Author: عائشہ ذوالفقار

رات کی گہری نیند ہمارے جسم کے تمام اعضا ء کے لیے انتہائی ضروری ہے یہ جہاں ہمارے جسم کی تھکاوٹ کو دُور کرتی ہے وہاں ہمارے دماغ کو تروتازہ کرتی ہے اور ہمیں اگلا سارا دن کام کرنے کے لیے توانائی فراہم کرتی ہے اور ہمارے مُوڈ کو بہتر بناتی ہے ہمارا رات کا کھانا ہماری نیند پر گہرے اثرات مرتب کرتا ہے ہمارا کھانا ہماری نیند کو بچوں کی نیند کی طرح گہرا بناتا ہے اور ہمارا کھانا ہی ہماری نیند پر اثر کرتا ہے اور ہمیں جہاں گہری نیند میں جانے سے روکتا ہے وہاں ہمارے خوابوں کو بھی مُتاثر کرتا ہے
کھانے جو رات کو سونے سے پہلے نہیں کھانے چاہیئے-

فاسٹ فُوڈ ہماری صحت کے لیے مفید نہیں ہے مگر یہ نیند کا بھی دُشمن ہے فاسٹ فُوڈ میں شامل چکنائی ہمارے معدے میں تزابیت پیدا کرتی ہے اور رات کو سونے کے دوران یہ ہارٹ برن کا باعث بنتی ہے اور نیند کو گہرا نہیں ہونے دیتی-

غذائی ضروریات حاصل کیسے کی جائیں جانئے غذا کے متعلق چند مفید باتیں

بیف، مٹن یا چکن والے کھانے پروٹین سے بھرپور ہوتے ہیں پروٹین ہمارے معدے میں نظام ہضم کو 50 فیصد تک سُست کر دیتی ہے اور بیف اور مٹن وغیرہ معدے میں تیزابیت کا باعث بنتےہیں اور وہ وقت جس میں نیند کے دوران ہمارے جسم کے اعضاء آرام کرنا چاہتے ہیں وہ نیند کے دوران کھانا ہضم کرنے میں لگے رہتے ہیں اور اُنہیں مناسب بریک نہیں ملتی چنانچہ وہ کام کرنے کیساتھ ساتھ ہماری نیند کو بھی متاثر کرتے ہیں-

رات کے کھانے میں تیز مرچ مصالحوں کا استعمال ہرگز نہیں کرنا چاہیے یہ ہارٹ برن کی کیفیت پیدا کرتے ہیں اور آپ کی نیند کو بد سکونی کی طرف کھینچ کر لیجاتے ہیں-

چائے اور کافی کیساتھ ساتھ ایسے تمام کھانے جن میں کیفین شامل ہوتی ہے ہمارے نروس سسٹم کو بُوسٹ کرنے کے ساتھ ساتھ ہمارے دل کی دھڑکن کو تیز کرنے کا سبب بنتے ہیں اور نتیجے کے طور پر یہ ہماری نیند کو ہم سے دُور لیجاتے ہیں اور بے خوابی کی کیفیت پیدا کرتے ہیں-

ایسے تمام کھانے جن میں چینی کا استعمال زیادہ ہوتا ہے ہماری نیند کو متاثر کرتے ہیں یہ ہمارے خون میں شوگر لیول کو بڑھاتے ہیں جس سے جسم اور دماغ زیادہ متحرک ہوتے ہیں اور ہمیں نیند میں جانے نہیں دیتے شوگر لیول کیساتھ یہ کھانے معدے میں تیزابیت کا باعث بھی بنتے ہیں جس سے نیند کے دوران ہمارے خواب متاثر ہوتے ہیں اور ہمیں گہری نیند سے دُور لیجاتے ہیں-

غذائیت سے بھر پور آڑو کا ملک شیک بنانے کی ترکیب

نیند کو بہتر بنانے والی غذا:
کیلا مگنیشیم اور کیلشیم سے بھرپُور غذا ہے کیلا کھانے سے ہمارے پٹھوں کو سکون حاصل ہوتا ہے اور پٹھوں کا سکون ہمیں گہری نیند مہیا کرتا ہے-

دودھ کے اندر امائنو ایسڈ ہماری نیند کو بہتر بناتے ہیں اور نیند کو گہرا کرنے میں انتہائی مدد گار ہوتے ہیں اپنے رات کے کھانے میں دودھ کو لازمی شامل کریں کیونکہ دُودھ ہی وہ غذا ہے جسے پینے کے بعد چھوٹے بچے بے فکری کی نیند حاصل کرتے ہیں
رات کے کھانے میں دہی کا استعمال بھی انتہائی مُفید ہے یہ جہاں دوسرے کھانوں کو ہضم کرنے میں مدد کرتا ہے وہاں یہ ہماری پُرسکون نیند کا ضامن بن جاتا ہے-

جلد ہضم ہونے والا دلیہ ہمارے معدے میں موجود باقی اجزا ءکو بھی اپنے ساتھ ہضم کر دیتا ہے اور معدے میں تیزابیت کا باعث نہیں بنتا اور ہماری نیند کو متاثر نہیں ہونے دیتا-

رات کے کھانے میں تازہ فروٹس کھانے سے جہاں ہماری صحت انتہائی شاندار ہوتی ہے وہاں یہ ہماری نیند اور مُوڈ کو بھی بہتر بناتے ہیں اور سونے کے دوران ہمیں ڈراؤنے خوابوں سے بچاتے ہیں اور ہمارے خوابوں کو رنگین بناتے ہیں جس سے ہمیں گہری نیند حاصل ہوتی ہے-