پاکستان بننا کیوں ضروری تھا
[بقلم الفت بنتِ رمضان]

پاکستان بنانے کامقصد ایک ایسی ریاست کو تشکیل دینا تھا جو کہ اسلامی اصولوں کے مطابق ہو۔
اس نظریے کی بنیادی وجہ یہ تھی کے ہندوستان میں ہندو اور مسلمان دو الگ الگ قومیں آباد تھیں جبکہ انکے مذاہب،انکی ثقافت، انکی زبان، انکے لباس، انکا عمل اور ارادی سوچ انکی تاریخ ان کے رسم و رواج اور بودو باش کے طریقہ کار ایک دوسرے سے بلکل مختلف ہیں۔
مثلاََ: ہندو مذہب کے پیرو کار گاۓ کو ایک متبرک جانور سمجھتے ہیں اور اسکی پوجا کرتے ہیں جبکہ مسلمان گاۓ کا گوشت کھاتے ہیں۔
ان بنیادی اختلافات کی بنا پر ان دو قوموں کا الگ ہونا بہت ضروری تھا
اگرایسا نا ہوتا تو عین ممکن تھا کے آج کروڑوں مسلمانوں کو کشمیریوں کی طرح اقلیت قرار دے کرہندٶں کی غلامی میں دے دیا جاتا جو کہ مسلمانوں کے لیے ایک مکمل تباہی تھی۔تو اس لیے ایک ایسی ریاست کا وجود میں آنا ضروری تھا کے جس میں رہ کر مسلمان اسلام کے بنیادی اصولوں کے مطابق یعنی قرآن و سنت کی روشنی میں اپنی زندگیاں گزار سکیں اور عالم کے لیے ایک مثال قاٸم کر سکیں۔
اسی لیے اللّٰہ رب العزت نے قرآن کریم میں ارشاد فرمایا:
یایھاالکفرون لا اعبد ما تعبدون
ترجمة:
(اے نبیﷺ آپ فرما دیں) اے کافرو! میں اسکی عبادت نہیں کرتا جسکی تم عبادت کرتے ہو۔
ایک اور مقام پر ارشاد فرمایا:
آیت:
ھوالذی خلقکم فمنکم کافر ومنکم مٶمن واللّٰہ بما تعملون بصیر
ترجمة:
وہی ہے جس نے تمہیں پیدا کیا پس تم میں سے کوٸی کافر ہو گیا اور تم میں سے کوٸی مومن ہو گیا۔”
اللّٰہ رب العزت سے دعا ہے کے اللّٰہ تعالیٰ ہمیں اپنی زندگیاں قرآن وسنت کے مطابق گزارنے اور اپنی مقصدِ حیات کو پہچاننے کی توفیق عطا فرماۓ۔آمین یا رب العالمین –

قیام پاکستان

قیام پاکستان کا سیاسی و قانونی پس منظر

بقلم [ بنت نذير ]
پاکستان بننے سے پہلے مسلمان اور ہندو ایک ساتھ رہتے تھے مسلمانوں پر ہندوؤں کی حکومت تھی مسلمانوں کو آزادی حاصل نہیں تھی ان پر ظلم کیے جاتے تھے چنانچہ ان کو ان کے حقوق حاصل نہیں تھے.

