Baaghi TV

Author: عائشہ ذوالفقار

  • عمرسرفرازچیمہ کی بطور گورنرعہدے سے برطرفی کیخلاف درخواست پر سماعت غیرمعینہ مدت تک ملتوی

    عمرسرفرازچیمہ کی بطور گورنرعہدے سے برطرفی کیخلاف درخواست پر سماعت غیرمعینہ مدت تک ملتوی

    اسلام آباد: ہائی کورٹ نے عمر سرفراز چیمہ کی بطور گورنر عہدے سے برطرفی کے خلاف درخواست پر سماعت غیرمعینہ مدت تک ملتوی کر دی-

    باغی ٹی وی : عمر سرفراز چیمہ کی بطور گورنر عہدے سے برطرفی کے خلاف درخواست پر سماعت ہوئی اسلام آباد ہائیکورٹ کے چیف جسٹس اطہر من اللہ کی سربراہی میں لارجر بنچ نے سماعت کی-

    اسکروٹنی کمیٹی رپورٹ اور پی ٹی آئی کے نقطہ نظر کا موازنہ کر رہے ہیں،چیف الیکشن کمشنر

    چیف جسٹس اطہر من اللہ نے ریمارکس دیئے کہ صدر مملکت نے وزیراعظم کی سفارش پر نئے گورنر کی تعیناتی کر دی ہے،آپ کی درخواست تو غیر موثر ہو چکی ہے-

    پی ٹی آئی وکیل بابر اعوان نے کہا کہ میں اس حوالےہدایات لے لیتا ہوں عدالت نے بابر اعوان کی ہدایات لینے تک کیس کی سماعت ملتوی کرنے کی استدعا منظو ر کرتے ہوئے کیس کی سماعت غیرمعینہ مدت تک ملتوی کر دی-

    واضح رہے کہ سابق گورنر پنجاب عمر سرفراز چیمہ نے اپنی برطرفی کا فیصلہ اسلام آبادہائیکورٹ میں چیلنچ کیا تھا

    عمر سرفراز چیمہ نے بابر اعوان ایڈوکیٹ کے ذریعے اسلام آباد ہائیکورٹ میں درخواست دائر کی تھی جس میں برطرفی نوٹیفکیشن کالعدم قراردینے کی استدعا کی گئی تھی درخواست میں مؤقف اختیار کیا گیا تھا کہ گورنر پنجاب عمر سرفراز چیمہ کو عہدے سے ہٹانا غیر قانونی ہے لہذا عدالت فیصلے کو کالعدم قرار دیکر دوبارہ عہدے پر بحال کرے آئین کے مطابق گورنر صوبے میں وفاق کا نمائندہ ہے، گورنر پنجاب ایگزیکٹو کا حصہ نہیں ہوتا اور صدرکی خوشنودی پر گورنر عہدے پر قائم رہ سکتا ہے۔

    پاکستان ترک سرمایہ کاروں کا دوسرا گھر ہے،وزیر اعظم شہباز شریف

    درخواست میں کابینہ ڈویژن کے نوٹیفکیشن کو بلا اختیار ہے اور ماورائے آئین قرار دیتے ہوئےکہا گیا تھا کہ صدرکے اختیارات کو رولزکے تحت ختم نہیں کیا جا سکتا، وزیراعظم نے اپنے بیٹے کے فائدے کے لیے غیرقانونی طور پر ہٹایا، پنجاب میں آئینی بحران پیدا کر دیا گیا ہے، کابینہ ڈویژن سے نوٹیفکیشن جاری کرانے والوں کے خلاف بھی کارروائی کی جائے۔

    بعد ازاں عمر سرفراز چیمہ کی بطور گورنر عہدے سے برطرفی کے خلاف درخواست پر اعتراض عائد کر دیا گیا تھا سابق گورنر پنجاب عمر سرفراز چیمہ نے اپنی برطرفی کے فیصلےکو اسلام آباد ہائیکورٹ میں چیلنج کرتے ہوئے وزیراعظم کے فیصلے کو کالعدم قرار دینے کی درخواست دائر کی تھی۔

    تاہم اسلام آباد ہائیکورٹ کے اسسٹنٹ رجسٹرار نے سابق گورنر کی درخواست پر اعتراض عائد کرتے ہوئے کہا تھا کہ معاملہ پنجاب کا ہے، یہ معاملہ اسلام آباد ہائیکورٹ کے دائرہ کار میں نہیں آتا۔

    خیال رہے کہ وزیراعظم شہباز شریف کی جانب سے سابق گورنر پنجاب عمر سرفراز چیمہ کو عہدے سے ہٹانے کی سمری بھیجی گئی تھی تاہم صدر مملکت نےوزیراعظم کی سمری مسترد کر دی تھی تاہم بعد ازاں آئینی مدت پوری ہونے کےبعد عمر سرفراز چیمہ کو گورنر پنجاب کے عہدے سے ہٹا دیا گیا تھا۔

    سندھ ہائی کورٹ نے درختوں کی کٹائی کے خلاف درخواست پر متعلقہ حکام کو نوٹس جاری کر…

