Author: عائشہ ذوالفقار

پاکستان کی معروف اداکارہ عائزہ خان نے پاکستان سمیت دنیا بھر میں پھیلے مہلک کورونا وائرس کے خطرے کے پیش نظر دعا کی اور کہا کہ اللہ سے شفا اورمعافی مانگتے رہیں انشااللہ ہمیں کوئی بھی چیز نقصان نہیں پہنچائے گی

باغی ٹی وی : اداکارہ عائزہ خان نے پاکستان سمیت دنیا بھر میں پھیلے مہلک کورونا وائرس کے خطرے کے پیش نظر دعا کرتے ہوئے کہا ہے کہ اللہ سے شفا اورمعافی مانگتے رہیں انشااللہ ہمیں کوئی بھی چیز نقصان نہیں پہنچائے گی سماجی رابطے کی ویب سائٹ ٹویٹر پر اداکارہ نے لکھا کہ پاکستان سمیت دنیا بھر کے لوگوں کے لیے کوروناوائرس سے محفوظ رہنے کی دعا کرتے ہوئے کہا ہمارے پاکستان پر اور اس پوری دنیا پر اپنا رحم کر میرے اللہ

Humary Pakistan par or is pori dunia par apna reham kar mere Allah,
Ahtiyat tu beshk karne ha Par dua bhe krni ha apne lie sabke lie
Khud koshish krei Wazu me rahai Allah se shifa or mafi mangte rahe beshak humara yaqen ha Allah par hume koi bhe chez nuksan nai pohchagi inshAllah

— Ayeza Khan (@Ayezakhan_ak) March 25, 2020

عائزہ خان نے مزید لکھا کہ احتیاط تو بے شک کرنی ہے پر دعا بھی کرنی ہے اپنے لیے سب کے لئے خود کوشش کریں وضو میں رہیں، اللہ سے شفا اور معافی مانگتے رہیں، بے شک ہمارا یقین ہے اللہ پر ہمیں کوئی بھی چیز نقصان نہیں پہنچائے گی انشااللہ

واضح رہے کہ جان لیوا کورونا وائرس اب تک پاکستان سمیت دنیا کے تقریباً 190 ممالک تک پھیل چکا ہے پاکستان میں بھی تیزی سے یہ خطرناک وائرس تیزی سے پھیل رہا ہے اب تک مجموعی طور پر 1048کیسز سامنے آ چکے ہیں ان حالات کے پیش نظر حکمرانوں کے ساتھ پاکستان شوبز سے تعلق رکھنے والے فنکار بھی لوگوں کو احتیاطی تدابیراختیار کرنے کا مشورہ دیتے ہوئے نظر آرہے ہیں

پاکستان کی معروف اداکارہ عائزہ خان نے کہا ہے کہ سڑک پر کتوں، بلیوں اور پرندوں سمیت جو بھی جانور نظر آئے اس کو کھانا کھلائیں، یہ بھی پریشان اور اکیلے ہیں

باغی ٹی وی : پاکستان کی معروف اداکارہ عائزہ خان نے کہا ہے کہ سڑک پر کتوں، بلیوں اور پرندوں سمیت جو بھی جانور نظر آئے اس کو کھانا کھلائیں، یہ بھی پریشان اور اکیلے ہیں اداکارہ نے انسٹا گرام پر لکھا کہ وہ جانتی ہیں کہ لاک ڈاؤن میں سب کے فریزر اور کچن ضرورت سے زیادہ بھرے ہوئے ہیں حالات چاہے جیسے بھی ہوں پر بھوک تو لگے گی ہی اور صرف خوراک ہی ان دنوں میں ہمارے لئے انٹر ٹینمنٹ ہے جیسے ہمیں بھوک لگتی ہے ویسے ہی پرندوں اور جانوروں کو بھی بھوک لگتی ہے
https://www.instagram.com/p/B-IkX_MBhkB/?igshid=4d2wlnbpuopv
سوشل میڈیا ویب سائٹ انسٹا گرام پر اپنے اکاؤنٹ پر اداکارہ عائزہ خان نے لکھا کہ سڑک پر کتوں، بلیوں اور پرندوں سمیت جو بھی جانور نظر آئے اس کو کھانا کھلائیں یہ بھی پریشان اور اکیلے ہیں

