معروف ٹی وی اداکارہ و میزبان عفت عمر نے بھی پاکستان شوبز انڈسٹری میں پائی جانے والی اقربا پروری کے خلاف آواز بلند کر دی۔

باغی ٹی وی : رواں ماہ 14 جون کو خودکشی کرنے والے 34 سالہ بھارتی اداکار سوشانت سنگھ کی موت کے بعد سے بھارت میں بالی وڈ اقربا پروری کے خلاف آواز اُٹھائی جارہی ہے جو کہ دن بہ دن کم ہونے کی بجائے بڑھتی جا رہی ہے اور نہ صرف بھارتی فنکار اور عوام اس کے خلاف بول رہے ہیں بلکہ پاکستانی فنکار بھی بالی وڈ کی کچھ نامور شخصیات کو سوشانت کی خودکشی کی وجہ قرار دیتے نظر آرہے ہیں۔

ایسے میں پاکستان کی معروف اداکارہ و میزبان عفت عمر نے بھی سوشل میڈیا پر ایک پیغام جاری کیا ہے جس میں اُنہوں نے پاکستان شوبز انڈسٹری میں پائی جانے والی اقربا پروری کے بارے میں بات کی ہے۔

Pakistani industry artists sharing news of coffee in Karan in hot water but darlings what about the #nepotism in your own backyard? Kabhi socha hay hamari industry me adakar kitne hayn?

— Iffat Omar Official (@OmarIffat) June 24, 2020

سماجی رابطے کی ویب سائٹ ٹوئٹر پر اپنے ٹویٹ میں عفت عمر نے لکھا کہ پاکستانی انڈسٹری کے فنکار بھارتی فلم ساز کرن جوہر کے ٹی وی شو ’کافی وِد کرن‘ کی خبریں تو سوشل میڈیا پر شیئر کر رہے ہیں اور ان کے خلاف بول بھی رہے ہیں لیکن آپ کی اپنی انڈسٹری میں ہونے والی اقربا پروری کے بارے میں آپ کا کیا خیال ہے؟

عفت نے لکھا کہ کبھی سوچا ہے ہماری انڈسٹری میں اداکار کتنے ہیں‌؟

واضح رہے کہ رواں ماہ 14جون کو گلے میں پھانسی کا پھندہ ڈال کر خودکشی کرنے والے بھارتی اداکار سوشانت سنگھ کی موت کے واقعے کے بعد سے بھارتی عوام کی جانب سے بالی ووڈ انڈسٹری اور دیگر نامور بھارتی شخصیات کو اداکار کی خودکشی کی وجہ قرار دیا جارہا ہے جن میں عالیہ بھٹ، کرن جوہر اور سلمان خان جیسے معروف بھارتی فنکار شامل ہیں۔

بالی وڈ اداکار سوشانت سنگھ راجپوت کی خودکشی کے حوالے سے ایک وکیل سدھیر کمار اوجھا نے بھارتی ریاست بہار کی ایک مقامی عدالت میں سلمان خان، پروڈیوسر اور ڈائریکٹر کرن جوہر ،ادیتیا چوپڑا، ساجد ناڈیانوالہ، سنجے لیلا بھنسالی، بھوشن کمار، ایکتا کپور اور ڈائریکٹر دنیشن کے خلاف مقدمہ درج کیا تھا اس نے دعوی کیا تھا کہ یہ افراد سوشانت کی فلموں کو ایک سازش کے تحت ریلیز نہیں ہونے دیتے تھے اور ان افراد کی وجہ سے سوشانت کو فلمی فنکشنز میں بھی مدعو تک نہیں کیا جاتا تھا جس وجہ سے سوشانت نے دلبرداشتہ ہو کر خودکشی کر لی تھی-