  • پرویزالہٰی سے پی ٹی آئی ارکان پنجاب اسمبلی کے وفد کی ملاقات

    پرویزالہٰی سے پی ٹی آئی ارکان پنجاب اسمبلی کے وفد کی ملاقات

    اسپیکر پنجاب اسمبلی پرویز الہٰی سے وکلا کے وفد کی ملاقات ہوئی ہے

    ملاقات میں ملکی سیاسی معاملات ،پنجاب کے آئینی اور سیاسی بحران پر بات چیت کی گئی،چودھری پرویز الہیٰ کا کہنا تھا کہ اراکین پنجاب اسمبلی پر پولیس کے تشدد پر ایکشن لیں گے ،اسمبلی کی استحقاق کمیٹی میں آئی جی اور چیف سیکریٹری کو بلا کر سزا دیں گے اس سارے معاملہ میں اصل سرغنہ آئی جی اور چیف سیکریٹری ہیں ، حکمران عمران خان کو گرفتار کریں گے تو یہ اپنی سیاسی قبرخود کھودیں گے یورپی یونین اور کامن ویلتھ ممالک اس پر قرارداد لے کر آرہے ہیں تحریک عدم اعتماد آگئی تو حمزہ شہباز فارغ ہیں پنجاب میں بحران تب ختم ہوگا جب حمزہ شہباز گھر جائے گا، حکومتی وزیروں کی کوئی اوقات ہے نہ کوئی سوچ اور ویژن ہے،وزیراعلیٰ سے حلف گورنر لیتا ہے اسپیکر قومی اسمبلی کیسے لے سکتا ہے؟

    قبل ازیں اسپیکرپرویزالہٰی سےپی ٹی آئی ارکان پنجاب اسمبلی کے وفد نے ملاقات کی-ملاقات کے دوران اسپیکر پنجاب اسمبلی پرویز الہٰی نے کہا کہ ملک کی سیاست اہم موڑ پر ہے،حکومت نام کی کوئی چیز نہیں، عمران خان نے حکومت کو کچھ دن کی مہلت دی ہے-

    پاکستان ترک سرمایہ کاروں کا دوسرا گھر ہے،وزیر اعظم شہباز شریف

    اسپیکر پنجاب اسمبلی پرویزالہٰی نے کہا کہ جلد از جلد الیکشن کی تاریخ کا اعلان کریں،حکمران چادر اور چار دیواری کے تقدس کو پامال کر رہے ہیں،سانحہ ماڈل ٹاؤن کے مرکزی کرداروں کو سزا دی ہوتی تو آج یہ واقعہ نہ ہوتا-

    پرویز الہی نے کہا کہ ہم نے ہمیشہ عوامی فلاحی منصوبے شروع کیے لانگ مارچ کے دوران بچوں، بزرگوں اور خواتین پر لاٹھی چارج کیا گیا-

    قبل ازیں اسپیکر پنجاب اسمبلی چوہدری پرویز الٰہی نے چیئرمین پی ٹی آئی عمران خان کو گرفتار کرنے کی صورت میں حکومت کو سنگین نتیجے سے خبردار کیا تھا پرویز الٰہی نےکہا تھا کہ عمران خان کو گرفتار کرکے حکومت اپنی قبر خود کھودے گی اور اپنی موت کو دعوت دے گی۔

    معروف بزنس مین میاں منشاء کا طیارہ حادثے سے بال بال بچ گیا

    انہوں نے کہا تھا کہ آئی جی اور چیف سیکرٹری کے خلاف کارروائی ہوگی کیونکہ لانگ مارچ کے شرکا پر فائرنگ پولیس نے کی ہے، خواتین پنجاب اسمبلی نے مشترکہ طور پر استحقاق کمیٹی میں یہ معاملہ لے کر جانے کا فیصلہ کیا ہے کہ اسمبلی حدود میں بغیر اسپیکر کی اجازت کے پولیس نے پکڑ دھکڑ کی ہے۔

    دوسری جانب سابق وفاقی وزیر فوادچودھری نے کہا کہ پنجاب بغیر حکومت کے چل رہاہے ،حمزہ شہباز غیر قانونی طریقے سے وزیراعلیٰ بنے ہیں،حمزہ شہبازکامقدمہ روزانہ کی بنیادپرچلناچاہیے،اسپیکر ری الیکشن کا آرڈر کریں،سپریم کورٹ کے فیصلے کےبعد حمزہ وزیراعلیٰ نہیں رہے،حمزہ کے پاس اب اکثریت نہیں رہی –

    اسکروٹنی کمیٹی رپورٹ اور پی ٹی آئی کے نقطہ نظر کا موازنہ کر رہے ہیں،چیف الیکشن کمشنر

    فواد چودھری نے کہا کہ پنجاب کے لوگوں کو آئینی حق سے محروم نہ کیاجائے ،کوئی عزت دارشخص موجودہ سسٹم کے ذریعے عہدہ قبول نہیں کرے گا، الیکشن نے آئین کے آرٹیکل 224 کو معطل کر دیا ہے، ایسا نہیں ہوتا کہ بات چیت نہ کریں،آپ پہلے الیکشن کا شیڈول دیں،ہم مذاکرات کے ذریعے ہی آگے بڑھنا چاہتے ہیں، ہم بات چیت کریں گے، الیکشن کی ٹرمز اور فریم کے لیے بیٹھیں گے،اب ا سپیکر کے پاس کوئی اختیار نہیں کہ وہ ہمیں بلا کے ہماری رائے لیں، جب ا سپیکر کے پاس رائے لینے کا اختیار ہی نہیں تو اراکین کیوں جائیں-

