اسلام آباد: سینئیر رہنما پاکستان مسلم لیگ اور وفاقی وزیر داخلہ رانا ثنااللہ نے کہا ہےکہ یہ مشترکہ غم ہے،جامعہ کراچی دھماکا پاک چین دوستی پر حملہ ہوا ہے اور اس سے پوری قوت سے نمٹیں گے۔
باغی ٹی وی : اسلام آباد میں میڈیا سے گفتگو کرتے ہوئے رانا ثنااللہ نے جامعہ کراچی دھماکےکے مجرموں کو عبرت کا نشان بنانے کے عزم کا اظہار کیا۔
انہوں نے کہا کہ وزیراعظم کی ہدایت پر آج کراچی جا رہا ہوں متعلقہ حکام سے ملاقات کرکے حقائق معلوم کروں گا اور دہشتگردی کی تحقیقات سے عظیم دوست چین کو مکمل آگاہ رکھیں گے۔
جامعہ کراچی: خودکش حملہ آور خاتون کون تھی؟ اہم انکشافات سامنے آگئے
وزیر داخلہ کا کہنا تھا کہ پاکستان چینی بھائیوں سے بھرپوریک جہتی کرتا ہے، یہ مشترکہ غم ہے، یہ پاک چین دوستی پر حملہ ہوا ہے اور اس سے پوری قوت سے نمٹیں گے۔
رانا ثنااللہ نے مزید کہا کہ چینی باشندوں کی سکیورٹی کے تمام آپریٹس کا ازسرنوجائزہ لیں گے، سکیورٹی کے مکمل جائزے کے بعد مؤثر اقدامات کریں گے باریک بینی سے ہر پہلو کی جانچ کریں گے، مجرموں کو قانون کےکٹہرے میں لانے کے لیے وفاقی حکومت بھرپورتعاون کرےگی۔
کراچی یونیورسٹی میں ایک خاتون کا خودکش حملہ:کئی سوالات چھوڑگیا
دوسری جانب جامعہ کراچی کے چاروں گیٹ پر سیکیورٹی بڑھادی گئی، چاروں گیٹ پر رینجرزاہلکار اور جامعہ سیکیورٹی گارڈ تعینات کردیئےگئے شیخ زید کیمپس ،مسکن میٹروول گیٹ غیرمتعلقہ ٹرانسپورٹ کےلیے بند کر دیا گیا
جامعہ کراچی میں خودکش دھماکےکے بعد سیکیورٹی سخت کردی گئی،جامعہ کراچی کے داخلی راستوں پر چیکنگ کا عمل جاری ہے،اسٹوڈنٹ کارڈ اور یونیورسٹی کا پاس جس گاڑی پر ہوگا نہ اندر داخل ہوسکے گی-
