پاکستان کرکٹ ٹیم کے آل راؤنڈر شعیب ملک کی اہلیہ اور بھارتی ٹینس اسٹار ثانیہ مرزا نے سوشل میڈیا پر مشہور امریکی گلوکارہ ’لیڈی گاگا‘ کا قول شیئر کردیا۔

باغی ٹی وی : بھارتی ٹینس اسٹار ثانیہ مرزا نے سماجی رابطے کی ویب سائٹ انسٹاگرام پر اپنی ایک دلکش تصویر پوسٹ کی اور ساتھ ہی معنی خیز پیغام جاری کیا۔

ثانیہ مرزا کی جانب سے پوسٹ کی جانے والی تصویر میں اُن پر کہیں دھوپ اور کہیں سایہ ہے۔

بھارتی ٹینس اسٹار نے تصویر کے کیپشن میں امریکی گلوکارہ لیڈی گاگا کا قول لکھا کہ اگر آپ کے سائے نہیں ہیں تو آپ روشنی میں نہیں کھڑے ہیں –

ثانیہ مرزا کی اس معنی خیز پوسٹ کو مداحوں کی جانب سے بہت پسند کیا جارہا ہے اور بھارتی ٹینس اسٹار کی جانب سے 4 گھنٹے قبل شئیر کی گئی پوسٹ پر 92 ہزار 8 سو سے زائد لائکس آچکے ہیں۔

ہالی وڈ ‌کے معروف اداکارجونی ڈیپ کے برطانوی عدالت میں ’بیوی پر تشدد‘ کا مقدمہ اخبار سے ہارنے وارنر بروس کی آنے والی فنٹیسی فلم ’ فنٹاسٹک بیٹس‘ سے علیحدگی اختیار کرلی تھی-

باغی ٹی وی : 3 روز قبل جونی ڈیپ نے بتایا تھا کہ لندن کی ہائی کورٹ میں برطانوی اخبار’دی سن‘ کے خلاف دائر کیا گیا 2 لاکھ یورو کا ہتک عزت کا کیس ہارنے کے بعد انہوں نے فلم ’ فنٹاسٹک بیٹس‘ سے علیحدگی اختیار کی۔

اداکار کے مطابق ’ فنٹاسٹک بیٹس‘ کی ٹیم نے ان سے فلم سے الگ ہونے کی درخواست کی تھی جو انہوں نے قبول کرتے ہوئے خود کو فلم سے الگ کرلیا۔

تاہم اداکار کی جانب سے فلم سے الگ ہونے کے معاملے پر ان کے مداح ناخوش تھے اور انہوں نے اس عمل کو ناانصافی قرار دیا تھا۔

اور اب ان کے مداحوں نے جونی ڈیپ کو ’ فنٹاسٹک بیٹس‘ میں واپس شامل کرنے کے لیے مہم کا آغاز کردیا۔

شوبز ویب سائٹ بلاسٹ کے مطابق جونی ڈیپ کے مداحوں نے آن لائن پلیٹ فارم چینج آرگنائیزیشن پر اداکار کے حق میں پٹیشن کا آغاز کردیا۔

پٹیشن میں مطالبہ کیا گیا کہ جونی ڈیپ کو واپس فنٹیسی فلم ’ فنٹاسٹک بیٹس‘ کا حصہ بنایا جائے انہیں فلم سے الگ کرنا ان کے ساتھ نا انصافی ہے۔

آن لائن پٹیشن پر 10 نومبر کو شام 5 بجے تک ایک لاکھ 30 ہزار 8 سو سے زائد افراد نے دستخط کرلیے تھے اور جونی ڈیپ کو فلم میں واپس لانے کے لیے مزید افراد کی حمایت کی ضرورت ہے۔

پٹیشن میں کہا گیا ہے کہ جونی ڈیپ سے وارنر بروس کی جانب سے کہا گیا تھا کہ وہ استعفی دیں اور فینٹسٹک بیٹس 3 فلم میں گرائنڈوالڈ کے اپنے کردار کو چھوڑ دیں۔ یہ اس واقعے کی وجہ سے ہوا ہے جس میں عدالت نے "دی سن”اخبار کے ساتھ اپنے کیس کا فیصلہ سنایا تھا جو سراسر غیر منصفانہ تھا۔ ہم اسے واپس چاہتے ہیں! وارنر بروس کو عوام کی بات سننی چاہئے یا ہم فلم کا بائیکاٹ کریں گے !

