Baaghi TV

Author: عائشہ ذوالفقار

  • پاکستانی آرٹسٹوں کی ارطغرل غازی کے خلاف بحث انتہائی شرمناک اور بیکار ہے زاہد احمد

    پاکستانی آرٹسٹوں کی ارطغرل غازی کے خلاف بحث انتہائی شرمناک اور بیکار ہے زاہد احمد

    پاکستان کے نامور اداکار زاہد احمد نے پاکستان ٹیلی وژن (پی ٹی وی) پر نشر ہونے والے اسلامی فتوحات پر مبنی ترک سیریز ارطغرل غازی کی پاکستان میں کامیابی کو کُھلے دل سے قبول کرتے ہوئے اس سے متعلق فنکاروں کی بحث اور مخالفت کو شرمناک قرار دیا ہے-

    باغی ٹی وی :سلامی فتوحات پر مبنی شہرہ آفاق تُرک سیریز ’ارطغرل غازی‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

    دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اس کا سیزن 1 چل رہا ہے جبکہ اس کے مجموعی طور پر 5 سیزن ہیں۔ اس ڈرامے نے مقبولیت کے نئے ریکارڈ بناتے ہوئے پاکستانی ڈراموں کو بھی پیچھے چھوڑ دیا ہے-

    جہاں اس ڈرامے کی کہانی اور اداکاروں کی اداکاری پر پاکستانی عوام نے خوشی کا اظہار کیا ہے وہیں پاکستانی شوبز انڈسٹری کی کچھ شخصیات نے ڈرامے کو پی ٹی وی پر دکھانے ناپسندیدگی کا اظہار بھی کیا تھا اس ڈرامے کی پاکستان میں مقبولیت کے بعد معروف شخصیات دو حصوں میں بٹ گئیں تھیں کچھ لوگ اس کو پی ٹی وی پر نشر کرنے پر ناراض دکھائی دیئے جبکہ کچھ نے اسلامی فتوحات پر بنائے گئے ڈرامے کو پی ٹی وی پر نشر کرنے کو مثبت قرار دیا تھا۔

    اس حوالے سے اداکار شان شاہد او اداکارہ ریما نے بھی ترک ڈرامے کو نشر کرنے پر برہمی کا اظہار کیا تھا جس کے بعد یاسر حسین نے بھی ‘ارطغرل غازی’ کو پی ٹی وی پر نشر کرنے کے معاملے پر تنقید کی تھی بعدازاں اداکار یاسر حسین نے ترک اداکارہ اسرا بلجیک کو پاکستانی برانڈ کی سفیر مقرر کرنے کی بھی مخالفت تھی اور کہا تھا کہ انہیں اسٹار ہی پاکستانیوں نے بنایا۔

    یاسر حسین سے ایمن اور منال خان سمیت دیگر چند شخصیات نے بھی اتفاق کیا تھا، تاہم بعد ازاں عائشہ عمر، آغا علی، اعجاز اسلم اور بلال اشرف سمیت دیگر شوبز شخصیات نے اسرا بلجیک کو پاکستانی موبائل برانڈ کا ایمبیسڈر بنائے جانے کی حمایت کی تھی۔

    حال ہی میں ایک انٹرویو میں سینئیر اداکارہ لیلیٰ زبیری نے ارطغرل غازی کو پاکستانی ڈراموں کے لیے رول ماڈل قرار دیتے ہوئے کہا تھا کہ پاکستان ڈرامہ انڈسٹری کو ارطغرل جیسے ڈرامے بنانے چاہیے۔

    اب حال ہی میں انسٹاگرام پر لائیو سیشن کے دوران زاہد احمد نے غیر ملکی ڈراموں کو پاکستان میں نشر کرنے سے متعلق اپنے خیالات کا اظہار کیا اور ان کی حمایت بھی کی۔

    زاہد احمد کا کہنا تھا کہ میں اس بات سے 110 فیصد اتفاق کرتا ہوں کہ مذہبی مواد ڈراموں اور فلموں میں آنا چاہیے اورمیں پاکستان میں ارطغرل غازی کی کامیابی کو کھلے دل سے قبول کرتا ہوں۔
    https://www.instagram.com/p/CD1YyV8Js5p/?igshid=iy82sd7jbm1a
    زاہد احمد کا کہنا تھا کہ میرے نزدیک کچھ آرٹسٹوں کی جانب سے پاکستان میں غیر ملکی مواد نشر کرنے سے متعلق نوکریوں کا مسئلہ پیدا ہونے کے تحفظات اور اس ڈرامے کے خلاف بحث انتہائی شرمناک اور بیکار ہے۔

    اداکار کا کہنا تھا کہ پہلی بات تو یہ ہے کہ اگر آپ اپنے کام میں اچھے ہیں تو آپ کی نوکری کہیں نہیں جائے گی ساتھ ہی انہوں نے کہا کہ دوسری بات یہ ہے کہ ہمیں پھر شرم آنی چاہیے کہ ایک مسلمان ملک ہوتے ہوئے ہم ایسا مواد نہیں بنارہے۔

    زاہد احمد نے مزید کہا کہ اس میں اگر کام کی بات کی جائے تو پاکستان ٹیلی ویژن (پی ٹی وی) کو اس حوالے سے جوابدہی ہونی چاہئے تو آپ کو معلوم ہوگا کہ ایسے مواد یہاں کیوں نہیں بنائے گئے-

