Author: عائشہ ذوالفقار

ٹوکیو: جاپان کے شمال میں واقع جزیرے ہوکائیڈو کے قریب دو بچوں سمیت 26 سیاحوں سے بھری کشتی لاپتہ ہوگئی ہے، جس کی تلاش کے لیے ریسکیو آپریشن جاری ہے۔

باغی ٹی وی : بی بی سی کے مطابق جاپان کے کوسٹ گارڈز نے بتایا کہ سیاحتی کشتی میں دو بچوں سمیت 26 مسافر سوار تھے، جاپان کے شمالی جزیرے ہوکائیڈو کے گرد سیر کے دوران لاپتہ ہوئی۔

حکام کا اس بحری جہاز سے رابطہ منقطع ہو گیا، جس میں 26 افراد سوار تھے‘KAZU I’ نامی کشتی کے عملے نے کوسٹ گارڈز کو دوپہر 1:15 پر اطلاع دی کہ وہ پانی میں طغیانی کا شکار ہے جبکہ 3 بجے کے قریب رابطہ منقطع ہونے سے پہلے کشتی 30 ڈگری پر جھکنے کی اطلاع دی گئی۔

امریکی عبادت گاہوں کی رکنیت میں کمی،گزشتہ برس 2 کروڑ 60 لاکھ امریکیوں نے باقاعدگی…

فوٹو : بی بی سی
کوسٹ گارڈز نے مزید بتایا کہ کشتی کا سراغ لگانے کیلئے ایک ہیلی کاپٹر اور اور بورڈز روانہ کی گئیں مقامی ماہی گیری کی کشتیاں بھی تلاش میں شامل ہو گئی ہیں تاہم رات 9 بجے تک کشتی اور مسافروں کا کوئی سراغ نہیں مل سکا ہے اس کے بعد سے چار افراد کو تلاش کیا گیا ہے اور انہیں طبی امداد کے لیے لے جایا گیا ہے۔

اٹلانٹس رائل،کیا یہ دبئی کا سب سے پرتعیش ہوٹل ہے؟

خیال کیا جاتا ہے کہ کازو 1 نامی کشتی شیریٹوکو جزیرہ نما کے گرد تین گھنٹے کے سیاحتی سفر پر تھی کشتی میں سوار 26 میں سے دو عملہ اور دو بچے تھے۔

فوٹو بی بی سی
علاقے میں لہریں بلند تھیں اور مقامی ماہی گیری کی کشتیوں نے بظاہر آدھی صبح تک بندرگاہ پر واپس آنے کا فیصلہ کیا تھا عملے نے مبینہ طور پر کہا کہ جہاز میں سوار تمام افراد نے لائف جیکٹس پہن رکھی تھیں لیکن جب رات ہوتی ہے تو اس علاقے میں درجہ حرارت 0C (32F) تک گر سکتا ہے۔

یہ علاقہ یونیسکو کے عالمی ثقافتی ورثے کا ایک نامزد مقام ہے، اور کشتیوں کی سیر ان سیاحوں میں مقبول ہے جو پتھریلے ساحلوں پر وہیل اور سمندری شیروں کے ساتھ ساتھ بھورے ریچھوں کو دیکھنے آتے ہیں-

ایک ہی کمپنی میں 84 سال تک ملازمت کرنےوالے 100 سالہ شخص نےنیا گنیزورلڈ ریکارڈ قائم کردیا

روس نے اوڈیسا کے نزدیک یوکرینی افواج کو مغربی ممالک کے مہیاکردہ اسلحہ کے ڈپو پرمیزائل حملہ کر دیا-

باغی ٹی وی : عالمی خبررساں ادارے کے مطابق روس کی وزارت دفاع نے اوڈیسا کے نزدیک یوکرینی افواج کو امریکا اور یورپی ممالک کی جانب سے مہیا کردہ ہتھیاروں اور گولہ بارود کے ایک ڈپو پرفوج کے میزائل حملے کی اطلاع دی ہے۔

