Baaghi TV

Author: عائشہ ذوالفقار

  • ملک میں سازش گھمانے کی کوشش کی میں تمہیں جیل میں گھماؤں گا،حمزہ شہباز کی عمران خان کو وارننگ

    ملک میں سازش گھمانے کی کوشش کی میں تمہیں جیل میں گھماؤں گا،حمزہ شہباز کی عمران خان کو وارننگ

    وزیر اعلیٰ پنجاب حمزہ شہباز کا کہنا ہے کہ سیاست اپنی جگہ ملک سب سے اہم ہے –

    باغی ٹی وی : حمزہ شہباز نے گوجرانوالہ میں میڈیا سے گفتگو کرتے ہوئے کہا ہے کہ سیاسی لانگ مارچ ہوتے ہیں ہونے چاہیں۔ لیکن ان کے پیچھا انتشار نہیں ہونا چاہیے درختوں کوآگ لگانا کون سی سیاست ہے؟آپ کہتےہیں ملک کے 3 ٹکڑے ہوجائیں گےیہ کون سی سیاست ہے؟عمران خان لوگوں کوڈی چوک پردھاوابولنےکی دعوت دیتےہیں دھرنے کی آڑ خون خرابا مچانے کو جہاد نہیں کہتے آپ خود کہتے ہیں میرے دھرنے میں اسلحہ والے تھے-

    عمران خان کی ضمانت کی درخواست پر فیصلہ آ گیا

    وزیر اعلیٰ پنجاب نے کہا کہ اگر تم نے ملک میں سازش گھمانے کی کوشش کی میں تمہیں جیل میں گھماؤں گا۔اب تمہیں اجازت نہیں ملے گی سوچ سمجھ کر انتشار پھیلانے کی کوشش کرنا اس دفعہ جیل بھی بھیجیں گے کیونکہ تم ملک سے دشمنی کر رہے ہو آؤ جہاد کرنا ہے تو مہنگائی، غریبی، بے روزگاری کے کے خلاف کرو۔

    وزیراعظم نے بہاؤ الدین زکریا ٹرین میں خاتون سے زیادتی کا نوٹس لے لیا

    انہوں نے کہا کہ عمران خان کی طرح الزام تراشی نہیں کروں گا قوم سے وعدہ کیا غریب کے دکھوں کا مداوا کریں گے عوام نے عمران خان کا اصل چہرہ دیکھ لیا چارسال قوم نے برداشت کیا، تہماری کارکردگی صفر ہے۔قوم کو دوبارہ پیروں پر کھڑا کریں گے، معیشت بحال کریں گے، پاکستان کو قائد اعظم کا پاکستان بنائیں گے-

    عدالت نے حماد اظہر اور اسد قیصر کی گرفتاری روک دی

    حمزہ شہبا نے کہا کہ ،آج ملک کا سب سے بڑا مسئلہ مہنگائی ہے جو عمران خان نے تحفہ دیا ہے۔گھی اور چینی سستی کرکے قوم کو خوشخبری سنائیں گے چند دنوں میں سستی دوائیاں اور کینسر کی دعائیں فری مہیا کریں گے۔جتنا ممکن ہوسکے غریب کے کچن کی اشیائے ضروریہ کی قیمتوں کی کڑی نگرانی کریں گے-

    پاکستان کو عالمی سازش کے تحت خانہ جنگی کی طرف لے جایاجا رہا ہے،شیخ رشید

  • ‏سابق چئرمین واپڈا لیفٹیننٹ جنرل ر مزمل حسین کو نیب نے طلب کر لیا

    ‏سابق چئرمین واپڈا لیفٹیننٹ جنرل ر مزمل حسین کو نیب نے طلب کر لیا

    ‏سابق چئرمین واپڈا لیفٹیننٹ جنرل ریٹائرڈ مزمل حسین کے خلاف نیب حرکت میں آگیا-

    باغی ٹی وی : تفصیلات کے مطابق مزمل حسین کے غلط اقدامات کے باعث تربیلا فور پراجیکٹ 753ملین ڈالر کا نقصان ہونے کا الزام ہے مزمل حسین کو سنگین مالی بے ضابطگیوں کے الزامات پر نیب لاہور نے 6 جون کو طلب کرلیا-