    ترکی کا معروف ڈرامہ ارطغرل گنیز بک آف ورلڈ ریکارڈ کیلئے منتخب

    پاکستان میں ڈرامہ سیریل ارطغرل غازی کی مقبولیت توقع سے زیادہ ہے ترگت الپ

    ارطغرل غازی ہمارے ڈراموں کے لیے رول ماڈل ہے لیلٰی زبیری

  • 15 اگست یوم سیاہ ازقلم: محمد عبداللہ گِل

    15 اگست یوم سیاہ ازقلم: محمد عبداللہ گِل

    15 اگست یوم سیاہ
    ازقلم محمد عبداللہ گِل
    73 برس بیت چکے ہیں ایک خوبصورت وادی ظالم کے قبضے میں ہے۔اس خوبصورت وادی کا نام کشمیر ہے اور اس پر ظلم‌ و بربریت کرنے والا ظالم بھارت ہے۔برِصغیر پاک و ہند میں بھی ہندو تو آزاد ہی تھے۔بڑے بڑے عہدے ان کے پاس تھے اور انگریزوں کی چمچہ گری کرنا ان کا کام تھا۔اصل ظلم تو مسلمانوں پر ہوتا تھا۔مسلمان محکوم بنے ہوئے تھے اس ملک میں جس کے وہ کبھی حاکم ہوا کرتے تھے۔ہندو اور کانگرس نہیں چاہتی تھی کہ پاکستان بنے وہ چاہتے تھے کہ انگریز جب نکلے تو سارے کا سارا برصغیر ہمارے قبضے میں آئے۔لیکن بھارت کا یہ خواب خواب ہی رہ گیا اور قائداعظم کی کوششوں سے پاکستان معرض وجود میں آگیا جو کہ کانگرس اور گاندھی کی شکست تھی۔کشمیر ایک ریاست تھی جس کا راجا ہندو تھا۔لیکن کشمیر میں اکثریت تو مسلمانوں کی تھی۔کشمیر کو حق دیا گیا تھا کہ دونوں میں سے جس ملک کے ساتھ چاہے الحاق کر لے۔کشمیری پاکستان کے ساتھ الحاق کرنا چاہتے تھے لیکن وہاں کے راجا ہری سنگھ نے چند ٹکے لے کر خود دہلی میں جا بیٹھا اور وادی پر بھارت کا جابرانہ اور غاصبانہ قبضہ ہو گیا۔اس وقت کشمیر میں 10 لاکھ کے لگ بھگ فوج ہے۔جب مسلہ کشمیر اقوام متحدہ میں گیا تو قرار دادیں منظور کی گئی جن کے مطابق کشمیر میں استصواب رائے کروایا جائے جو کہ آج تک نہ ہو سکا۔کیونکہ بھارت جانتا ہے اگر میں نے استصواب رائے کروا دی تو کشمیری پاکستان سے الحاق کرے گئے۔اس لیے بھارت پر غاصبانہ قبضہ جاری رکھا۔73 سال کا عرصہ گزر گیا بہت سی بہنوں کی عزتیں پامال کی۔لاکھوں ماوں کے سر کے ڈوپتے نوچیں گے۔لاکھوں بچوں کو یتیم کیا۔
    لیکن عالمی برادری خاموش کیوں؟
    اقوام متحدہ کی قراردادوں پر عمل درآمد کیوں نہیں؟
    ہماری امیدیں وابستہ ہیں امریکہ، برطانیہ اور اقوام متحدہ سے جو کہ غیر مسلموں کی پٹھو تنظیم ہے۔

    اس کا جواب اللہ تعالی نے قرآن مجید میں دیا ہے:-
    یٰۤاَیُّہَا الَّذِیۡنَ اٰمَنُوۡا لَا تَتَّخِذُوا الۡیَہُوۡدَ وَ النَّصٰرٰۤی اَوۡلِیَآءَ ۘ ؔ بَعۡضُہُمۡ اَوۡلِیَآءُ بَعۡضٍ ؕ وَ مَنۡ یَّتَوَلَّہُمۡ مِّنۡکُمۡ فَاِنَّہٗ مِنۡہُمۡ ؕ اِنَّ اللّٰہَ لَا یَہۡدِی الۡقَوۡمَ الظّٰلِمِیۡنَ ﴿۵۱﴾

    ترجمہ:-

    اے ایمان والو! تم یہود و نصاریٰ کو دوست نہ بناؤ یہ تو آپس میں ہی ایک دوسرے کے دوست ہیں ۔ تم میں سے جو بھی ان میں سے کسی سے دوستی کرے وہ بے شک انہی میں سے ہے ، ظالموں کو اللہ تعالٰی ہرگز راہ راست نہیں دکھاتا ۔

    آج ہماری دوستیاں امریکہ اور برطانیہ سے ہے اور مودی سے ہے جو کہ اللہ کے حکم کی خلاف ورزی ہے۔
    ادھر کشمیر میں کل 14 اگست کو صورتحال یہ تھی کہ کرفیو لگا ہوا تھا۔کشمیری بہنوں اور ماوں نے گھر میں خود پرچم سلائی کر کے سرینگر کے چوک میں پاکستان سے محبت کا ثبوت دیا۔کشمیر کے چوک میں نعرے لگے
    "جیوے جیوے پاکستان
    تیری جان میری جان
    پاکستان پاکستان ”
    کشمیریوں کا پاکستان کے حق میں نعرے لگانا اپنے گھروں کی چھتوں پر پاکستان کے پرچم لہرانا۔اور ریلیاں اور احتجاجی مظاہروں کے دوران حب پاکستان میں گولیاں اور پیلٹ گنوں کا نشانہ بن کر اپنی آنکھوں کی بینائی کو ضائع کروا لینا الحاق پاکستان کا ثبوت یے۔
    آج 15 اگست جو کہ ظالم ملک بھارت کی آزادی کا دن ہے کشمیر کے سرینگر کے لال چوک میں خاموشی طاری ہے۔کشمیری خاموش اس لیے ہیں کیونکہ وہ آج کے دن کو یوم سیاہ کے طور پر مناتے ہیں۔
    کشمیر میں تو یہ صورتحال ہے کہ کشمیری نوجوان اور بچے ان کو کچھ نہ ملے تو وہ پتھروں کے ساتھ ہی مقابلہ کے لیے تیار ہو جاتے ہیں۔بھارتی فوج کر بھی کیا سکتی ہے زیادہ سے زیادہ کا آپا آسیہ اندرابی کو گائے زبح کرنے کے جرم میں گرفتار کر سکتی ہے۔گرفتاری کی صعوبتوں کے باوجود آپا جی کے دل میں پاکستان کی محبت کا بڑھ جانا اس کا ثبوت ہے کہ وہ پاکستان سے الحاق چاہتی ہے۔بزرگ قائد حریت سید علی گیلانی صاحب جو کہ طویل عرصے سے علیل ہے۔علالت کے باوجود ان کو نظربند کرنا اور نظربندی کے دوران بھی ٹویٹ کے ذریعے 14 اگست کو ان کا پاکستان کو مبارک باد دینا بھارت کے ظلم کے خلاف ان کا آواز بلند کرنا پاکستان سے محبت کی علامت ہے۔
    آخر کشمیری اور پاکستانی آج کے دن کو یوم سیاہ کے طور پر کیوں نہ منائے؟آج کے دن بننے والے ملک بھارت نے پاکستان کی شہ رگ کو قیدی بنا رکھا ھے۔کشمیر مسلمانوں کو کھانا نہیں مل رہا۔کشمیری یوم سیاہ اس لیے مناتے ہیں کیونکہ بھارت ظالم نے ان سے اظہار خیال کو حق چھین لیا اور ان کا آئینی،جمہوری حق جو کہ استصواب رائے کا تھا چھین لیا۔ان ظالموں نے کشمیریوں کو ان کے آباواجداد کے ملک میں ہی قید کر دیا۔باہر سے آ کر ان پر قبضہ کر لیا اور ان کی بیٹیوں کی عزتوں کو لوٹا جا رہا ہے۔😭😭
    یہ وہ۔کشمیر ہے جو اقبال کے تخیل کا مظہر یوں تھا:-