اگست 1947ء میں پاکستان کا قیام ان معنوں میں ایک منفرد واقعہ تھا کہ اس زمانے میں دنیا کے مختلف خطوں میں جو دیگر ممالک آزاد ہوئے وہ پنجۂ غلامی میں جانے سے پہلے بھی ایک ملک کی حیثیت سے اپنا جداگانہ وجود رکھتے تھے ۔ ان ملکوں نے آزادی کی تحریکیں چلائیں اور کامیابی کے بعد اپنے سابقہ تشخص کو دوبارہ حاصل کرلیا۔ ان ممالک کے برعکس پاکستان 1947ء سے پہلے کبھی بھی ایک ملک کی حیثیت سے اپنا جداگانہ تشخص نہیں رکھتا تھا۔ پاکستان میں شامل علاقے برصغیر کا حصہ تھے اور برصغیر پر ایسٹ انڈیا کمپنی نے اپنی فوج کے ذریعے ایک سو سال کے عرصے میں اپنا قبضہ مکمل کرکے اس کو سلطنت برطانیہ کے سپرد کردیا تھا۔ 1857ء میں یہ قبضہ مکمل ہوا اور اس کے ساتھ ہی انگریزی استعمار کے خلاف برصغیر کے طول و عرض میں آزادی کے لیے آوازیں اور تحریکیں اٹھنا شروع ہوئیں۔1857ء سے 1947ء تک کے نویں سال کے عرصے میں مسلم سیاسی شناخت ایک جداگانہ اور نمایاں پروگرام کے طور پر اجاگر ہوئی جس کے واضح سیاسی اور اقتصادی عوامل موجود تھے۔ انگریزی استعمار کی تعمیر و تشکیل کے دوران ابتدا ہی میں یہ بات واضح ہوگئی تھی کہ اب جب کہ پہلی مرتبہ ہندوستان میںاستعماری مقاصد ہی کے تحت نمائندہ اداروں کا قیام عمل میں آرہا ہے اور ساتھ ہی ایسی انتظامی اور اقتصادی پالیسیاں متعارف کی جارہی ہیں جن کے نتیجے میں شہری علاقوں میں نئی سرکاری زبان یعنی انگریزی میں دسترس رکھنے والوں کی اہمیت اجاگر ہورہی ہے اور دیہی علاقوں میں ایک نئی اقتصادی اشرافیہ وجود میں آرہی ہے۔ ان نئے رجحانات سے خود کو لاتعلق اور غافل نہیں رکھا جاسکے گا۔ ان دونوں سماجی طبقات کے لیے ضروری تھا کہ نئے وجود میں آنے والے نمائندہ اداروں تک پہنچ حاصل کریں تاکہ اپنے طبقات کے مفادات کا تحفظ کرسکیں۔ یہ اسی مرحلے پر ہوا کہ مسلمانوں کے بااثر طبقات کو پہلی مرتبہ ہندوستان کی مجموعی آبادی میں اپنے اقلیت ہونے کا شدت کے ساتھ احساس ہوا۔ اس احساس کا اولین اظہار سرسید احمد خان کی تحریروں میں ہوا جبکہ بعد میں مسلم سیاسی قیادت کا بڑا حصہ اور 1904ء میں بننے والی مسلم لیگ اس احساس کے ترجمان بنے۔

قائداعظم محمد علی جناح ایک جدید ذہن کے حامل سیاستدان تھے۔ انہوں نے وکالت کی تعلیم کی غرض سے جو عرصہ انگلستان میں گزارا وہ ان کے ذہن کی تشکیل اور ان کے سیاسی تصورات کی تعمیر میں بہت ممد و معاون ثابت ہوا۔ انگلستان میں اپنے قیام کے دوران وہ لبرل سیاسی مفکرین کے خیالات سے متاثر ہوئے ۔انہوں نے برطانوی پارلیمانی نظام کا تفصیلی مطالعہ کیا ۔ساتھ ہی انہوں نے اس نظام کی داخلی حرکیات کو بھی سمجھنے کی کوشش کی۔ یہی نہیں بلکہ انہوں نے یہ بھی دیکھا کہ برطانیہ میں مذہبی مناقشات کو حل کرنے کی غرض سے کیا اقدامات اٹھائے گئے ہیں اور یہ کہ ریاست نے خود کو مذہبی امور کے حوالے سے مکمل طور پر غیر جانبدار بنا کر اور ساتھ ہی مذہبی آزادیوں کی ضمانت فراہم کرکے معاشرے کوکس طرح دائمی امن سے ہمکنار کردیا ہے۔ہندوستان واپسی پر قائداعظم نے جب عملی سیاست میں حصہ لینے کا فیصلہ کیا تو ابتدا ہی میں ایک بہت بڑا سوال ان کے سامنے آ ٓکھڑا ہوا۔ ہندوستان میں مسلمان ایک اقلیت کی حیثیت رکھتے تھے جب کہ کوئی نو دس صدیوں تک مسلمان بادشاہ ہندوستان پر حکمرانی کرتے رہے تھے۔ اس پورے عرصے میں ہندوستان کے مسلمانوں میں دیگر مذاہب کے لوگوں کے ساتھ ہم آہنگ ہونے کا رجحان بھی موجود رہا تھا جب کہ اپنے مذہبی معاملات میں وہ اپنے علیحدہ طرز فکرو عمل کے بھی حامل رہے تھے۔ یہ دونوں رجحانات ہمیشہ ہی ایسے معاشروں میں پاۓ جاتے رہے ہیں جہاں ثقافتی تنوع موجود ہوتا ہے ہندوستان بھی اس ثقافتی تنوع کا حامل تھا اور یہ کوئ غیر معمولی اور ہندوستان سے مخصوص بات نہیں تھی لیکن انگریز کئ آمد کے بعد نمائندہ اداروں کے قیام کے نتیجے میں اب جبکہ قانون سازی اور انتظامی امور کی انجام دہی ان اداروں کے سپرد ہونے والی تھی تو پہلی مرتبہ ہندوستان کا ثقافتی تنوع سیاسی تقسیم کی بنیاد بننا شروع ہوا.