عائزہ خان نے لکھا کہ یہ پرندے نہیں جانتے کہ کیا ہو رہا ہے پر ان کی دعا بھی اللہ سنتا ہے انہوں نے لوگوں سے درخواست کی کہ اپنے ارد گرد سب کا خیال رکھیں

پاکستانی معوف گلوکار جواد احمد نےکورونا وائرس کے خلاف فرنٹ لائن پر لڑنے والے ڈاکٹروں اور پیرا میڈیکل اسٹاف کو گیت کے ذریعے خراج تحسین پیش کیا ہے

باغی ٹی وی :پاکستانی معوف گلوکار جواد احمد نےکورونا وائرس کے خلاف فرنٹ لائن پر لڑنے والے ڈاکٹروں اور پیرا میڈیکل اسٹاف کو گیت کے ذریعے خراج تحسین پیش کیا ہے پاکستانی گلوکار جواد احمد نے سماجی رباطے کی ویب سائٹ ٹویٹر پر گیت کی ویڈیو شئیر کی جس میں گلوکار نے کورونا وائرس کے خلاف فرنٹ لاٗئن پر لڑنے والے ڈاکٹروں اور پیرا میڈیکل اسٹاف کو خراجِ تحسین پیش کرتے ہوئے تم مسیحا ہو اس قوم کے ہمیں تم سے پیار ہے گیت گایا ہے

پوسٹ کے کیپشن میں.جواد احمد نے لکھا کہ اس مشکل گھڑی میں پاکستان کے ڈاکٹرز، پیرا میڈکس، نرسز اور شعبہ صحت میں کام کرنے والے تمام لوگوں کے حوصلے اور جرات کو میرا اور اس قوم کا سلام

“You,saviours of this nation!
We love you”

In this difficult time,my salute to morale & courage of Pakistani doctors,paramedics,nurses & all people working in health sector.

Lets raise white flags at our homes on Friday in solidarity with these brave soldiers against Corona. pic.twitter.com/orBOiENCdL

— Jawad Ahmad (@jawadahmadone) March 25, 2020

جواد احمد نے لکھا کہ جمعہ والے دن اپنے گھروں پر سفید جھنڈے لہرا کر ان بہادر سپاہیوں کی اس بہادری پر خراج تحسین پیش کریں

گلوکار نے کہا کہ آپ قوم کے محافظ ہو ہم آپ سے محبت کرتے ہیں

یاد رہے کہ پاکستان میں کورونا وائرس سے اب تک مجموعی طور پر 8 افراد جاں بحق ہو چکے ہیں جبکہ ملک بھر میں کیسز کی تعداد 1048 ہو گئی ہے

بھارتی گلوکارہ کنیکا کپور کا کورونا وائرس کا ٹیسٹ ایک بار پھر سے پوزیٹیو آگیا

باغی ٹی وی : بھارتی میڈیا کی رپورٹ کے مطابق گلوکار ہ کنیکا کپور گذشتہ دنوں امریکا سے بھارت واپس آئی تھیں جہاں اُنہو ں نے اپنا کورونا کا ٹیسٹ کروایا تھا اور اُن کے ٹیسٹ کے نتائج پوزیٹیو آئے تھے کنیکا کپور نے کورونا ہونے کے باوجود بھی لوگوں سے ملاقات کی اور پارٹیوں میں شرکت کی تھی

جب بھارتی پولیس کو یہ معلوم ہوا تو اُنہوں نے گلوکارہ کے خلاف مقدمہ درج کیا اور ان کا دوبارہ سے ٹیسٹ کروایا جو مثبت آیا اب بھارتی پولیس اُن لوگوں کو تلاش کر رہی ہے جن سے کنیکا کپور نے پارٹیوں میں ملاقات کی تھی