    وزیراعظم شہباز شریف کی ترک وزیرخارجہ سے ملاقات، وزیرخارجہ بلاول بھٹو بھی شریک

  • پیٹرول پمپ پر گاڑیوں میں ایندھن بھرنے کی ملازمت اختیار کرنے والی باہمت لڑکیاں

    پیٹرول پمپ پر گاڑیوں میں ایندھن بھرنے کی ملازمت اختیار کرنے والی باہمت لڑکیاں

    کراچی : خواتین مردوں کے شانہ بشانہ کام کر رہی ہیں بلکہ کئی شعبےایسے بھی ہیں جن میں وہ مردوں سے بہتر کارکردگی کا مظاہرہ کررہی ہیں کوہ پیمائی،آسمانوں میں اڑان بھرنے،پاکستان کی سیکیورٹی فورسز میں اپنی ہمت ،بہادری اور جرات ثابت کرنے کے بعد اب لڑکیاں پٹرول پمپمس پر بھی کام کرنے کے لئے میدان میں اتر آئی ہیں-

    باغی ٹی وی : تفصیلات کے مطابق کراچی کی دو لڑکیوں نے کلفٹن کے پیٹرول پمپ پر گاڑیوں میں ایندھن بھرنے کی ملازمت اختیارکرلی نجی خبررساں ادارے کی رپورٹ کے مطابق تین تلوار پرقائم پیٹرول پمپ پر سپنااور سُمن گزشتہ ڈیڑھ برس سے کام کررہی ہیں-

    پیٹرول پمپ پر لمبی قطار میں لگی گاڑیوں میں جلدی جلدی پیٹرول بھرکرصارفین کو روانہ کرناہو یا اے ٹی ایم کارڈ سے رقم کاٹنی ہو، سمن اورسپنا بھرپور مہارت سے اپنی ذمے داری نبھاری ہیں دونوں لڑکیوں کا کہنا ہے کہ ماں باپ کا سہارا بن کر زندگی پر اعتماد بحال ہوگیا ہے۔

    دونوں باہمت اور بہادر لڑکیوں نے بتایا کہ مرد عملہ ان سے تعاون کرتا ہے، صارفین بھی حوصلہ بڑھاتے ہیں،انہوں نے بیٹیوں کے والدین کو مشورہ دیا کہ وہ بیٹیوں پر بھی بیٹوں ہی کی طرح اعتماد کریں تو خاندان کے کئی ادھورے خواب پورے ہوسکتے ہیں ۔

  • ملک کے مسائل کا حل اکیلے ایک جماعت نہیں نکال سکتی،نواز شریف

    ملک کے مسائل کا حل اکیلے ایک جماعت نہیں نکال سکتی،نواز شریف

    سابق وزیراعظم اور پاکستان مسلم لیگ ن کے قائد نواز شریف نے کہا ہے کہ پی ڈی ایم کی تمام جماعتوں کے اشتراک سے ملک کو بحران سے نکالیں گے۔

    باغی ٹی وی : لندن میں مرکزی جمعیت اہلحدیث کے سربراہ ساجد میر سے ملاقات کے دوران نواز شریف کا کہنا تھا کہ پی ٹی آئی حکومت نے ملک کو مسائل کی دلدل میں پھنسایا، مسائل کا حل اکیلے ایک جماعت نہیں نکال سکتی۔ پی ڈی ایم کی تمام جماعتوں کے اشتراک سے ملک کو بحران سے نکالیں گے۔

    سابق حکومت کے اقدامات سے دوست ممالک ناراض ہیں، مریم نواز

    نواز شریف کا کہنا تھا کہ مہنگائی اور بیروزگاری کے طوفان کی ذمہ دار عمران حکومت ہے، ورثے میں ملےمسائل کو حل کرنے میں وقت لگے گا پی ٹی آئی حکومت نے پاکستان کو عالمی تنہائی کا شکارکردیا، دوست ممالک کو دور کیا گیا، آئندہ عام انتخابات میں اتحادی جماعتوں کی مشاورت سے لائحہ عمل طےکریں گے۔

    قبل ازیں مسلم لیگ ن کی نائب صدر مریم نواز کا کہنا تھا کہ سابق حکومت کے اقدامات سے دوست ممالک ناراض ہیں۔پیر کو مریم نواز نے مسلم لیگ ن کی سوشل میڈیا ٹیم کی ایک تقریب سے خطاب کرتے ہوئے کہا تھاکہ اس وقت پاکستان کی معیشت آئی سی یو میں ہےعمران خان ملک کا خزانہ خالی کر کے گئے ہیں۔

    مریم نواز نے کہا تھا کہ عمران خان اسٹیبلشمنٹ میں اس نمبر کو ڈھونڈ رہا ہے جو بند ہو چکا ہے عمران خان بس فساد چاہتا ہے یہ حکومت 4 سال سے انتقام کے علاوہ کچھ نہیں کر رہی تھی اگرعمران خان کو دوبارہ حکومت مل بھی گئی تویہ سب ہی کریں گے جو پچھلے 4 سال میں کیا ہے عمران خان نے خود کو بچانے کے لیے اسٹیبلشمنٹ کو بھی آوازیں دیں۔اور عدم اعتماد سے پہلے سابق صدر آصف علی زرداری سے بھی رابطہ کیا۔