    عمران خان گرفتاری سے ڈر گئے،ضمانت کی درخواست دائر کر دی

    واضح رہےکہ چیئرمین واپڈا لیفٹیننٹ جنرل ریٹائرڈ مزمل حسین نے گزشتہ ماہ عہدے سےاستعفیٰ دیا تھا مزمل حسین کا کہنا تھا کہ اپنا استعفیٰ آج وزیراعظم کو بھجوا دیا ہےاستعفیٰ دینے کی وجوہات ابھی شیئر نہیں کر سکتا لیکن استعفیٰ منظور ہونے کے بعد وجوہات پر تفصیلی گفتگو کروں گا میں نے اپنی تعیناتی کے دوران متعدد اہم آبی وسائل پر کام کیا، واپڈا کو اپنے پاؤں پر کھڑا کر کے دکھایا۔

    عمران خان کے بیان پر وزیراعظم شہباز شریف کا رد عمل

    یاد رہے کہ لیفٹیننٹ جنرل ریٹائرڈ مزمل حسین کو سابق وزیراعظم نواز شریف نے اگست 2016 میں چیئرمین واپڈا تعینات کیا تھا اور بعد ازاں پاکستان تحریک انصاف کی حکومت نے ان کی مدمت ملازمت میں توسیع کر دی تھی۔

    پاکستان کو عالمی سازش کے تحت خانہ جنگی کی طرف لے جایاجا رہا ہے،شیخ رشید

  • عدالت نے نمرہ کاظمی کی بازیابی سے متعلق درخواست نمٹا دی

    عدالت نے نمرہ کاظمی کی بازیابی سے متعلق درخواست نمٹا دی

    کراچی: سندھ ہائیکورٹ نے نمرہ کاظمی کی بازیابی سے متعلق درخواست نمٹا دی –

    باغی ٹی وی : تفصیلات کے مطابق پولیس نے کراچی سے لاپتہ ہونے والی لڑکی نمرہ کاظمی کا میڈیکل ٹیسٹ کرا لیا ہے اور میڈیکل ٹیسٹ کی رپورٹ عدالت میں بھی جمع کروا دی ہے میڈیکل رپورٹ کے مطابق نمرہ کاظمی کی عمر 17 سے 18 سال کے درمیان ہے۔

    کراچی سے گمشدہ دوسری لڑکی نمرہ نے بھی پنجاب آ کر نکاح کر لیا

    نمرہ کے شوہر نجیب شاہ رخ کے وکیل کا کہنا ہے کہ لڑکی کی میڈیکل رپورٹ آچکی ہے لہذا مقدمہ ختم کیا جائے۔ دوسری جانب نمرہ کاظمی کے والد کا کہنا ہے کہ میری بیٹی پر دباؤ ڈالا جا رہا ہے۔

    جس پر عدالت نے نمرہ کاظمی سے پوچھا کہ آپ کو وہاں کوئی مسئلہ تو نہیں ہے، آپ اپنی مرضی سے گئی تھیں یا آپ کو اغواء کیا گیا تھا، جس پرنمرہ نے بتایا کہ میں اپنی مرضی سے گئی تھی۔

    عدالت نے نمرہ کاظمی سے دوبارہ استفسار کیا کہ کیا آپ کو اغواء کیا گیا تھا؟ جس پر نمرہ نے بتایا کہ نہیں میں اکیلے اور اپنی مرضی سے گئی تھی جسٹس اقبال کلہوڑو نے کہا کہ بچے جب بڑے ہو جاتے ہیں تو ان کے بھی حقوق ہوتے ہیں۔

    دوسری جانب نجیب شاہ رخ کے وکیل نے کہا کہ لڑکی سے شیلٹر ہاؤس میں کسی کو بھی ملنے کی اجازت نہ دی جائےجس پر جسٹس آغا فیصل نے ریمارکس دیئے کہ آپ نے یہ درخواست دائر نہیں کی، کیوں کسی کو لڑکی سے ملنے سے روک دیں؟

    عدالت نے کہا کہ معاملہ ٹرائل کورٹ کو بھیج دیتے ہیں اور نمرہ کاظمی کو دار الامان بھیج دیتے ہیں، ٹرائل کورٹ کو ہدایت کر دیتے ہیں کہ کسٹڈی کا فیصلہ کرے۔

    عدالت نے پولیس کو قانون کے مطابق کیس کا چالان ٹرائل کورٹ میں جمع کرانے کی ہدایت کرتے ہوئے کہا کہ دارالامان میں نمرہ کاظمی سے والدین اور شوہر کو ملنے کی اجازت ہو گی، نمرہ کاظمی کی کسٹڈی اور دیگر معاملات کا فیصلہ ٹرائل کورٹ کرے گی-

