Author: عائشہ ذوالفقار

پاکستانی معروف اداکارہ ایمان علی نے جان لیوا بیماری ملٹی پل اسکلیروسز میں مبتلا ہونے کے ساتھ ساتھ اپنے کیرئیر میں درپیش مسائل اور اس کے ساتھ رہتے ہوئے زندگی کی جدوجہد سے متعلق اپنے مداحوں کو بتا دیا

باغی ٹی وی کی رپورٹ کے مطابق سماجی رابطے کی ویب سائٹ انسٹاگرام پر اداکارہ نے 02 منٹ اور 3 سیکنڈ پر مشتمل ایک ویڈیو شیئر کی جس میں انہوں نے بتایا کہ 2006 میں وہ اپنے کیرئیر کے عروج پر تھیں، ہر میگزین کے سرورق پر میری تصویر ہوتی تھی ایسے میں شعیب منصور کی فلم کی آفر آجانا غرض کہ سب کچھ بہترین چل رہا تھا کہ ایسے میں ملٹی پل اسکلیروسز جیسی جان لیوا بیماری کی تشخیص ہوئی
https://www.instagram.com/tv/B8RNxdfn-Ca/?igshid=1u7ptuolp2q66
انہوں نے کہا کہ اس وقت یہ میری زندگی کا سب سے بڑا چیلنج بن گیا اداکارہ نے کہا لوگوں کو اس بارے میں پتہ ہی نہیں ہے کہ ملٹی پل اسکلیروسز میں ہوتا کیا ہے اس کے ساتھ زندگی گزارنا کتنا اذیت ناک ہے

اداکارہ نے بیماری کی علامات بتاتے ہعئے کہاکہ اسکرپٹ پڑھتے ہوئے انہیں اچانک دھندلا نظر آنا آٹھ گھنٹے سونے کے باوجود تھکن دور نہیں ہوتی ہر وقت بس ایک ہی ڈر لگا رہتا ہے کہ آج کا دن کیسا گزرے گا

ایمان علی نے کہا کہ افسوس اس چیز کا ہے کہ کبھی کسی نے اس بات کا اعتراف ہی نہیں کیا کہ میں نے اتنی تکالیف جھیلنے کے بعد بھی ہمت نہیں ہاری کام کرتی رہی اور شادی بھی کرلی

انہوں نے اپنے مداحوں کو مشورہ دیتے ہوئے کہا کہ اپنا خیال رکھیں کوئی بھی علامت ظاہر ہو تو اسے نظر انداز نہ کریں بلکہ فوراً نیورولوجسٹ سے رابطہ کریں انہوں نے کہا کہ تشخیص کے فوری بعد معالج سے رابطہ آپ کو زندگی بھر کی معذوری سے بچا سکتا ہے
ایم ایس ملٹی پل اسکلیروس کو ہرانے میں اپنی طاقت خود بنو

واضح رہے کہ ایمان علی کی نئی فلم ٹچ بٹن عیدالفطر پر سینما گھروں میں نمائش کے لئے پیش کی جائے گی

اجنوبی کوریا کے ڈائریکٹر بونگ جون ہو کی فلم پیراسائٹ نے 92ویں آسکر ایوارڈزمیں سب سے بڑا اعزاز حاصل کرکے ایک نیا تاریخی ریکارڈ قائم کر دیا

باغی ٹی وی کی رپورٹ کے مطابق جنوبی کوریا کے ڈائریکٹر بونگ جون ہو کی فلم پیراسائٹ نے 92ویں آسکر ایوارڈزمیں سب سے بڑا اعزاز حاصل کرکے ایک نیا تاریخی ریکارڈ قائم کر دیا جبکہ پیراسائٹ پہلی غیر ملکی زبان کی فلم ہے جس کو آسکر ایوارڈ کے دوران بہترین فلم کا اعزاز ملا