    آج وہ کشمیر ہے محکوم و مجبور و فقیر
    کل جسے اہل نظر کہتے تھے ایران صغیر

    اب حکومت پاکستان کو بھی چاہیے کہ جہاد فی سبیل اللہ کا آغاز کر دینا۔کیونکہ واضح حکم ربی ہے:-

    یٰۤاَیُّہَا الَّذِیۡنَ اٰمَنُوۡا قَاتِلُوا الَّذِیۡنَ یَلُوۡنَکُمۡ مِّنَ الۡکُفَّارِ وَ لۡیَجِدُوۡا فِیۡکُمۡ غِلۡظَۃً ؕ وَ اعۡلَمُوۡۤا اَنَّ اللّٰہَ مَعَ الۡمُتَّقِیۡنَ ﴿۱۲۳﴾ ٙ

    اے ایمان والو! ان کفار سے لڑو جو تمہارے آس پاس ہیں اور ان کو تمہارے اندر سختی پانا چاہیے اور یہ یقین رکھو کہ اللہ تعالٰی متقی لوگوں کے ساتھ ہے ۔
    ریاست مدینہ کے بانی خاتم النبین حضرت محمد صلی اللہ علیہ وسلم نے فرمایا:-
    حضرت نعمان بن بشیرؓ سے روایت ہے کہ رسول اکرم صلی اﷲ علیہ وسلم نے فرمایا سب مسلمان ایک جسم واحد کی طرح ہیں۔ اگر اس کی آنکھ دُکھے تو اس کا سارا جسم دُکھ محسوس کرتا ہے اور اسی طرح اگر اس کے سر میں تکلیف ہو تو بھی سارا جسم تکلیف میں شریک ہوتا ہے۔ (صحیح مسلم)

    کاہے کی آزادی اور کون سا جشن آزادی؟ بھارتیو تم مقید ہی کب تھے جو آزاد ہوتے. تم تو قابض تھے صیاد تھے اب بھی ہو..14اگست 1947 بھارت کا یوم شکست تھا اور ان شاء اللہ 2020 ان کا دوسرا یوم شکست ہوگا. جب کشمیر آزاد کرائیں گے.اے اللہ کشمیر کو آزادی نصیب فرما اور ظالموں کو نست و نابود فرما

  • پاکستانی فنکاروں نے پاکستان مخالف بیان پرکنگنا رناوت کو آئینہ دکھا دیا

    پاکستانی فنکاروں نے پاکستان مخالف بیان پرکنگنا رناوت کو آئینہ دکھا دیا

    بالی وڈ اداکارہ کنگنا رناؤت بھارتی فلم انڈسٹری میں اقربا پروری اور خواتین کے ساتھ ہونے والے ناروا سلوک پر بات کرتی رہتی ہیں لیکن اس کے ساتھ ہی وہ اسکینڈل کوئین اپنی تعصب پسندی اور تنگ نظر ی کے حوالے سے بھی جانی جاتی ہیں-

    باغی ٹی وی :کنگنا رناؤت کی تعصب پسندی اور تنگ نظری کی ایک مثال ان کی جانب سے اپنے ذاتی بھارتی مسئلے میں پاکستان کو لانے سے بھی لگایا جاسکتا ہے۔

    12 اگست کو عالیہ بھٹ اور سنجے دت کی آنے والی فلم سڑک ٹو کا ٹریلر ریلیز ہونے کے بعد ایک فلمی ناقد روہت جیسوال نے ٹریلر میں عالیہ بھٹ کی جانب سے سادھو کا لفظ کہے جانے پر اعتراض اٹھاتے ہوئے تجویز دی کہ مذکورہ لفظ کو نکال کر اس کی جگہ مولوی یا پادری شامل کیا جائے۔

    روہت جیسوال نے کہا کہ ٹریلر میں عالیہ بھٹ کہتی ہیں کہ انہوں نے گروؤں کی وجہ سے اپنے کھوئے‘ تو اداکارہ کے گروؤں لفظ کو ’مولوی‘ یا ’پادری‘ سے تبدیل کرکے ٹریلر کو دوبارہ ریلیز کیا جائے۔


    اس نے مہیش بھٹ سے سوال کرتے ہوئے کہا کہ مسٹر بھٹ کیا آپ گروو کا لفظ ہٹا کر پادری یا مولوی میں تبدیل کر سکتے ہیں ؟ اس سے پہلے کہ کوئی طویل بحث اس کی جگہ لے اس ٹریلر کو مذکورہ الفاظ کے ساتھ تبدیل کر کے دوبارہ ریلیز کریں-

    روہت جیسوال کی اس ٹوئٹ کو اداکارہ کنگنا رناؤت نے ری ٹوئٹ کرتے ہوئے ان کی تجویز کی تعریف کرتے ہوئے ساتھ ہی پاکستان کو معاملے میں لے آئیں۔

    کنگنا رناوٹ نے اپنی ٹوئٹ میں سڑک ٹو کی ٹیم کو مخاطب ہوتے ہوئے لکھا کہ کیا وہ گرو کی جگہ مولوی اور کیلاش اسکینڈل کو مکہ اسکینڈل سے تبدیل کرسکتے ہیں؟


    کنگنا نے لکھا کہ کیا سادھوؤں کے الفاظ کا ان تعصبات سے کوئی تعلق ہے؟

    ساتھ ہی انہوں نے اپنی پوسٹ میں کسی کا نام لکھے بغیر لکھا کہ بھارت میں پاکستانی ایجنٹوں کو مذہبی منافرت اور تعصبات پھیلانے کی اجازت کیوں ہے؟ جو پاکستان کی خواہش پر یہاں مذہبی نفرت پھیلا رہے ہیں۔

    کنگنا رناؤت کی اسی ٹوئٹ کو پاکستانی گلوکارہ مومنہ مستحسن نے شیئر کرتے ہوئے انہیں کرارا جواب دیا اور لکھا کہ وہ ان ہی نفرت آمیز باتوں کی وجہ سے اپنی اچھی باتوں کی اہمیت گنوا دیتی ہیں۔