    واضح رہے کہ سندھ ہائیکورٹ نے 2 روز قبل نمرہ کاظمی کی عمر کے تعین کے لیے لڑکی کا میڈیکل ٹیسٹ کرنے کا حکم دیتے ہوئے اسے شیلٹرہاؤس بھیجنےکی ہدایت کی تھی عدالت نے اپنےحکم نامے میں کہا تھا کہ اگر لڑکی کی عمر 18 سال ہوئی تو اسے شوہر کے ساتھ جانے کی اجازت دے دیں گے۔

    لاہور میں 200 کا جوتا چوری ہونے پر مقدمہ

    نمرہ کاظمی 20 اپریل کو سعود آباد ایس ون ایریا سے لاپتہ ہوئی تھی، اس کی والدہ کا کہنا تھا کہ وہ صبح 9 بجے کام سے گئی، واپس گھر آئی تو نمرہ غائب تھی، کافی تلاش کے باوجود بیٹی کا کچھ پتہ نہیں چل سکا میری بیٹی دسویں جماعت کی طالبہ ہے اور اس کے امتحان ہونے والے تھے تاہم بعد ازاں پولیس کی تحقیقات میں پتہ چلا کہ نمرہ نے ڈیرہ غازی خان میں ایک لڑکے سے نکاح کرلیا ہے جس کا نام نجیب شاہ رخ ہے نمرہ کی نجیب شاہ رخ سے دوستی آن لائن گیم کے ذریعے ہوئی اور وہ ایک ماہ سے اس سے رابطے میں تھی۔

    تحقیقات کے دوران پولیس کو ڈیرہ غازی خان سے ایک نکاح نامہ ملا ہے جس میں نمرہ اور شاہ رخ کے نام ہیں، نکاح نامے میں نمرہ کی عمر 18 سال بتائی گئی ہے جب کہ ایف آئی آر میں اس کی عمر 18 سے کم بتائی گئی تھی دوسری جانب ب فارم کے مطابق نمرہ کاظمی کی تاریخ پیدائش 6 جنوری2008 ہے اور اس کی عمر 14 سال ہے، تاہم نکاح نامے میں نمرہ کاظمی کی عمر18 سال لکھی گئی ہے۔

    لاہور میں 200 کا جوتا چوری ہونے پر مقدمہ

  • ملکہ برطانیہ کے تخت نشینی کے ستر سال مکمل،آج سے پلاٹنیم جوبلی کی شاندار تقریبات کا آغاز

    ملکہ برطانیہ کے تخت نشینی کے ستر سال مکمل،آج سے پلاٹنیم جوبلی کی شاندار تقریبات کا آغاز

    برطانوی ملکہ کے تخت نشینی کے ستر سال مکمل، آج سے پلاٹنیم جوبلی کی شاندار تقریبات کا آغاز ہوگا۔

    باغی ٹی وی : برطانوی خبررساں ادارے "بی بی سی اردو” کے مطابق ملکہ برطانیہ کی پلاٹینم جوبلی کے لیے، بالکونی ایک بار پھر ایک تاریخی سنگ میل پر تصویر کشی کا موقع فراہم کرے گی، جس میں ملکہ الزبتھ دوم اور شاہی خاندان کے دیگر 17 ارکان جمعرات کو جلوہ گر ہوں گے، گذشتہ مواقع پر بالکونی میں 40 سے زیادہ افراد موجود تھے۔

    ترک صدر رجب طیب اردوان اورشہبازشریف کی ملاقات:مشترکہ پریس کانفرنس بھی کی

    بالکونی میں صرف صرف ’شاہی ذمہ داریاں نبھانے والے‘ اور ان کے بچے نظر آئیں گے، جس میں ملکہ کے بیٹے پرنس اینڈریو، اور ان کے پوتے پرنس ہیری، اور ان کی اہلیہ میگھن، ڈچس آف سسیکس شامل نہیں ہیں پرنس اینڈریو امریکی جنسی زیادتی کے مقدمے کے تناظر میں مستعفی ہو گئے۔ شہزادہ ہیری اور میگھن اپنی شاہی ذمہ داریوں سے دستبردار ہو کر امریکہ چلے گئے ہیں۔


    تقریب کی کوریج کے لیے بین الااقومی میڈیا اور دوسرے ممالک سے سیاح بھی پہنچ گئے ہیں، کئی سیاحوں نے لندن مال کے قریب کیمپس لگا لیے، بکھنگم پیلس نے ملکہ الزبتھ کی نئی تصویر بھی جاری کردی۔ 96 سالہ ملکہ کے اعزاز میں چار روزہ جشن منایا جائے گا۔