فلم پیراسائٹ کو آسکر ایوارڈز میں 4 ایوارڈز سے نوازا گیا جن میں بہترین فلم، بہترین ہدایت کار، بہترین اسکرین پلے اور بہترین غیر ملکی زبان کی فلم شامل ہیں

خیال رہے کہ آسکر ایوراڈز کی تاریخ میں پہلی بار انگریزی کے بجائے جنوبی کورین زبان میں بننے والی فلم کو بہترین فلم قرار دیا گیا جو کہ ہالی ووڈ کا سب سے بڑا اعزاز ہے یہ پہلی ایشیائی فلم ہے جس نے بہترین فلم کا اعزاز اپنے نام کیا

ہدایت کار بونگ جون ہو کا کہنا تھا کہ میں نے کبھی نہیں سوچا تھا کہ میں آسکر ایوارڈ جیتوں گا انہوں نے اس ایوارڈ کے لیے نامزد باقی فلموں کے ہدایت کاروں کے کام کو بھی سراہا اور کہا کہ وہ خوش قسمت ہیں کہ اتنی بڑی شخصیات کے درمیان انہیں اس اعزاز سے نوازا گیا

بانگ جون ہو نے کہا کہ یہ ان کے لیے یہ باعث فخر ہے انہیں لگ رہا ہے کہ وہ خواب دیکھ رہےہیں اور ابھی اس سے بیدار ہوجائیں گے انہیں یہ سب ایک خیال کی طرح لگ رہا ہے

بانگ جون ہو کا مزید کہنا تھا کہ میں نے آج کی کامیابی کے لیے یہ سب محنت کی تھی اور اب میں مطمئن ہوں

پاکستان شوبز کی معروف اور نامور اداکارہ ماہرہ خان نے حال ہی میں آسکر جیتنے والے ہالی ووڈ اداکار بریڈ پٹ کی تعریفوں کے پُل باندھ دیئے

باغی ٹی وی کی رپورٹ کے مطابق ادکارہ ماہرہ خان حال ہی میں آسکر ایوارڈ اہنے نام کرنے والے ہالی وڈ معروف اداکار بریڈ پٹ کی ایوارڈ شو کے دوران تقریر پر ان کی مداح ہو گئیں

I adore you #BradPitt ♥️ https://t.co/1wZtcGouHx

— Mahira Khan (@TheMahiraKhan) February 10, 2020

اداکارہ نے سماجی رابطے کی ویب سائٹ ٹویٹر پر بریڈ پٹ کی آسکر وصولی کے وقت کی گئی تقریر کی ویڈیو شیئر کی اور بریڈ کو مخاطب کرتے ہوئے لکھا کہ آپ قابل ستائش ہیں

45 سیکنڈ پر مشتمل بریڈ پٹ کی تقریر میں سیاسی و جذباتی رنگ نمایاں تھا اور اپنی اس تقریر میں اداکار نے امریکی صدر ڈونلڈ ٹرمپ کے سیاسی کردار کا بھی مذاق اڑایا اور طنز کا نشانہ بنایاتھا

بریڈ پٹ کی اس تقریر کے بعد سے ماہرہ خان بھی ہالی ووڈ اداکار کی مداح ہوگئیں

واضح رہے کہ آسکرز ایوارڈز میں بریڈ پٹ نے ونس اپون اے ٹائم ان ہالی ووڈ میں معاون اداکار کا ایوارڈ اپنے نام کیا

لولی وڈ کی معروف اداکارہ سنگیتا اداکارہ فریحہ جبین اور ان کی چھوٹی بہن حنا رضوی گذشتہ دنوں نجی ٹی وی چینل بول انٹرٹینمنٹ کے پروگرام بول نائٹس ود احسن خان میں بھی جلوہ گر ہوئیں