یاد رہے کہ کنیکا کپور نے اپنے اِس مرض کا اعلان انسٹاگرام پر کیا تھا۔ اُنہوں نے انسٹاگرام پر دو تصاویر شیئر کی تھیں بھارتی گلوکارہ نے اپنی اس پوسٹ کے کیپشن میں لکھا تھا کہ مجھے نزلہ زکام ہوا تھا جس کے بعد میں نے کورونا کا ٹیسٹ کیا اور میرے اس ٹیسٹ کے نتائج مثبت آئے ہیں

اُنہوں نے لکھا تھا کہ اب میں اور میرے تمام گھر والے قرنطینہ میں چلے گئے ہیں انہوں نے مداحوں کو مشورہ دیا تھا مہربانی کرکے آپ لوگ بھی تنہائی اختیار کریں اور اپنا خیال رکھیں

جیمز بانڈ کی فلم سیریز کوانٹم آف سولس کی ہیروئن اولگا کریلنکو نے کورونا وائرس کو شکست دے دی

باغی ٹی وی :جیمز بانڈ کی فلم سیریز کوانٹم آف سولس کی ہیروئن اولگا کریلنکو نے کورونا وائرس کو شکست دے دی گذشتہ ہفتے اداکارہ کا کورونا ٹیسٹ مثبت آیا تو انہوں نے خود کو آئیسولیٹ کرلیا تھا جس کی تصدیق اداکارہ نے سوشل میڈیا انسٹا گرام پر کی تھی

اداکارہ نے لکھا تھا کہ انہوں نے کووڈ 19 کی رپورٹ مثبت آنے کے بعد خود کو اپنے گھر تک محدود کردیا ہے

40 سالہ اداکارہ نے لکھا گذشتہ چار ہفتوں سے ان کی طبیعت ناساز ہے انہیں بخار اور ہمیشہ تھکن محسوس ہوتی ہے اداکارہ نے اپنے مداحوں سے کہا کہ وہ کورونا وائرس کے معاملے پر سنجیدگی کا مظاہرہ کریں اور خود کا خیال رکھیں

اب انہوں نے سماجی رابطے کی ویب سائٹ ٹویٹر پر اعلان کر کے مداحوں کو بتایا ہے کہا انہوں نے کورونا وائرس کو شکست دے دی ہے اور ٹھیک ہیں

#HappyMothersDay! (For yesterday)
P.S. I have completely recovered 🙏 To recapitulate: For one week I felt pretty bad and was mostly in bed, sleeping, with high fever and strong headache. The second week, the fever was gone but some light cough appeared and I felt very tired… pic.twitter.com/TjPsJUgF9I

— Olga Kurylenko (@OlyaKurylenko) March 23, 2020

اداکارہ نے اپنے بیٹے کے ساتھ تصویر شئیر کی اور کیپشن میں لکھا کہ اب وہ مکمل طور پر صحت یاب ہیں انن کا پچھلا ایک ہفتہ بہت بُرا گُزرا انہوں نے پورا ہفتہ زیادہ بیڈ پر تیز بخار اور شدید سر درد کے ساتھ سو تے ہوئے گزارا اب وہ بہتر محسوس کر رہی ہیں بخار اتر گیا ہے بس ہلکی سے کھانسی ہے اور بہت زیادہ تھکاوٹ محسوس کرہی رہی ہوں

By the end of the second week I felt totally fine. Cough is almost gone although I still cough in the mornings but then it completely goes away for the day! I’m fine! And now I’m just enjoying this time to reflect on many things and spend my time with my son 🙏…

— Olga Kurylenko (@OlyaKurylenko) March 23, 2020

انہوں نے ایک ٹویٹ میں لکھا کہ وہ بیتر محسوس کر رہی ہیں اور اب اپنے بیٹے کے ساتھ اچھا وقت گزار رہی ہیں