    ملکہ الزبتھ کو پانچ سو سے زائد گھڑ سوار خراج تحسین پیش کریں گے "آ گیلپ تھرو ہسٹری” میں ملکہ کے70 سالہ اقتدار کی جھلک دکھائی جائے گی، ونڈسرکاسل میں ایک ہزار تین سو فنکاروں سمیت 4 ہزار شائقین شرکت کریں گے یہ صرف ایک لائن اپ نہیں ہے، بلکہ جانشینی کی ایک لائن ہے، اس لیے 17 لوگوں کا انتخاب بھی انتہائی اہمیت کا حامل ہے۔

    ایسی تجاویز بھی سامنے آ رہی ہیں کہ ملکہ اتوار کو دوبارہ بالکونی میں جلوہ گر ہوں اور اس مرتبہ صرف اپنے جانشینوں پرنس چارلس، اپنے پوتے پرنس ولیم اور نواسے پرنس جارج کے ہمراہ۔

    2جون 1953 کو برطانیہ کی ملکہ کی حیثیت سے تخت نشین ہونے والی الزبتھ الیگزینڈرا میری 21 اپریل 1926 کو برطانوی بادشاہ جارج چہارم کے گھر پیدا ہوئیں ملکہ برطانیہ برطانوی تاریخ میں سب سے طویل عرصے تک حکمرانی کرنے والی خاتون ہیں۔

    پاکستان اور ترکی کے درمیان مضبوط سفارتی تعلقات ہیں:بلاول بھٹو

  • عمران خان کی ضمانت کی درخواست پر فیصلہ آ گیا

    عمران خان کی ضمانت کی درخواست پر فیصلہ آ گیا

    پشاور ہائیکورٹ نے چئیرمین پی ٹی آئی عمران خان کی راہداری ضمانت 25 جون تک منظور کرلی

    عمران خان کی راہداری ضمانت کیلئے درخواست پرسماعت ہوئی، چیئرمین پی ٹی آئی عمران خان پشاورہائیکورٹ میں پیش ہوئے عمران خان کی ضمانت 50 ہزار روپے اور دو شخصی ضمانتوں پر منظور کی گئی

    قبل ازیں ‏چئیرمین پی ٹی آئی عمران خان نے راہداری ضمانت کیلئے پشاور ہائی کورٹ میں درخواست دائر کی تھی،

    لانگ مارچ، عمران خان سمیت تحریک انصاف کے رہنماؤں پر مقدمہ درج

    واضح رہے کہ اسلام آباد میں پی ٹی آئی کا لانگ مارچ عمران خان سمیت 150افراد کیخلاف 3 مقدمات درج کئے گئے تھے مقدمات میں جلاؤ گھیراؤ اور توڑ پھوڑ کی دفعات شامل کی گئی تھیں ، مقدمہ تحریک انصاف کے چیئرمین عمران خان سمیت باقی قیادت، کارکنان پر درج کئے گئے مقدمات میں 39 افراد کی گرفتاری بھی ظاہر کی گئیتھی ،درج مقدمات میں اسد عمر، عمران اسماعیل ، راجہ خرام نواز ،علی امین گنڈا پور اور علی نواز اعوان کے نام بھی شامل ہیں-

    درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

    کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    پولیس کا کہنا تھا کہ مقدمات تحریک انصاف کے ڈی چوک پر لانگ مارچ پر تھانہ کوہسار میں درج ہوئے ہیں دونوں مقدمات میں جلاؤ گھیراؤ اور توڑ پھوڑ کی دفعات شامل کی گئی ہیں، گرفتار افراد نے سابق وزیراعظم، تحریک انصاف کے چیئرمین عمران خان و دیگر رہنماؤ ں کی ایما پر سرکاری املاک کو نقصان پہنچایاجناح ایونیو پر میٹرو اسٹیشن کو آگ لگائی گئی، ایکسپریس چوک پر سرکاری گاڑی کو نقصان پہنچایا گیا-

    درج مقدموں میں لکھا گیا تھا کہ مظاہرین نے پولیس پارٹی پر پتھراؤ کیا، مظاہرین نے پولیس کی گاڑیوں کے شیشے توڑے،درختوں کو آگ لگائی، ڈنڈے اٹھا کر آنے والے مظاہرین نے پولیس پر حملہ کیا، دو مقدموں میں کئی نامزد ملزمان کو گرفتار بھی کیا گیا تھا –

    پی ٹی آئی رہنماؤں کیخلاف مقدمات درج کر لئے

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

  • پاکستان کو عالمی سازش کے تحت خانہ جنگی کی طرف لے جایاجا رہا ہے،شیخ رشید

    پاکستان کو عالمی سازش کے تحت خانہ جنگی کی طرف لے جایاجا رہا ہے،شیخ رشید

    راولپنڈی: عوامی مسلم لیگ کے رہنما شیخ رشید کا کہنا ہے کہ پاکستان کو عالمی سازش کے تحت خانہ جنگی کی طرف لے جایاجا رہا ہے-