برطانیہ کا یوکرین کو بحری جہاز شکن میزائل فراہم کرنے پرغور

وزارت دفاع نے ہفتے کے روز ایک بیان میں کہا ہے کہ روسی مسلح افواج نے آج اوڈیسا کے قریب فوجی ہوائی اڈے پر ایک لاجسٹک ٹرمینل پرہدف کو ٹھیک ٹھیک نشانہ بنانے اورطویل فاصلے تک مارکرنے والے میزائل داغے ہیں اس جگہ امریکا اور یورپی ممالک کی جانب سے مہیّا کردہ غیرملکی ہتھیاروں کا ایک بڑا ذخیرہ جمع کیا گیا تھا۔

وزارت نے مزید بتایا کہ روسی فوج نے میزائلوں کے ذریعے یوکرین میں مجموعی طور پر22 فوجی مقامات کو نشانہ بنایاہے ان میں الیچیوفکا اور کرماٹورسک کے قریب اسلحہ اور گولہ بارود کے تین ڈپو بھی شامل تھے۔

بیان میں مزید کہا گیا ہے کہ ہفتے کے روز روسی جنگی طیاروں نے 79 فوجی مقامات پربمباری کی ہے ان میں ہتھیاروں اورایندھن کے 16ڈپوؤں کو بھی ہدف بنایا گیا ہے۔

یوکرینی فضائیہ کا کارگو طیارہ گر کر تباہ،پائلٹ ہلاک دو افراد زخمی

واضح رہے کہ دوسری جانب امریکی محکمہ دفاع کے مطابق امریکی صدر جو بائیڈن کی جانب سے یوکرین کے لیے فوجی امداد کے نئے پیکج میں 155 ملی میٹرکی ہواِٹزر 72 ہاؤٹزر توپیں شامل ہیں جب کہ توپ کے 144,000 گولے،155 ملی میٹرہواِٹزرتوپوں کو کھینچنے کے لیے72 ٹیکٹیکل گاڑیاں یوکرین کو بھیجے جائیں گی اس کے علاوہ 121 "گھوسٹ” ٹیکٹیکل ڈرون بغیرانسان فضائی نظام اور فیلڈ آلات اور فاضل پرزہ جات تک بھی کیف کو دیئے جا رہے ہیں یوکرین نے نئی ہاؤٹزر بندوقیں 5 آرٹلری بٹالین (72 بندوقیں اور 144,000 راؤنڈز)بھی حاصل کیے ہیں امریکی صدر کی جانب سے اعلان کردہ امداد 24 گھنٹوں میں میدان جنگ تک پہنچنا شروع ہو جائے گی امریکی وزیر دفاع لائیڈ آسٹن نے کہا کہ یوکرین کے لیے امریکی امداد میں 150 ہووٹزر، بکتر بند گاڑیاں اور ریڈار شامل ہیں۔

امریکی حکام کے مطابق ”سپرٹ آف دی فینکس” ڈرون یوکرینیوں کی درخواست پر امریکی افواج نے تیار کیے ہیں یہ ڈرون صرف چند ہفتوں میں تیار کیے گئے تھے یہ خودکش ڈرون ہیں جو اپنے اہداف پر پھٹتے ہیں۔یہ سوئچ بلیڈ ڈرون کی طرح ایک ہتھیار ہے-

امریکی حکام نے تصدیق کی تھی کہ یہ ہتھیار یوکرینیوں کے حوالے کیے جا رہے ہیں اور وہ انہیں ٹھکانے لگا رہے ہیں۔

قبل ازیں جمعرات کوامریکی صدرجو بائیڈن نے یوکرین کے لیے 80 کروڑ ڈالر کی نئی فوجی امداد دینے کااعلان کیا تھا جبکہ روس کے اپنے پڑوسی ملک پر حملے کے خاتمے کے فوری طور پرکوئی آثار نظرنہیں آتے ہیں۔

فرانس کے صدارتی انتخاب کے دوسرےمرحلے کی ووٹنگ آج ہوگی،میکرون اور اپوزیشن امیدوار کے درمیان سخت…

رمضان المبارک کے ابتدائی 20 ایام میں 40 لاکھ سے زائد افراد نے عمرے کی سعادت حاصل کی۔