    مومنہ مستحن نے بھارتی اداکارہ سے سوال کیا کہ آخر وہ اپنے تمام دلائل میں زبردستی پاکستان کو کیوں گھسیٹ لاتی ہیں؟

    پاکستانی گلوکارہ نے بھارتی اداکارہ کوکہا کہ اس کا کوئی مقصد نہیں ہے بلکہ الٹا آپ جو ایس ایس آر کو انصاف دلانے ، بالی وڈ میں اقربا پروری کے خلاف جنگ کرنے ، مذہبی منافرت اور تعصب کی روک تھام کے لئے صحیح طریقے سے انصاف حاصل کرنے جیسے اہم معاملات پر آواز اٹھاتی ہیں اس پر اثر پڑے گا۔

    مومنہ مستحسن نے ان پر کہا کہ علاقائی نفرت اور مذہبی منافرت پھیلا کر امن قائم نہیں کیا جا سکتا اور اس طرح کی حرکتوں سے انصاف کا حصول بھی ممکن نہیں-


    دوسری جانب پاکستان ڈرامہ انڈسٹری کے نامور اداکار منیب بٹ نے بھی کنگنا کی اس ٹوئٹ پر اداکارہ اور بھارتی میڈیا کو آڑے ہاتھوں لیتے ہوئے کرارا جواب دیا انہوں نے کہا کہ بھارتی پاکستانیوں کے معاملے میں اس قدر جنونی کیوں ہیں بھارت کا بے وقوف میڈیا ان کے ذہن کی درست تصویر پیش کرتا ہے زیادہ مسئلہ ہے پاکستان سے تو بھیجو کوئی پائلٹ چائے تیار ہے اور اس بار ادرک والی چائے پلائیں گے الائچی ڈال کے-

    اسی طرح کنگنا رناوٹ کی جانب سے ایک اور معاملے میں زبردستی پاکستان کو لانے پر اداکارہ ارمینہ خان نے انہیں کرارا جواب دیا۔

    کنگنا رناوٹ نے نائب امریکی صدارتی امیدوار کمالا ہیرس کی ایک ویڈیو شیئر کرتے ہوئے اس پر ہرزہ سرائی کی اور انہیں بھی پاکستانی حمایتی قرار دیا۔

    کنگنا رناوٹ نے کمالا ہیرس کی ویڈیو شیئر کرتے ہوئے لکھا کہ بھارتی افراد گوروں کے لیے کتنے کام کے ہیں کہ انہوں نے پاکستانی ووٹرز کے ووٹ حاصل کرنے کے لیے کسی پاکستانی کو نہیں بلکہ ایک ایسے بھارتی نژاد کو منتخب کیا جو پاکستان کا حمایتی ہے۔

    ساتھ ہی انہوں نے لکھا کہ ہندو بہادر خاتون لکشمی بائی کی کہانی پڑھنے کے بعد یہ بات سمجھی کہ اس دیش کو دشمنوں نے کم اور اپنوں نے زیادہ نقصان پہنچایا ہے۔
    https://twitter.com/ArmeenaRK/status/1294137853228675074?s=19
    کنگنا رناوٹ کی اسی ٹوئٹ پر اداکارہ ارمینہ خان نے انہیں کرارا جواب دیا کہ ایک دن کشمیر کنگنا رناوٹ جیسی ذہنیت رکھنے جیسے لوگوں سے آزادی کا جشن منائے گا –

    ارمینہ خان نے لکھا کہ مجھے معلوم ہے کہ وہ کرما پر یقین رکھتی ہے اور اس تمام منفی توانائی پر جو وہ اکٹھا کررہی ہے اس کے خلاف پہلے ہی کام کر رہی ہے۔ کتنی خوفناک / نفرت سے بھری ، ملعون مخلوق

    آئی پی ایل میں منتخب نہ ہونے پر معروف کرکٹر نے خودکشی کرلی

    کرینہ کپور امید سے ہوگئیں :بھارتی میڈیا کا دعویٰ

  • اعلیٰ سول ایوارڈ کیلئے نامزدگی پر سکینہ سموں کا خوشی کا اظہار

    اعلیٰ سول ایوارڈ کیلئے نامزدگی پر سکینہ سموں کا خوشی کا اظہار

    صدر پاکستان عارف علوی کی جانب سے 148 ملکی غیر ملکی مختلف شخصیات کو اعلیٰ سول ایوارڈز دینے کا اعلان کیا گیا ہے –

    باغی ٹی وی : یوم آزادی 2020 کے موقع پر صدر مملکت ڈاکٹر عارف علوی کی جانب سے مختلف شعبہ جات میں نمایاں خدمات سر انجام دینے والی 184 ملکی اور غیر ملکی شخصیات کو پاکستان کے اعلیٰ سول ایوارڈز سے نوازنے کا اعلان کیا گیا ہے-

    یہ ایوراڈز آئندہ سال 23 مارچ کو یوم پاکستان پر نوازے جائیں گے-

    صدر مملکت نے غیلر ملکی شخصیات کے علاوہ میوزک، اداکاری، ادب اور دیگر فنون لطیفہ کے شعبہ جات سے بھی متعدد شخصیات کو ایوارڈز کے لیے نامزد کیا ہے جن میں سکینہ سموں بھی شامل ہیں –

    پاکستان کے اعلیٰ سول ایوارڈ کے لیے نامزد ہونے والی فنکارہ نے پاکستان کے اعلیٰ سول ایوارڈ کے لیے نامزد ہونے پر سماجی رابطے کی ویب سائٹ انسٹا گرام پوسٹ کے ذریعے مداحوں کے ساتھ اپنی خوشی کا اظہار کیا ہے-
    https://www.instagram.com/p/CD3mziDFtXK/?igshid=1kqzqptl8lxww
    سکینہ سموں نے یوم آزادی کے موقع پر اپنے پیغام میں لکھا کہ پیارے پاکستان میں آپ کو اس قیمتی یوم آزادی پر سلام پیش کرتا ہوں۔

    اعلیٰ سول ایوارڈ کے لئے نامزد کرنے پر حکومت پاکستان کا شکریہ ادا کرتے ہوئے سکینہ سموں نے لکھا کہ میں حکومت پاکستان کا شکریہ ادا کرتی ہوں کہ اس نے تفریحی دنیا میں میری خدمات کے لئے مجھے پرائیڈ آف پرفارمنس ایوارڈ سے نوازا ہے۔

    انہوں نے لکھا کہ میں اس اعزاز کی پورے دل سے قدر کرتی ہوں۔ تب میں 2011 میں تب میں مغلوب ہوگئی تھا جب مجھے تمغہ امتیاز ملا تھا۔ میں اب خوش ہوں۔ انہوں نے لکھا کہ "جتنے زیادہ ایوارڈ اپنے نا م کریں گے آپ کے لئے اتنی ہی ذمہ داریاں زیادہ ہوں گے۔”

    ہدایتکارہ نے لکھا کہ میں ہمیشہ ایوارڈز اور اس کے ساتھ ساتھ آنے والی ذمہ داریوں کا احترام کرتی رہوں گی ۔ انشاء اللہ.

