پاکستان شوبز انڈسٹری کی سابقہ اور امریکہ میں مقیم اداکارہ ریما خان نے امریکہ کے نومنتخب صدر جوبائیڈن سے امیدیں لگالیں۔

باغی ٹی وی: جوبائیڈن کا امریکہ صدر منتخب ہونے پر پاکستانی اداکارہ ریما نے جو بائیڈن سے امیدیں وابستہ کر لیں کہا کہ وہ پُرامید ہیں کہ جوبائیڈن پوری دنیا میں امن، ہم آہنگی، مساوی حقوق اور اتحاد لائیں گے۔

اداکارہ ریما خان نے سماجی رابطے کی ویب سائٹ انسٹاگرام پر اپنی ایک تصویر شیئر کی جس میں انہوں نے کالے رنگ کا لباس زیب تن کر رکھا ہے اور انتہائی پُرکشش دکھائی دے رہی ہیں-

ریما نے تصویر شئیر کرتے ہوئے سابق امریکی صدر ابراہام لنکن کا قول لکھا کہ تقریباً تمام مرد مشکلات کا سامنا کرسکتے ہیں لیکن اگر آپ کسی آدمی کا کردار جانچنا چاہتے ہیں تو اسے طاقت دے دیں۔

سابق امریکی صدر ڈونلڈ ٹرمپ کی شکست پر عتیقہ اوڈھو کا دلچسپ تبصرہ

ریما خان نے نو منتخب امریکی صدر جوبائیڈن کے حوالے سے لکھا ہمیں امید ہے کہ جو بائیڈن پوری دنیا میں امن ، ہم آہنگی ، مساوی حقوق اور اتحاد لائیں گے۔

جوبائیڈن کی جیت پر پاکستانی شوبز ستاروں کی مبارکباد اور نیک خواہشات کا اظہار

واضح رہے کہ ڈیموکریٹ امیدوار جو بائیڈن اپنے حریف ری پبلکن امیدوار ڈونلڈ ٹرمپ کو شکست دے کر امریکی کے 46ویں صدر منتخب ہوگئے ہیں-

امریکی گلوکارہ آریانا گرانڈے کی جوبائیڈن کی کامیابی پر کیا گیا ٹویٹ مداحوں کو بھا…

کنگنا نے امریکہ کے منتخب صدر جوبائیڈن کو ’گجنی‘ کا عامر خان کا قرار دیا

سونیا حسین نے مداحوں کو خود کو سمجھنے کا مشورہ دے دیا

خواتین آزاد جموں و کشمیر کی سابق چیئرپرسن کمیشن ،اقلیتی حقوق یوتھ فورم برائے کشمیر اور پیپلز کمیشن اور بانی عام تعلیم ماریہ اقبال ترانہ کا کہنا ہے کہ اگر پاکستان کے نامور دفاتر میں شاہانہ منصب پر کام کرنے والے مرد عورت سے شائستگی کے ساتھ بات کرنا نہیں جانتے ہیں تو پھر کون جانتا ہے؟

باغی ٹی وی : گذشتہ روزسماجی رابطے کی ویب سائٹ ٹوئٹر پر ماریہ اقبال ترانہ نے اپنی ایک ویڈیو اپلوڈ کی جس میں انہوں نے بتایا کہ ایوان صدر میں تقریب میں وہاں کے آفاق احمد نامی پروٹوکول آفیسر نے ان کے ساتھ بہت زیادہ مس بی ہیو کیا ہے-
https://twitter.com/mariaItarana/status/1325887763435171851
انہوں نے کہا مجھے ایوان صدر میں تقریب میں مدعو کیا گیا تھا جہاں فنانشل ایکسپو چل رہا تھا اور وہاں تقریب میں گورنر اسٹیٹ بینک رضا باقر ، فنانس منسٹر شیخ حفیظ اور صدر پاکستان ڈاکٹر عارف علوی بھی موجود تھے تقریب شروع ہونے سے پہلے ہم سب ہال میں بیٹھے تھے اور ہال میں خاموشی تھی اچانک سے مجھے محسوس ہوا جیسے کوئی پیچھے سے آ کے کان کے پاس سرگوشی کرنے لگا اور کچھ پوچھنے لگا ہے-

ماریہ اقبال ترانہ نے کہا کہ پہلی بات کہ یہ فیلنگ ہی بہت غیر آرام دہ تھی کہ اچانک سے کون ہے جو اتنے قریب آکر بات کرنے کی کوشش کررہا ہے تو مجھے اس کی کوئی بات سمجھ نہیں آرہی تھی بس اتنی سمجھ آئی کہ اس نے کہا پلیز آپ تھوڑا سا فاصلہ رکھیں اس نے کچھ پوچھا تو پھر اس میں مجھے یہی بات سمجھ آئی کی اس نے کہا کہ آپ کی آرگنائزیشن کیا ہے میں نے کہا کہ اپ لسٹ میں چیک کر لیں اور ساتھ ہی میں نے بتا بھی دیا کہ میں کہاں سے تعلق رکھتی ہوں-