    پاکستان ترک سرمایہ کاروں کا دوسرا گھر ہے،وزیر اعظم شہباز شریف

    انہوں نے مزید کہا تھا کہ میں عدلیہ سے درخواست کرتی ہو کہ یہ جو انتشاری سیاست کر رہا ہے اس کا حصہ نہ بنے۔اور سابق حکومت سے تو دوست ممالک بھی خوش نہیں ہیں وہ بھی ناراض ہیں امریکا کو للکارنے والا لیڈر خیبر پختونخواہ میں چھپ کر بیٹھا ہوا ہے اور وہاں کے وسائل استعمال کر رہا ہےانقلاب کے لیے جو ہیلی کاپٹر استعمال کیا وہ خیبر پختو نخوا کا تھا فرح گوگی کا نہیں تھا۔

    انہوں نے مزید کہا تھا کہ وزیر اعظم سے ملاقات ہوئی تو انہوں نے بتایا کے چینی کاروباری گروپس عمران خان سے نہ خوش تھے۔اور ان گروپس نے ہماری حکومت آنے پر شکر کیا۔


    قبل ازیں اپنے ایک بیان میں سابق وزیراعظم و مسلم لیگ ن کے قائد میاں محمد نواز شریف نے کہا تھا کہ عوام کو فتنہ پرور شرپسند جتھوں کے رحم و کرم پر نہیں چھوڑا جاسکتا جو پہلے ہی ان پر غربت، مہنگائی اور بیروزگاری کے پہاڑ گرا چکے ہیں ایسے تخریب کاروں کا قلع قمع کیے بغیر پاکستان اپنی حقیقی منزل نہیں پا سکتا، ہمیں بحثیت قوم ان شرپسندوں کا راستہ روکنا ہو گا-

    لیکشن کمیشن کے دو نئے ممبران نے اپنے عہدے کا حلف اٹھالیا

  • اسکول کے بعد امریکی یونیورسٹی میں فائرنگ ،1خاتون ہلاک اور 2 افراد زخمی

    اسکول کے بعد امریکی یونیورسٹی میں فائرنگ ،1خاتون ہلاک اور 2 افراد زخمی

    امریکا میں فائرنگ کے واقعات میں اضافہ، اسکول کے بعد امریکی ریاست لوزیانا کی یونیورسٹی میں فائرنگ کا واقعہ پیش آیا-

    باغی ٹی وی : امریکی میڈیا کے مطابق فائرنگ سے خاتون ہلاک اور 2 افراد زخمی ہو گئے، ملزم کو گرفتار کر لیا گیا۔ فائرنگ کا واقع یونیورسٹی کے گریجویشن ہال میں ہوا، جہاں ہائی اسکول کی گریجویشن تقریب جاری تھی۔

    کینیڈا میں چھوٹے آتشیں اسلحےکی خرید و فروخت کو مکمل طور پر روکنے کا فیصلہ

    حکام نےخبررساں اداروں کوبتایا کہ مردوں کو زخم آئے جو جان لیوا نہیں تھےفائرنگ کا واقعہ لوزیانا کی زیویئر یونیورسٹی کے کانووکیشن سینٹر کے قریب صبح 11:45 بجے کے قریب پیش آیا، جہاں مورس جیف کمیونٹی اسکول نے منگل کی صبح اپنی ہائی اسکول گریجویشن کا انعقاد کیا۔

    لوزیانا کے گورنر جان بیل ایڈورڈز نے بتایا کہ یہ فائرنگ دو ہفتے بعد ہوئی جب جنوب مشرقی لوزیانا یونیورسٹی میں ایک اور ہائی اسکول گریجویشن کے باہر فائرنگ میں چار افراد زخمی ہو گئے۔

    دوسری جماعت کا طالبعلم اپنے بیگ میں پستول سکول لے آیا، غلطی سے گولی چلنے سے ساتھی…

    ایڈورڈز نے کہا، "جو لوگ تشدد کی ان بے ہودہ کارروائیوں کو جاری رکھتے ہیں ان کو انصاف کے کٹہرے میں لایا جائے گا ہمیں اپنی عوام کو محفوظ رکھنے کے لیے مزید کچھ کرنا چاہیے، اور اس کا مطلب ہے کہ ہمیں اس بات کو یقینی بنانے کے لیے مزید کچھ کرنا چاہیے کہ وہ لوگ جو دوسروں کو نقصان پہنچانے کا ناقابل قبول خطرہ رکھتے ہیں آتشیں اسلحہ حاصل کرنے یا رکھنے کے قابل نہیں ہیں۔

    وعدہ کرتا ہوں کہ امریکا میں نسل پرستی جیسی برائی کو پنپنے نہیں دوں گا، جوبائیڈن

    واضح رہے کہ گزشتہ ہفتے امریکہ کی ریاست ٹیکساس کے ایک پرائمری سکول میں فائرنگ کے واقعے میں 19 بچوں سمیت 21 افراد اس وقت ہلاک ہو گئے تھے جب ایک 18 سالہ مسلح لڑکا سکول کی عمارت میں داخل ہوا اور اندھا دھند فائرنگ کر دی۔

