Author: عائشہ ذوالفقار

بالی ووڈ اداکارہ سوارا بھاسکر مودی سرکار کی مسلم مخالف متنازع پالیسیوں کے خلاف ایک بار پھر بول پڑیں

باغی ٹی وی کی رپورٹ کے مطابق اداکارہ سوارا بھاسکر مودی سرکار کی مسلم مخالف متنازع پالیسیوں کے خلاف ایک بار پھر بول پڑیں
اور کہا ہے کہ شہریت بل کے معاملے پر بھارتی پولیس مسلمانوں پر تشدد کررہی ہے

ممبئی میں ایک تقریب سے خطاب کے دوران اداکارہ سوارا بھاسکر نے مودی سرکار پر تنقید کرتے ہوئے کہا کہ ہم پر ایک ایسی حکومت مسلط ہے جس کے مختلف ادارے ملکی آئین پر یقین ہی نہیں رکھتے

سوارا بھاسکرنے شہریت کے متنازع قانون کے خلاف جاری احتجاج کے دوران بھارتی پولیس کے مظاہرین پر تشدد کی مذمت کرتے ہوئے کہا کہ بھارتی پولیس مسلمانوں کو تشدد کا نشانہ بناتی ہے

اداکارہ کا کہنا تھا کہ طاقت کا غلط استعمال کرنے والے اور مودی سرکار کی جارحانہ پالیسیوں کی حمایت کرنے والے افراد کو بھارتی عوام کے تلخ سوالوں سامنا کرنا ہوگا عوام کو بھارتی حکومت کی نفرت انگیز پالیسیوں کے خلاف جب تک ممکن ہو سکا مزاحمت جاری رکھنا ہوگی

اداکارہ نے بابری مسجد کے فیصلے پر بھارتی سپریم کورٹ کو بھی تنقید کا نشانہ بناتے ہوئے کہا کہ بھارتی سپریم کورٹ ایک ہی غیر منصفانہ فیصلے میں بابری مسجد کو شہید کرنے کے واقعے کو غیر قانونی قرار دیتی ہے اور اسے شہید کرنے والوں کو شاباش بھی دیتی ہے

لندن فیشن ویک میں کورونا وائرس کی دہشت سے فیشن منچلوں نے ڈیزائنرز ماسک پہن کر شرکت کی

باغی ٹی وی کی رپورٹ کے مطابق لندن فیشن ویک اپنی پوری چمک دمک کے ساتھ شروع ہونے کو ہے تاہم کورونا وائرس کے خطرے کے پیش نظر فیشن کے مداح ڈیزائنرز ماسک پہن کر ایونٹ میں شرکت کررہے ہیں

برٹش فیشن کونسل کی سربراہ کا کہنا ہے کہ وائرس کی روک تھام کے لیے ہر ممکن اقدامات کیے گئے ہیں

واضح رہے کہ چینی ڈیزائنرز بھی ایونٹ میں شریک ہیں اور اپنے ملبوسات کی نمائش کریں گے

بھارتی فلم اسٹار پریانکا چوپڑا کی اپنے شوہر نک جونس کے ساتھ ڈانس ویڈیو سوشل میڈیا پر وائرل ہوگئی

باغی ٹی وی کی رپورٹ کے مطابق گذشتہ روز ہالی ووڈ کے معروف گلوکار و اداکار نِک جونس نے سماجی رابطے کی ویب سائٹ انسٹاگرام پر اپنی اہلیہ پریانکا چوپڑا کے ہمراہ ایک ویڈیو شیئر کی جس میں جونس اور پریانکا دونوں بالی ووڈ کے گانےآنکھ مارے پر ڈانس کرتے نظر آرہے ہیں
https://www.instagram.com/p/B8kEbkLnpEa/?igshid=3c8fpw6d006u
نک جونس نے اپنی اس ویڈیو کے کیپشن میں لکھا کہ میرے فار ایور ویلنٹائن کے ساتھ پری شو ڈانس پارٹی

دوسری جانب بھارتی فلم اسٹار پریانکا چوپڑا نے انسٹاگرام پر ویلنٹائن ڈے کے موقع پر اپنے شوہر نک جونس کے لیے ایک پوسٹ شیئر کی جس میں مختلف زبانوں میں اپنے شوہر سے پیار کا اظہار کیا گیا تھا
https://www.instagram.com/p/B8j16zDJ053/?igshid=1p3pb6bn01mzr
پریانکا چوپڑا نے اس پوسٹ کے کیپشن میں ویلنٹائن ڈے کی مبارکباد دیتے ہوئے لکھا کہ محبت کی کوئی حد نہیں ہوتی
https://www.instagram.com/p/B8kH2ekpGOq/?igshid=1l2lx59qbs0rr
اس کے علاوہ پریانکا چوپڑا نے اپنی ایک اور پوسٹ میں نک جونس کے میلان میں ہونے والے کنسرٹ کی تصویر شیئر کی جس کے کیپشن میں انہوں نے لکھا کہ میرا ہمیشہ کا ویلنٹائن