قائداعظم کا خیال تھا کہ نمائندہ اداروں میں اگر جمہوری اصولوں کو ہندوستان کے معروضی حالات سے لاتعلق ہو کر نافذ کرنے کی کوشش کی گئی تو اس کے نتیجے میں ہندوئوں کی ثقافتی اکثریت ان کی سیاسی اکثریت کا راستہ ہموار کرے گی جب کہ مسلمان ثقافتی اقلیت ہونے کے ناطے سیاسی اقلیت بھی قرار پائیں گے۔ اس تضاد کے حل کے لیے انہوں نے جو حکمت عملی وضع کی اس کے دو نمایاں قانونی و سیاسی پہلو تھے ۔حکمت عملی کا ایک پہلو تو یہ تھا کہ قائداعظم کو معلوم تھا کہ جمہوری سیاسی نظاموں میں اس امر کی بھی گنجائش موجود ہوتی ہے کہ آبادی کے کسی حصے کی کمتر تعداد کو نسبتاً زیادہ نمائندگی دے کر اس کا اعتماد بھی حاصل کیا جاسکتا ہے اور اس کو قوم سازی کے عمل میں شریک بھی رکھا جاسکتا ہے۔ سیاسی زبان میں اس کو ایجابی اقدام کہا جاتا ہے، یعنی ایسا اقدام جس کے ذریعے کسی حلقے کو اس کے منطقی حق سے زیادہ دے کر اس کے اعتماد کو جیتا جائے(اس کی ایک بہت اچھی مثال ہمارے موجودہ آئینی نظام سے دی جاسکتی ہے جس میں خواتین کو قومی اور صوبائی اسمبلیوں میں عام انتخابات میں کھڑے ہونے کے حق کے باوجود اضافی طور پر سولہ فیصد نشستیں اس لیے دی گئی ہیں کیونکہ پاکستان کے پسماندہ اور مردانہ غلبے کے حامل معاشرے میں خواتین کے لیے عام انتخابات میںاس آزادی کے ساتھ مہم چلانا ممکن نہیں ہے جس آزادی کے ساتھ مرد حضرات اپنی مہم چلا سکتے ہیں)قائداعظم نے سیاسی میدان میں قدم رکھنے کے فوراً بعد ہی سے مسلمانوں کے لیے کسی بھی سیاسی دروبست میں ایک ایسی نمائندگی کی تجویز پیش کی جو ان کو انکی اقلیتی حیثیت کی بنا پرنظر انداز کردیے جانے سے محفوظ رکھ سکے۔ چنانچہ ہندوستان میں مسلمانوں کی تقریباً چوبیس فیصد آبادی کے لیے وہ مرکزی قانون ساز اسمبلی میں تینتیس فیصد نمائندگی کی وکالت کرتے رہے۔

یہ1914ء کا لکھنو پیکٹ ہو یا 1927ء میں پیش کی جانے والی ’دہلی مسلم تجاویز‘ ، قائداعظم کے چودہ نکات ہوں یا لندن کی گول میز کانفرنس کے اجلاسوں میں پیش کردہ دلائل ، یا پھر بعد کے برسوں میں سامنے آنے والے سیاسی فارمولے ، کم و بیش ان تمام مراحل میں قائداعظم کی جانب سے مسلمانوں کے لیے ایک ایسی نمائندگی کے تناسب کی وکالت کی گئی جو ان کے تحفظ کی ضمانت فراہم کرسکتی۔ انہوں نے پہلے مسلمانوں کو ایک اقلیت کے طور پر پیش نظر رکھتے ہوئے اس کے سیاسی حقوق کی وکالت کی ۔ اور بعد میں انہوں نے مسلمانوں کے ایک جداگانہ قوم ہونے کا موقف اختیار کیا تاکہ بین الاقوامی قوانین کی رو سے جو حقوق قوموں کو حاصل ہوتے ہیں، ہندوستان کے مسلمانوں کے لیے بھی ان کی وکالت کی جاسکے۔ لیکن خواہ انہوں نے مسلمانوں کو ایک اقلیت سمجھا ہو یا ایک اگلے مرحلے پر ان کو قوم قرار دیا ہو، قائداعظم کا نکتہ نظر مذہبی منافرت پر مبنی اورفرقہ ورانہ کبھی بھی نہیں رہا۔ ان کے پورے سیاسی کیریئر کو اٹھا کر دیکھ لیں انہوں نے کبھی بھی ہندوؤں کے لیے تحقیر یا تذلیل کا کوئی ایک لفظ بھی استعمال نہیں کیا ۔ تحقیر اور تذلیل تو دور کی بات انہوں نے بارہا اپنی گفتگوؤں میں اور اپنے بیانات میں ان کے لیے احترام کے الفاظ استعمال کیے یہاں تک کہ 7 مارچ 1947ء کو انہوں نے میمن چیمبر میں اظہار خیال کرتے ہوئے یہاں تک کہا کہ:

’’ میں آپ کو یقین دلاتا ہوں کہ میں عظیم ہندو کمیونٹی اور ان سب کا جس کے وہ علمبردار ہیں،احترام کرتا ہوں۔ ان کا اپنا عقیدہ ہے ۔اپنا فلسفہ ہے ۔ اپنا عظیم کلچر ہے. لیکن دونوں مختلف ہیں. میں ہندوستان کے لیے لڑھ رہا ہوں کیونکہ یہ مسئلے کا واحد حل ہے.

قائداعظم نے کہا کہ اب تک جو میں سمجھ سکا ہوں دلی میں مسلم لیگ کے حلقے پرامید ہیں.

غالباً قائداعظم کی اسی سوچ کے پیش نظر مسلم لیگی قیادت نے بلآخر تقسیم بند کے اس منصوبے کو قبول کر لیا جس کا علان آل انڈیا ریڈیو سے نشری تقریروں کے ذریعے کیا گیا. یوں پاکستان کے قیام کی راہ ہموار ہوئ اور 14 اگست 1947ء کو اس کا وجود عمل میں آیا.

عنوان:
پاکستان کی کہانی
[بقلم اقرا بنت ظفر]

آزادی کا جذبہ موت کے خوف سے سرد نہیں پڑتا_ حریت کی فکر نہ قید کے ڈر سے ختم. ہوتی ہے اور نہ ہی تشدد کا صدمہ آزادی کی تڑپ ختم کرتا ہے_ جس قوم کے جوانوں میں جہاد کے جذبے جواں ہوں ذہن اور ضمیر آزادی کے نغموں سے سرشار ہوں اور جو جوان اپنے لہو سے چراغ روشن کرنے کا شوق پا لیتے ہوں اس قوم کو کبھی غلامی کی زنجیروں میں جکڑا نہیں جا سکتا_
جو قوم ایسے افراد رکھتی ہو اس کی آزادی کا سورج طلوع ہونے سے کوئی طاقت نہیں روک سکتی تاریخ میں اس کی سب سے بڑی مثال پاکستان کا قیام ہے_
قیام پاکستان کے دوران پیش آنے والے ان دلخراش واقعات کو پڑھ کر کلیجہ منہ کو آ جاتا ہے اور آنکھوں سے چھم چھم آنسو جاری ہو جاتے ہیں_ یہ پاکستان کیسے بنا تھا؟ اور کیا ہو رہا ہے پاکستان میں؟ آج پاکستان میں جو کلچر فروغ پا رہا ہے یا پاکستان کو جس ڈگر پر چلانے کیلئے حکومتی تگ و دو جاری ہے، کیا یہ قربانیاں اس لیے دی گئی تھیں کہ کنجروں اور میراثیوں کا راج ہو اور وہ اس پاک دھرتی پر مٹک مٹک ناچیں اور گائیں_
پاکستان بننے کے بعد ہم نے شہداء کی قربانیوں کو فراموش کیا ہی نہیں بلکہ حصولِ مقصد بھی بھلا دیا اس کے ساتھ ساتھ ان کروڑوں مسلمانوں کو بھی یکسر بھلا دیا جنہوں نے پاکستان کے قیام کے لئے ان گنت قربانیاں دیں_
قیامِ پاکستان کے دوران پیش آنے والے دلخراش واقعات میں سے میں یہاں چند ایک کا ذکر کروں گی کہ پاکستان کی طرف ہجرت کرنے والوں کو کیسے، مشکلات پیش رہیں لیکن ان مشکلات کے باوجود وہ ڈگمگائے نہیں_