Теперь я наслаждаюсь отдыхом и провожу время с сыном. Держитесь!!! 💪 #coronavirus #коронавирус

— Olga Kurylenko (@OlyaKurylenko) March 23, 2020

ممتاز عالم دین علامہ ہشام الہی ظہیر نے کورونا کے علاج سے متعلق انکشاف کیا انہوں نے کہا کہ اس وبائی مرض کا علاج چھ ماہ پہلے ہی ہومیو پیتھک میں آچکا ہوا ہے

باغی ٹی وی:ممتاز عالم دین علامہ ہشام الہی ظہیر نے کورونا کے علاج سے متعلق انکشاف کیا انہوں نے کہا کہ اس وبائی مرض کا علاج چھ ماہ پہلے ہی ہومیو پیتھک میں آچکا ہوا ہے سوشل میڈیا پر وائرل ایک آڈیو پیغام میں علامہ ہشام الہی ظہیر نے کہا کہ ان کا ہومیو پیتھک کے ایک سنئیرڈاکٹر سے رابطہ ہوا اس نے کہا کہ کورونا جیسے خطرناک وبائی مرض کا علاج چھ مہینے پہلے ہومیو پیتھک میں آ چکا ہوا ہے

ممتاز عالم دین علامہ ہشام الہی ظہہر کا کورونا کے علاج سے متعلق چونکا دینے والا انکشاف !!! pic.twitter.com/vrKv0H9HlX

— Ayesha (@Ayesha701900053) March 25, 2020

علامہ ہشام نے کہا کہ ڈاکٹر نے انہیں بتایا کہ یہ جان بوجھ کر ہماری اس تحقیق کو پروموٹ نہیں کر رہے اور بھی کئی دوائیاں اس کے بارے میں آ چکی ہیں

علامہ ہشام الہی کے مطابق کورونا ایک وہ مرض ہے جسے ڈبل نمونیہ کہتے ہیں یہ مرض پروٹین وٹامن سی کھانے سے 90 فیصد ٹھیک ہو جاتا ہے انہوں نے کہا کہ جو حالیہ معملات چل رہے ہیں ان میں بعض عقلوں کا بھی کردار ہے

انہوں نے کہا کہ کم از کم انسانی رویوں کے اوپر ہی ضرور اس بارے میں توجہ فرمائیں

واضح رہے کہ پوری دنیا میں تباہی مچانے والا خطرناک کورونا وائرس پاکستان میں بھی تیزی سے پھیل رہا ہے پاکستان میں مجموعی طور پر کورونا کیسز کی تعداد 1،014 ہو چکی ہے جبکہ اموات 8 اور 21 مریض صحت یاب ہو چکے ہیں

حال ہی میں معروف اداکار احد رضا میر سے شادی کے بندھن میں بندھنے والی پاکستان شوبز انڈسٹری کی معروف اداکارہ سجل علی نے کورونا وائرس کے خوف سے قرنطینہ اختیارکرنے کے دوران کھانا پکانے کی مہارت کا مظاہرہ کیا

باغی ٹی وی :اداکارہ سجل علی نے کورونا وائرس کے خوف سے قرنطینہ اختیارکرنے کے دوران کھانا پکانے کی مہارت کا مظاہرہ کیا نوبیاہتا اداکارہ نے سماجی رابطے کی ویب سائٹ انسٹاگرام سٹوری پر کچن میں کام کرنے کے دوارن لی گئی تصاویر اور مختصر ویڈیو کلپس شیئر کیں

ویڈیو میں اداکارہ کو بھنڈی پکا تے ہوئے دیکھا جا سکتا ہے انہوں نے شوہر احد رضا میر کو ٹیگ کیا کہ کھانا تیار ہے
https://www.instagram.com/p/B-CfbCHB0R9/?igshid=ppujbc3i5ii1
اس سے قبل ، جوڑے نے مہلک کورونا وائرس سے بچنے کےلئے چند احتیاطی تدابیر اختیار کرنے کی پوسٹ اپنے انسٹاگرام اکاؤنٹ پر شئیر کی تھی تصویر شئیر کی جس میں احد رضا اور سجل علی نے ماسک پہن رکھے ہیں

اداکارہ نے تصویر کے کیپشن میں لکھا یہ سب ہمارے ہاتھ میں ہے یہ ایک خوفناک وقت ہوسکتا ہے لیکن یاد رکھیں ہم سب مل کر اس سے نمٹ سکتے ہیں اس کا حل آسان ہے

گھر رہیں
اپنے ہاتھوں کو 20 سیکنڈ تک دھوئیں !

