چند روز قبل بھارتی گلوکارہ کنیکا کپور نے سوشل میڈیا پر انکشاف کیا تھا کہ ان میں کورونا وائرس کی تشخیص ہوئی ہے جس کے بعد گلوکارہ کو لاپرواہی برتنے پر تنقید کا نشانہ بنایا گیا اور ان پر مقدمہ بھی درج کیا گیا تھا
باغی ٹی وی :چند روز قبل بھارتی گلوکارہ کنیکا کپور نے سوشل میڈیا پر انکشاف کیا تھا کہ ان میں کورونا وائرس کی تشخیص ہوئی ہے جس کے بعد گلوکارہ کو لاپرواہی برتنے پر تنقید کا نشانہ بنایا گیا اور ان پر مقمہ بھی درج کیا گیا تھا گلوکارہ میں کورونا وائرس کی تشخیص کے چند روز بعد برطانوی شہزادے چارلس میں بھی کورونا کی تصدیق ہوگئی اور اب ان دونوں شخصیات کے حوالے سے سوشل میڈیا پر ایک نئی بحث چھڑ گئی ہے
کنیکا کپور پر برطانوی شہزادے چارلس کو کورونا وائرس سے متاثر کرنے کا الزام عائد کردیا گیا ہے کنیکا کپور رواں ماہ 9 مارچ کو لندن سے ممبئی پہنچی تھیں جس کے بعد وہ لکھنؤ گئیں جہاں ان میں کورونا وائرس کی تصدیق ہوئی برطانیہ میں گزارے اپنے وقت کے دوران گلوکارہ نے کئی بڑے ایونٹس میں شرکت کی اوررپورٹس کے مطابق ان ایونٹس میں سے چند میں ان کی ملاقات شہزادہ چارلس سے بھی ہوئی ان کی تصاویر سوسل میڈیا پر گردش کر رہی ہیں
سوشل میڈیا پر ایک نئی بحث شھڑ گئی ہے جس میں کنیکا کپور پر برطانوی شہزادے چارلس کو کورونا وائرس سے متاثر کرنے کا الزام عائد کردیا گیا ہے جبکہ بوض لوگ پریشان ہیں کہ کون کس کی وجہ سے متا ثر ہوا لیکن حقیقت یہ ہے کہ دونوں میں سے کوئی بھی ایک دوسرے سے متاثر نہیں ہوا کیونکہ ہندوستان ٹائمز کی رپورٹ کے مطابق سوشل میڈیا پر وائرل یہ تصاویرسال 2015 کی ہیں جب شہزادہ چارلس اور ان کی اہلیہ کمیلا نے لندن میں ایک ایونٹ منعقد کیا تھا اس ایونٹ میں کنیکا کپور بھی شریک ہوئیں تھی جبکہ جون 2019 میں لندن میں منعقد ایک ایونٹ کا حصہ بننے کے بعد بھی گلوکارہ نے شہزادہ چارلس کے ہمراہ ایک تصویر شیئر کی تھی
واضح رہے کہ گلوکارہ رواں ماہ 9 مارچ کو لندن سے بھارت واپس آئی تھیں جہاں اُنہو ں نے اپنا کورونا کا ٹیسٹ کروایا تھا اور اُن کے ٹیسٹ کے نتائج پوزیٹیو آئے تھے کنیکا کپور نے کورونا ہونے کے باوجود بھی لوگوں سے ملاقات کی اور پارٹیوں میں شرکت کی تھی
جب بھارتی پولیس کو یہ معلو م ہوا تو اُنہوں نے گلوکارہ کے خلاف مقدمہ درج کیا اور ان کا دوبارہ سے ٹیسٹ کروایا جو مثبت آیا تھا
یاد رہے کہ کنیکا کپور نے کورونا وائرس میں مبتلا ہونے کا اعلان انسٹاگرام پر کیا تھا اُنہوں نے انسٹاگرام پر دو تصاویر شیئر کی تھیں بھارتی گلوکارہ نے اپنی اس پوسٹ کے کیپشن میں لکھا تھا کہ مجھے نزلہ زکام ہوا تھا جس کے بعد میں نے کورونا کا ٹیسٹ کیا اور میرے اس ٹیسٹ کے نتائج مثبت آئے تھے
اُنہوں نے لکھا تھا کہ اب میں اور میرے تمام گھر والے قرنطینہ میں چلے گئے ہیں انہوں نے مداحوں کو مشورہ دیا تھا مہربانی کر کے آپ لوگ بھی تنہائی اختیار کریں اور اپنا خیال رکھیں
بھارتی گلوکارہ کنیکا کپور کا کورونا ٹیسٹ دوبارہ پوزیٹیو آگیا
