پاکستان شوبز انڈسٹری کے معروف اور پُرکشش اداکار و میزبان عمران عباس جلد ہی بین الاقوامی فلم میں نظر آئیں گے۔

باغی ٹی وی : سماجی رابطے کی ویب سائٹ انسٹاگرام پر مداحوں سے سوال و جواب کے سیشن میں مداحوں کے منفرد سوالات کے دلچسپ جوابات دئیے۔

سیشن کے دوران ایک صارف کے سوال کا جواب دیتے ہوئے عمران عباس نے کہا کہ وہ اپنے بال اس لیے بڑھا رہے ہیں کہ انہوں جس کردار کی پیشکش ہوئی ہے اس میں بڑے بالوں کا ہونا لازم ہے۔

عمران عباس انسٹاگرام سٹوری اسکرین شاٹ
پاکستان ٹی وی پر نئے ڈرامے کے حوالے سے سوال کا جواب دیتے ہوئے انہوں نے کہا کہ شاید اب ان کے مداح انہیں ڈراموں میں نہ دیکھ سکیں۔

عمران عباس انسٹاگرام سٹوری اسکرین شاٹ
عمران عباس کا کہنا تھا کہ اگلے ایک یا ڈیڑھ سال تک ان کا ڈراموں میں اداکاری کرنے کا کوئی ارادہ نہیں ساتھ ہی انہوں نے یہ عندیہ بھی دیا کہ ہوسکتا ہے اس کے بعد بھی اُن کا یہی فیصلہ ہو۔

عمران عباس کے اس جواب کے بعد سے مداحوں میں تشویش کا اظہار کیا جارہا ہے کہ وہ جلد ہی ڈراموں میں اداکاری چھوڑنے کا ارادہ رکھتے ہیں۔

عمران عباس انسٹاگرام سٹوری اسکرین شاٹ
ایک صارف نے لکھا کہ وہ جلد ہی عمران عباس کو فلموں میں دیکھنا چاہتی ہیں ایسا کب ممکن ہوسکے گا؟ عمران عباس نے صارف کا جواب دیتے ہوئے لکھا کہ ابھی ایسی صورتحال میں فلمیں دیکھنے پر اکتفا کریں کورونا کے بعد ہی فلم کے حوالے سے کوئی بات کی جاسکے گی۔

عمران عباس انسٹاگرام سٹوری اسکرین شاٹ
ایک صارف نے لکھا کہ اپ کا ہیرو کون ہے؟ جس پر اداکار نے نبی آخرالزمان صلی اللہ علیہ وسلم کا اسم مبارک محمد شئیر کرتے ہوئے لکھا کہ ان کے ہوتے کسی اور کی ضرورت ہو سکتی ہے کیا ؟

عمران عباس انسٹاگرام سٹوری اسکرین شاٹ
ایک صارف نے پوچھا کہ مولانا طارق جمیل سے ملنے کے بعد کیسا لگا آپ کو؟ اس سوال کے جواب میں عمران عباس نے کہا کہ انہیں دیکھ کر ہمیشیہ مجھے روحانی سکون ملتا ہے-

پاکستان فلم انڈسٹری کے معروف اداکار شان شاہد اور عالمی شہرت یافتہ گلوکار شفقت امانت علی جلد ہی ایک پراجیکٹ میں ایک ساتھ نظر آئیں گے-

باغی ٹی وی : سماجی رابطے کی ویب سائٹ ٹوئٹر پر شان شاہد نے شفقت امانت علی کے ہمراہ اپنے نئے پراجیکٹ کے سیٹ کی ایک تصویر شیئر کی جس کے ساتھ اُنہوں نے اپنے مداحوں کو ایک اس پروجیکٹ کے متعلق آگاہ بھی کیا-

Making music♥️ .. with the pride of Pakistan 🇵🇰 Shafqat Amanat Ali . Coming soon #studioPK🇵🇰 pic.twitter.com/fc8j3t55qc

— Shaan Shahid (@mshaanshahid) July 24, 2020

شان شاہد نے تصویر شیئر کرتے ہوئے لکھا کہ پاکستان کے لیے فخر سے موسیقی کرنے والے شفقت امانت علی اور میں جلد ہی ساتھ آرہے ہیں۔

دوسری جانب شفقت امانت علی نے بھی اپنے ٹوئٹر اکاؤنٹ پر شان شاہد کے ساتھ اپنی ایک تصویر شیئر کی اور لکھا کہ میرے بہترین دوست اور پاکستان کے ایک باصلاحیت اداکار شان شاہد کے ساتھ شاندار وقت گُزار کر اور آنے والے نئے منصوبوں پر تبادلہ خیال کرکے بہت اچھا لگا۔