تا ہم خیال کیا جا رہا ہے کہ دنیا بھر میں پھیلے ہوئے اداکار کے مداح ان کی حمایت کریں گے جس کے بعد ممکنہ طور پر جونی ڈیپ کو واپس فلم کا حصہ بنایا جائے گا تاہم اس حوالے سے کچھ بھی کہنا قبل از وقت ہے۔

خیال رہے کہ حال ہی میں امریکی اداکار جونی ڈیپ برطانوی اخبار سن کے خلاف ہتک عزت کا مقدمہ ہار گئے تھے۔جونی ڈیپ رواں ماہ 2 نومبر کو لندن ہائی کورٹ میں برطانوی اخبار ’دی سن‘ کے خلاف دائر کیا گیا ہتک عزت کا مقدمہ ہار گئے تھے جونی ڈیپ نے برطانوی اخبار پر 2018 میں اپنے خلاف ایک مضمون شائع کرنے پر 2 لاکھ یورو کا مقدمہ دائر کیا تھا۔

جونی ڈیپ اور امبر ہرڈ نے 2015 میں شادی کی تھی تاہم 2016 میں 34 سالہ امبر ہرڈ نے جونی ڈیپ پر تشدد کا الزام لگانے کے بعد طلاق کے لیے عدالت سے رجوع کیا تھا اور دونوں کے درمیان 2017 میں طلاق ہوگئی تھی۔

دونوں میں طلاق ہونے کے بعد متعدد نشریاتی اداروں میں جونی ڈیپ کی جانب سے امبر ہرڈ پر تشدد کی خبریں شائع ہوئی تھیں، تاہم برطانوی اخبار کے مضمون میں تفصیلات کے ساتھ بتایا گیا تھا کہ اداکار نے بیوی کو 2 سال میں 14 مختلف مواقع پر جسمانی و جنسی تشدد کا نشانہ بنایا اخبار نے اپنے مضمون میں جونی ڈیپ کو ’بیوی پر تشدد کرنے والا شوہر‘ لکھا تھا-

مذکورہ مضمون کے بعد جونی ڈیپ نے اخبار کے خلاف جھوٹے دعوے کرنے پر مقدمہ دائر کیا تھا اور اس کی سماعتیں رواں برس جولائی سے ستمبر تک ہوئی تھیں جس میں جونی ڈیپ اور امبر ہرڈ دونوں شامل ہوئی تھیں۔

سماعتوں میں جونی ڈیپ نے سابق بیوی پر تشدد کے الزامات کو مسترد کرتے ہوئے دعویٰ کیا تھا کہ اخباری مضمون میں جھوٹ لکھا گیاسچ تو یہ ہے کہ سابق اہلیہ ان پر تشدد کرتی تھیں۔

سماعتوں کے دوران امبر ہرڈ نے بتایا تھا کہ انہوں نے بھی ایک یا دو مرتبہ جونی ڈیپ پر تشدد کیا تھا مگر ان پر 14 مواقع پر تشدد کیا گیا اور ساتھ ہی سابق شوہر نے انہیں دوسرے مرد حضرات سے گینگ ریپ کا نشانہ بنوانے کی دھمکیاں بھی دی تھیں۔

سماعتوں کے بعد رواں ماہ 2 نومبر کو لندن ہائی کورٹ نے جونی ڈیپ کے خلاف فیصلہ دیتے ہوئے کہا تھا برطانوی اخبار کے حق میں فیصلہ دیا تھا جس کے بعد جونی ڈیپ کو آنے والی فلم فانٹیسٹک بیٹس‘ کی ٹیم نے فلم سے الگ ہونے کی درخواست کی تھی فلم کی ٹیم کی جانب سے کی گئی درخواست کو اداکار نے قبول کرتے ہوئے فلم سے علیحدگی اختیار کرلی۔

برطانوی اخبار سے مقدمہ ہارنے کے بعد جونی ڈیپ نئی آنے والی فلم سے باہر

جونی ڈیپ کا ہالی وڈ میں کیرئیر ختم ہو گیا امریکی وکیل کا دعوٰی

بالی وڈ منشیات کیس کی تحقیقات میں نارکوٹکس کنٹرول بیورو (این سی بی) نے بھارتی فلم انڈسٹری کے نامور اداکار ارجن رامپال کو تفتیش کے لیے 11 نومبر 2020 کو طلب کرلیا ہے۔