زیادہ سے زیادہ دوسروں سے اپنا فاصلہ رکھیں صحیح اقدامات کرنے میں ہماری حکومت کا ساتھ دیں انہوں نے لوگوں کو اس مرض کو سنجیدگی سے لینے کی درخواست کی

میں جانتی ہوں کہ ہم یقین کر سکتے ہیں کہ ہم مل کر ہی اس وبائی مرض کو شکست دے سکتے ہیں

واضح رہے کہ سجل اور احد رضا میر نے 14 مارچ کو ابوظہبی میں شادی کی تھی

عامر لیاقت اپنے ہی لیڈر کا مذاق اڑانے لگے پاکستان کے معروف مذہبی سکالرعامر لیاقت نے وزیراعظم عمران خان کے غریبوں کو دئیے گئے ریلیف پیکیج کا مذاق اڑانا شروع کردیا

باغی ٹی وی : معروف مذہبی سکالرعامر لیاقت نے وزیراعظم عمران خان کے غریبوں کو دئیے گئے ریلیف پیکیج کا مذاق اڑانا شروع کردیا حرا اور مانی سے ویڈیو چیٹ کرتے ہوئے عامر لیاقت نے کہا کہ میں ابھی ابھی راشن تقسیم کرکے آیا ہوں

مذہبی سکالر نے مزاحیہ انداز میں کہا وزیراعظم عمران خان نے 3000 روپے دئیے ہیں ماشاء اللہ اتنی زیادہ رقم دی ہے کہ آپ اس سے اپنے بچوں کی کفالت کرسکتے ہیں اوروں کی مدد کرسکتے ہیں اگر آپ چاہیں تو 3000 روپے میں دوسرے گھروں میں راشن ڈلوا سکتے ہیں

عامر لیاقت مذاق اڑاتے ہوئے مزید کہا کہ اتنے زیادہ پیسے دئیے ہیں وزیراعظم نے انہیں سنبھال کررکھیں اس میں بہت برکت ہوگی کئی بچیوں کا جہیز بن جائے گا اسکو سنبھال کر خرچ کریں

عامر لیاقت اور انکی اہلیہ وزیراعظم عمران خان کے ریلیف پیکیج کا مذاق اڑاکر خود بھی ہنستے رہے اور حرا اور مانی بھی قہقہے لگاتے اور انجوائے کرتے رہے

واضح رہے کہ گذشتہ روز وزیراعظم عمران خان نے ریلیف پیکیج کا اعلان کیا تھا جس کے تحت مزدور طبقہ لوگوں کو 3000 روپے فی کس دئیے جائیں گے پٹرولیم مصنوعات کی قیمتوں میں 15 روپے کمی شرح سود میں 2 فیصد کمی اور 300 سے کم یونٹ خرچ کرنیوالوں کو 3 قسطوں میں بل ادا کرنے کی سہولت دی گئی تھی

علاوہ ازیں 100 ارب روپے ایکسپورٹرز کو ٹیکس ریفنڈ کرنے کا بھی اعلان کیا تھا اور سمال میڈیم انڈسٹری اور زراعت کے لئے بھی 100 ارب روپے رکھے گئے

کورونا وائرس کے باعث پاکستان شوبز انڈسٹری کی معروف اداکارہ صبا قمر اور ٹی وی کے معروف اداکار زاہد احمد کی فلم کی شوٹنگ بھی تاخیر کا شکار ہو گئی