    ہلاک ہونے والے 19 طلبا میں دوسری، تیسری اور چوتھی جماعت کے طالبعلم شامل تھیں جن کی عمریں سات سے دس سال کے درمیان تھیں۔ اس واقعے میں سکول کے دو اساتذہ بھی ہلاک ہوئے۔

    اس معاملے کی تحقیقات سے منسلک ذرائع نے واشنگٹن پوسٹ کو بتایا کہ شوٹر حال ہی میں 18 سال کا ہوا تھا اور اس کا کوئی مجرمانہ ریکارڈ نہیں تھا۔

    امریکی ریاست ٹیکساس کے سکول میں فائرنگ،18 کمسن طالبعلم اور ٹیچر سمیت 21 افراد ہلاک

  • معروف بزنس مین میاں منشاء کا طیارہ حادثے سے بال بال بچ گیا

    معروف بزنس مین میاں منشاء کا طیارہ حادثے سے بال بال بچ گیا

    معروف بزنس مین میاں منشاء کا طیارہ Nishat-1 حادثے سے بچ گیا۔

    باغی ٹی وی : سول ایوی ایشن اتھارٹی (سی اے اے) کے ذرائع کے مطابق میاں منشا وزیراعظم شہباز شریف کو جوائن کرنے ترکی جا رہے تھے کہ ان کا طیارہ Nishat-1 جیسے ہی افغانستان کی حدود میں پہنچا تو اس میں تکنیکی خرابی پیدا ہو گئی۔

    پاکستان ترک سرمایہ کاروں کا دوسرا گھر ہے،وزیر اعظم شہباز شریف

    ذرائع کے مطابق طیارے میں خرابی کا واقعہ گزشتہ روز پیش آیا اور طیارے میں میاں منشاء خود سوار تھے۔

    ذرائع کا کہنا ہے کہ پائلٹ طیارے کو افغانستان سے واپس لاہور ائیر پورٹ لے آیا، تکنیکی خرابی دور کرنے کے بعد میاں منشا اسی طیارے میں دوبارہ سفر کرکے ترکی پہنچے میاں منشا وزیراعظم کے ہمراہ ترکی میں کاروباری وفد کی نمائندگی کر رہے ہیں۔

    پاکستان اور ترک عوام ایک دوسرے کے لیے محبت رکھتے ہیں،ترک وزیر خارجہ

    واضح رہے کہ وزیر اعظم شہباز شریف ترکی کے 3 روزہ دورے پر ہیں جہاں انہوں پاک ترک بزنس فورم سےخطاب کرتے ہوئے کہا ہے کہ پاکستان اور ترکی کو باہمی سرمایہ کاری کے فروغ کے لیے تمام رکاوٹوں کو دور کرنا ہو گا انہوں نے بعض ترک سرمایہ کاروں سے عدم تعاون پر معذرت بھی کی-

    وزیراعظم کا کہنا تھا کہ پاکستان ترک سرمایہ کاروں کا دوسرا گھر ہے وہ پاکستان آئیں، ان کا ریڈ کارپٹ استقبال کریں گے۔پاکستان توانائی کے شعبے میں ترک سرمایہ کاروں کا خیر مقدم کرے گا ہ ترک قوم اپنےدوستوں کوکبھی نہیں بھولتی ترکی نےزلزلےاورسیلاب میں پاکستان کی بھرپورمددکی ترکی نے لاہور میٹرو منصوبےکا ڈیزائن بغیرمعاوضے کے فراہم کیا۔ پاکستان اورترکی کی دوستی لازوال ہے برصغیر کے مسلمانوں نےترکی کی جنگ آزادی کیلئےبھرپورتعاون کیا تھا۔

    شہزاد شوکت ایڈووکیٹ جنرل پنجاب تعینات،نوٹیفکیشن جاری

  • وزیراعظم شہباز شریف کی ترک وزیرخارجہ سے ملاقات، وزیرخارجہ بلاول بھٹو بھی شریک

    وزیراعظم شہباز شریف کی ترک وزیرخارجہ سے ملاقات، وزیرخارجہ بلاول بھٹو بھی شریک

    انقرہ: وزیراعظم شہباز شریف سے ترک وزیرخارجہ کی ملاقات ،ملاقات میں وزیرخارجہ بلاول بھٹو اور وفد بھی شریک تھا-

    باغی ٹی وی : ملاقات میں ملاقات میں پاکستان اور ترکی کے تعلقات کےفروغ پرتبادلہ خیال کیا گیا دونوں ممالک کے درمیان تعلقات نئی بلندیوں پر لے جانے سے متعلق گفتگو کی گئی وزیراعظم شہباز شریف نے ملاقات میں دو طرفہ تجارت کا حجم 2 سال میں 5 ارب ڈالر تک لے جانے کی خواہش کا اظہار کیا –


    قبل ازیں وزیر خارجہ بلاول بھٹو نے ترک ہم منصب سے ایک ماہ میں انقرہ میں دوسری ملاقات کی ترک وزیر خارجہ مولوت چاوش اوگلو کی جانب سے بلاول بھٹو کے اعزاز میں عشائیہ دیا گیا۔