1️⃣ مسجد میں عصمت دری:
مسجد رنگریزا ںشہر کی اہم ترین دینی درس گاہ تھی اور اس میں نہایت مشکل دنوں اور سخت نامناسب حالات میں بھی پانچ وقت اذان کی ایمان افروز صدا بلند ہوتی تھی، ہر صبح قرآن مجید کا درس ہوتا تھا_ طالب علم دینی تعلیم میں دن رات مشغول رہتے تھے اور شب و روز وعظ و کلام، درس و تدریس اور رشد و ہدایت کے چشمے بہتے تھے، لیکن پاکستان کی صبحِ آزادی اس محلے کے لوگوں کے لیے شبِ قیامت ثابت ہوئی_ عید سے 3 دن پہلے رمضان المبارک کے 27 ویں روز ریاستی اور گورکھا فوج نے مقامی ہندو اور سکھ بھیڑیوں کی نشاندہی پر اس مسجد پر ہلہ بول دیا_ سنگین حالات کی وجہ سے محلے کی تمام عورتوں نے غنڈوں اور اکالی درندوں کے متوقع حملے کے پیشِ نظر اس مسجد میں پناہ لے رکھی تھی اور ان کے تمام رشتہ دار مرد قرآن پاک کی تلاوت کر رہے تھے_ ان لعینوں نے نہ صرف تمام مسلمانوں کو بےدردی سے تہ تیغ کر دیا بلکہ قرآن مجید کے مقدس نسخوں کی بےحرمتی بھی کی_ مسجد میں موجود عورتوں نے جن میں نوجوان لڑکیوں کی کثرت تھی مسجد کے ملحقہ کنوئیں میں چھلانگیں لگا کر اپنی آبرو بچائی_ مگر اس اچانک حملے کی وجہ سے جو لڑکیاں کنوئیں تک نہ پہنچ سکیں ان بیچاریوں کے ساتھ مسجد کے اندر انتہائی ظالمانہ سلوک کیا گیا_ فسادی ان کی عزتیں لوٹنے کے بعد لاشوں کو برہنہ حالت میں چھوڑ کر چلے گئے_

2️⃣ ہندو ہو جاؤ تو بچ جاؤ گے:
کپورتھلہ کے نزدیک شیخوپورہ نامی قصبے پر ہندوؤں اور سکھوں کا جتھا حملہ آور ہوا تھا انہوں نے قصبے کی ساری مسلمان آبادی کو اٹھا کر گاجر مولی کی طرح کاٹ دیا_ ہزاروں مسلمان تہ تیغ کر دیے گئے_ اس قصبے کے چوہدری کو ظالم ہندو اور سکھ کرپانوں سے ڈراتے رہے کہ اگر ہندو ہو جاؤ تو بچ جاؤ گے……. لیکن چوہدری نے اپنا دین چھوڑنے سے انکار کیا تو انھیں وحشیانہ طور پر شہید کر دیا گیا_
ایسے ہزاروں واقعات ہیں جن کو پڑھ کر دل خون کے آنسو روتا ہے_
اس وطن کو حاصل کرنے کے لیے کتنے لوگوں نے قربانیاں دیں لیکن ہم ان سب کو بھلائے بیٹھے ہیں_ یہ صرف وہی درد محسوس کر سکتا ہے جس نے پاکستان کو بنتے دیکھا ہے، اپنے پیارے گنوائے ہیں_
اللّٰہ ہمارے پیارے وطن پاکستان کو اپنے حفظ و امان میں رکھے _
آمین یا رب العالمین

پاکستان بننا کیوں ضروری تھا؟

[بقلم سمیرہ حق نواز]

نظریہ پاکستان کو پاکستان کی بنیاد کہا جائے تو بجا نہ ہو گا نظریہ پاکستان دراصل پاکستان کا دوسرا نام ہے جس کا مقصد ایک ایسی ریاست کی تشکیل تھی جس کی بنیاد اسلامی اصولوں کے مطابق ہو نظریہ پاکستان سے مراد وہ عقلی عمل اور آزاد سوچ ہے جس نے قیام پاکستان کی راہیں ہموار کیں اس کی بنیاد مسلمانوں کا علیحدہ تشخص، علیحدہ قومیت اسلامی تعلیمات اور رسول اللہ صلی اللہ علیہ وسلم کی سنت پر قائم ہوا پاکستان کے نظریہ کی اساس دین اسلام ہے جو مسلمانوں کی زندگیوں کی تمام شعبوں میں راہنمائی کرتاہے اسلامی نظام قرآن پاک پر استوار ہوا یہی نظام ہمارے پیارے وطن کی بنیاد بنا نظریہ پاکستان ہی وہ نظریہ ہے جس کو قومیت بنا کر مسلمانوں نے الگ مقصد کی تشکیل دی برصغیر میں مسلمان انگریز دور حکومت میں دوسری اقوام کے ساتھ غلامی کی زندگی بسر کر رہے تھے وہ آزاد اور خودمختار حثیت چاہتے تھے انگریزوں سے چھٹکارا حاصل کرنے کے بعد بھی ان کو اپنا مقصد نا کام ہوتا نظر آ رہا تھا مسلمانوں نے بڑی غور وفکر کے بعد یہ فیصلہ کیا کہ ان کو ایک الگ مسلم مملکت چائیے جہاں مسلمان اکثریت میں ہو اور دین اسلام کو رائج کر سکیں یہ سوچ رفتہ رفتہ مضبوط ہوئی جو قیام پاکستان کی وجہ بنی