یاد رہے کہ کرن جوہر نے اپنے ایک شو میں جب عالیہ بھٹ سے سوشانت سنگھ کے حوالے سے سوال کیا تھا تو اداکارہ نے لاتعلقی کا اظہار کرتے ہوئے کہا تھا کہ کون سوشانت سنگھ، جس پر کرن جوہر اور عالیہ بھٹ نے سوشانت سنگھ پر گفتگو کرتے ہوئے قہقہہ لگانا شروع کردیئے تھے یہی وجہ ہے کہ بھارتی عوام میں اداکار کی خودکشی کے حوالے سے غم و غصہ پایا جارہا ہے۔

سلمان خان کا سوشل میڈیا پر سوشانت سنگھ کے لئے خصوصی پیغام جاری

سوشانت سنگھ کی موت کی ذامہ دار بالی وڈ انڈسٹری ہے بھارتی عوام

اداکارہ کنگنا رناوت نے سوشانت سنگھ کی افسوسناک موت کے حوالے سے فلم انڈسٹری کی جانب سے پھیلائے گئے پروپیگنڈے کو بے نقاب کردیا

سلمان خان اور کرن جوہر کی فلمیں ریلیز نہیں ہونے دیں گے صدر جن ادھیکار پارٹی پپو یادو

سوشانت سنگھ کی موت کے بعد عالیہ بھٹ اور کرن جوہر کو سوشل میڈیا پر بڑی ناکامی

بالی وڈ انڈسٹری میں تخلیقی صلاحیتوں کو وہ لوگ کنٹرول کررہے ہیں جنہیں تخلیق کا مطلب بھی نہیں پتہ یا پھر وہ خدا بننے کی کوشش کرررہے ہیں عدنان سمیع خان

پاکستان کی خوبرو اوربین الاقوامی شہرت یافتہ اداکارہ خان کی ہمشکل کے سوشل میڈیا پر خوب چرچے جاری ہیں کہا جاتا ہے کہ اس دنیا میں ہر انسان کے کم از کم 7 ہم شکل افراد موجود ہوتے ہیں اور ان میں سے کم از کم 2 افراد ایسے ہوتے ہیں جو بالکل ایک دوسرے جیسے ہوتے ہیں اور ایسی باتوں کا اندازہ سوشل میڈیا پراداکاراؤں کی ہم شکل لڑکیوں کی تصاویر وائرل ہونے سے بھی ہوتا ہے۔

باغی ٹی وی : بین الاقوامی شہرت یافتہ اداکارہ ماہرہ خان کے دنیا بھرمیں ان کے مداح موجود ہیں اوران کی اداکاری کو بہت پسند بھی کرتے ہیں اور اسی اداکاری کی بنیاد پروہ متعدد قومی اوربین الاقوامی ایوارڈزبھی اپنے نام کرچکی ہیں۔