Fabulous spending time discussing upcoming projects with a dear friend & one of our finest actors @mshaanshahid
Had a great time singing & recording some beautifully written & composed melodies too. Stay tuned for more details. Coming soon! pic.twitter.com/X6NQgq4Kpg

— Shafqat Amanat Ali (@ShafqatAmanatA) July 23, 2020

شفقت امانت علی نے اپنے نئے پروجیکٹ کے بارے میں تھوڑی تفصیل دیتے ہوئے لکھا کہ گانے کو تحریر کرنے کمپوز کرنے اور پھر اُس کو ریکارڈ کرنے کے دوران شان شاہد کے ساتھ جو وقت گزرا وہ ایک معیاری وقت تھا۔

گلوکار نے مزید لکھا کہ ہمارے ساتھ رہئیے کیونکہ یہ گانا بہت جلد آنے والا ہے۔

شان شاہد اور شفقت امانت علی کے اس اعلان کے بعد مداحں کی جانب سے اُن کے نئے پروجیکٹ کے لیے نیک خواہشات کا اظہار کیا جارہا ہے-

پاکستان شوبز انڈسٹری کی معروف اداکارہ ماورا حسین کی ایک ویڈیو وائرل ہو رہی ہے جس میں وہ روڈ پر لڑکیوں کو چھیڑنے کو معمولی بات ہے کہتی نظر آرہی ہیں جس پر انہیں صارفین کی طرف سے شدید تنقید کا نشانہ بنایا جا رہا ہے-

باغی ٹی وی : ندایاسر کے مارننگ شو گڈ مارننگ پاکستان کی 2 سال پرانی ویڈیو کلپ سوشل میڈیا پر وائرل ہوئی جس میں وہ اور ہمایوں سعید ندا یاسر کے شو میں اپنی فلم کی پروموشن کے لیے آئے ہوئے ہیں۔

ماورا حسین کی مذکورہ ویڈیو کلپ اگست 2018 کے گڈ مارننگ پاکستان کی ہے جب ان کی فلم جوانی پھر نہیں آنی 2 ریلیز ہونے والی تھی اور وہ فلم کی تشہیر کے سلسلے میں دیگر اداکاروں کے ساتھ مارننگ شو میں شریک ہوئی تھیں۔

مذکورہ پروگرام میں یہ بحث اس وقت شروع ہوئی جب ندا یاسر نے سب سے پہلے اپنے شوہر یاسر حسین سے سوال کیا کہ عید شاپنگ کے دوران لڑکیاں تو چوڑیاں، مہندی اور میک اپ خریدنے جاتی ہیں مگر لڑکے کیوں جاتے ہیں؟

جس پر یاسر حسین نے کہا کہ ماضی میں لڑکے عید خریداری کے بہانے لڑکیوں کو دیکھنے مارکیٹ جاتے تھے اور یہ سلسلہ اب بھی جاری ہے۔

اداکار کے جواب پر ندا یاسر نے ان سے پوچھا کہ وہ خود کبھی ایسی نیت سے عید شاپنگ کے دوران مارکیٹ گئے ہیں؟

یاسر حسین نے اعتراف کیا کہ وہ ماضی میں ایسی نیت سے جاتے رہتے تھے۔

مرد اداکاروں کے دلچسپ جوابات کے بعد ندا یاسر نے خواتین اداکاروں سے بھی یہی سوال پوچھا کہ جب وہ عید خریداری پر جاتی تھیں تو انہیں کوئی لڑکا چھیڑتا تھا؟

جس پر اداکارہ سونیا حسین نے سب سے پہلے کہا کہ ایسا تو کئی سال سے ہوتا چلا آ رہا ہے۔

اسی سوال کے جواب میں اداکارہ ماورا حسین نے بھی اعتراف کیا کہ عید شاپنگ کے دوران لڑکوں کی جانب سے لڑکیوں کو گھورنا معمول ہوتا ہے۔

ندا یاسرماورا سے پوچھتی ہیں کہ کیا کبھی تمہیں کسی نے چھیڑا؟

جس پر ماورا حسین کہتی ہیں کہ لڑکیوں کو چھیڑنا تو لاہور کا فن ہے لڑکے گاڑیوں میں تیز میوزک لگاکرنکل جاتے ہیں روڈ پر اور لڑکیوں کو چھیڑ رہے ہیں۔ مجھے لگتا ہے کہ اس کے بغیر لاہوریوں کی عید نہیں لگتی۔ لہذا ہمیں اس کا برا نہیں ماننا چاہئے۔

اسی پر ندا یاسر نے ان سے سوال کیا کہ اب بھی اگر ان کے ساتھ ایسا ہو تو وہ کیا کریں گی؟ جس پر ماورا حسین نے کہا کہ انہیں برا نہیں لگے گا، کیوں کہ ان کی بھی تو عید ہے!