دو قومی نظریے سے مراد برصغیر میں دو قومیں آ باد ہیں ایک مسلمان اور دوسری ہندو قوم ان کے رہن سہن، رسم ورواج،زبان ،ثقافت اور سب سے بڑ کر مذہب الگ ہے
قائد اعظم دو قومی نظریے کے سب سے بڑے علمبردار رہے آپ نے نہ صرف آل انڈیا کانگریس کے تاحیات صدر بننے کی پیشکش کو مسترد کیا بلکہ بہت سے بڑے علماء دیوبند اور مسلم نیشنلسٹ کے راہنماؤں کی مخالفت بھی مول لی مگر دو قومی نظریے کی صداقت پر کوئی آنچ نہ آنے دی آپ نے پاکستان کا مقدمہ دو قومی نظریے کی بنیاد پر لڑا۔ 1930 خطبہ آلہ آباد کے مقام پر آل انڈیا مسلم لیگ کے اکیسویں سالانہ اجلاس کی صدارت کرتے ہوئے علامہ اقبال نے دو قومی نظریے کی بنیاد پر ہندوستان میں الگ مملکت کی پیش گوئی کی دوسری گول میز کانفرنس میں شرکت کے دوران آپ نے قائد اعظم سے کئی ملاقاتیں کی جن کا مقصد دو قومی نظریے کی بنیاد پر مسلمانان ہند کے لیے الگ مملکت کا کوئی حل سوچنا تھا 1936۔1938 میں آپ نے قائد کو کئی مقطوبات بھیجے جن میں دو قومی نظریے کا عکس صاف نظر آتا ہے ، حضرت مجدد الف ثانی،شاہ ولی اللہ، سر سید احمد خان جیسی عظیم ہستیوں نے اس پودے کی آبیاری کی
برصغیر پاک و ہند میں مسلمان ایک حقیر قوم جانی جاتی تھی جن کو کوئی سیاسی، سماجی، معاشی، معاشرتی حقوق حاصل نہ تھے وہ ظلم و جبر کے سائے میں سانس لے رہے تھے زندگیوں کو کھٹن ترین مسائل کا سامنا تھا مسلمان برصغیر میں بلکل مفلوج قوم بن کر رہ گئی جن کے ہر طرح کے حقوق سلب کر لیے گئے ووٹ ڈالنے کا حق بھی چھین لیا گیا مسلمانوں پر تعلیم کے دروازے بند کر دیئے گئے ان کی جائیداد یں ضبط کر لی گئیں اور کبھی انگریزوں کو بطور انعام دے دی جاتیں مسلمان ہر طرح کی پابندیوں میں جھکڑ کر رہ گئے برصغیر میں ہندوانہ رسم و رواج رائج کر دیئے گئے مسلمانوں کو عبادات سے بھی محروم کر دیا گیا وہ اپنی مرضی سے اسلامی اصولوں سے عبادت سے بھی محروم ہو گئے مسلمانوں کو کسی قسم کا تحفظ حاصل نہیں تھا مسلمان مکمل طور پر مفلوج ہو کر رہ گئے ان سب مظالم اور جبر کی بنا پر مسلمان کمزور سے کمزور قوم بنتی گئی مسلمانوں کو ابتدائی حقوق بھی حاصل نہ تھے اور اسلامی نظام کا قیام تو بہت دور کی بات مسلمان کسی طور پر بھی محفوظ نہ تھے مسلمانوں کے عہدے مکمل پامالی کی جانب گامزن تھے ان کی جائیدادیں گروی رکھ کر ہڑپ کر لی جاتیں مسلمانوں کو کسی قسم کے اختیارات حاصل نہ تھے مختصر یہ کہ مسلمان معاشی، معاشرتی اور مالی طور پر استحکام کا شکار ہو گئے کاروبار تباہی ہو گئے مسلمان قوم تباہی کے کنارے کھڑے ہو گئے وہ بلکل کمزور اور لاچار قوم بن گئی
یہ حالات مدنظر رکھتے ہوئے قائد اعظم کو مسلمانوں کے حالات قابلِ رحم لگے 1913 میں آخر کار قائد اعظم نے آل انڈیا کانگریس کو چھوڑ کر مسلم لیگ میں شمولیت اختیار کی مسلمانوں کے لیے الگ وطن کے حصول کے لیے جدو جہد شروع کر دی مسلمانوں کی اتنی سنگین صورتحال دیکھتے ہوئے قائد اعظم نے اپنی صحت کو ملحوظِ خاطر میں نہ لاتے ہوئے دن رات مسلمانوں کے لیے ایک الگ مملکت کے حصول کے لیے کوشاں رہے کیوں قائد اعظم محمد علی جناح جانتے تھے کہ برصغیر پاک و ہند میں دو قومیں آباد ہیں دونوں کے رہن سہن، رسم ورواج، اور سب سے بڑ کر مذہب الگ ہے وہ کسی صورت بھی اکھٹی نہیں رہ سکتیں مسلمانوں کو ایک الگ مملکت کی ضرورت ہے اور ہمیشہ رہے گی جہاں پر وہ اپنے دین و اسلام کی مکمل پیروی کرتے ہوئے زندگی بسر کر سکیں اور مسلمانوں کو ان کے تمام تر حقوق ملنے چائیے جو کہ برصغیر میں رہتے ہوئے ممکن نہ تھا۔