    انہوں نے لکھا کہ میں پی ٹی وی کی بہت مشکور ہون میں کراچی ٹی وی کے صحن میں پلی بڑھی ہوں۔ میں نے اپنے تخیل سے پرے بہت کچھ سیکھا-

    سکینہ سموں نے کہا کہ اگر مجھے پھر سے یہ کام کرنا پڑا تو میں پی ٹی وی کے اس دور میں واپس چلی جاؤں گی۔ میں اپنے ناٹک رنگ کے دن کو کبھی نہیں بھولوں گی جس نے مجھے یہ سکھایا تھا کہ کس طرح تصور کرنا ہے اور چیزوں کو مختلف طرح سے دیکھنا ہے۔ میں نے وہاں کچھ آفاقی اصول سیکھے جو میں آج بھی لاگو خود پر لاگو کرتی ہوں۔

    حکومت پاکستان کی جانب سے پرائیڈ آف پرفارمنس ملنا میرے لئے بہت بڑے اعزاز کی بات ہے ہمایوں سعید

    پاکستان کے اعلیٰ سول ایوارڈز کے لئے نامزد ہونے پر علی ظفر اللہ تعالیٰ اور حکومت کے شُکر گُزار

    میوزک، اداکاری، ادب سمیت 184 ملکی اورغیر ملکی شخصیات کو پاکستان کے اعلیٰ سول ایوارڈز دینے کا اعلان

  • تُرک فنکاروں کی جانب سے پاکستانیوں کے لئے پیغام

    تُرک فنکاروں کی جانب سے پاکستانیوں کے لئے پیغام

    اسلامی فتوحات پر مبنی تُرک سیریز ارطغرل غازی کے فنکاروں نے گزشتہ روز جمعہ کو پاکستانی قوم کو 74ویں یوم آزادی پر مبارکباد دی ہے۔

    باغی ٹی وی : تُرک ڈراموں اور فلموں کو دنیا بھر میں پسند کیا جاتا ہےمگر جو مقبولیت ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے کو ملی اس کی مثال نہیں ملتی۔ اسے دنیا کے کم و بیش ساٹھ ( 60 ) ممالک میں ڈب کر نے کے بعد اب پاکستان میں بھی نشر کیا جا رہا ہے اس ڈرامے نے پاکستان سمیت دنیا بھر میں انتہائی مقبولیت حاصل کی ہے پاکستان میں نہ صرف اس ڈرامے کولوگ بے تحاشہ پسند کررہے ہیں بلکہ ڈرامے کے اداکاروں کو بھی بے حد شہرت ملی ہے-

    یوم آزادی کے موقع پر ایسرا بلجیک نے اپنے ایک ویڈیو پیغام میں کہا کہ میں ایسرا بیلجک ہوں اور 14 اگست کے موقع پر آپکو اپنی جانب سے جشن آزادی کی مبارکباد دینا چاہتی ہوں پاکستان زندہ باد۔
    https://www.instagram.com/p/CD12Z7gAwxK/?igshid=1o4nd5ztsk7we
    ارطغرل غازی میں مرکزی کردار ادا کرنے والے تُرک اداکار انجن التان نے بھی جشن آزادی کے موقع پر پاکستان میں موجود تمام مداحوں کو جشن آزادی کی مبارکباد دی تھی۔
    https://www.instagram.com/p/CD12KkDgywh/?igshid=16vc795h6g9xc
    انہوں نے اپنے ویڈیو پیغام میں پاکستان کی قومی زبان اردو میں جشن آزادی کی مبارکباد دیتے ہوئے کہا کہ تمام اہل پاکستان کو جشن آزادی مبارک۔

    ارطغرل غازی کے ایک اور اہم کردار تُرگت الپ (جنگیز جوشقون) نے بھی جشن آزادی کے موقع پر پاکستان میں موجود تمام مداحوں کو جشن آزادی کی مبارکباد دی تھی۔
    https://www.instagram.com/p/CD5QQ6XBaMO/?igshid=1jrm1vls6rzrq
    انہوں نے اپنے پیغام میں پاکستان سے محبت کا اظہار کرتے ہوئے لکھا تھا میرے دوسرے ملک پاکستان کو جشن آزادی مُبارک-

    ہم سب کو متحد اور یکجا ہونا چاہیے کیونکہ اتحاد ہی ہے جو ایک قوم کو عظیم بناتا ہے عائزہ خان

    ارطغرل غازی کی تلوار اب آپ کی ہوسکتی ہے

  • حکومت پاکستان کی جانب سے پرائیڈ آف پرفارمنس ملنا میرے لئے بہت بڑے اعزاز کی بات ہے ہمایوں سعید

    حکومت پاکستان کی جانب سے پرائیڈ آف پرفارمنس ملنا میرے لئے بہت بڑے اعزاز کی بات ہے ہمایوں سعید

    صدر پاکستان عارف علوی کی جانب سے 148 ملکی غیر ملکی مختلف شخصیات کو اعلیٰ سول ایوارڈز دینے کا اعلان کیا گیا ہے –

    باغی ٹی وی : یوم آزادی 2020 کے موقع پر صدر مملکت ڈاکٹر عارف علوی کی جانب سے مختلف شعبہ جات میں نمایاں خدمات سر انجام دینے والی 184 ملکی اور غیر ملکی شخصیات کو پاکستان کے اعلیٰ سول ایوارڈز سے نوازنے کا اعلان کیا گیا ہے-

    یہ ایوراڈز آئندہ سال 23 مارچ کو یوم پاکستان پر نوازے جائیں گے-

    صدر مملکت نے غیلر ملکی شخصیات کے علاوہ میوزک، اداکاری، ادب اور دیگر فنون لطیفہ کے شعبہ جات سے بھی متعدد شخصیات کو ایوارڈز کے لیے نامزد کیا ہے جن میں ہمایوں سعید بھی شامل ہیں –