باغی ٹی وی :بھارتی میڈیا رپورٹ کے مطابق بالی وڈ منشیات کیس کی تحقیقات کرنے والے ادارے نارکوٹکس کنٹرول بیورو (این سی بی) نے معروف بھارتی اداکار ارجن رامپال کو تفتیش کے لیے رواں ماہ 11 نومبر کو طلب کرلیا ہے۔

اے این آئی کے مطابق این سی بی نے تحقیقات کے لیے ارجن رامپال کی گرل فرینڈ گیبریلا ڈیمٹریڈس کو بھی پوچھ گچھ کے لیے 11 نومبر کو ہی طلب کیا ہے۔

این سی بی نے ارجن رامپال کی رہائش گاہ پر 7 گھنٹے تک چھاپہ مار کارروائی کی اور گیجٹ کے ساتھ کچھ محدود دوائیں بھی قبضے میں لے لیں۔

دیپیکا کے سابق منیجر کرشمہ کے چیٹس کے مشورے کے بعد این سی بی نے اس سے قبل بالی ووڈ میں منشیات کے سلسلے میں مشہور اداکارہ دپیکا پڈوکون ، سارہ علی خان ، اور شردھا کپور کو بھی طلب کیا تھا۔ کچھ اطلاعات سے پتہ چلتا ہے کہ اب این سی بی ،ایس آر اے کو راڈار پر لانے کے لئے آگے بڑھ رہا ہے جس کا مطلب ہے ایس شاہ رخ خان ، آر رنبیر کپور ، اور اے ارجن رامپال۔

ایک ماہ قبل ، ایسی اطلاعات سامنے آئیں جن میں بتایا گیا تھا کہ منشیات کے معاملے میں ایس آر اے عنصر کی تحقیقات کی جائیں گی لیکن صرف 3 اداکاراؤں سے ہی پوچھ گچھ کی گئی۔ اب ، این سی بی نے ارجن رامپال سے شروع ہونے والی بالی وڈ انڈسٹری کے اداکاروں کے لئے چھاپہ مار کارروائی شروع کردی ہے۔

کچھ دن قبل ، این سی بی نے عبدالوحید نامی ایک منشیات فروش کو گرفتار کیا تھا جس نے فیروز نادیڈ والا کی اہلیہ شبانہ سعید کو منشیات فراہم کرنے کا اعتراف کیا تھا۔ پروڈیوسر کو بھی این سی بی نے طلب کیا ہے اور وہ بھی آج 9 نومبر کو تفتیش کے لئے ان کے دفتر پہنچا ہے۔ ان کی اہلیہ اور دیگر کو ریمانڈ کے لئے عدالت میں پیش کیا گیا ہے۔

واضح رہے کہ این اسی بی کی جانب سے منشیات کیس اُس وقت شروع کیا گیا جب رواں سال سوشانت سنگھ راجپوت کی خودکشی کے بعد منشیات سے متعلق کچھ واٹس ایپ چیٹس منظر عام پر آئیں۔

اس کیس میں نارکوٹکس کنٹرول بیورو (این سی بی) نے جن بالی وڈ اداکاروں کے خلاف تحقیقات کی تھی اُن میں صف اول اداکارہ دیپیکا پڈوکون اور اُن کی مینیجر کریشمہ پرکاش، کرن جوہر، ریا چکرورتی، سارہ علی خان اور شردھا کپور سمیت دیگر افراد شامل ہیں۔

سوشانت سنگھ خودکشی کیس میں گرفتار ہونے والی ریا چکرورتی نے تحقیقات کے دوران یہ انکشاف کیا تھا کہ سوشانت کی سابقہ گرل فرینڈ سارہ علی خان بھی اُن کے ساتھ مل کر منشیات کا استعمال کرتی تھیں۔

ریا چکرورتی نے بتایا تھا کہ ناصرف وہ بلکہ اداکارہ سارہ علی خان، راکول پریت سنگھ اور سمن کھمباٹا بھی سو2قشانت کے ساتھ مل کر منشیات استعمال کرتے رہے ہیں۔

بالی وڈ منشیات کیس: اداکار ارجن رام پال کے گھر این سی بی کا چھاپہ

اینیمیٹڈ سیریز اسکوبی ڈو کے شریک تخلیق کار اور روبی اسپیئر فاؤنڈیشن کے شریک بانی کین اسپیئر 82 سال کی عمر میں کیلفورنیا میں انتقال کرگئے۔