اس وقت سوشل میڈیا پراداکارہ کی تصاویرخوب وائرل ہورہی ہیں لیکن دلچسپ بات یہ ہے کہ وہ اداکارہ ماہرہ خان نہیں بلکہ اداکارہ کی ہمشکل ہیں جن کو دیکھ کرکوئی کہہ نہیں سکتا کہ یہ ماہرہ خان نہیں بلکہ ’کراسا انور شیخ‘ نامی لڑکی ہیں ابتدائی طور پر تو کئی لوگوں نے سپر اسٹار اداکارہ کی ہم شکل لڑکی کو ماہرہ خان ہی سمجھا مگر بعد میں پتہ چلنے پر لوگ حیران کن حد تک مشابہت پر حیران رہ گئے۔
https://www.instagram.com/p/CBoLVtlJOll/
مزے کی بات یہ ہے کہ ماہرہ خان کی ہم شکل لڑکی کسی اور ملک یا شہر سے تعلق نہیں رکھتیں بلکہ ان کا تعلق بھی صوبہ سندھ کے دارالحکومت کراچی سے ہی ہیں جہاں سے ماہرہ خان کا تعلق ہے۔
https://www.instagram.com/p/CBGDMHEpXhV/
https://www.instagram.com/p/CAnKRdbJ0s9/
https://www.instagram.com/p/CAk1C_qpKx3/
https://www.instagram.com/p/B_FftWophKf/
https://www.instagram.com/p/CAIfZw0pnvD/
https://www.instagram.com/p/B_X0YmUp8fD/
کراسا انور شیخ سپر اسٹار ماہرہ خان کے فیشن اور لباس سمیت اسٹائل اتنے اچھے طریقے سے کاپی کرتی ہیں کہ انہیں پہلی نظر میں دیکھنے والا شخص سُپر اسٹار ماہرہ خان ہی سمجھتا ہے جبکہ کراسا انور شیخ بھی ماڈلنگ کرتی دکھائی دیتی ہیں۔
https://www.instagram.com/p/B8t6kTlBkP3/
https://www.instagram.com/p/B8yMFoDBGKv/
کراسا انور شیخ نے اپنے انسٹاگرام پر متعدد ایسی تصویریں شیئر کر رکھی ہیں جن میں وہ نہ صرف ماہرہ خان کی ڈٹوکاپی دکھائی دے رہی ہیں بلکہ انہوں نے لباس، میک اپ اور اسٹائل بھی معروف اداکارہ جیسا اپنا رکھا ہے۔

واضح رہے کہ سوشل میڈیا پر معروف اداکارہ اقرا عزیز کی ہم شکل لبنانی لڑکی کی ویڈیو و تصاویر بھی وائرل ہوئی تھیں اقرا عزیز کی ہم شکل لبنانی لڑکی کی سب سے پہلے اداکارہ کی بہن سدرہ عزیز نے ویڈیو شئیر کرتے ہوئے لکھا تھا کہ وہ لبنانی لڑکی کو دیکھ کر دھوکا کھا گئیں اور انہوں نے پہلی نظر میں اسے اپنی بہن ہی سمجھا۔

جبکہ اس سے قبل اداکارہ مہوش حیات کی ہم شکل متحدہ عرب امارات (یو اے ای) کی بیوٹی بلاگر و میک اپ آرٹسٹ کی تصاویر نے سوشل میڈیا پر دھوم مچائی تھی۔اماراتی لڑکی کی تصاویر کو پہلی نظر میں دیکھنے والے پاکستانی افراد نے انہیں ادکارہ مہوش حیات ہی سمجھا تھا۔

معروف جرنلست امیر عباس کا وزیر اعظم عمران خان پر طنز کرتے ہوئے کہنا ہے کہ ارطغرل غازی تو سمجھوتہ نہیں کرتا لیکن ارطغرل عمران خان کا ہر دن سمجھوتوں سے بھرا پڑا ہے

باغی ٹی وی : مسلمانوں کی اسلامی فتوحات پر مبنی شہرہ آفاق تُرک سیریز دیریلس ارطغرل کو جسے تُرکی کا گیم آف تھرونز بھی کہا جاتا ہے کو پاکستانی وزیر اعظم عمران خان کی ہدایت پر اردو میں ڈب کر کے یکم رمضان سے ارطغرل غازی کے نام سے پاکستان کے سرکاری ٹی وی (پی ٹی وی) پر نشر کیا جارہا ہے اس ڈرامے نے پاکستانی عوام سمیت شوبز سیاسی اور نمعروف شخصیات کو اپنے سحر میں جکڑ رکھا ہے اور اس ڈرامے اور کرداروں کا تذکرہ تقریباً پاکستانیوں کی ہر بات میں کسی نہ کسی حوالے میں پایا جاتا ہے-

ارطغرل کے بھائی، والدہ، بیوی، عزیز اور دوست سب بار بار اصولوں پر سمجھوتہ کرنے کیلئے قائل کرتے ہیں لیکن وہ ہمیشہ انکار کر دیتا ہے، جبر سہتا ہے، زخم کھاتا ہے، ظلم سہتا ہے لیکن نظام، اشرافیہ اور status quo سے سمجھوتہ نہیں کرتا جبکہ #ارطغرل_عمران_خان کا ہر دن سمجھوتوں سے بھرا پڑا ہے