    پاکستان کے اعلیٰ سول ایوارڈ کے لیے نامزد ہونے والے فنکار نےپاکستان کے اعلیٰ سول ایوارڈ کے لیے نامزد ہونے پر سماجی رابطے کی ویب سائٹ انسٹا گرام پوسٹ کے ذریعے اللہ تعالیٰ اور حکومت پاکستان کا شکریہ ادا کیا ہے ۔

    اداکار و ہدایتکار ہمایوں سعید نے حاصل کرنے والی تمام کامیابیوں اور کامرانیوں کے لیے اللہ کا شکر ادا کرتے ہوئے انسٹاگرام پر ایک پوسٹ شیئر کی گئی اداکار نے لکھا کہ بے شمار نعتوں کے لیے وہ اللہ تعالیٰ کے بے حد شکر گزار ہیں۔
    https://www.instagram.com/p/CD3m1sSpuIy/?igshid=1nidx204usen1
    ہمایوں سعید نے لکھا کہ حکومت پاکستان کی جانب سے پرائیڈ آف پرفارمنس ملنا اُن کے لیے بہت بڑے اعزاز کی بات ہے ۔

    ہمایوں سعید نے اپنی پوسٹ میں اپنے تمام مداحوں کا شکریہ ادا کرتے ہوئے لکھا کہ آپ سب کے پیار حوصلہ افزائی اور تعریف کا بہت شکریہ ۔

    اس سے قبل ہمایوں سعید نے یوم آزادی کے موقع پر انسٹاگرام پر اپنی ایک پوسٹ شئیر کرتے ہوئے پاکستانیوں کو یوم آزادی کی مبارکباد دی تھی اداکار نے لکھا تھا کہ اے وطن پیارے وطن … اللہ ہمارے پیارے پاکستان کو ہمیشہ سلامت رکھے۔ ہم ہمیشہ اس کے وفادار رہیں ، اس کی حفاظت کریں اور اس کی خوشحالی کے لئے جدوجہد کریں۔ یوم آزادی مبارک. پاکستان زندہ باد!
    https://www.instagram.com/p/CD3W93LJ5Ab/?igshid=o43wfn27q4lt

    میوزک، اداکاری، ادب سمیت 184 ملکی اورغیر ملکی شخصیات کو پاکستان کے اعلیٰ سول ایوارڈز دینے کا اعلان

    ہم سب کو متحد اور یکجا ہونا چاہیے کیونکہ اتحاد ہی ہے جو ایک قوم کو عظیم بناتا ہے عائزہ خان

    پاکستان کے اعلیٰ سول ایوارڈز کے لئے نامزد ہونے پر علی ظفر اللہ تعالیٰ اور حکومت کے شُکر گُزار

  • پاکستان کے اعلیٰ سول ایوارڈز کے لئے نامزد ہونے پر علی ظفر اللہ تعالیٰ اور حکومت کے شُکر گُزار

    پاکستان کے اعلیٰ سول ایوارڈز کے لئے نامزد ہونے پر علی ظفر اللہ تعالیٰ اور حکومت کے شُکر گُزار

    صدر پاکستان عارف علوی کی جانب سے 148 ملکی غیر ملکی مختلف شخصیات کو اعلیٰ سول ایوارڈز دینے کا اعلان کیا گیا ہے –

    باغی ٹی وی : یوم آزادی 2020 کے موقع پر صدر مملکت ڈاکٹر عارف علوی کی جانب سے مختلف شعبہ جات میں نمایاں خدمات سر انجام دینے والی 184 ملکی اور غیر ملکی شخصیات کو پاکستان کے اعلیٰ سول ایوارڈز سے نوازنے کا اعلان کیا گیا ہے-

    یہ ایوراڈز آئندہ سال 23 مارچ کو یوم پاکستان پر نوازے جائیں گے-

    صدر مملکت نے غیلر ملکی شخصیات کے علاوہ میوزک، اداکاری، ادب اور دیگر فنون لطیفہ کے شعبہ جات سے بھی متعدد شخصیات کو ایوارڈز کے لیے نامزد کیا ہے جن میں گلوکار علی ظفر بھی شامل ہیں –

    پاکستان کے اعلیٰ سول ایوارڈ کے لیے نامزد ہونے والے فنکار نےپاکستان کے اعلیٰ سول ایوارڈ کے لیے نامزد ہونے پر سماجی رابطے کی ویب سائٹ انسٹا گرام پوسٹ کے ذریعے اللہ تعالیٰ اور حکومت پاکستان کا شکریہ ادا کیا ہے ۔

    گلوکار علی ظفر نے قائد اعظم کے مزار کے ساتھ اپنی ایک تصویر شیئر کرتے ہوئے اپنے مداحوں کو بتایا کہ انہیں حکومت پاکستان کی جانب سے ’پرائیڈ آف پرفارمنس‘ ایوارڈ سے نوازا گیا ہے –
    https://www.instagram.com/p/CD3WLjvFn3o/?igshid=ckl5ajjxxzs4
    انہوں نے مداحوں سے ملنے والے پیار اور کامیابیوں پراللہ تعالیٰ کا شُکر ادا کرتے ہوئے لکھا کہ وہ اپنے شائقین اور مددگاروں کی جانب سے ملنے والے اس پیار کے ہمیشہ مقروض رہیں گے وہ اللہ تعالیٰ کے عاجزی اور انکساری کے ساتھ شکر گزار ہیں۔

    علی ظفر نے اپنی ایک اور پوسٹ میں مداحوں سے اپنے فلاحی ادارے کے لئے عطیات دینے کی اپیل کرتے ہوئے لکھا کہ وعدہ کے مطابق
    خدا کے فضل سے ہم نے یوم آزادی کی تعطیلات کے دوران فاریکس بروکر اوکٹافکس_وفیشل / https://www.octafx.com/ کے تعاون سے 1000 رشین اور مالی امداد تقسیم کرنے کے بعد 10،000 خاندانوں کی مدد کا ہدف حاصل کرلیا ہے۔
    https://www.instagram.com/tv/CD3nMQrlSOW/?igshid=1ms0qeefqnjv1
    گلوکار نے لکھا کہ ہم نے خاص طور پر اپنی ٹرانسجینڈر برادری پر توجہ مرکوز کی ، مستحق موسیقاروں اور اقلیتوں پر توجہ دی کیونکہ مجھے پختہ یقین ہے کہ ہمیں انھیں اس معاشرے کا جتنا حصہ محسوس کرنے کی ضرورت ہے اس کی ہر ممکن کوشش کرنے کی ضرورت ہے۔