ماورا حسین کے اسی جواب پر نہ صرف پروگرام میں موجود اداکار ہنس پڑے بلکہ پروگرام میں شریک شرکا نے بھی تالیاں بجائیں۔
https://twitter.com/Abbasayy/status/1286340678000218114
تاہم سوشل میڈیا صارفین نے ماورا کی اس بات کو بالکل بھی مذاق میں نہیں لیا اور انہیں مشورہ دیتے ہوئے کہا کہ ہمارے فنکاروں کو بولنے سے پہلے سوچنا چاہئے کہ وہ کیا کہہ رہے ہیں۔

https://twitter.com/dazai_supremacy/status/1286373185391394816?s=20

@MawraHocane pls understand even if this is how you cope w/& rationalise harassment, these statements ultimately normalise harassment which can be traumatic and dehumanising to its victims. As someone w a big platform, you need to be aware of the consequences of these msgs.

— mav ♡ (@404mav) July 24, 2020

https://twitter.com/NimraRiaz92/status/1286736382157705216?s=20

This is how u spoil you youth by encouraging such verbosity and connecting it with Lahore….
They never go to markets like other family do.

— Aliii (@AliiAgain) July 24, 2020

https://twitter.com/TamIsKeen/status/1286601368237740033?s=20

When pretending-to-be-woke celebrities say such irresponsible stuff, women like us suffer 10 times more. Reality check lady – NO, WE DO NOT ENJOY CATCALLING! What a disappointment @MawraHocane after all those Law degree achievements. What a waste.

— Kyaboloon (@TehelkaKhaiz) July 24, 2020

@MawraHocane pls understand even if this is how you cope w/& rationalise harassment, these statements ultimately normalise harassment which can be traumatic and dehumanising to its victims. As someone w a big platform, you need to be aware of the consequences of these msgs.

— mav ♡ (@404mav) July 24, 2020

پاکستان میوزک انڈسٹری کی معروف اور عالمی شہرت یافتہ گلوکارہ حدیقہ کیانی کی جانب سے مرحوم جنید جمشید کی یاد میں خصوصی پیغام جاری کیا گیا ہے-

باغی ٹی وی : سماجی رابطے کی ویب سائٹ انسٹا گرام پرمعروف گلوکارہ حدیقہ کیانی نے ماضی کے ایک ٹی وی اشتہار کی ویڈیو شیئر کی جس میں جنید جمشید کے ساتھ معروف اداکارہ ماہ نور بلوچ نے کام کیا تھا جبکہ اس ٹی وی اشتہار کے گلوکاروں میں حدیقہ کیانی اور جنید جمشید تھے۔
https://www.instagram.com/p/CDB9hzQlovZ/?igshid=3bdmav5bngui
حدیقہ کیانی نے ویڈیو شئیر کرتے ہوئے کیپشن میں لکھا کہ آج کی مصروف اور افراتفری والی دُنیا میں ماضی کے سادہ دنوں کو یاد کرنا بہت اچھا لگتا ہے۔

گلوکارہ نے مرحوم جنید جمشید کو یاد کرتے ہوئے لکھا کہ جے جے یہ دُنیا آپ کو بہت زیادہ یاد کرتی ہے۔

آخر میں حدیقہ کیانی نے اپنے خصوصی پیغام میں مرحوم جنید جمشید کے لیے دُعا بھی کی۔

حدیقہ کیانی کا کشمیر سے متعلق گانا یوٹیوب سے ہٹا دیا گیا

صدر پاکستان ڈاکٹرعارف علوی حدیقہ کیانی کے کشمیر کے لئے گائے گئے گانے کے متعرف

پاکستان شوبز انڈسٹری کے معروف کامیڈین اداکار سلمان شیخ عرف مانی نے عالمی وبا کورونا وائرس سے پہلے کی یاد گار فوٹو شئیر کردیں-

باغی ٹی وی :سوشل میڈیا ویب سائٹ انسٹاگرام پر مانی نے ماضی کی کچھ یادگار تصاویر پوسٹ کیں جن میں اداکار اپنی فیملی کے ہمراہ کسی یورپین ملک میں موجود خوشگوار موڈ میں نظر آرہے ہیں-

مانی کی جانب سے پوسٹ کی جانے والی ایک تصویر میں اُنہوں نے دونوں ہاتھوں میں پورٹریٹ پکڑ رکھے ہیں اور کیپشن میں اپنے بیٹوں کے نام لکھتے ہوئے بتایا کہ مزمل اور ابراہیم-
https://www.instagram.com/p/CDAA3f2JYbf/?igshid=bsiomtczj9zk
مانی نےایک اور تصویر شئیر کی جس میں اُن کے ساتھ اُن کی اہلیہ حرا مانی اور چھوٹا بیٹا موجود ہے۔
https://www.instagram.com/p/CDABGaNJOyc/?igshid=v24yavrot5ub
اس تصویر کے کیپشن میں مانی نے لکھا کہ کورونا وائرس سے پہلے کی دُنیا۔

