیار کرنے والےمعروف اداکار فیروز خان اور ان کی اہلیہ علیزہ فاطمہ نے بھی علیحدگی اختیار کرلی ہے۔

باغی ٹی وی :میڈیا رپورٹس کے مطابق مشہور اداکار فیروز خان اور ان کی اہلیہ علیزہ فاطمہ نے شادی کے 2 سال بعد علیحدگی اختیار کرلی ہے اور دونوں اب الگ الگ زندگی گزار رہے ہیں۔

سوشل میڈیا پر وائرل رپورٹس کے مطابق فیروز خان نے اہلیہ علیزہ فاطمہ اور ان کی فیملی کو انسٹاگرام پر ان فالو کردیا ہے جب کہ علیزہ کی والدہ نے بھی فیروز خان سے متعلق تمام پوسٹ ڈیلیٹ کردی ہیں۔

علیحدگی کی خبروں سے متعلق دونوں کی جانب سے ابھی تک کسی قسم کا کوئی بیان سامنے نہیں آیا تاہم فیروز خان اور ان کی اہلیہ سے جڑے قریبی افراد کا کہنا ہے کہ دونوں کے درمیان دوریاں بڑھ گئی ہیں۔

عروہ حسین کے والد کا بیٹی کی طلاق کے بارے میں بیان سامنے آ گیا

خیال رہے کہ اداکار فیروز خان اور علیزہ فاطمہ نے 2 سال قبل شادی کے بندھن میں بندھے تھے، دونوں کا ایک بیٹا بھی ہے جس کا نام سلطان فیروز ہے۔

واضح رہے کہ چند روز قبل گلوکار فرحان سعید اور اداکارہ عروہ حسین سے متعلق خبریں سامنے آئی تھیں جس میں کہا گیا تھا کہ دونوں نے ایک دوسرے سے راہیں جدا کرنے کا فیصلہ کرلیا ہے تاہم اب تک دونوں شخصیات کی جانب سے کوئی تردید یا تصدیق سامنے نہیں آئی۔

دوسری جانب عروہ حسین کے والد نے بیٹی کی طلاق کی خبروں کی تردید کی تھی عروہ حسین کے والد مخدوم چوہدری نے بیٹی کی علیحدگی اور طلاق کی خبروں کو جھوٹا قرار دیتے ہوئے دعویٰ کیا کہ ان کی بیٹی اور داماد خوشی کی زندگی گزار رہے ہیں-

فرحان سعید اور عروہ حسین نے شادی کےچار سال بعد راستے جدا کر لئے

پاکستان شوبز انڈسٹری کی مقبول اداکارہ بشریٰ انصاری شوگر مافیا کے خلاف میدان میں آگئیں –

باغی ٹی وی : پاکستان شوبز کی لیجنڈ اور سینئیر اداکارہبشریٰ انصاری نے ویڈیو اینڈ فوٹو شئیرنگ ایپ انسٹا گرام پرایک پوسٹ شئیرکی جس میں ایک مزدور گڑ بناتے ہوئے نظر آرہا ہے جب کہ انہوں نے تصویر کو یہ عنوان بھی دیا کہ ملک پاکستان کے کسانوں کو مضبوط کیجیے۔

اداکارہ کی جانب سے شیئر کردہ تصویر میں یہ بھی لکھا ہے کہ صرف تین مہینے چینی کے بجائے گڑ کا استعمال کریں اس طرح آپ کا پیسہ 15 شوگر مافیا خاندانوں کے بجائے 50 لاکھ کسانوں میں جائے گا۔ ساتھ ہی اداکارہ نے یہ بھی لکھا کہ اقوام کو کوئی اور نہیں بدلتا بلکہ اقوام خود اپنے آپ کو بدلتی ہیں اس لیے آپ سب اس مہم کا حصہ بنیں۔

بشریٰ انصاری نے تصویر کے عنوان میں لوگوں کو احساس دلاتے ہوئے لکھا کہ چینی کے بجائے گڑ کا استعمال تو ہم کر ہی سکتے ہیں، اب میں چائے میں چینی کے بجائے گڑ کا استعمال کروں گی۔

اپنے معیار اور عمدہ ذائقہ کی وجہ سے پورے پاکستان میں مشہور چنیوٹ کا گُڑ کس طرح تیار کیا جاتا ہے-

پاکستان کے سابق کپتان وسیم اکرم کی اہلیہ اور معروف سماجی کارکن شنیرا اکرم کا کہنا ہے کہ ہمیں افسوس ہے کہ ہم کاون کو وہ گھر نہ دے سکے جس کا وہ حقدار تھا۔