ہالی ووڈ فلم دی کال آف دی وائلڈ کا لاس اینجلس میں شاندار ورلڈ پریمیر ہوا

باغی ٹی وی کی رپورٹ کےمطابق ہالی ووڈ کی نئی لائیو ایکشن ایڈونچر فلم دی کال آف دی وائلڈ کا ورلڈ پریمیر امریکا کے شہر لاس اینجلس میں ہوا جس میں ہیرسن فورڈ اور کارا جی سمیت فلم کی پوری کاسٹ نے شرکت کی

کرس سینڈرز کی ہدایت کاری میں بننے والی یہ فلم جیک لندن کے 1903 میں لکھے گئے ناول اور 1935 میں بننے والی فلم پر مبنی ہے

واضح رہے کہ ایک کتے کی زندگی میں آنے والے طوفانوں سے بھرپور اس فلم کو 21 فروری کوسینما گھروں میں نمائش کے لیے پیش کیا جائے گا

پاکستانی سابق کرکٹر وسیم اکرم کی اہلیہ شنیرا اکرم بھی اب فلموں میں کام کریں گی

باغی ٹی وی می رپورٹ کے مطابق وسیم اکرم کی اہلیہ شنیرا اکرم بھی اب فلموں میں کام کریں گی انہوں ںے فواد خان کے ساتھ آنے والی فلم منی بیک گارنٹی میں انٹری کی تیاریاں مکمل کرلیں

شنیرا اکرم نے اپنے فوٹو شوٹ کی کچھ تصاویرسماجی رابطے کی ویب سائٹ انسٹا گرام پر شئیر کرتے ہوئے کیپشن میں بڑی اسکرین پر ڈیبیو کے حوالے سے لکھا کہ میں پہلی پاکستانی فلم کی شوٹنگ کے دوران کچھ پریشان سی ہو رہی تھی
https://www.instagram.com/p/B8fsczRA2OC/?igshid=17dlt299sg2yu
انہوں نے لکھا کہ سیٹ پر گزارے گئے چند دنوں میں مجھے ٹخنوں میں سوجن، راتوں میں شوٹنگ کی وجہ سے نیند کی کمی، زبان میں فرق کا سامنا کرنا پڑا تاہم اس دوران گزرے ہوئے حسین لمحات اور نا قابل فراموش اسٹنٹ نے مجھے خوب تجربے سے روشناس کرایا

انہوں نے ہدایت کار فیصل قریشی کو مخاطب کرتے ہوئے کہا کہ کیا آپ کو نہیں لگتا کہ مجھے پیسے واپس لینے کی بھی گارنٹی لینی چاہیے ؟ ساتھ ہی انہوں نے خوشی کا اظہار کرتے ہوئے کہا کہ فیصل قریشی کے ساتھ کام کرنے کا تجربہ بہترین رہا یہ بہت بہت زیادہ فنی تھا

واضح رہے کہ فلم منی بیک گارنٹی کو معروف کامیڈین اداکار فیصل قریشی نے تحریر کیا ہے جس میں ہدایت کار کے فرائض بھی وہ خود انجام دے رہے ہیں

فلم کی کاسٹ میں فواد خان، میکال ذوالفقار، عائشہ عمر، مانی، جان ریمبو ، حنا دل پذیر اور جاوید شیخ اہم کردار ادا کر رہے ہیں جب کہ فلم کی خاص بات یہ ہے کہ اس فلم میں شنیرا اکرم کے ساتھ وسیم اکرم بھی ڈیبیو کر رہے ہیں جو کہ اس فلم میں فواد خان کے ساتھ گلوکاری بھی کر رہے ہیں

ہالی وڈ فلم الہ دین سے متعلق خبریں زیرگردش ہیں کہ اس فلم کے سیکوئل پر کام کیا جارہا ہے

امریکی جریدے ورائٹی کی رپورٹ کے مطابق فلم الہ دین کے پروڈیوسرز اس کی شاندار کامیابی کے بعد اس کے سیکوئل پر کام کررہے ہیں
رپورٹ کے مطابق پروڈیوسرز ڈین لن اور جوناتھن ایرچ اس نئی فلم پر دوبارہ کام کررہے ہیں اور انہیں امید ہے کہ وہ الہ دین کی ہدایات دینے والے ڈائریکٹر گائے ریچی کو اس کے سیکوئل کے لیے بھی واپس لے آئیں گے