    باغی ٹی وی : سابق وزیرداخلہ شیخ رشید نے بیان میں کہا کہ نواز اور شہباز عوام کو مہنگائی کی چکی میں ڈال رہے ہیں، نوازشریف اور شہبازشریف کے ان اقدامات سے بےروزگاری بڑھے گی،چوری اورڈاکے عام ہوں گے اورخودکشیاں ہوں گی۔ ملک میں امن وامان کا مسئلہ ہوگا اورسیاسی خلفشار سے خانہ جنگی جیسے حالات پیدا ہوں گے۔

    عمران خان کے بیان پر وزیراعظم شہباز شریف کا رد عمل

    شیخ رشید نےکہا کہ عمران خان 30 فیصد کم نرخ پر روس سے گیس گندم اور پیٹرول لے رہے تھے ،بھارت روس سے اب 30 فیصد رعایت پر گیس اور گندم خرید رہا ہے سامراجی طاقتوں نےعمران خان کے خلاف عدم اعتماد کرکے منصوبے کو ناکام بنایا اوراپنے ایجنٹوں کواقتدارمیں لے آئے۔

    سابق وفاقی وزیر شیخ رشید نے کہا کہ سپریم کورٹ25مئی کو پولیس تشدد کا از خود نوٹس لے،اجرتی قاتل رانا ثنا اللہ صوبوں اور مرکز کو لڑانا چاہتے ہیں،وزیراعلیٰ خیبر پختونخواکو اسلام آباد داخلے سے روکا جا رہا ہے،سپریم کورٹ ہی ان قوتوں کو بے نقاب کرسکتا ہے جنہوں نے ملک کو انتشار،خلفشار اورمعاشی بحران میں ڈالا اسرائیل کو تسلیم کرنے کے پیچھے کون ہے؟ کیا مقاصد ہیں؟کشمیریوں کے خون سے غداری کرکے بھارت سے تجارت کس کے کہنے پرشروع کی جارہی ہے۔

    ترکی میں مقیم غیرقانونی سرگرمیوں میں ملوث دو پاکستانی گرفتار

    شیخ رشید نے کہا کہ بھارت سے تجارت کس کے کہنے پر کرنے جارہے ہیں؟کیا پاکستان کو دوسرا یوکرین بنانے کی کوشش کی جا رہی ہے؟ایٹمی قوت کے حامل ملک کی معیشت کو تباہ کیا جا رہاہے،ایٹمی اثاثوں سے متعلق آنے والے دنوں میں پریشر بڑھایا جائے گا،بھارت اور اور اسرائیلی لابی نے اپنا کام شروع کر دیا ہے حکومت دراصل میں لندن سے چلائی جا رہی ہے،حکومت کی اوور سیز ووٹنگ پر قانون سازی بے معنی ہے،ہائی کورٹ میں درخواست دی کہ میرے تمام کیسز کو یکجا کیا جائے-

    عدالت نے حماد اظہر اور اسد قیصر کی گرفتاری روک دی

  • وزیراعظم نے بہاؤ الدین زکریا ٹرین میں خاتون سے زیادتی کا نوٹس لے لیا

    وزیراعظم نے بہاؤ الدین زکریا ٹرین میں خاتون سے زیادتی کا نوٹس لے لیا

    وزیراعظم شہباز شریف نے بہاو الدین زکریا ٹرین میں خاتون سے زیادتی کا نوٹس لے لیا-

    باغی ٹی وی : تفصیلات کے مطابق پی ایم اسٹریٹجک ریفارمز نے خواتین کےتحفظ کے لیے ریلوے سیکیورٹی کے طریقہ کار میں تبدیلیوں کی تجویز پیش کی ہے –

    ملتان سے کراچی جانیوالی ٹرین میں خاتون کے ساتھ ٹرین عملے کی اجتماعی زیادتی

    اسٹریٹجک ریفارمز نے اپنی تجویز میں کہا کہ لیڈی ریلوے پولیس فورس کی ٹیمیں ٹرین اسٹیشنز پر تعینات کی جائیں گی، خاتون مسافروں کی رہنمائی اور سیکیورٹی کے لیے سفر سہیلی موبائل ایپ لانچ کی جائے گی-

