کورونا وائرس کے بڑھتے خطرے کے باعث پاکستان کے نامور اداکار و میزبان فخر عالم نے بھی ایک ویڈیو جاری کردی جس میں انہوں نے وزیراعظم عمران خان سے ملک میں 2 ہفتوں کے لیے لاک ڈاؤن کرنے کی درخواست کردی
با غی ٹی وی :سماجی رابطے کی ویب سائٹ ٹوئٹر پر اپنی ویڈیو شیئر کرتے ہوئے فخر عالم نے لکھا کہ وزیراعظم عمران خان اس سے قبل کہ دیر ہوجائے میری درخواست ہے کہ لاک ڈاؤن کریں
اپنی ویڈیو میں فخر عالم کا کہنا تھا کہ عمران بھائی ہم سب جانتے ہیں کہ آپ کے دل میں انسانیت کے لیے انسانوں کے لیے غریبوں کے لیے پاکستانیوں کے لیے کیا جگہ ہے اس میں کوئی شک کی بات نہیں آپ ایک نیک انسان ہیں اور میں یہ بھی جانتا ہوں کہ اس وقت آپ کی قیادت کو سب سے بڑے چیلنج کا سامنا ہے
تاہم میری آپ سے ایک پاکستانی ہونے کی حیثیت سے گذارش ہے میں غلط بھی ہوسکتا ہوں لیکن ایک طرف سرکار یہ کہہ رہی ہے کہ لوگ گھر پر رہیں دفاتر نہ جائیں باہر نہ نکلیں سماجی تنہائی اختیار کریں اس کے نتیجے میں جو غریب طبقہ ہے وہ ویسے ہی متاثر ہورہا ہے عمران بھائی پہے ہی غریب آدمی جو باہر نکلتا ہے کہ روزگار ملے اُس کو اس وقت کُچھ نہی مل رہا کیونکہ لوگ نہ دفتروں کو جا رہے ہیں کاروبار بند ہو رہے ہیں
فخر عالم نے کہا بجائے آدھی پالیسی بنانے کہ غریب طبقہ روزی کمانے کے لیے باہر نکل سکتا ہے وہ اپنے کھانے پینے کے لئے روزی روٹی کے لئے باہر آتا رہے لیکن باقی لوگ نہیں نکل سکتے ہیں عمران خان میری آپ سے گذارش ہے کہ آدھی آدھی پالیسی رکھنے کے بجائے ایک پالیسی بنائیے
فخر عالم نے کہا کہ جیسے آپ نے ہوم لیس شیلٹرز بھی بنائے تھے پاکستان کی میں وہ ایک بڑا زبردست انتظام تھا آپ کی طرف سے تو اسی طرح کے راشن ڈپوز بنا دیں مختلف پوائنٹس کے اندر شہروں میں خاص طور پر جہاں غریب طبقہ رہتا ہو
کرونا وائرس، علی ظفر کا دفعہ 144 کی خلاف ورزی پر وزیر اعلی پنجاب عثمان بزدار پر برہمی کا اظہار
اور دو ہفتوں کیلئے کرفیو جیسا لاک ڈاؤن کردیں تاکہ ہم اس پروسیس کو روک سکیں تو یہ بہتر فیصلہ ہوگا میزبان و اداکار نے کہا عمران بھائی اس وقت آپ جو بھی فیصلہ لیں گےوہ حتمی ہوگا اسمیں سے کوئی ایسا فیصلہ نہیں ہو سکتا جس کو آپ وپس جا کر کہیں کہ آپ اسے چینج کرنا چاہتے ہیں یا اس ٹائم پر یہ نہیں کیا جاسکتا کہ غلط فیصلہ لے لیا اور اس کو بعد میں ٹھیک کریں اس لیے عمران بھائی جو بھی فیصلہ لیں سوچ سمجھ کر لیں
فخر عالم نے کہا کہ ہم دو ہفتوں کا لاک ڈاون کر کے اس کو سمیٹیں گے ہم راشن کا بندو بست کرنے کی کوشش کریں گے اور عمران خان آپ پاکستانیوں سے اپیل کریں کہ یہ راشن ڈپو ہے ہم چاہتیں ہیں کہ آپ اس میں راشن ڈال سکیں ضرورت مندوں کے لئے کو دے سکیں
معروف اداکار و میزبان نے کہا کہ سرکاری کارکنان کو دستانے اور ماسک فراہم کیے جائیں جو راشن کو ڈونرز سے لے کر ضرورت مندوں کے گھروں تک منتقل کریں ساتھ ساتھ اسکولز کی فیس جو والدین کو اس وقت ادا کرنی پڑ رہی ہے وہ معاف کی جائے کیوں کہ اس وقت نہ وہ کام پر جارہے ہیں اور نہ گھروں سے نکل رہے ہیں نہ دفاتر میں جا رہے ہیں کاروبار بند ہو گئے ہیں نوکریاں نہیں ہیں بچوب کی سکول فیس اور یوٹیلٹی بلز معاف کرے تاکہ کسی کو کوئی پریشانی کا سامنا نہ ہو یہ پریشر اور پریشانی لوگوں کے دماغ سے ہٹے
انہوں نے اپنی ویڈیو میں کہا کہ ہم پاکستانی اتنے آران سے بات نہیں مانتے آپ ہمیں بولیں گے گھر پر رہیں ہم لوگ پکنکوں پر نکل جائیں گے کیونکہ چھٹی ہو گئی ہے اس لیے ملک میں کرفیو لگائیں اگر غلط ہو یہ فیصلہ تو ہم اس سے واپس آ سکتے ہیں لیکن اگر اس سے جانی نقصان ہو تو اُدھر سے واپس آنا ہمارے لئیے مشکل ناممکن ہو جائے گا لہذا میری عمران خان آپ سے درخواست ہےکہ میں جانتا ہوں آپ نے اوور سیز پاکستانیوں کو بہت عزت دی ہے آپ یقین کرتے ہیں کہ اوور سیز پاکستانی کنسرن شو کرتے ہیں اور کرنا چاہتے ہیں تو سر ملک کو لاک ڈاؤن کی طرف لے کر جائیے
انہوں نے کہا میں جانتا ہوں یہ بہت مشکل فیصلہ ہے آپ کیلئے میں جانتا ہوں آپ اس وقت معاشرتی بدامنی کی وجہ سے پریشان ہوں گے لیکن ہم اس سے کہیں زیادہ خراب صورتحال میں مبتلا ہوسکتے ہیں
حنا بٹ نے پاکستان میں کورونا پھیلنے کی وجہ زلفی بخاری و دیگر وزرا کو قرار دیا
واضح رہے دنیا بھر میں پھیلنے والا کورونا وائرس اب پاکستان میں بھی کافی تیزی سے پھیل رہا ہے اور یہاں اس سے متاثرہ افراد کی تعداد 500 سے بڑھ گئی ہے