2019 میں ریلیز ہونے والی فلم الہ دین کا مرکزی کردار کینیڈین اداکار مینا مسعود نے ادا کیا، برطانوی اداکارہ ناومی اسکاٹ فلم میں ‘جاسمین’ بنیں جبکہ جینی کا کامیاب کردار ول اسمتھ نے نبھایا تھا اس فلم کے سیکوئل میں بھی پروڈیوسرز ان ہی تینوں کرداروں کو دوبارہ کاسٹ کرنے کا ارادہ رکھتے ہیں البتہ فلم کا اسکرپٹ مکمل ہونے کے بعد ہی ان تینوں اداکاروں کو فلم میں کاسٹ کرنے کی آفر دی جائے گی

ہالی وڈ وڈ سیریز بیٹ مین کی ایک اور فلم جلد اسکرینز پر نظر آئے گی اور اس بار اس سیریز میں بیٹ مین کا کردار خوبرو اداکار روبرٹ پیٹنسن نبھاتے نظر آئیں گے

باغی ٹی وی کی رپورٹ کے مطابق ہالی وڈ وڈ سیریز بیٹ مین کی ایک اور فلم جلد اسکرینز پر نظر آئے گی اور اس بار اس سیریز میں بیٹ مین کا کردار خوبرو اداکار روبرٹ پیٹنسن نبھاتے نظر آئیں گے جبکہ اس سے پہلے اس سیریز میں اب تک کرسٹین بیل، بین ایفلک اور مائیکل کیوٹن جیسے اداکار بیٹ مین کا کردار نبھا چکے ہیں

ور اب اس سیریز کی پہلی جھلک بھی انٹرنیٹ پر جاری کردی ہے جس میں روبرٹ پیٹنسنمرکزی کردار میں نظر آئیں گے اور اس ویڈیو کو خوب پسند کیا جارہا ہے

اس ویڈیو میں سرخ رنگ کی روشنی میں روبرٹ پیٹنسن کو بیٹ مین کے طور پر متعارف کروایا گیا

دلچسپ بات یہ ہے کہ اس بار نئے اداکار کو بیٹ مین کا کردار ملنے کے ساتھ ساتھ اس کردار کا انداز یعنی کاسٹیوم بھی کافی حد تک تبدیل کیا گیا ہے

اس فلم میں روبرٹ پیٹنسن کے علاوہ کولن فیرل، جان ٹرٹورو، اینڈی سرکس، پال ڈانو اور زوئی کراوٹز بھی شامل ہیں فلم بیٹ مین کو اگلے سال ریلیز کرنے کا فیصلہ کیا گیا ہے

واضح رہے کہ بیٹ مین کا کردار ملنے کے بعد روبرٹ پیٹنسن کی مقبولیت میں بھی کافی حد تک اضافہ ہوا ہے رواں سال امریکا سے تعلق رکھنے والے ایک ڈاکٹر کی تحقیق کے مطابق روبرٹ پیٹنسن دنیا کے سب سے خوبرو مرد قرار دیے گئے

آئی ٹو آئی اور اینجل سے شہرت حاصل کرنے والے گلوکارطاہر شاہ نے اپنے نئے گانے کی پہلی جھلک جاری کردی

باغی ٹی وی کی رپورٹ کے مطابق معروف گلوکار طاہر شاہ نے سماجی رابطے کی ویب سائٹ ٹوئٹر پر اپنے نئے آنے والے گانے فرسٹ لک کے حوالے سے ایک تصویر شیئر کی جس میں انہوں نے اپنے نئے گانے کے ریلیز ہونے کی تاریخ کا بھی اعلان کیا

گلوکار طاہر شاہ کی جانب سے شیئر کی جانے والی تصویر میں لال گلاب کے پھول کی پتیوں سے ایک دِل بنایا ہوا ہے اوران کا یہ نیا گانا رواں سال 14 مارچ کو ریلیز کیا جائے گا جبکہ طاہر شاہ کی جانب سے ان کے نئے گانے کی ابھی تک کوئی ویڈیو جاری نہیں کی گئی ہے

#FirstLook pic.twitter.com/aBLOrLguzQ

— TAHER SHAH (@TaherShahh) February 13, 2020

واضح رہے کہ طاہر شاہ کا مشہور گانا ’آئی ٹو آئی‘ 2013 میں ریلیز ہوا تھا جبکہ 2016 میں ’’اینجل‘‘ نامی گانا ریلیز کیا تھا جسے جتنی تنقید کا نشانہ بنایا گیا تھا اتنا ہی پسند کیا گیا تھا یہاں تک کہ لوگ اس گانے سے متعلق سوشل میڈیا پر کئی دنوں تک باتیں کرتے رہے تھے