ماریہ کے مطابق ساتھ ہی میں نے انہیں 2 3 مرتبہ کہا کہ ٹھیک ہے آپ اپنی انکوائری بند کیجئے اور پیچھے ہٹ جایئے جب تقریب ختم ہو گئی تو میں جب اپنے دو تین ساتھیوں کے ساتھ نکلنے لگی تو وہ آدمی مجھے دکھائی دیا تو میں نے اس سے پوچھا کہ آپ مجھے کیا کہنے کی کوشش کر رہے تھے اس پر اس آدمی نے بجائے اس کے کہ کوئی اور بات کرتا فوراً سے یہ کہتا چلا گیا کہ یہاں پر آپ کو کوئی نہیں جانتا تھا آپ یہاں پر جھوٹ بول کر داخل ہوئیں اور ایون صدر میں بیٹھ گئیں اور ساتھ میں یہ کہا کہ یہان پر بیت ساری کُرسیاں خالی تھیں اس لئے آپ کو کچھ نہیں کہا –

ماریہ اقبال ترانہ کے مطابق میں نے کہا کہ میں 4 پروٹوکول سے گزر کر یہاں پر آئی ہوں یہ کیسے ہو سکتا ہے کہ مجھے یہاں پر کوئی جانتا نہ ہو اور میں ایوان صدر پر بیٹھ جاؤں آپ یہ کیسی بات کر رہے ہیں تو اچانک سے کہنے لگا کہ آپ جھوٹی ہیں اور یہاں پر کُرسیاں خالی تھیں تو آپ کو یہاں بیٹھنے دیا –

ترانہ کے مطابق میں اس کی یہ بات سننے کے بعد جیسے ٹراما میں چلی گئی تو میں نے وہیں پر لوگوں سے کہنا شروع کر دیا کہ پلیز مجھے بتائیں یہ کون شخص ہے اور میں کہاں پر کمپلین کراؤں میرے ساتھ بہت بُرے لہجے میں بات کررہا ہے تو اس شخص نے آگے ہو کر اپنا تعارف کرایا کہ کہ میں پروٹوکول آفیسر ہوں اور میرا نام آفاق احمد ہے اور آپ یہاں سے نکل جائیں-

ماریہ نے سوالیہ انداز میں کہا کہ تو یہ جو ایک تکلیف دہ واقعہ ہے مجھے سمجھ نہیں آتی کہ پاکستان کا دوسرا بڑا آفس ہے اس کے مردوں کو پتہ نہیں کہ عورت کے سارتھ برتاؤ کیسے کرنا ہے تو کسے پتہ ہے

پاک فوج کے شعبہ تعلقات عامہ (آئی ایس پی آر) کی جانب سے پاکستانی ثقافت و تہذیب کو اجاگر کرنے کے لیے مختصر دستاویزی فلمی مقابلے کا اعلان کیا گیا ہے۔

باغی ٹی وی : پاک فوج کے شعبہ تعلقات عامہ (آئی ایس پی آر) کی جانب سے ’نیشنل ایمیوچیو شارٹ فلم فیسٹیول‘ کے نام سے پلیٹ فارم کا انعقاد کیا گیا ہے جس میں بالخصوص پاکستان کے نوجوانوں کو اپنے فن کے ذریعے غیر معمولی صلاحیتوں کو اجاگر کرنے کا موقع دیا جا رہا ہے۔

مذکورہ فلم فیسٹیول کے ذریعے نوجوان فلم ساز 6 مختلف کیٹیگریز میں اپنی دستاویزی و فیچر فلمیں ایوارڈز کے لیے جمع کروا سکیں گے۔فلم فیسٹیول کی بنائی گئی ویب سائٹ کے مطابق نوجوان فلم ساز مذکورہ 6 کیٹیگریز پر اینیمیٹڈ اور فکشن سمیت دستاویزی فلمیں بھی جمع کرواسکتے ہیں۔

فیسٹیول میں تمام کیٹیگریز میں دو طرح کی فلمیں جمع کروائی جا سکتی ہیں، جس میں سے موبائل فون پر ریکارڈ کی گئی یا بنائی گئی فلمیں بھی شامل ہیں جب کہ دوسری وہ فلمیں جو عام فلمی انداز میں کیمروں اور دیگر ٹیکنالوجی سے بنائی گئی ہوں۔

فلم فیسٹیول میں مذکورہ تمام کیٹیگریز میں سے ایک فلم کو ’بہترین فلم‘ کا ایوارڈ دیا جائے گا جب کہ دیگر تین ایوارڈز بھی فلم سازوں کو دیے جائیں گے۔