    وزیرخارجہ بلاول بھٹو اور ترک ہم منصب میں مختلف موضوعات پر تبادلہ خیال کیا گیا، پاکستان دفتر خارجہ کے مطابق ترک وزیرخارجہ اور بلاول بھٹونے مختلف شعبوں میں جاری تعاون کا جائزہ لیا، اعلی ترین تزویراتی تعاون کونسل اوراقتصادی فریم ورک دونوں ممالک کےلیے مفید قرار دئیے گئے۔

    پاکستان ترک سرمایہ کاروں کا دوسرا گھر ہے،وزیر اعظم شہباز شریف


    ترک وزیرخارجہ مولوت چاوش اوگلو نے کہا کہ دونوں ممالک کے درمیان دوطرفہ تعلقات پیار اور محبت پر مبنی ہیں، پاکستان اور ترک عوام ایک دوسرے کے لیے محبت رکھتے ہیں۔

    بلاول بھٹو نےکہا کہ پاکستان ترکی میں اعلیٰ ترین تزویراتی تعاون کونسل کےاجلاس کا منتظر ہے، جموں و کشمیر تنازعے پر ترک حکومت کی حمایت اور اصولی موقف کے مشکورہیں، بین الاقوامی برادری اور افغان حکومت میں مسلسل رابطے کی ضرورت ہے۔

    الیکشن کمیشن کے دو نئے ممبران نے اپنے عہدے کا حلف اٹھالیا

    ترجمان دفترخارجہ کا کہنا ہے کہ دونوں وزرائے خارجہ نے علاقائی امور پر بھی تبادلہ خیال کیا، بلاول بھٹو نے یوکرین بحران میں تعمیری کردار میں ترک وزیر خارجہ کی ذاتی کوشش کی تعریف بھی کی۔

    وزیر خارجہ بلاول بھٹو ترکی کے سرکاری دورے پر وزیراعظم کے ہمراہ موجود ہیں، ایک ماہ سے بھی کم عرصے میں دونوں وزرائے خارجہ کی یہ دوسری ملاقات تھی۔

    عمران خان کو سپریم کورٹ کا حکم ماننا چاہیے تھا، شیخ رشید

  • ملک بھر میں موسم کیسا رہے گا؟ محکمہ موسمیات نے بتا دیا

    ملک بھر میں موسم کیسا رہے گا؟ محکمہ موسمیات نے بتا دیا

    محکمہ موسمیات کے مطابق ملک کےبیشتر میدانی علاقوں میں موسم گرم اور خشک رہے گا-

    باغی ٹی وی : محکمہ موسمیات کے مطابق اسلام آباد میں چند مقامات پر تیزہواؤں، آندھی اور گرج چمک کے ساتھ بارش کا امکان ہے جنوبی پنجاب اور بالائی سندھ میں موسم شدید گرم رہے گا،گلگت بلتستان ، آزادکشمیر ، خیبر پختونخوا میں چند مقامات پر بارش متوقع ہے-

    تھیلیسیمیا کی مریض بچی کی ہسپتال کیلئے امداد کی اپیل

    محکمہ موسمیات کے مطابق خطہ ٔپوٹھوہار،گوجرانوالہ،گجرات، سیالکوٹ اورنارووال میں بارش کا امکان ہے،لاہور میں تیزہواؤں، آندھی اور گرج چمک کے ساتھ بارش کا امکان ہے،فیصل آباد،ملتان ، ساہیوال، بہاولپور، بھکر، لیہ اوررحیم یار خان میں بارش متوقع ہے سرگودھا اورڈ ی جی خان میں گرد آلود ہوائیں چلنے کا امکان ہے-

    محکمہ تحفظ ماحولیات پنجاب نےآج کاائیرکوالٹی انڈیکس جاری کردیا ہے-

    میٹرولوجیکل ڈیپارٹمنٹ کے مطابق ٹاون ہال لاہورمیں ائیرکوالٹی انڈیکس108ریکارڈ ہے،ٹاون شپ سیکٹرٹومیں ائیرکوالٹی انڈیکس ریکارڈ کیا گیا جیل روڈ لاہورمیں ائیرکوالٹی انڈیکس 165ریکارڈ کیا گیا نیشنل ہاکی اسٹیڈیم میں ائیرکوالٹی انڈیکس137ریکارڈ کیا گیا-

    سندھ ہائی کورٹ نے درختوں کی کٹائی کے خلاف درخواست پر متعلقہ حکام کو نوٹس جاری کر دیئے

    محکمہ تحفظ ماحولیات پنجاب کے مطابق تمام ڈیٹا 24گھنٹےکی بنیادپر مرتب کیاگیا-

    علاوہ ازیں ملتان ویسٹ منیجمنٹ کمپنی نے صاف پنجاب مہم کا 15 روز کا ڈیٹا جاری کردیا-

    اس حوالے سے جاری رپورٹ کے مطابق آئی ٹی ڈیپارٹمنٹ ڈیٹا کے مطابق ملتان سے 9566 ٹن ویسٹ اٹھایا گیا،112 شاہراہوں اور 32 سرکاری بلڈنگز کی صفائی کی گئی،ملتان کے99 نظر انداز کیے گئے علاقوں کو زیرو ویسٹ کیا گیا –