باغی ٹی وی : شنیرا نے 35 سال بعد اسلام آباد کے مرغزار چڑیا گھر سے کمبوڈیا جانے والے کاون ہاتھی کے لیے مائیکرو بلاگنگ سائٹ ٹوئٹر پر جذباتی پیغام جاری کیا ہے۔

Farewell Kaavan, we are sorry that we couldn’t give you the home you so rightly deserved. We hope you find love and happiness in your new life in Cambodia 🇰🇭 #FarewellKaavan

— Shaniera Akram (@iamShaniera) November 30, 2020

شنیرا نے اپنے ٹوئٹر پیغام میں کاون کو الوداع کہتے ہوئے کہا کہ ہمیں افسوس ہے کہ ہم آپ کو وہ گھر نہیں دے سکے جس کے آپ حقدار تھے۔

وسیم اکرم کی اہلیہ نے کہا کہ ہم اُمید کرتے ہیں کہ آپ کو کمبوڈیا میں اپنی نئی زندگی میں محبت اور خوشی ملے گی۔

شنیرا نے اپنے ٹوئٹ میں ہیش ٹیگ FarewellKaavan یعنی الوداع کاون بھی استعمال کیا۔

قدرت نے جانوروں کو انسانوں کی انٹرٹینمنٹ کے لیے پیدا نہیں کیا،عدالت

واضح رہے کہ پاکستان سے کاون ہاتھی کو کمبوڈیا پہنچا دیا گیا جہاں امریکی گلوکارہ شیئر سمیت بڑی تعداد میں افراد نے کاون کا استقبال کیا۔

کمبوڈیا کی جانب سے جاری کیے گئے ایک اعلامیے کے مطابق پاکستان سے روانہ کیا گیا 35 سالہ کاون ہاتھی کمبوڈیا پہنچ گیا جہاں اُس کا گلوکارہ شئیر سمیت بڑی تعداد میں افراد نے والہانہ استقبال کیا گیا۔

وزارت موسمیاتی تبدیلی کے مطابق کمبوڈیا حکومت کی وائلڈ لائف ٹیم نے کاون ہاتھی کا استقبال کیا۔

خیال رہے کہ کاون کے لیے کئی سالوں سے مہم چلانے والی گلوکارہ شیئر کاون ہاتھی کی کمبوڈیا منتقلی سے قبل اسے دیکھنے کے لیے اس ہفتے پاکستان پہنچی تھیں۔

امریکی گلوکارہ عمران خان کوتلاش کرتے کرتے پاکستان پہنچ گئی ،کپتان سے ملاقات

حکومت پاکستان نے مذہبی ہم آہنگی کے فروغ کے لیے سکھوں کے مقدس ترین مقامات میں سے ایک گردوارا بابا گرو نانک دیو صاحب پر فلمائے گئے بھارتی اداکارہ کے گیت کو ریلیز کردیا۔

باغی ٹی وی :گردوارا بابا گرو نانک دیو صاحب جی پاکستانی پنجاب کے ضلع نارووال میں شکر گڑھ کے علاقے میں دریائے راوی کے مغربی جانب واقع ہے یہ مقام سکھ برادری کے لیے مقدس ترین مقامات میں سے ایک ہے اور پاکستان نے نومبر 2019 میں اس مقام کو بھارتی زائرین کے لیے آسان بنانے کے لیے کرتارپور راہداری بھی کھول دی تھی۔

کرتارپور راہدری کو کھولنے کے بعد جہاں سکھ افراد نے پاکستانی حکومت کی تعریف کی تھی وہیں دنیا بھر میں پاکستان کے اس قدم کو مذہبی ہم آہنگی کے فروغ اور اقلیتوں کے حقوق کے حوالے سے دیکھا گیا تھا۔

اور اب حکومت پاکستان نے کرتارپور راہدری کھولے جانے کو ایک سال مکمل ہونے پر مذہبی ہم آہنگی کے فروغ کے لیے گیت جاری کردیا۔

ریڈیو پاکستان کی رپورٹ کے مطابق وزارت اطلاعات و نشریات کی جانب سے مذہبی ہم آہنگی کے فروغ کے لیے بھارتی اداکارہ و گلوکارہ کا گیت جاری کیا گیا۔

وزارت اطلاعات کے الیکٹرانک میڈیا پبلی کیشن ڈائریکٹوریٹ کی جانب سے جاری کردہ گانے میں بھارتی تامل اداکارہ پونم کور اور ان کے اہل خانہ کو گردوارا بابا گرو نانک دیو صاحب کی زیارت کرتے ہوئے دکھایا گیا ہے۔