باغی ٹی وی کی رپورٹ کے مطابق اداکارہ سنگیتا اداکارہ فریحہ جبین اور ان کی چھوٹی بہن حنا رضوی گذشتہ دنوں نجی ٹی وی چینل بول انٹرٹینمنٹ کے پروگرام بول نائٹس ود احسن خان میں بھی جلوہ گر ہوئیں اداکارہ سنگیتا نے اپنے انٹرویو میں پاکستانی اداکارؤں کے لباس پر تنقید کرتے ہوئے کہا کہ ہماری اداکارائیں اپنی ثقافت چھوڑ کر ہالی ووڈ کی ثقافت اپنا رہی ہیں

گفتگو کے دوران احسن خان نے سنگیتا سے سوال کیا کہ کیا اداکاراؤں کے لیے ضروری ہے کہ اچھی اداکارہ بننے کے لیے وہ نامناسب ملبوسات پہنیں؟

اس پر سنگیتا نے بتایا کہ کسی بھی کردار کو حاصل کرنے کے لیے واحد چیز اداکاری ہونی چاہیے آپ کو صرف اپنی اداکاری پر توجہ دینی چاہیے

ان کا کہنا تھا کہ ہمارے دور میں جب ہم فلموں میں کام کرتے تھے تو ہمارے لیے ایک خاتون ہوتی تھی جو کردار کے حساب سے ہمارے لباس ڈیزائن کرتی تھی لیکن اب ایسا نہیں ہوتا ہے آج کے دور میں کردار کے حساب سے کپڑے نہیں ہوتے

اداکارہ نے کہا کہ آج کل ہر کسی کے ملبوسات ایک ہی انداز سے بن جاتے ہیں اور مجھے سب سے زیادہ غصہ ایوارڈ شوز میں اداکاراؤں کے ملبوسات دیکھ کر آتا ہے اور مجھے سمجھ نہیں آتا کہ یہ ہا لی وڈ کی نقل کیوں کررہی ہیں

اداکارہ کے مطابق اداکارائیں ایوارڈ شوز میں ایسا لباس پہنتی ہیں جس میں ان کی ایک ٹانگ نظر آئے جبکہ کمر کی نمائش بھی کی جارہی ہوتی ہے پاکستانی طرز کے لباس پہننے کے بجائے چھوٹی چھوٹی اور نامناسب میکسیاں پہن کر آتی ہیں جو مجھے بلکل اچھا نہیں لگتا

انہوں نے مزید کہا کہ اپنا کلچر چھوڑ کر دوسروں کا کلچر اپنا رہی ہی مجھے یہ سب نا مناسب لگتا ہے میں ایسی خواتین کی تعریف نہیں کرسکتی اور جو مختصر ملبوسات میں ایونٹ کا حصہ بنیں آپ اپنی ثقافت کو خود چھوڑ رہی ہیں اس طرح آگے نہیں بڑھا جاتا

اداکار نبیل ظفر نے پیسا ایوارڈ میں شرکت نہ کرنے کی وجہ بتادی

سنگیتا نے کہا اگراداکارئیں چوڑی دار پجامہ شلوار قمیض لمبی فراک اور بڑے دوپٹے پہنیں تو وہ بہت حسین لگیں گی اور ایسے شوز میں ان کو اپنی ثقافت کی نمائندگی کرنی چاہیے

واضح رہے کہ فلم انڈسٹری میں 12 سال کی عمر سے کام کررہی ہیں انہوں نے فلم کنگن کے ساتھ سینما انڈسٹری میں ڈیبیو کیا اداکارہ اداکاری پروڈکشن اور ہدایت کاری بھی کرچکی ہیں

پاکستان کے مایہ ناز اور معروف گلوکار سجاد علی کا نیا گانا بارش ‘ریلیز ہوتے ہیں وائرل ہو گیا اس گانے میں ریما بھی ان کے ساتھ دکھائی دے رہی ہیں

باغی ٹی وی کی رپورٹ کے مطابق پاکستان کے مایہ ناز اور معروف گلوکار سجاد علی کا نیا گانا بارش ‘ریلیز ہوتے ہیں وائرل ہو گیا اس گانے میں ریما بھی ان کے ساتھ دکھائی دے رہی ہیں سماجی رابطے کی ویب سائٹ ٹوئٹر پر سجاد علی کے اکاؤنٹ سے یہ گانا منظر عام پر آیاجس نے دیکھتے ہی دیکھتے سوشل میڈیا صارفین کی توجہ حاصل کر لی