فیسٹیول میں شرکت کرنے والے فلم سازوں کو ’بہترین فلم‘ کے علاوہ ’جیوری اپریسیئشن ایورڈز اور اسکل سیٹ ایوارڈز‘ بھی دیے جائیں گے علاوہ ازیں ایوارڈز جیتنے والے فلم سازوں کو اعلیٰ فلمی تعلیم کے لیے اسکالر شپس بھی فراہم کی جائیں گی۔

فیسٹیول میں شرکت کے خواہش مند فلم ساز اپنی 10 سے 12 منٹ دورانیے کی مختصر فلمیں مقابلے کے لیے جمع کروا سکتے ہیں۔

مختصر فلموں کے عنوان میں پاکستان کے رنگ، وادی سندھ کی قدیم تہذیب، پاکستانی ثقافت و ہم آہنگی، چھوٹی صنعتیں و خوشحالی، پاکستان میں فلاحی کام اور زرعی مصنوعات کی قدر افزائی شامل ہیں۔ اس فیسٹیول میں حصہ لینے کے لیے باقاعدہ طور پر اصول و ضوابط موجود ہیں۔

اس فیسٹیول میں حصہ لینے کے لیے باقاعدہ طور پر اصول و ضوابط موجود ہیں۔فیسٹیول میں شامل کیے گئے موضوع میں دلچسپی رکھنے والے نوجوان کو یکم جنوری 2021ء سے قبل رجسٹریشن کروانی ہوگی جب کہ دستاویزی فلم کا پروجیکٹ جمع کرانے کی تاریخ 10 مارچ 2021ء ہے۔

فیسٹیول میں شرکت کے خواہش مند نوجوان فلم ساز (نساف) کی ویب سائٹ کے ذریعے آن لائن رجسٹریشن کرواسکتے ہیں۔

علاوہ ازیں فلم سازوں کو یہ سہولت بھی دی گئی ہے کہ اگر انہوں نے پہلے سے ہی کوئی دستاویزی یا مختصر فیچر فلم بنا رکھی ہے تو وہ بھی ایوارڈز کے لیے بھجوا سکتے ہیں۔تاہم اس ضمن میں بتایا گیا ہے کہ جنوری 2018 سے قبل کی کسی دستاویزی یا فیچر فلم کو قبول نہیں کیا جائے گا۔

نیشنل ایمیوچیو شارٹ فلم فیسٹیول میں نوجوان نسل کی صلاحتیوں کو سامنے لانے کے لیے شوبز سے وابستہ فنکاروں نے فیسٹیول کی افتتاحی تقریب میں شرکت کی جہاں انہوں نے نوجوانوں کو پاکستان کا اصل چہرہ دنیا کو دکھانے کے لیے زور دیا۔

آئی ایس پی آر کی جانب سے نوجوان فلم سازوں کے لیے مقابلے اور ایوارڈز کے مذکورہ منصوبے میں اداکارہ ماہرہ خان، ہمایوں سعید، اقرا عزیز اور گلوکار فرحان سعید سمیت دیگر شوبز شخصیات بھی جیوی کا حصہ ہیں۔

NASFF کا حصہ بننا میرے لئے اعزا ز کی بات ہے اقرا عزیز

مجھے بہت خوشی ہے میں اپنے دوسرے ساتھیوں کے ساتھ NASFF کا حصہ بننے جا رہی ہوں…

پاکستان میوزک انڈسٹری کی معروف اور نامور صوفی گلوکارہ صنم ماروی طبیعت ناسازی کے باعث ہسپتال منتقل-

باغی ٹی وی : تفصیلات کے مطابق پاکستان میوزک انڈسٹری کی معروف اور نامور صوفی گلوکارہ صنم ماروی کی طبیعت ناساز ہونے پر گلوکارہ کو نیشنل ہسپتال لاہور میں لے جایا گیا-

ذرائع کا کہنا ہے کہ گلوکارہ صنم ماروی کو ڈاکٹروں نے 7 دن کے آرام کا مشورہ دیا ہے۔

واضح رہے کہ صنم ماروی پاکستانی لوک اور صوفی گلوکار ہے۔ وہ سندھی ، پنجابی اور بلوچی زبانوں میں گاتی ہیں۔ وہ پاکستان میں صوفی ، غزل اور لوک صنف میں 3 بہترین فنکاروں میں سے ایک ہیں۔ دیگر 2 عابدہ پروین اور ٹینا ثانی ہیں حال ہی میں گلوکارہ نے کوک اسٹوڈیو میں لوک گیت ‘حیراں ہوا’ گایا جس کو خوب شائقین کی جانب سے خوب سراہا گیا-