    پی ایم اسٹریٹجک ریفارمز نےاپنی تجویز میں کہا کہ پرنٹ شدہ ٹکٹوں پر ایپ ڈاؤن لوڈ کرنے کی ہدایات ہوں گی،ایمرجنسی نمبر بھی پرنٹ کیا جائے گا ،اسٹیشنز پر لیڈی سب انسپکٹر اور 2 لیڈی کانسٹیبل کی ٹیمیں تشکیل دی جائیں گی-

    تجویز میں مزید کہا گیا کہ ٹرینوں میں مسافروں کی تعداد کے مطابق ٹیموں کی تعداد میں اضافہ کیا جائے گا،ٹرینوں میں ایمرجنسی ایس اوایس بٹن نصب کیے جائیں گے-

    بچوں سے زیادتی، ملزم کو پھانسی،ویڈیو بنانیوالے کو قید،نوکری نہ دینے کا بل تیار

    واضح رہے کہ ملتان سے کراچی جانے والی زکریا ایکسپریس میں خاتون کے ساتھ ٹرین عملے نے اجتماعی زیادتی کی تھی خاتون کا تعلق شہر قائد کراچی سے تھا، دوران سفر ٹکٹ چیکر ،انچارج اور ایک اور شخص نے خاتون کے ساتھ زیادتی کی ہے، خاتون مظفر گڑھ سے اپنے سسرال سے واپس کراچی جا رہی تھی-

    مقدمہ درج کرانے کے بعد ‏زکریا ایکسپریس واقعہ میں نامزد تینوں ملزمان گرفتار کر لیے گئے تھے ملزمان کو سمندری، جہانیاں اور شور کوٹ سے گرفتار کیا گیا ملزمان زوہیب، زاہد اور عاقب واقعہ سامنے آمنے پر فرار تھے-

    ایئر پورٹس پر خاتون بمبار حملہ کر سکتی ہے، الرٹ جاری

  • عمران خان کے بیان پر وزیراعظم شہباز شریف کا رد عمل

    عمران خان کے بیان پر وزیراعظم شہباز شریف کا رد عمل

    وزیراعظم شہباز شریف نے عمران‌خان کے بیان پر ردعمل دیتے ہوئے کہا ہے کہ عمران نیازی ملک کے خلاف کھلی دھمکیاں دے رہے ہیں۔

    باغی ٹی وی : وزیراعظم شہباز شریف نے ٹوئٹرپربیان میں کہا کہ عمران نیازی ملک کے خلاف کھلی دھمکیاں دے رہے ہیں۔ اگرکسی کو ثبوت کی ضرورت تھی کہ نیازی حکومتی عہدے کے لئے نااہل ہیں تو ان کا تازہ انٹرویو کافی ہے۔

    سیاسی رہنما عمران خان پر برس پڑے،ناپاک بیان پر گلی گلی احتجاج کی ہدایت


    شہباز شریف نے مزید کہا کہ سیاست کریں لیکن اس میں حد پارکرتے ہوئے پاکستان کو تقسیم کرنے کی بات کرنے کی جرات نہ کریں۔ انہوں نے کہا کہ میں ترکی میں ہوں اورپاکستان اورترکی کے درمیان مختلف معاہدوں پردستخط کررہا ہوں۔

    قبل ازیں سابق صدر آصف علی زرداری نے عمران خان کے بیان کی سخت الفاظ میں مزمت کی تھی انہوں نے کہا تھا کہ کوئی بھی پاکستانی اس ملک کے ٹکرے کرنے کی بات نہیں کرسکتا یہ زبان ایک پاکستانی کی بلکہ مودی کی ہے ،عمران خان دنیا میں اقتدار ہی سب کچھ نہیں ہوتا ، بہادر بنو اور اپنے پاؤں پر کھڑے ہوکر سیاست کرنا اب سیکھ لو.

    آصف زرداری نے کہا تھا کہ اس ملک کے تین ٹکرے کرنے کی خواہش ہمارے اور ہماری نسلوں کے جیتے جی نہیں ہوسکتی اور إِنْ شَاءَ ٱللَّٰهُ پاکستان تا قیامت آباد رہے گا،سابق صدر نے پاکستان پیپلز پارٹی کو بھی ہدایت دی کہ عمران خان کے اس ناپاک بیان پر گلی گلی احتجاج کریں.