Sajjad Ali – BAARISH – Out now pic.twitter.com/P1dg4TnseU

— Sajjad Ali (@sajjad_official) February 10, 2020

گانے بارش میں سجاد علی کی دھیمی مدھر اور دلوں کو چھو جانے والی موسیقی کے ساتھ ساتھ خاص بات یہ ہے کہ معروف فلم اسٹار ریما بھی سجاد علی کے ساتھ پہلی بار دکھائی دے رہی ہیں علاوہ ازیں اس ویڈیو میں سجاد علی نے اپنے بیٹے خوبی کو بھی متعارف کروایا ہے

گانے کی موسیقی خود سجاد علی نے ہی ترتیب دی ہے جبکہ گانا انہوں نے لکھا بھی خود ہی ہے گانے کا میوزک شابی علی نے دیا ہے

نوے کی دہائی میں گلوکاری کے شعبے میں مقبولیت حاصل کرنے والے سجاد علی پاکستان میوزک انڈسٹری کو کئی کامیاب گانے دے چکے ہیں پاپ اور کلاسیکل موسیقی پر یکساں عبور رکھنے والے سجاد علی کا پہلا البم 1979 میں ریلیز ہوا تھا

پاکستانی معروف اداکار یاسرحسین کو اپنے دوستوں کے ساتھ کراچی کے ساحل پر پکنک مناتےہوئے اپنی اہلیہ اقرا عزیز حسین کی یاد آگئی

باغی ٹی وی کی رپورٹ کے مطابق اداکار یاسرحسین کو اپنے دوستوں کے ساتھ کراچی کے ساحل پر پکنک مناتےہوئے اپنی اہلیہ اقرا عزیز حسین کی یاد آگئی اداکار یاسر حسین نے اپنے دوستوں کے ساتھ کراچی کے ساحل پر پکنک منائی اور سماجی رابطے کی ویب سائٹ انسٹاگرام پر اپنے دوستوں کے ہمراہ کچھ تصاویر شیئر کیں جن میں دیکھا جا سکتا ہے کہ یاسر حسین اپنے دوستوں کے ہمراہ کراچی کی ایکوا بیچ پر موجود ہیں اور وہ خوب انجوائے کرتے نظر آرہے ہیں
https://www.instagram.com/p/B8WLhKNjktu/?igshid=rjo28igtlp6w
اداکار نےتصویروں کے کیپشن میں لکھا کہ اقرا آپ کو بھی آنا چاہیے تھا آپ کو بہت مـس کیا

اس کے علاوہ یاسر حسین نے اپنی انسٹاگرام اسٹوری میں کچھ کھانے کی ویڈیوز بھی شیئر کیں جن میں وہ اپنے دوستوں کے ساتھ کھانا بنا رہے ہیں

معروف اداکارہ و تمغۂ امتیاز مہوش حیات نے پاکستانی سینما پر تنقید کرنے والے ٹوئٹر صارف کو جواب دیتے ہوئے کہا کہ کتنی بار پاکستانی فلموں اور اداکاراؤں کو ا ن جرائم کا ذمہ دار ٹھہرایا جاتا ہےاور جب ملزمان سے اُن کا بیان ریکارڈ کروایا جا تا ہے تو وہ اپنے بیان میں فحش ویب سائٹس کا نام لیتے ہیں

باغی ٹی وی کی رپورٹ کے مطابق مہوش حیات نے پاکستانی سینما پر تنقید کرنے والے ٹوئٹر صارف کو جواب دیتے ہوئے کہا کہ کتنی بار پاکستانی فلموں اور اداکاراؤں کو ا ن جرائم کا ذمہ دار ٹھہرایا جاتا ہےاور جب ملزمان سے ان کا بیان ریکارڈ کروایا جا تا ہے تو وہ اپنے بیان میں فحش ویب سائٹس کا نام لیتے ہیں جبکہ پاکستانی سینما ہمیشہ سے ہمارے پاک معاشرے کا آئینہ رہا ہے