باغی ٹی وی : کورونا وائرس کے باعث پاکستان شوبز انڈسٹری کی معروف اداکارہ صبا قمر اور ٹی وی کے معروف اداکارزاہد احمد کی فلم گھبرانا نہیں ہے کی شوٹنگ بھی تاخیر کا شکار ہو گئی فلم میں صبا قمر اور زاہد احمد مرکزی کردار میں نظر آئیں گے

اس فلم میں صبا قمر کے ساتھ سید جبران، زاہد احمد، نیئر اعجاز، سہیل احمد اور افضل خان کام کررہے ہیں جبکہ حسن ضیا اور جمیل بیگ اس فلم کو پروڈیوسر کررہے ہیں

زاہد احمد مذکورہ فلم سے سلور سکرین پر ڈیبیو کرنے جا رہے ہیں یعنی فلم گھبرانا نہیں ہے ان کے کیریئر کی پہلی فلم ہوگی

واضح رہے کہ گھبرانا نہیں ہے پہلا پروجیکٹ نہیں جس میں صبا قمر اور زاہد احمد اکٹھے کام کررہے ہوں یہ دونوں پہلے بھی ایک ساتھ کام کرچکے ہیں

ملک بھر میں تیزی سے پھیلنے والی کورونا وبا کی وجہ سے مساجد اور دیگر مذہبی مقامات بند ہیں اس بارے میں معروف اداکارہ مایا علی کا کہنا ہے کہ اُن کو یقین ہے کہ انشاء اللہ بہت جلد تمام مسلمان ایک ساتھ اکٹھے ہوکر دوبارہ مسجد میں نماز پڑھیں گے

باغی ٹی وی: ملک بھر میں تیزی سے پھیلنے والی کورونا وبا کی وجہ سے مساجد اور دیگر مذہبی مقامات بند ہیں اس بارے میں معروف اداکارہ مایا علی کا کہنا ہے کہ اُن کو یقین ہے کہ انشاء اللہ بہت جلد تمام مسلمان ایک ساتھ اکٹھے ہوکر دوبارہ مسجد میں نماز پڑھیں گے گذشتہ روز پاکستان شوبز انڈسٹری سے تعلق رکھنے والی معروف اداکارہ مایا علی نے سماجی رابطے کی ویب سائٹ انسٹاگرام پر اپنی ایک تصویر شیئر کی مایا علی کی جانب سے شیئر کی جانے والی تصویر میں اداکارہ اسلا م آباد کی فیصل مسجد میں موجود ہیں

مایا علی نے اپنی اس تصویر کے کیپشن میں لکھا کہ یہ تصویر کچھ دن پہلے کی ہے جب سب مسلمان ایک ساتھ مسجد میں نماز پڑھتے تھے
https://www.instagram.com/p/B-FDrCdHF9k/?igshid=1mmhqcihbkcnj
اداکارہ نے لکھا کہ مجھے یقین ہے کہ انشااللہ یہ دن بہت جلد واپس آجائیں گے کہ جب تمام مسلمان اکٹھے ہوکر نماز پڑھیں گے

مایا علی نے لکھا کہ اللہ سے اُمید رکھیں اور گھبرائیں نہیں وقت اگر پہلے جیسا نہیں رہا تو انشااللہ وقت ایسا بھی نہیں رہے گا

مایا علی نے لکھا کہ یہ وہ وقت ہے کہ جب ہمیں بحیثیت قوم ایک بننا ہے اور حکومت کے قائم کردہ احکامات پر عمل کرنا ہے

مایا علی نے مزید لکھا کہ براہ مہربانی اپنی صحت کی خاطر اور دوسروں کی زندگیوں کی خاطر اپنے گھروں میں رہیں

واضح رہے کہ کورونا وائرس کے پیش نظرحکومت پاکستان نے ملک بھر کی مساجد میں اکٹھے ہو کر نماز ادا کرنے پر اور دیگر مذہبی اجتماعات پر بھی پابندی لگا دی ہے