— Ameer Abbas (@ameerabbas84) June 23, 2020

حآل ہی میں سماجی رابطے کی ویب سائٹ ٹویٹر پر جرنلسٹ امیر عباس نے اپنے ٹویت میں وزیراعظم کو ان کے آئے دن بدلتے منصوبوں کو سمجھوتوں پر انہیں تنقید کا نشانہ بنا تے ہوئے اپنے ٹویٹ میں لکھا کہ ارطغرل کے بھائی، والدہ، بیوی، عزیز اور دوست سب بار بار اصولوں پر سمجھوتہ کرنے کیلئے قائل کرتے ہیں لیکن وہ ہمیشہ انکار کر دیتا ہے، جبر سہتا ہے، زخم کھاتا ہے، ظلم سہتا ہے لیکن نظام، اشرافیہ اور status quo سے سمجھوتہ نہیں کرتا جبکہ ارطغرل عمران خان کا ہر دن سمجھوتوں سے بھرا پڑا ہے

امیر عباس کے اس تنقید بھرے ٹویٹ پر ٹویٹر صارفین نے عمران خان کا ساتھ دیتے ہوئے تبصرے کئے –

https://twitter.com/iKarachiwala/status/1275525859827503105?s=20
رے نامی صرف نے امیر عباس کولکھا کہ جناب عالی، اس کا مطلب ہے آپ نے ارطغرل ڈرامہ ٹھیک سے نہی دیکھا، ارطغرل بھی سمجھوتے کرتا ہے بڑے مقصد کے لیئے ہاں انصاف پر سمجھوتہ نہیں کرتا، یہی خان کرتا ہے. آپ پانچ سیزن دیکھیں، اگر نہیں دیکھا، تو سمجھ آئے گی کہ بڑے مقصد کے حصول کے لیئے آپ سمجھوتے بھی کرتے ہیں اور برداشت بھی.

ملک کا سب سے بڑا status quo اس ملک کا میڈیا ہے، اگر وزیراعظم اسلامی جمہوریہ پاکستان عمران احمد خان نیازی نے اس میڈیا کے ساتھ سمجھوتہ نہیں کیا تو وہ اور کسی کے ساتھ سمجھوتہ کیسے کریں گے۔
جیت حق اور سچ کی ہو کر رہتی، وزیراعظم حق پر کھڑے ہیں اور اللہ حق کو ہی فتحیاب کرتا ہے۔

— Jhanzaib (@Jhanzaib_S) June 23, 2020

جہانزیب نامی صارف نے پاکستانی میڈیا کو تنقید کا نشانہ بناتے ہوئے لکھا کہ ملک کا سب سے بڑا status quo اس ملک کا میڈیا ہے، اگر وزیراعظم اسلامی جمہوریہ پاکستان عمران احمد خان نیازی نے اس میڈیا کے ساتھ سمجھوتہ نہیں کیا تو وہ اور کسی کے ساتھ سمجھوتہ کیسے کریں گےجیت حق اور سچ کی ہو کر رہتی، وزیراعظم حق پر کھڑے ہیں اور اللہ حق کو ہی فتحیاب کرتا ہے۔

سمجھوتہ ارتغرل بھی کرتا ہے لیکن اس سمجھوتے کے اندر منصوبہ بھی بناتا ہے بالکل ویسا ہی عمران خان سمجھوتہ کرتا ہے اور پھر اس میں منصوبہ بناتا ہے

ویسے اپ نوازشریف کی اس سمجھوتے کی بات کیوں نہیں کرتے جس کے اندر وہ مریم نواز کو قطری کے حوالے کرتی ہے