    رپورٹ کے مطابق 87 شاہراہوں کے ڈیوائیڈرز کی سکریپنگ کی گئی،ملتان کے97 قبرستانوں، مزارات اور مساجد کی صفائی کی گئی ،ایپ ر 58،ہیلپ لائن 218 اور سوشل میڈیا پر 32 شکایات موصول ہوئیں –

    الیکشن کمیشن کے دو نئے ممبران نے اپنے عہدے کا حلف اٹھالیا

  • پاکستان ترک سرمایہ کاروں کا دوسرا گھر ہے،وزیر اعظم شہباز شریف

    پاکستان ترک سرمایہ کاروں کا دوسرا گھر ہے،وزیر اعظم شہباز شریف

    وزیر اعظم شہباز شریف نے ترک سرمایہ کاروں کو پاکستان میں توانائی کے شعبے میں سرمایہ کاری کی دعوت دے دی۔

    باغی ٹی وی :وزیر اعظم شہباز شریف ترکی کے دورے تین روزہ پر ہیں جہاں انہوں پاک ترک بزنس فورم سےخطاب کرتے ہوئے کہا ہے کہ پاکستان اور ترکی کو باہمی سرمایہ کاری کے فروغ کے لیے تمام رکاوٹوں کو دور کرنا ہو گا انہوں نے بعض ترک سرمایہ کاروں سے عدم تعاون پر معذرت بھی کی

    وزیراعظم شہباز شریف تین روزہ سرکاری دورے پر ترکی پہنچ گئے

    وزیراعظم کا کہنا تھا کہ پاکستان ترک سرمایہ کاروں کا دوسرا گھر ہے وہ پاکستان آئیں، ان کا ریڈ کارپٹ استقبال کریں گے۔پاکستان توانائی کے شعبے میں ترک سرمایہ کاروں کا خیر مقدم کرے گا ۔


    وزیراعظم نےکہا ہےکہ ترک قوم اپنےدوستوں کوکبھی نہیں بھولتی ترکی نےزلزلےاورسیلاب میں پاکستان کی بھرپورمددکی۔ترکی نے لاہور میٹرو منصوبے کا ڈیزائن بغیر معاوضے کے فراہم کیا۔ پاکستان اورترکی کی دوستی لازوال ہے۔برصغیرکےمسلمانوں نےترکی کی جنگ آزادی کیلئےبھرپورتعاون کیا تھا۔

    وزیر اعظم نے غریبوں کے لیے ریلیف پیکج کا اعلان کردیا

    شہباز شریف نے کہا کہ پاکستان اورترکی کےدرمیان تاریخی تعلقات ہیں۔مختلف شعبوں میں تعلقات کومزیدوسعت دیناچاہتےہیں۔ترکی نےصدرایردوان کی قیادت میں زبردست ترقی کی آج ترکی کی برآمدات 270ارب ڈالرسےبڑھ چکی ہیں ترکی نےاپنےانفراسٹرکچرکوبہت ترقی دی ہے۔

    وزیراعظم نےکہا کہ گزشتہ رات ترک تاجر برادری کے ساتھ ملاقات ہوئی ترک کاروباری افراد کے لیے ویزا سہولت کے لیے ضروری اقدامات کریں گے،ویزا سہولت سے تجارت اور عوام کے درمیان رابطوں کو فروغ ملے گا-


    وزیراعظم شہباز شریف نے کہا کہ اکستان اور ترکی کے درمیان تجارتی تعلقات کو فر وغ دینےکےخواہاں ہیں ترک تاجروں اور سرمایہ کاروں کو پاکستان میں سرمایہ کاری کی دعوت دیتا ہوں پاکستان اور ترکی ثقافت،مذہب اوربہترین تعلقات میں جڑے ہوئے ہیں، ترکی اور پاکستان کی زبانیں الگ الگ لیکن ثقافت ایک ہی ہے ترک سرمایہ کاروں کی پاکستان میں سرمایہ کاری کو قدر کی نگاہ سے دیکھتے ہیں تجارتی تعلقات کوسنجیدگی سےآگےلےکرجاناچاہتےہیں-


    وزیراعظم نے کہا کہ پاکستان درپیش چیلنجز سے نمٹنے کےلیے کوششیں کررہا ہے، کورونا نے دنیا میں معاشی تباہی مچائی ،یوکرین روس جنگ سے مشکلات خطے کو مشکل کاسامنا ہے،امید ہے ترکی اورپاکستان درپیش چیلنجز سے نمٹنے کے لیےکام کریں گے،ترکی اور پاکستان کے عوامی رابطے کو مزیدفروغ دینے کی ضرورت ہے ، پاکستان اور ترکی نے ہر مشکل میں ایک دوسرے کا ساتھ دیا-


    وزیر اعظم شہباز شریف کے اعزاز میں ٹی او بی بی کے صدر مسٹر رفعت حصارکلی اوگلو کی طرف سے دیئے گئے عشائیے کے موقع پر انقرہ میں ٹی او بی بی کی عمارت کو پاکستان اور ترکی کے جھنڈوں سے سجایا گیا وزیراعظم کے ساتھ ایک گروپ فوٹو بھی لیا گیا جس میں ترک اور پاکستانی دونوں جانب سے معززین بھی شامل تھے۔