    اقتدار کیا گیا عمران خان پاکستان توڑنے کی باتیں کرنے لگے

    واضح رہے کہ عمران خان نے نجی ٹی وی دیے گئے ایک انٹرویو میں کہا تھا کہ اگر اسٹیبلشمنٹ اس وقت صحیح فیصلے نہیں کرے گی تو لکھ کر دیتا ہوں کہ فوج سب سے پہلے تباہ ہوگی، فوج ہٹ ہوئی تو یوکرین کی طرح پاکستان کا ایٹمی پروگرام بھی ختم کردیا جائے گا۔

    عمران خان نےکہا تھا کہ اگر ایٹمی پروگرام ختم ہوا تو ملک کے تین ٹکڑے ہوں گے۔ انہوں نے مزید کہا کہ اگر ان لوگوں کو اقتدار سے نہیں نکلا گیا تو ملک کے جوہری اثاثے چھن جائیں گے۔

    عمران خان نے حقیقی آزادی لانگ مارچ منسوخ کرنے کی وجہ بتاتے ہوئے کہا تھا کہ اگر میں یہ فیصلہ نہیں کرتا تو خانہ جنگی کا خدشہ تھا کیونکہ عوام بہت زیادہ مشتعل تھے۔

    عمران کی زبان ایک پاکستانی کی نہیں بلکہ مودی کی ہے:آصف زرداری

  • عدالت نے حماد اظہر اور اسد قیصر کی گرفتاری روک دی

    عدالت نے حماد اظہر اور اسد قیصر کی گرفتاری روک دی

    اسلام آباد ہائی کورٹ نے سابق وفاقی وزیر حماد اظہر اورسابق اسپیکرقومی اسمبلی اسد قیصر کی گرفتاری سے روک دیا۔

    باغی ٹی وی : اسلام آباد ہائیکورٹ میں پی ٹی آئی لانگ مارچ کیس میں لاہورمیں درج مقدمے میں سابق وفاقی وزیرحماد اظہرکی5 ہزار روپے کے مچلکوں کے عوض حفاظتی ضمانت منظورکی عدالت نے حماد اظہر کو11 روز میں مقامی عدالت کے سامنے پیش ہونے کی ہدایت کی۔حماد اظہراپنے وکیل فیصل چوہدری کے ہمراہ عدالت میں پیش ہوئے۔

    عمران کی زبان ایک پاکستانی کی نہیں بلکہ مودی کی ہے:آصف زرداری

    اسلام آباد ہائیکورٹ نےقومی اسمبلی کے سابق اسپیکراسد قیصر کی گرفتاری سے بھی روک دیا۔اسد قیصرکیخلاف پی ٹی آئی لانگ مارچ کے حوالے سے مقدمات درج ہیں۔

    اسلام آباد ہائی کورٹ نے اسد قیصر کی درخواست پرسیکریٹری داخلہ اوردیگرکو نوٹس جاری کرتے ہوئے سیکریٹری داخلہ اوردیگرفریقین کو آئندہ سماعت تک جواب جمع کرانے کی ہدایت کی۔عدالت نے اسد قیصر کے خلاف چاروں صوبوں اورایف آئی اے درج مقدمات کی تفصیل طلب کرتے ہوئے سماعت 2 ہفتوں کے لئے ملتوی کردی۔

    مفتاح اسماعیل سے ٹیلی کام سیکٹر کے وفد کی ملاقات

    دوسری جانب سابق اسپیکر قومی اسمبلی اسدقیصر نے کہا کہ ہمارے لوگوں پر تشدد ہوا ، خواتین اور بچوں پر شیلنگ کی گئی ، ہم قائد اعظم کے پاکستان کے لیے جدوجہد کررہے ہیں،مختلف صوبوں کے تھانوں میں مقدمات درج کیے جارہے ہیںآئی ایم ایف نے ہم پر سخت شرائط عائد کی ہیں،سابق اسپیکر قومی اسمبلی اسدقیصر

    اسد قیصر نے کہا کہ مقدمات سیاسی ہیں، ہراساں کرکے تحریک کو سبوتاژ کرناچاہتے ہیں،ہمارا مطالبہ شفاف اورجلد الیکشن ہیں،معاشی حالات دن بدن خراب ہورہے ہیں ،مہمارےخلاف سیاسی بنیادوں پرمقدمات درج کیےگئے، لک ہمارا ، عوام ہماری، فوج ہماری اور یہ ادارے بھی ہمارے ہیں،حتمی فیصلہ عوام نے ہی کرناہے، قانونی اور عوامی جنگ لڑیں گے-