    علی ظفر نے لکھا کہ میں اپنے ملک اور اس کے عوام کی خدمت کے لئے اپنی پوری کوشش کروں گا لیکن میں آپ کی مدد کے بغیر یہ کام نہیں کرسکتا۔ انہوں نے مداحوں سے مدد کی درخواست کرتے ہوئے لکھا کہ آپ بھی علی ظفر فاؤںدیشن کو عطیہ کرکے ہماری مدد کر سکتے ہیں-

    میوزک، اداکاری، ادب سمیت 184 ملکی اورغیر ملکی شخصیات کو پاکستان کے اعلیٰ سول ایوارڈز دینے کا اعلان

    ہم سب کو متحد اور یکجا ہونا چاہیے کیونکہ اتحاد ہی ہے جو ایک قوم کو عظیم بناتا ہے عائزہ خان

  • میوزک، اداکاری، ادب سمیت 184 ملکی اورغیر ملکی شخصیات کو پاکستان کے اعلیٰ سول ایوارڈز دینے کا اعلان

    میوزک، اداکاری، ادب سمیت 184 ملکی اورغیر ملکی شخصیات کو پاکستان کے اعلیٰ سول ایوارڈز دینے کا اعلان

    اسلام آباد:صدر پاکستان عارف علوی نے مختلف شعبہ جات میں نمایاں خدمات سر انجام دینے والی 184 ملکی اورغیر ملکی شخصیات کو پاکستان کے اعلیٰ سول ایوارڈز دینے کا اعلان کیا ہے-

    باغی ٹی وی: سرکاری خبر رساں ادارے کے مطابق پاکستان کے اعلیٰ سول ایوارڈز کے لئے نامزد 184 شخصیات کو آئندہ سال 23 مارچ کو یوم پاکستان پر ایوارڈز سے نوازا جائے گا۔ایوارڈز کے لیے منتخب کی گئی شخصیات میں انسانیت کی فلاح و بہبود کے لیے کام کرنے والی غیر ملکی شخصیات بھی شامل ہیں۔

    صدر پاکستان نے جہاں غیر ملکی شخصیات کو ایوارڈز کے لیے نامزد کیا ہے، وہیں صدر مملکت نے میوزک، اداکاری، ادب اور دیگر فنون لطیفہ کے شعبہ جات سے بھی متعدد شخصیات کو ایوارڈز کے لیے نامزد کیا ہے۔

    جبکہ صدر مملکت نے نشان امتیاز ایوارڈ کے لیے معروف مصور مرحوم صادقین نقوی، پروفیسر شاکر علی، مرحوم ظہور الحق، لیجنڈ صوفی گلوکارہ عابدہ پروین، ڈاکٹر جمیل جالبی، مرحوم محمد جمیل خان اور مرحوم شاعر احمد فراز کو منتخب کیا ہے۔

    دوسری جانب صدر مملکت نے ستارہ امتیاز کے لیے ادکارہ بشریٰ انصاری، اداکار طلعت حسین، آرٹسٹ محمد عمران قریشی، ڈرامہ نگار سلطانہ صدیقی، اداکار سید فاروق قیصر اوراینکر پرسن نعیم الطاف بخاری کو منتخب کیا ہے۔

    صدارتی تمغہ برائے حسن کارکردگی ایوارڈ کے لیے مذہبی اسکالر مولانا طارق جمیل، اداکارہ سکینہ سموں، ہمایوں سعید، گلوکار علی ظفر، گلوکار محمد علی شہکی، گلوکارہ مرحومہ مہہ جبین قزلباش، اداکار نعمت اللہ الیاس نعمت، اداکارہ صائمہ شاہ الیاس ریشم، آنجہانی گلوکار کرشن جی، گلوکارہ حنا نصر اللہ، موسیقار دریان خان، موسیقار ذوالفقار علی، آرٹسٹ ڈاکٹر عبدالقدوس عارف، لکھاری سرمد صحبائی، لکھاری ماہتاب محبوب، مرزا اطہر بیگ، اباسین یوسف زئی اور تاج جویو سمیت دیگر آرٹسٹوں کو بھی منتخب کیا ہے۔

  • ہم سب کو متحد اور یکجا ہونا چاہیے کیونکہ اتحاد ہی ہے جو ایک قوم کو عظیم بناتا ہے عائزہ خان

    ہم سب کو متحد اور یکجا ہونا چاہیے کیونکہ اتحاد ہی ہے جو ایک قوم کو عظیم بناتا ہے عائزہ خان

    پاکستان ٹی وی انڈسٹری کی معروف اداکارہ عائزہ خان نے جشن آزادی کے موقع پر سفید لباس میں اپنی دلکش تصاویر کے ساتھ یوم آزادی کا پیغام شیئر کیا ہے۔

    باغی ٹی وی : اداکارہ عائزہ خان نے پاکستان کے جشن آزادی مناتے ہوئے سماجی رابطے کی ویب سائٹ انسٹاگرام پر مادر ملت فاطمہ جناح سے متاثر ہو کر اپنی خوبصورت تصاویر شیئر کیں اور مداحوں کو آزادی کی مبارکباد بھی دی ۔

    عائزہ خان کی جانب سے شیئر کی گئی تصاویر پر بانی پاکستان قائد اعظم محمد علی جناح رحمۃ اللہ علیہ کا خواتین کی ملک و قوم کی ترقی میں کردار کی اہمیت سے متعلق قول بھی لکھا گیا ۔
    https://www.instagram.com/p/CD36wIfBfyP/?igshid=qws5bh2lshvl
    https://www.instagram.com/p/CD37H34BTNx/?igshid=19nd12cbh5vls
    https://www.instagram.com/p/CD39QBkh-VQ/?igshid=snapq53slc9r
    عائزہ خان نے قائد اعظم کا قول لکھا کہ کوئی بھی قوم عظیم اور اونچا مقام حاصل نہیں کر سکتی جب تک کہ اُس قوم کی خواتین اپنے مردوں کے شانہ بشانہ نہ کھڑی ہوں –

    عائزہ خان نے مزید لکھاتھا کہ عورتوں کو اپنا ایک الگ مقام بنانا چاہیے مگر ساتھ میں اپنے مردوں اور دیگر عورتوں کی حوصلہ افزائی بھی کرنی چاہیے ۔