— Hukam Khan (@Isipak_) June 23, 2020

ایک صارف نے لکھا کہ سمجھوتہ ارطغرل بھی کرتا ہے لیکن اس سمجھوتے کے اندر منصوبہ بھی بناتا ہے بالکل ویسا ہی عمران خان سمجھوتہ کرتا ہے اور پھر اس میں منصوبہ بناتا ہے ویسے آپ نوازشریف کی اس سمجھوتے کی بات کیوں نہیں کرتے جس کے اندر وہ مریم نواز کو قطری کے حوالے کرتا ہے-
ترک سیریز ارطغرل غازی کے بارے میں دلچسپ حقائق

پاکستان شوبز انڈسٹری کی معروف اداکارہ وینا ملک نے غیر معینہ مدت کے لئے سوشل میڈیا چھوڑنے کا اعلان کر دیا-

باغی ٹی وی : پاکستان کی معروف اداکارہ و میزبان اور سوشل ایکٹویسٹ وینا ملک نے سوشل میڈیا چھوڑنے کا اعلان کر دیا سماجی رابطے کی ویب سائٹ ٹویٹر رپ اداکارہ نے سوشل میڈیا سے دوری اختیار کرنے کا اعلان کرتے ہوئے لکھا کہ میں غیر معینہ مدت کیلئے سوشل میڈیا چھوڑ رہی ہوں ،اللہ حافظ

میں غیر معینہ مدت کیلئے سوشل میڈیا چھوڑ رہی ہوں

اللہ حافظ

— VEENA MALIK (@iVeenaKhan) June 24, 2020

تاہم اداکارہ نے سوشل میڈیا سے کیوں دوری اختیار کی یہ وجہ سامنے نہیں آ سکی نہ ہی وینا ملک نے اس بارے کوئی بیان دیا ہے-

جہاں کوئی سوال نہیں پیدا ہوتا وہاں بلاول جیسے پیدا ہوجاتے ہیں

— VEENA MALIK (@iVeenaKhan) June 24, 2020

اس سے قبل وینا نے اپنی ایک ٹویٹ میں بلالو بھٹو زرداری کو تنقید کا نشانہ بناتے ہوئے کہا تھا جہاں کوئی سوال نہیں پیدا ہوتا وہاں بلاول جیسے پیدا ہوجاتے ہیں

وفاق،پنجاب،سندھ،خیبرپختنخواہ،بلوچستان،سینٹ کے ممبران اسمبلی کی سالانہ تنخواہ 35 ارب 54 کروڑ 70 لاکھ کے قریب بنتی ہے ان میں زیادہ تر ٹیکس چور کرپٹ بدیانت ہیں

کیا ایک غریب ملک کی غریب عوام اس لیے ٹیکس دیتی ہے کہ خود کو غریبوں کے نمائندے کہنے والے اربوں روپے تنخواہ لیتے رہیں؟

— VEENA MALIK (@iVeenaKhan) June 24, 2020

جبکہ ایک دوسری ٹویٹ میں وینا نے لکھا تھا کہ وفاق،پنجاب،سندھ،خیبرپختنخواہ،بلوچستان،سینٹ کے ممبران اسمبلی کی سالانہ تنخواہ 35 ارب 54 کروڑ 70 لاکھ کے قریب بنتی ہے ان میں زیادہ تر ٹیکس چور کرپٹ بدیانت ہیں

وینا نے سوال اٹھاتے ہوئے لکھا تھا کہ کیا ایک غریب ملک کی غریب عوام اس لیے ٹیکس دیتی ہے کہ خود کو غریبوں کے نمائندے کہنے والے اربوں روپے تنخواہ لیتے رہیں؟

واضح رہے کہ وینا ملک اکثر و بیشتر اپنے متنازع بیانات کی وجہ سے اکثر سوشل میڈیا پر تنقید کا نشانہ بنتی ہیں-

بھارتی ادکارہ سوناکشی سنہا نے ٹویٹر سے دوری اختیار کر لی