گزشتہ دنوں قومی اسمبلی اجلاس میں بچوں سے زیادتی کے ملزمان کو سر عام پھانسی دینے سے متعلق قرارداد کثرت رائے سے منظور کی گئی تھی جس کے بعد پاکستان شوبز انڈسٹری سے تعلق رکھنے والی معروف اداکارہ مہوش حیات نے سماجی رابطے کی ویب سائٹ ٹوئٹر پر اس قرارداد کی حمایت کرتے ہوئے ٹوئٹ کیا تھا

نوخیز اداکارہ نیٹالی کیسے اپنے سینئر کے ہاتھوں زیادتی کا شکار ہوئی

اداکارہ نے لکھا تھا کہ عجیب بات ہے کہ بچوں سے زیادتی اور قتل کے واقعات ہوتے ہیں تو ہم حکومت سے ملزمان کو سرعام پھانسی دینے کا مطالبہ کرتے ہیں اور جب حکومت سر عام پھانسی دینے پر قرارداد منظور کردیتی ہے تو ہم انسانی حقوق کی خلاف ورزیوں کے پیچھے پڑ جاتے ہیں

اس پر ایک ٹویٹر صارف نے اداکارہ کو تنقید کا نشانہ بناتے ہوئے ٹویٹ کیا کہ آپ جیسے لوگ ہی جنسی زیادتی کرنے والوں کو ان کے مقصد میں اکسانے کے لیے کام کرتے ہیں ہمیں سنجیدگی سے یہ سوچنے کی ضرورت ہے کہ ہمارا میڈیا، انٹرنیٹ، موبائل اور سینما گھروں کے ذریعے نوجوانوں تک کیا مواد پہنچ رہا ہے؟

اس ٹویٹ پر مہوش حیات نے بھی کمنٹ کرتے ہوئے لکھا کہ کتنی بار پاکستانی فلموں اور اداکاراؤں کو ان جرائم کا ذمہ دار ٹھہرایا جاتا ہےاور جب ملزمان سے اُن کا بیان ریکارڈ کروایا جا تا ہے تو وہ اپنے بیان میں فحش ویب سائٹس کا نام لیتے ہیں یہ ملزمان کبھی بھی پاکستانی فلموں کا نام نہیں لیتے اور پاکستانی سینما ہمیشہ سے ہمارے پاک معاشرے کا آئینہ رہا ہے

واضح رہے کہ کچھ روز قبل وزیر پارلیمانی امور علی محمد خان کی جانب سے اسمبلی میں ایک قرارداد پیش کی گئی تھی جس میں کہا گیا تھا کہ بچوں کو زیادتی کا نشانہ بنا کر قتل کرنے والوں کو سرعام پھانسی دی جانی چاہئے جسے قومی اسمبلی میں منظور کر لیا گیا

پاکستان ٹی وی انڈسٹری کی معروف اداکارہ حرا مانی کا کہنا ہے کہ اپنی بیوی کے ساتھ اچھے سلوک سے پیش آنے والا لڑکا جنٹلمین ہوتا ہے

باغی ٹی وی کی رپورٹ کےمطابق معروف اداکارہ نے سماجی رابطے کی ویب سائٹ پر کہا کہ اچھا لڑکا وہ ہی ہوتا ہے جو اپنی بیوی کے ساتھ اچھے سلوک سے پیش آئے