    واضح رہے کہ وزیراعظم شہباز شریف گزشتہ روز تین روزہ سرکاری دورے پر ترکی پہنچے جہاں ترکی کے دارالحکومت انقرہ پہنچنے پر ترک وزیردفاع اور دیگر اعلیٰ حکام نے وزیر اعظم اور وفد کا پرتپاک استقبال کیاانقرہ ائیرپورٹ پروزیراعظم شہباز شریف کو گارڈ آف آنر پیش کیا گیا۔ وزارت عظمیٰ کا منصب سنبھالنےکے بعد شہبازشریف کا یہ پہلا دورہ ترکی ہے۔

    سندھ ہائی کورٹ نے درختوں کی کٹائی کے خلاف درخواست پر متعلقہ حکام کو نوٹس جاری کر دیئے

  • الیکشن کمیشن کے دو نئے ممبران نے اپنے عہدے کا حلف اٹھالیا

    الیکشن کمیشن کے دو نئے ممبران نے اپنے عہدے کا حلف اٹھالیا

    اسلام آباد:پاکستان الیکشن کمیشن کے دو نئے ممبران نے اپنے عہدے کا حلف اٹھالیا صدر مملکت نے دونوں ممبران کی تقرری کی ہے-

    باغی ٹی وی : الیکشن کمیشن کے ممبر پنجاب اور ممبر خیبرپختونخوا کی حلف برداری اسلام آباد میں واقع ہیڈ آفس میں ہوئی جہاں چیف الیکشن کمشنر سکندر سلطان راجہ نے نئے ارکان سے حلف لیا۔

    الیکشن کمیشن کے ممبران میں بابر حسن بھروانہ نے پنجاب اور جسٹس (ر) اکرام اللہ خان نے ممبر خیبرپختونخوا کی حیثیت سے حلف لیا۔

    ایل پی جی کی قیمت میں کمی، نوٹیفکیشن جاری،پیٹرولیم مصنوعات کی قیمتیں برقرار

    سیکرٹری الیکشن کمیشن نے نئے ممبران کو مبارکباد دیتے ہوئے کہا کہ تمام صوبوں سےالیکشن کمیشن کےممبران مکمل ہوگئے ہیں-

    قبل ازیں چیف الیکشن کمشنرسکندرسلطان راجہ کا کہنا ہے کہ الیکشن کمیشن بغیرکسی خوف اپناکام جاری رکھےگا،عام انتخابات کیلئےاپناکام جاری رکھےہوئےہیں جب کہاجائےگاالیکشن کرادیں گے-

    اسلام آباد میں صحافیوں سے گفتگو کرتے ہوئے چیف الیکشن کمشنرسکندرسلطان راجہ نے کہا کہ حلقہ بندیوں سےمتعلق ابتدائی فہرستیں جاری کی جاچکی ہیں الیکشن کمیشن آئین کےمطابق ذمہ داریاں اداکرتارہےگاالیکشن کمیشن اپنے فیصلے بلا خوف کرتا ہے اور کرتا رہے گا فیصلوں سے کوئی ناراض یا راضی ہوتا ہے یہ ہمارا مسئلہ نہیں ،ان کا ہے سب ہمارے دوست ہیں-

    الیکشن کمیشن کی نئی حلقہ بندی: قومی اسمبلی میں نشستیں کم ہوگئیں

    انہوں نے کہا کہ الیکشن کمیشن آئین اور قانون کے مطابق فیصلے کرتا ہے ،انتخابات کے لیے ہمیشہ تیار ہیں،الیکشن کافیصلہ حکومت نے کرنا ہےالیکشن کمیشن کا کام صاف شفاف اور غیر جانبدار انتخابات کا انعقاد ہے ،مردم شماری کے حوالے سے الیکشن کمیشن کا موقف واضح تھا ،مردم شماری سرکاری طور پر شائع ہونے سے قبل حلقہ بندیاں نہیں کی جاسکتیں ،مئی 2021 میں 2017 کی مردم شماری کے نتائج شائع ہوئے-

    سندھ ہائی کورٹ نے درختوں کی کٹائی کے خلاف درخواست پر متعلقہ حکام کو نوٹس جاری کر دیئے

    سکندر سلطان راجہ نے کہا کہ نئی حلقہ بندیوں پر کام مردم شماری کے نتائج شائع ہونے کے بعد شروع کیا ،2018الیکشن اور حلقہ بندیوں کے حوالے سے آئینی ترمیم لائی گئی تھی ،حکومت ڈیجیٹل مردم شماری کرانا چاہتی ہے ،ڈیجیٹل مردم شماری کے نتائج دسمبر تک ملے تو بروقت حلقہ بندیاں ہوسکتی ہیں ،نتائج تاخیر کا شکار ہوئے تو 2017 کی مردم شماری کی بنیاد پر حلقہ بندیوں پر انتخاب ہوگا سابق ڈپٹی ا سپیکر نےاراکین قومی اسمبلی کے استعفوں کا کیس الیکشن کمیشن کو نہیں بھجوایا،

    پی ٹی آئی فارن فنڈنگ کیس سے متعلق سوال پر چیف الیکشن کمشنر کا کہنا تھا کہ فارن فنڈنگ کی سماعت جاری ،فریقین کو صفائی کا موقع دینا ضروری ہے،

    بجٹ میں سبسڈیز واپس لینے اور ٹیکسز میں اضافے کا امکان ہے،مفتح اسماعیل