امریکی صدارتی انتخابات میں ڈیموکریٹ پارٹی کے امیدوار جوبائیڈن بالآخر ڈونلڈ ٹرمپ کو شکست دے کر امریکہ کے 46 ویں صدر منتخب ہوگئے ہیں۔ امریکی صدارتی انتخابات کے نتائج پر جہاں دنیا بھر سے معروف شخصیات مبارکباد کے پیغامات بھیج رہی ہیں وہیں پاکستانی فنکاروں نے بھی بائیڈن کی جیت پر خوشی کا اظہار کرتے ہوئے مبارکباد اور نیک خواہشات کا اظہار کیا ہے۔
باغی ٹی وی :پاکستانی تمغہ امتیاز اداکارہ مہوش حیات نے امریکی صدارتی انتخابات کے حالیہ الیکشن کو ٹیسٹ میچ قرار دیتے ہوئے کہا کہ بالآخر 5 روز بعد الیکشن کے نتائج سامنے آگئے۔ انہوں نے بائیڈن اور امریکہ میں موجود اپنے دوستوں کو جیت کی مبارکباد دی جو اس دن کا بے چینی سے انتظار کررہے تھے۔
Finally after an election that seemed like a test match that after 5days play was heading for a draw,we have a result!Congrats to @JoeBiden @KamalaHarris &my American friends who’ve been waiting with bated breath for this day. Hope that it will signal some good news for all of us
— Mehwish Hayat TI (@MehwishHayat) November 7, 2020
مہوش حیات نے کہا کہ امید ہے کہ جوبائیڈن کی جیت ہم سب کے لیے اچھی خبر لے کر آئے۔
https://twitter.com/MehwishHayat/status/1325123703483498497?s=20
جوبائیڈن کی جیت کے ساتھ امریکی ڈیموکریٹ پارٹی کی کمالا ہیرس بھی امریکی تاریخ کی پہلی سیاہ فام خاتون نائب صدر منتخب ہوگئی ہیں۔ مہوش حیات نے کمالا ہیرس کی جیت پر کہا آپ کو اس اقدام کو سراہنے کے لیے امریکی ہونے کی ضرورت نہیں کہ کمالا ہیرس کی جیت کا مطلب خواتین کے لیے اور خاص طور پر ان خواتین کے لیے کیا ہے جو سیاہ فام ہیں۔
https://twitter.com/falamb3/status/1325119416066060289?s=20
گلوکار فخرعالم نے بھی اپنے ٹوئٹ میں جوبائیڈن کو جیت کی مبارکباد دیتے ہوئے کہا مبارک ہو نمبر 46 مسٹرپریزیڈنٹ-
https://twitter.com/Quratulainb/status/1325327757174304773?s=20
گلوکارہ قرۃالعین بلوچ جو اس وقت امریکہ میں موجود ہیں نے ٹوئٹر پر اپنی تصویر شیئر کی جس میں وہ بائیڈن کی جیت کا جشن منارہی ہیں۔
https://twitter.com/ArmeenaRK/status/1325184787917787138?s=20
اداکارہ ارمینا خان نے بھی اپنے ٹوئٹ میں کمالا ہیرس کی جیت پر خوشی کا اظہار کیا اور کہا کہ مجھے بہت اچھا لگتا ہے جب خواتین نئے سنگ میل عبور کرتی ہیں۔
واضح رہے کہ اس سے قبل مہوش حیات نے انسٹاگرام پرٹرمپ اور بائیڈن کی صدارتی الیکشن مہم کی تصاویر شیئر کیں اور لکھا جب امریکہ چھینکتا ہے تو پوری دنیا میں ٹھنڈ بڑھ جاتی ہے۔ مہوش حیات نے کہا دوستوں کے ذریعے میرے علم میں یہ بات آئی ہے کہ امریکہ کے بہت سے اہم شہر بند ہورہے ہیں جبکہ امریکہ میں افرا تفری کا خطرہ نظر آرہا ہے ہ صرف ہم ہی نہیں جس کی دلچسپ انتخابات پر اجارہ داری ہو تاہم دیکھنا یہ ہے کہ وائٹ ہاؤس کی چابی کس کے ہاتھ میں آتی ہے اور اگلے چار سال تک امریکہ کی صدارت کون سنبھالتا ہے۔