سوشل میڈیا ویب سائٹ انسٹاگرام پر حرا مانی نے پاکستان انٹرنیشنل اسکرین ایوارڈ کی تقریب کے دوران لی گئی ایک تصویر شیئر کرتے ہوئے اپنے شوہر مانی کی تعریف کرتے ہوئے لکھا کہ کہ بڑی کار، بڑے بنگلے سے لڑکا جنٹلمین نہیں بن جاتا بلکہ اپنی بیوی کے ساتھ اچھے سلوک سے پیش آنے والا لڑکا جنٹلمین ہوتا ہے اداکارہ نے اپنے شوہر کو سراہتے ہوئے مزید لکھا کہ مجھے تم پر فخر ہے اور تم میرے لئے ہیرا ہو
https://www.instagram.com/p/B8WSw4vH_N9/?igshid=1advwobosvm7y
جبکہ ایک اور تصویر کے کیپشن میں حرا نے مانی کو مخاطب کرتے ہوئے لکھا کہ فلک تک چل ساتھ میرے

اس پر راحیم پردیسی نے کمنٹس میں ان کی تعریف کرتے ہوکہا کہ ہمیشہ ایسے ہی ساتھ رہو

https://www.instagram.com/p/B8V8d6-HXXf/?igshid=q3ukdtc3cmcr
دوسری جانب مانی نے بھی اپنی اہلیہ کو سراہتے ہوئے لکھا کہ انہوں نے کبھی بھی حرا کے انتخاب پر سوال نہیں اٹھایا کیونکہ وہ خود بھی حرا کا ہی انتخاب ہیں
https://www.instagram.com/p/B8V32coBq_W/?igshid=1mpm9gzo4hbsl
واضح رہے کہ مزاحیہ کرداروں کے حوالے سے شہرت رکھنے والے سلمان شیخ المعروف مانی نے 2008 میں حرا سے شادی کی تھی شادی کے وقت حرا کا تعلق شوبز انڈسٹری سے نہیں تھا جبکہ مانی اُس وقت شوبز انڈسٹری کے جانے مانے فنکاروں میں شمار ہوتے تھے

پاکستان شوبز کی معروف اداکارہ مایا علی نے اپنے دوست اداکارعثمان خالد بٹ کو سالگرہ کی مبارک باد دی اورنیک تمناؤں کا اظہار کیا

باغی ٹی وی کی رپورٹ کے مطابق اداکارہ مایا علی نے اپنے دوست عثمان خالد بٹ کی سالگرہ کے موقع پر ان کے ساتھ ایک تصویر شیئر کرتے ہوئے سالگرہ کی مبارک باد دی اورنیک تمناؤں کا اظہار کیا

اداکارہ نے سماجی رابطے کی ویب سائٹ انسٹا گرام پر عثمان خا لد بٹ کے ساتھ تصویر شیئر کرتے ہوئے مبارکباد دی اور لکھا کہ سالگرہ بہت مبارک میرے پیارے دوست اوبی اور لکھا کہ میں جب بھی آپ کو دیکھتی ہوں تو آپ جیسا اچھا دوست ملنے پر خوشی اور فخر محسوس ہوتا ہے اور نیک تمناؤں کا اظہار کرتے اور دعا کرتے ہوئے لکھا کہ وہ ان کے اچھے مستقبل کے لئے ڈھیروں خوشیوں اور کامیابیوب کے لئے دعا گو ہیں
https://www.instagram.com/p/B8WkgrmnAnl/?igshid=k7p84nqbaewk
ان دونوں کی شادی کے حوالے سے بہت سے لوگوں میں غلط فہمی پائی جاتی ہے لیکن دونوں صرف شوبز انڈسٹری کے ساتھی اور اچھے دوست ہیں اور اکثر ساتھ دکھائی دیتے ہیں

واضح رہے کہ جیو ٹی وی کے ڈرامے اک نئی سنڈریلا سے عثمان اور مایا کی جوڑی مقبول ہوئی اس کے بعد اس جوڑی نے ڈرامے عون زارا سے مقبولیت حاصل کی علاوہ ازیں انہوں نے ڈرامے ’دیار دل‘ میں بھی ساتھ کام کیا جبکہ 2016 میں آن ائیر ہونے والے ڈرامے صنم میں دونوں نے آخری بار ساتھ کام کیا تھا