#ملتان کےگدی نشینوں کا_کردار

بقلم:- #عبدالرحمن ثاقب سکھر

شاھ محمود قریشی وزیر خارجہ نے بڑی محنت شاقہ کے بعد پاکستان کو اپنے دیرینہ اور محسن دوست سعودی عرب سے بالآخر دور کردیا۔ موجودہ حکومت نے جہاں دیگر شعبوں میں ناکامی کے جھنڈے گاڑے ملکی معیشت کو تباہ کیا عوام کی زندگی اجیرن بنا دی وہاں پر خارجہ کے محاذ پر بھی پاکستان دوستوں سے دور ہو رہا ہے اور وہ دوست ممالک جہاں پر ہمارے لاکھوں شہری بسلسلہ روزگار مقیم ہیں اور ماہانہ کروڑوں روپے ہمیں زرمبادلہ بھیجتے ہیں۔ یہ وہ محسن ملک ہیں جنہوں نے ہر مشکل گھڑی میں ہمارے کندھے سے کندھا ملا کر کھڑے رہے۔ ہمارا ایٹمی پروگرام، 1965, 1971 کی جنگیں، ایف 16 سولہ طیاروں کی خریداری، 1998 میں ایٹمی دھماکے،2005 کا تباہ کن زلزلہ، 2010 کا قیامت خیز سیلاب یا ہمارا خالی خزانہ بھرنے کی بات ہو سعودی عرب نے ہمیشہ بڑے بھائی کا کردار ادا کیا ہے۔
شاہ محمود قریشی نے ہمیشہ کوشش کی ہے کہ وہ اقتدار کے سنگھاسن پر براجمان رہیں۔ نیازی حکومت میں قریشی صاحب نے جو کردار ادا کیا ہے وہ تاریخ کا حصہ رہے گا اور آنے والی نسلیں یاد کریں گی کہ ہمارے وزیر خارجہ نے کس طرح سے کمال مہارت سے پاکستان کو مخلص دوستوں سے دور کیا۔
معروف دانشور اور کالم نگار جناب خالد مسعود خان نے اپنے ایک کالم” تصوف کی آفاقی قدریں ” میں بیان کیا ہے، گویا حقائق سے پردہ اٹھایا ہے۔ وہ لکھتے ہیں:
10جون 1857 کو ملتان چھاؤنی میں پلاٹون نمبر 69 جو بغاوت کے شبہے میں نہتا کیاگیا اور پلاٹون کے کمانڈر کو مع دس سپاہیوں کے توپ کے آگے رکھ کر اڑا دیا گیا۔ آخر جون میں بقیہ نہتی پلاٹون کو شبہ ہوا کہ انہیں چھوٹی چھوٹی ٹولیوں میں فارغ کیا جائے گا اور انہیں تھوڑا تھوڑا کرکے تہ تیغ کیا جائے گا۔ سپاہیوں نے بغاوت کردی تقریباً بارہ سو سپاہیوں نے بغاوت کا علم بلند کیا۔ انگریزوں کے خلاف بغاوت کرنے والے مجاہدین کو شہر اور چھاؤنی کے درمیان واقع پل شوالہ پر دربار بہاوالدین زکریا کے سجادہ نشین مخدوم شاہ محمود قریشی نے انگریزی فوج کی قیادت میں اپنے مریدوں کے ہمراہ گھیرے میں لے لیا اور تین سو کے لگ بھگ نہتے مجاہدین کو شہید کر دیا۔ یہ مخدومشاہ محمود قریشی ہمارے موجودہ وزیر خارجہ مخدوم شاہ محمود قریشی کے لگڑدادا تھے۔ ان کا نام انہی کے حوالے سے رکھا گیا تھا۔ کچھ باغی دریائے چناب کے کنارے شہر سے باہر نکل رہے تھے کہ انہیں دربار شیرشاہ کے سجادہ نشین مخدوم شاہ علی محمد نے اپنے مریدوں کے ہمراہ گھیر لیا اور ان کا قتل عام کیا۔ مجاہدین نے اس قتل عام سے بچنے کے لیے دریا میں چھلانگیں لگا دیں ۔ کچھ لوگ دریا میں ڈوب کر جاں بحق ہو گئے۔ اور کچھ پار پہنچنے میں کامیاب ہوگئے۔ پار پہنچ جانے والوں کو سیدسلطان احمد قتال بخآری کے سجادہ نشین دیوان آف جلال پور پیر والا نے اپنے مریدوں کی مدد سے شہید کردیا۔ جلال پور پیر والا کے موجودہ ایم این اے دیوان عاشق بخاری انہی کی آل اولاد میں سے ہیں۔ مجاہدین کی ایک ٹولی شمال میں حویلی کورنگا کی طرف نکل گئی جسے مہر شاہ آف حویلی کورنگا نے اپنے مریدوں اور لنگڑیال، ہراج، سرگانہ، ترگڑ سرداروں کے ہمراہ گھیر لیا اور چن چن کر شہید کیا۔ مہر شاہ آف حویلی کورنگا سید فخر امام کے پڑدادا کا سگا بھائی تھا۔ اسے اس قتل عام میں فی مجاہد شہید کرنے پر بیس روپئے نقد یا ایک مربع اراضی عطاء کی گئی۔ مخدوم شاہ محمود قریشی کو 1857 کی جنگ آزادی کے کچلنے میں انگریزوں کی مدد کے عوض مبلغ تین ہزار روپے نقد، جاگیر سالانہ معاوضہ، مبلغ ایک ہزار سات سو اسی روپے اور آٹھ چاہات (کنویں) جن کی سالانہ جمع ساڑھے پانچ سو روپے تھی بطور معافی دوام عطا ہوئی۔ مزید یہ کہ 1860 میں وائسرائے ہند نے بیگی والا باغ عطا کیا۔ مخدوم آف شیرشاہ علی محمد کو دریائے چناب کے کنارے مجاہدین کو شہید کرنے کے عوض وسیع جاگیر عطا کی گئی۔
( ماخوذ از ( تحریک پاکستان میں علماء اہل حدیث کا کردار صفحہ نمبر 28 )
جس کو جاگیر غداری کے صلہ میں ملی ہو وہ اپنے ملک و قوم سے وفا کس طرح سے کرسکتا ہے۔ قوم کو یکسو ہو کر سوچنا چاہیے کہ کس طرح سے یکا یک ایک دیرینہ دوست ہم سے روٹھ گیا اس کا سبب کیا ہے؟
اور اس وقت جس طرف دوستی کا ہاتھ بڑھانے کی کوشش کی جارہی ہے سترسالہ تاریخ میں اس کا کردار کیا ہے؟
ایرانی بلاک میں شامل ہوا جارہا ہے جس ایران نے ہمیشہ سے پاکستان سے دشمنی کا کھلے بندوں ثبوت دیا ہے۔ بلکہ اس کے سارے تجارتی اور جنگی معاہدے بھارت کے ساتھ ہیں۔ اس ایران نے ہمیشہ سے پاکستان میں تخریبی کاروائی کرنے والوں کی پشت پناہی کی۔ اور کلبھوشن یادیو جیسے دہشت گردوں کو اپنے ویزوں پر پاکستان بھیجا تاکہ وہ پاکستان میں خون کی ہولی کھیلیں۔
اب ہمیں دوست اور دشمن کی تمییز کرنا ہوگی۔
اللہ پاکستان کی حفاظت فرمائے۔ آمین