گانے میں سکھ زائرین کو کرتارپور راہداری کے راستے پاکستان میں داخل ہوکر اپنے مقدس مذہبی مقام کی زیارت کرتے وقت جذباتی انداز میں بھی دکھایا گیا ہے۔

گانے کے آغاز میں اداکارہ پونم کور کرتارپور راہداری کو کھولے جانے اور حکومت پاکستان کے اس احسن قدم پر بات کرتی دکھائی دیں اور انہوں نے کرتارپور راہداری کھولنے کو سکھوں کے لیے نئے دور کا آغاز قرار دیا۔

پاکستان شوبز انڈسٹری کی نامور اداکارہ مایا علی نے کہا ہے کہ ڈراموں کی کہانیوں میں یکسانیت ہے لیکن لوگوں کو پسند بھی وہی ڈرامے آتے ہیں اور اگر کسی ڈرامے میں کہانی مختلف ہو تو تنقید شروع ہوتی ہے۔

باغی ٹی وی : یو ٹیوب چینل کو دیئے گئے انٹرویو میں سوشل میڈیا پر تنقید کے حوالے سے مایا علی نے کہا کہ کچھ لوگ ایسے ہوتے ہیں جن کی عادت ہوتی ہے کہ وہ منفی لکھیں ہر ایک کے کام کرنے کا اپنا طریقہ ہوتا ہے اگر میں انہیں اتنی بری لگتی ہوں تو ان فالو کیوں نہیں کرتے۔

طیفا ان ٹربل کی اداکارہ مایا علی نے کہا کہ مجھے وقت ، حالات اور لوگوں نے بہت کچھ سکھایا ہے میں اس حوالے سے خوش قسمت ہوں کہ کام کے لیے الگ الگ اقسام کے کردار ملنے لگے ہیں مستقبل میں ہدایت کاری بھی کرنا چاہوں گی مجھے لگتا ہے کہ ہر کوئی کسی نا کسی وجہ سے دوسرے انسان کے پیچھے ہے-

مایا علی نے کہا کہ ایک کڑوا سچ یہ ہے کہ لوگ چڑھتے سورج کو سلام کرتے ہیں کل اگر مجھے کام نہ ملے تو کسی کو پتہ بھی نہ چلے کہ کسی پارٹی میں آئی بھی کہ نہیں

ترک اداکاروں کے ساتھ شارٹ فلم ’سنیپ شاٹ‘ سب کو حیران کر دے گی ارمینہ خان

یہ ہمارے معاشرے کا المیہ ہے میں آج جس مقام پر ہوں وہاں کسی نے نہیں پہنچایا میں خود یہاں تک آئی ہوں اگر انسان میں صلاحیت نا ہو تو تعلقات کسی حد تک ہی ساتھ دیتے ہیں۔

مایا علی نے مزید کہا کہ میں نے 12 سال دوائیوں کے سہارے گزارے میں صبح اور رات کو 11 ،11 گولیاں لیتی تھیں مجھے لگتا تھا کہ کبھی بھی لوگوں کا سامنا نہیں کرپاؤں گی لیکن ہمیں ہمت کرنی پڑتی ہے کچھ برس پہلے میں یہ سوچتی تھی کہ میرے بہت دوست ہیں لیکن وقت نے سکھایا کہ ہر ہاتھ ملانے والا دوست نہیں ہوتا میں اب چند لوگوں کے ساتھ ہی بہت خوش ہوں۔

مایا علی نے کہا کہ ایک مرد میں 3 خوبیاں ہونی چاہیئں وہ اچھی طرح بات کرنے والا ہو وہ عزت کرنے والا ہو اور خوش لباس ہو۔ بہت سے مرد ایسے ہوتے ہیں جو ہوتے تو خوش شکل ہیں لیکن جب ان سے بات کی جائے تو یہی خیال آتا ہے کہ اس خوبصورتی کا اچار ڈالنا ہے؟

مایا علی نے مزید کہا کہ ڈراموں کی کہانیوں میں یکسانیت ہے لیکن لوگوں کو پسند بھی وہی ڈرامے آتے ہیں اور اگر کسی ڈرامے میں کہانی مختلف ہو تو تنقید شروع ہوتی ہے۔ لوگ دوسرے ممالک کے ڈراموں اور فلموں کو بہت پسند کرتے ہیں لیکن اگر ویسا ہی کام ہم کریں گے تو مسائل کھڑے ہوجاتے ہیں۔

فنکاروں اور دستکاروں کو سہولیات کی فراہمی حکومت کی اولین ترجیح ہے صدر مملکت…