ایک پوسٹ میں اداکار نے اپنی سیلفی شیئر کی اور اس پوسٹ کے کیپشن میں اُنہوں نے سیلفی کو ایک آرٹ قرار دیتے ہوئے لکھا کہ سیلفی کھینچنا بھی ایک آرٹ ہے جوکہ مجھے نہیں آتا۔
https://www.instagram.com/p/CDABUGap56x/?igshid=1xvd6u12hx3a6
انسٹاگرام کی ایک پوسٹ میں مانی نے اپنی اہلیہ حرا کے ہمراہ میوزیم میں لی گئی سیلفی شئیر کی اور کیپشن میں لکھا کہ جب آپ بغیر ٹکٹ ’امریکن میوزیم آف نیچرل ہسٹری‘ میں داخل ہوجائیں تو پھر وہان ایسی سیلفی لیکر اپنے انسٹاگرام پر ضرور پوسٹ کریں۔
https://www.instagram.com/p/CDACJUFps0I/?igshid=181aova384475
سلمان شیخ نے انسٹا گرام پر ایک اور تصویر شئیر کی جس میں وہ اپنے بیٹوں مزمل اور ابراہیم کے ساتھ موجود ہیں-
https://www.instagram.com/p/CDACqT4pWGl/?igshid=r2i04gmad6zr

ممنی لانڈرنگ کیس میں ضمانت پر رہا ہونے والی پاکستان کی سُپر ماڈل ایان علی نے مداحوں کو اپنے نئے البم کا نام بتا دیا ہے۔

باغی ٹی وی : سماجی رابطے کی ویب سائٹ انسٹاگرام پر ایان علی نے ایک ویڈیو پوسٹ کی جس میں اُن کا فوٹو شوٹ ہوتا دکھائی دے رہا ہے اور ویڈیو دیکھ کر اندازپہ ہوتا پے کہ یہ اُن کے نئے پراجیکٹ کا کوئی حصہ ہے۔
https://www.instagram.com/p/CDBiTGupFAG/?igshid=gbsoxoupbc2i
ویڈیو شئیر کرتے ہوئے ایان علی نے مداحوں کا حال دریافت کیا اور پھر اُنہوں نے بتایا کہ یہ ویڈیو اُن کے نئے آنے والے پراجیکٹ کا ایک چھوٹا سا حصہ ہے۔

ایان علی نے اپنی پوسٹ کے کیپشن میں اپنے نئے البم کا نام بتاتے ہوئے لکھا کہ اُن کے البم کا نام ’Nothing Like Everything‘ ہے۔

ماڈل نے اپنی پوسٹ کے کیپشن میں August2020 # اور ComingSoon # بھی استعمال کیا جس سے لگ رہا ہے کہ اُن کا یہ البم جلد ہی یعنی اگست میں ریلیز کیا جائے گا۔

اس سے قبل ایان علی نے شوبز میں واپسی کا عندیہ دیتے ہوئے 7 گانے ریلیز کرنے کا اعلان کیا تھا، ایان علی نے اپنے ٹویٹ میں اپنی کاروں کے مابین ایک تصویر شئیر کی اور لکھا اب وقت آگیا ہے اپنے پسندیدہ پرانی لیمبوروگینی میں اپنے اگلے 7 گانے سنوں۔ میں اس بات کو یقینی بنانا چاہتی ہوں کہ وہ بہت اچھے لگیں۔

ایان علی نے لکھا تھا کہ مذکورہ گانوں کے لیے وہ گزشتہ 5 سال سے محنت کررہی ہیں جن سے اب اُن کے مداح بھی لطف اندوز ہوسکیں گے۔

واضح رہے کہ ایان علی کو 14 مارچ 2015 کو اسلام آباد بے نظیر انٹرنیشنل ایئرپورٹ سے 5 لاکھ سے زائد ڈالرز دبئی اسمگل کرتےہوئے گرفتار کیاگیا تھا بعد ازاں عدالت نے انہیں ضمانت پر رہاکیا جس کے بعد وہ بیرون ملک چلی گئیں 2 سال تک ایان علی عدالت میں پیش ہوتی رہیں تاہم 2017 میں بیرون ملک جانے کے بعد سے وہ عدالت کی سماعتوں میں غیر حاضر رہیں جس کے باعث انہیں کو اشتہاری قرار دیا جا چکا ہے اور ان کا اپارٹمنٹ بھی ضبط کیا جا چکا ہے-

ایان علی کی لمبے عرصے بعد سوشل میڈیا پر واپسی