باغی ٹی وی :شوبز ویب سائٹ ورائٹی کی رپورٹ کے مطابق امریکن ٹی وی ایڈیٹر اور رائٹر کین اسپیئر کی موت کی تصدیق ان کے صاحبزادے کیون اسپیئر نے کی۔

کیون اسپیئر کا کہنا تھا کہ ان کے والد کی موت ڈیمنشیا کی عام قسم Lewy body dementia میں پیش آنے والی پیچیدگیوں کے باعث ہوئی۔

انہوں نے کہا کہ کین کو ان کی عقل وفہم، داستان گوئی، خاندان سے وفاداری اور اپنے کام سے مضبوط تعلق کی بنیاد پر ہمیشہ یاد رکھا جائے گا۔

کین اسپیئر کے صاحبزادے کا کہنا تھاکہ کین اپنی زندگی میں بھی ہم سب کے لیے ایک رول ماڈل تھے اور اس دنیا سے چلے جانے کے باوجود وہ ہمارے دلوں میں زندہ رہیں گے۔

کیون نے کہا کہ بلکہ انہوں نے ‘سکوبی ڈو’ کے بطور شریک تخلیق کار بہت سے لوگوں کی زندگیوں کو بھی چھو لیا ہے-

چارلس کینتھ سپیئرز 12 مارچ 1938 کو پیدا ہوئے ، سپیئرز لاس اینجلس ، کیلیفورنیا میں پروان چڑھے ، جہاں انھوں نے اینیمیٹد فلموں کے پروڈیوسر ولیم ہنا سے دوستی کی۔ بعد میں سپیئرز کو بطور صوتی ایڈیٹر 1959 میں ہنا کی کمپنی ہنا باربیرا پروڈکشن میں رکھا گیا تھا۔

محکمہ ترمیم میں کام کرتے ہوئے ، سپیئرز جو روبی سے ملے ، اور ان دونوں نے نتیجہ خیز شراکت کا آغاز کیا۔ انہوں نے ایک ساتھ مل کر ، ہنا-باربیرا ، سڈ اور مارٹی کرفٹ ٹیلی ویژن پروڈکشنز اور ڈی پیٹی فری لینج انٹرپرائزز کے لئے ٹیلی پلے لکھے۔

واضح رہے کہ 1969 میں کین اسپیئر نے امریکن رائٹر اور کارٹونسٹ جوئی روبی کے ساتھ مل کر مشہور زمانہ کارٹون سیریز اسکوبی ڈو، ویئر آر یو تخلیق کی تھی جب کہ جوئی روبی رواں برس ماہ اگست میں انتقال کرگئے تھے۔

امریکی گلوکارہ آریانا گرانڈے کا جوبائیڈن اور کمالہ ہیرس کی کامیابی کی رپورٹ پر کئے گئے تاثرات کا اظہار گلوکارہ کے پاکستانی مداحوں کو بھا گیا-

باغی ٹی وی: سماجی رابطے کی ویب سائٹ ٹویٹر پر جو بائیڈن اور کمالہ ہیرس کی جیت پر امریکی گلوکارہ آریانا گرانڈے نے اپنے ٹوئٹ میں خوشی کا اظہار کرتے ہوئے لکھا کہ خدا کا شکر ہے-
https://twitter.com/ArianaGrande/status/1325116160044490753?s=20
گلوکارہ کا یہ ٹوئٹ پاکستان کے سوشل میڈیا صارفین کی توجہ کا مرکز بھی بنا ہوا ہے کیونکہ پاکستان میں موجود آریانا کے مداحوں کو اُن کا خدا کا شکر ادا کرنے کا یہ انداز بھا گیا۔

خیال رہے کہ آریانا گرانڈے کی مقبولیت میں گزشتہ چند ماہ میں تیزی سے اضافہ ہوا اور وہ جہاں 20 کروڑ فالوورز والی پہلی خاتون بنیں وہیں وہ اب تک سب سے کم عمر شوبز شخصیت بھی ہیں جن کے اتنے فالوورز ہیں-

واضح رہے کہ 77 سالہ جوبائیڈن امریکی صدارتی انتخابات میں 74 سالہ ڈونلڈ ٹرمپ کو شکست دے کر امریکا کے 46ویں صدر منتخب ہوئے ہیں-