    ترکی میں مقیم غیرقانونی سرگرمیوں میں ملوث دو پاکستانی گرفتار

  • ٹوئٹر نے کمیونیٹیز میں انگیجمنٹ کو بڑھانے کیلئے نیا طریقہ متعارف کرا دیا

    ٹوئٹر نے کمیونیٹیز میں انگیجمنٹ کو بڑھانے کیلئے نیا طریقہ متعارف کرا دیا

    ٹوئٹر نے کمیونیٹیز میں انگیجمنٹ کو بڑھانے کے لیے ایک نیا طریقہ متعارف کرا دیا۔

    باغی ٹی وی : ٹوئٹر کی جانب سے متعارف کرائے گئے اس نئے فیچر میں کمیونیٹی کے ایڈمن ٹیب کے اوپر ٹوئٹس کو پِن کر کے انگیجمنٹ بڑھا سکیں گے ٹوئٹر کمیونیٹی موڈ میں ’پِن ٹو کمیونیٹی‘ کاایک نیا آپشن کسی بھی کمیونیٹی ٹوئٹ کو فِیڈ کےاوپری سرے پرتعین کردے گا اوروہ ٹوئٹ بطور نوٹس کام میں لایا جاسکےگا یہ آپشن صارفین کی ٹوئٹر کمیونیٹیز میں مزید بہتر انگیجمنٹ لانے میں مدد گار ثابت ہو سکے گا۔

    ٹوئٹر نے اس حوالے سے اپنے بیان میں کہا کہ کچھ ٹویٹس اسپاٹ لائٹ کے مستحق ہیں، یہی وجہ ہے کہ موڈز اور ایڈمنز اب اپنی کمیونٹی ٹویٹس کو ویب پر پن کر سکتے ہیں۔ اس خصوصیت کی بہت زیادہ درخواست کی گئی تھی اور ہم یہ دیکھ کر بہت پرجوش ہیں کہ آپ اسے کیسے استعمال کرتے ہیں موڈز اور ایڈمنز کے لیے iOS اور Android پر اپنی کمیونٹی ٹویٹس کو پن کرنے کا یہ فیچر جلد پیش کیا جائے گا-

    یہ آپشن آپ کی ٹویٹر کمیونٹیز میں زیادہ توجہ مرکوز کرنے میں مدد کر سکتا ہے – اگرچہ ٹویٹر کا زیادہ منسلک کمیونٹیز آپشن واقعی سروس کے لیے موزوں رہے گا یا نہیں یہ ایک اور سوال ہے اب تک کمیونیٹیز کی محدود انگیجمنٹ سامنے آنے کے باوجود یہ فیچر ٹوئٹر سے ہٹتا نہیں دِکھائی دے رہا اور اس کی ایک وجہ یہ بھی ہے کہ ٹوئٹر مختلف معاملات پر لوگوں کے خیال کا احترام کرتے ہوئے اپنی رائے پیش کرنے کا حق دیتا ہے۔

    لیکن کمیونیٹیز اس کے مخالف سمت میں جاتی ہے اور گفتگو کو محدود رکھنے کےکچھ فوائد بھی ہو سکتے ہیں لیکن کیا یہ ٹوئٹر کے لیے کارگر ہے، جہاں صارفین کی اکثریت اپنے خیالات کو اپنے فالوورز کے ساتھ شیئر کرنے کا سوچتی ہے۔

    واضح طور پر، یقینی طور پر اس طرح کی گنجائش موجود ہے، ٹوئٹر صارفین مختلف موضوعات کے لیے متبادل ٹوئٹر ہینڈل بنا رہے ہیں۔ یعنی اگر کوئی صارف کرکٹ کا شوقین ہے اور ڈیجیٹل مارکیٹنگ بھی کرتا ہے تو اس کی مختلف فیڈ اور آڈینس ہو سکتی ہے، جس پر اس کے موضوع کے حساب سے ٹوئٹس موجود ہوں گی۔ فیڈ پر وہ غیر ضروری ٹوئٹس موجود نہیں ہوں گی جس سے اس کا کوئی تعلق نہیں ہوگا۔

    کمیونٹیز اس کو حل کرنے کے لیے ایک ذریعہ فراہم کرتی ہیں – اگرچہ ٹویٹر کے پاس دوسرے، زیادہ عملی حل موجود ہیں جو صارف کے رویے کو تبدیل کرنے اور ان کی بات چیت کی رسائی کو محدود کرنے کے برعکس، ٹویٹر کے حتمی استعمال کے معاملے کے ساتھ بہتر طور پر موافق نظر آتے ہیں۔

    ‘Facets’ نامی یہ آپشن، جو ٹویٹر نے گزشتہ جولائی شیئر کیا تھا، صارفین کو ایک پروفائل سے مختلف عنوانات کے بارے میں ٹویٹ کرنے کے قابل بنائے گااس کے بعد ان کے فالوورز یہ منتخب کر سکیں گے کہ وہ کون سے عناصر اور ٹویٹس کی پرواہ کرتے ہیں، یا نہیں کرتے۔