معروف بھارتی فلم ساز مہیش بھٹ اور مقبول شاعر اور مصنف جاوید اختر نے وزیراعظم مودی کو مسلمانوں کے لیے نفرت آمیز رویہ رکھنے پر ایک فاشسٹ شخص قرار دیدیا

باغی ٹی وی کی رپورٹ کے مطابق فلم ساز مہیش بھٹ اور مقبول شاعر اور مصنف جاوید اختر نے وزیراعظم مودی کو مسلمانوں کے لیے نفرت آمیز رویہ رکھنے پر ایک فاشسٹ شخص قرار دیدیا

سماجی رابطے کی ویب سائٹ ٹویٹ پر شئیر کی گئی ویڈیو میں بھارت کے ممتاز فلم ساز مہیش بھٹ اور مقبول ترین شاعر و مصنف جاوید اختر کا انٹرویو دکھایا گیا ہے

For this Friday's @AJUpFront, I asked @Javedakhtarjadu and @MaheshNBhatt, two of the biggest names in Bollywood, whether Narendra Modi is a fascist and why their fellow industry members have been so silent in the face of growing intolerance – preview clip:pic.twitter.com/E1hL3U5gKl

— Mehdi Hasan (@mehdirhasan) February 13, 2020

انٹرویو کے دوران بھارت کی دونوں معروف و مقبول لوگوں سے سوال کیا گیا کہ کیا آپ وزیراعظم مودی اور ان کے طرز حکمرانی کو فاشسٹ سمجھتے ہیں؟ جس کے جواب میں مہیش بھٹ اور جاوید اختر نے بے ساختہ کہا کہ جی ہاں

جاوید اختر نے مزید کہا کہ ایک فاشسٹ شخص کے سر پر سینگ نہیں ہوتے یہ ایک احساس برتری سے لبریز مخصوص ذہنیت کا نام ہے جو یہ سوچ رکھتے ہیں کہ ہم دوسروں سے بہتر ہیں اور جو کچھ بھی مسائل پیدا ہورہے ہیں وہ دراصل دوسروں کی وجہ سے ہورہے ہیں اور یوں وہ اپنے علاوہ سب سے نفرت کرنے لگتے ہیں

اسلامو فوبیا سے متعلق پوچھے گئے ایک سوال کے جواب میں مہیش بھٹ نے کہا کہ یہ صورت حال نائن الیون کے بعد پیدا ہوئی ہے جس میں میڈیا نے اہم کردار ادا کیا بھارت میں بھی لوگ اس کے زیر اثر آگئے اور بی جے پی کی تو پوری سیاست ہی مسلمانوں سے نفرت کے گرد گھومتی ہے جو کہ ایک عام بھارتی کی نمائندگی نہیں

پاکستانی شوبز انڈسٹری کی اداکارہ ارمینہ خان اپنے قریبی دوست فیصل خان کے ساتھ شادی کے بندھن میں بندھ گئیں

باغی ٹی وی کی رپورٹ کے مطابق اداکارہ ارمینہ خان اپنے قریبی دوست فیصل خان کے ساتھ شادی کے بندھن میں بندھ گئیں اداکارہ نے ویلنٹائن ڈے کے موقع پر اپنی شادی کی خوشخبری شیئر کی اور فیصل خان کو اپنا شوہر کہہ کر متعارف کروایا
https://www.instagram.com/p/B8jazGDna_z/?igshid=kupa6fn7n40h
اداکارہ نے وشل میڈیا ویب سائٹ انسٹا گرام فیصل خان کے ساتھ سوشل میڈیا پر اپنی تصویر شیئر کی اور شادی کی تصدیق کرتے ہوئے لکھا کہ ہم باقاعدہ شادی کے بندھن میں بندھ گئے ہیں اس کے ساتھ ہی انہوں نے کہا کہ وہ اپنے ولیمے کی تقریب بعد میں منعقد کریں گی انہوں نے اپنے تمام چاہنے والوں کا شکریہ ادا کرتے ہوئے لکھا آپ سب کا شکریہ ہمیں سمجھنے اور ہماری حمایت کرنے کے لیے مجھے آپ سب سے بے حد محبت ہے

اداکارہ نے نے اپنے شوہر کو مسٹر خان کہہ کر مخاطب کرتے ہوئے انہیں ویلنٹائن ڈے کی مبارکباد بھی دی دوسری طرف ارمینہ کے شوہر فیصل خان نے بھی اپنے انسٹاگرام اکاؤنٹ پر یہ خوشخبری لوگوں کے ساتھ شیئر کی اور ارمینہ کو اپنی بیوی کہہ کر متعارف کروایا

ارمینہ خان کے مداح انہیں شادی کی ڈھیروں مبارکباد دے رہے ہیں اور اپنی دعاؤں بھر پور خوشی اور نیک تمناؤں کا اظہار کررہے ہیں