    اداکارہ لکھا کہ ہم سب کو متحد اور یکجا ہونا چاہیے کیونکہ اتحاد ہی ہے جو ایک قوم کو عظیم بناتا ہے۔

    عائزہ خان نے اپنی پوسٹ کی آخر میں بتایا کہ انہوں نے یہ سفید جوڑا اور یہ تصاویر فاطمہ جناح سے متاثر ہو کر بنائی ہیں۔

    کراچی آرٹس کونسل نے یوم آزادی کے حوالے سے ملی نغمہ ’زندگی ہے پاکستان‘ ریلیز کر دیا

    جشن آزادی کے حوالے سے راجہ ریپسٹار کا نیا گیت ریلیز

    شفقت امانت علی کا یوم آزادی کے حوالے سے نیا گیت ریلیز

  • یوم آزادی کے دن برطانوی ایشین بینڈ وی ٹو برطانیہ میں اپنا بینڈ لانچ کرے گا

    یوم آزادی کے دن برطانوی ایشین بینڈ وی ٹو برطانیہ میں اپنا بینڈ لانچ کرے گا

    پاکستان کی 73ویں یوم آزادی کے موقع پر 14 اگست 2020 کو برطانوی ایشین بینڈ وی 2 برطانیہ نے اپنا بینڈ لانچ کرنے کا اعلان کیا ہے-

    باغی ٹی وی :جہاں دنیا بھر میں مقیم پاکستانیوں سمیت دیگرعوام پاکستان کا یوم آزادی منا رہی ہیں۔ خاص طور پر بیرون ملک مقیم پاکستانی جو والمگیر وبائی امراض کے آغاز سے ہی ایک کے بعد ایک بدقسمت خبریں وصول کرتے آرہے ہیں۔ ان سب کے لئے بڑی خوشخبری ہے کہ 14 اگست کو ، برطانوی ایشین بینڈ وی 2 برطانیہ سے اپنا بینڈ لانچ کررہا ہے –


    اس بینڈ میں وہ پوری دنیا میں پاکستانی پاپ اور راک میوزک کی تشہیر کریں گے۔ ہدایتکار و اداکار فراز احمد موسیقی میں واپس آگئے ہیں ، اس بینڈ کے ساتھ بطور مرکزی گلوکار اور گٹارسٹ شامل ہیں۔ بینڈ کے باقی ممبر فرخ خان ، سڈرک ، فرانکو اپنے فیلڈ میں انتہائی پیشہ ور ہیں۔

    انہوں نے باغی ٹی وی سے گفتگو کرتے ہوئے کہا بتایا کہ وہ موسیقی کے شائقین کے لئے ایک وی 2 نامی اپنا بینڈ لانچ کر رہے ہیں یہ برطانوی ایشین بینڈ پہلی بار برطانیہ اور یورپ میں راک اور پاپ میوزک کو فروغ دے گا-


    بینڈ ممبران میں فراز احمد بطور لیڈ سنگر اور گٹارسٹ ، فرخ خان بطور کی بورڈ ،فرانسسکو بطور بیس گٹارسٹ جبکہ سڈریک المیڈا بطور ڈرمر اس بینڈ میں پارٹیسیپیٹ کریں گے- اس بینڈ میں پروڈیوسر اور ڈائریکٹر کے فرائض فراز احمد سر انجام دیں گے-

    گلوکار فراز احمد کا کہنا تھا کہ اس بینڈ کو انہوں نے 14th اگست کے موقع پر خا ص طور پر اس لیے لانچ کیا ہے کیونکہ ہم۔چاہتے ہیں کہ پاکستان کے میوزک کو ہم۔زیادہ سے زیادہ پروموٹ کریں پاکستانی بینڈ جنون اور وائٹل سائنز اور دیگر دوسرے پاکستانی بینڈز یو کے اور یورپ میں اتنے مقبول ہیں جتنے پاکستان میں ہیں لیکن یہاں میں میوزک کو پروموشن نہیں ملتی ہے جبکہ ہم چاہتے ہیں کہ ہم اس طرح کے میوزک کو آگے کریں کیونکہ ہم۔لوگوں کا بھی جو بینڈ ہے وہ سوفٹ اہینڈ پاپ میزک کرتا ہے اور ہم۔اپنے لود کے بنائے گیے گانے بھی ریلیز کریں گے-

    فراز احمد نے کہا کہ اس بینڈ کو۔پروموٹ کریں ہم یو کے امریکہ اور یورپ بھی جائیں گے علاوہ ازیں۔کینیڈا بھی اس بینڈ کی۔لانچنگ ہوئی ہے

    بینڈ کے ممبر فرخ خان کا کہنابتھا کہ پاکستانی بینڈز اور میوزک یہاں پر بہت مقبول ہے لیکن بد قسمتی سے یہاں اسے پروموٹ نہیں کیا جا تا لیکن اب ہمارا وی ٹو بینڈ پاکستانی گانوں کو پروموٹ کرے گا اس بینڈ کو ہم پاکستان کے یوم آزادی کے دن لانچ کریں گے۔

    گٹارسٹ فرانسسکو کا کہناتھا وی ٹو بینڈ ایک راکسٹار بینڈ ہے اس کے ذریعے ہم۔پاکستانی میوزک کو پروموٹ کریں گے۔پاکستانی گانے بہت ہی دل۔کو چھو لینے والےہوتے ہیں تو ہم وی ٹو بینڈ کے ذریعے پاکستانی گانوں کو۔پروموٹ کریں جس کے لیے ہم وی ٹو بینڈ 14th اگست کو لانچ کریں گے۔

    جبکہ ڈرمر سڈریک المیڈا نے بھی بینڈ کے لیے بھر پور جوش کا اظہار کرتے ہوئے کہا کہ وہ 53 سال سے بطور ڈرمر اپنی۔خدمات سرانجام دے رہے ہیں لیکن وی ٹو بینڈ کا۔حصہ بن کر بہت پرجوش ہیں۔

    جشن آزادی کے حوالے سے راجہ ریپسٹار کا نیا گیت ریلیز

    شفقت امانت علی کا یوم آزادی کے حوالے سے نیا گیت ریلیز

    پاکستان بحریہ کا یوم آزادی پرخصوصی نغمہ ”پرچم پاکستان کا” ٹیزر جاری

    کراچی آرٹس کونسل نے یوم آزادی کے حوالے سے ملی نغمہ ’زندگی ہے پاکستان‘ ریلیز کر دیا