باغی ٹی وی :سعودی گزٹ کی رپورٹ کے مطابق سعودی حکام کے مطابق رمضان کے آغاز سے 20 رمضان تک 42 لاکھ افراد نے عمرہ ادا کیا واضح رہے کہ رواں برس حج میں بھی 10 لاکھ افراد کو شرکت کی اجازت ہوگی۔

مدینہ منورہ میں عازمین کی بس الٹ گئی، 8 عازمین جاں بحق اور43 زخمی

دوسری جانب سعودی عرب کے شہر مدینہ منورہ میں مسجد نبوی کی انتظامیہ نے ماہ رمضان کے دوران اب تک تقریبا ایک کروڑ چالیس لاکھ زائرین اور نمازیوں کی میزبانی کی ہے۔

سعودی عرب کی سرکاری نیوز ایجنسی "عودی پریس ایجنسی” نے مسجد نبوی کی انتظامی اتھارٹی کے حوالے سے بتایا ہے کہ انہوں نے مسجد کے عملے اور دیگر انتظامی ایجنسیوں کے تعاون کے ساتھ مسجد نبوی میں زائرین کی آمد و رفت کو آسان بنایا ہے۔

رپورٹ کے مطابق مسجد نبوی کی انتظامیہ 24 گھنٹے کام کرتے ہوئے لاکھوں زائرین کو ہر ممکن سہولیات فراہم کر رہی ہے سعودی وزارت صحت نے معتمرین اور زائرین کی بڑھتی تعداد کے پیش نظر حفظان صحت کو اولین ترجیح رکھا جس کے سبب کوئی وبائی مرض منظر عام پر نہیں آیا۔

سعودی حکومت نے پاکستان کے حج کوٹے کا اعلان کردیا

وزیر صحت فہد الجلاجل نے اپنے بیان میں کہا کہ صحت اتھارٹی طبی سہولیات فرہام کرتی رہے گی تاکہ عمرے کے لئے آنےوالے حضرات کو کسی مشکل کا سامنا نہ کرنا پڑے 22 اپریل 2022 تک ہسپتالوں میں 7200 زائرین کو لایا گیا جنہیں بروقت طبی امداد فراہم کی گئی۔

خیال رہے کہ گزشتہ دو برس سے عالمی وبا کورونا وائرس کی وجہ سے عمرے اور حج کیلئے محدود تعداد میں زائرین کو جانے کی اجازت تھی تاہم اس سال پابندیاں تقریباً ختم کردی گئی ہیں جس کے بعد بڑی تعداد میں لوگوں نے عمرے کیے ہیں۔

مائیکل ریٹنی سعودی عرب میں نئے امریکی سفیر نامزد

فرانس کے صدارتی انتخاب کے دوسرے اور آخری مرحلے کی ووٹنگ آج 24 اپریل کو ہوگی۔

باغی ٹی وی : فرانسیسی میڈیا کے مطابق صدارتی انتخاب کے پہلے مرحلے میں 10 اپریل کو ووٹنگ ہوئی تھی اور نتائج کے مطابق صدر ایمانوئیل میکرون نے 27.85 فیصد ووٹ حاصل کرکے پہلی پوزیشن پر رہے جبکہ انتہائی دائیں بازو کی امیدوار مارین لیپن نے 23.15 فیصد ووٹ حاصل کرکے دوسرے نمبر پر رہیں۔

فرانسیسی قانون کے مطابق پہلے مرحلے میں 50 فیصد ووٹ حاصل کرنے والا امیدوار صدر بن جائے گا، اگر کوئی امیدوار 50 فیصد ووٹ حاصل نہ کرسکا تو پہلی اور دوسری پوزیشن والے امیدواروں میں دوسر ے مرحلے میں مقابلہ ہوگا فرانس کے صدارتی انتخاب کے دوسرے اور آخری مرحلے میں ووٹنگ آج 24 اپریل کو ہوگی۔

واضح رہے کہ آخری مرحلے میں میکرون اورانتہائی دائیں بازو کی امیدوار مارین لیپن کے درمیان سخت مقابلہ ہے 2017 کے صدارتی انتخاب میں بھی میکرون اورمارین لیپن کے درمیان مقابلہ ہوا تھا اور دوسرے مرحلے میں میکرون 66 فیصد سے زائد ووٹ لےکر صدر منتخب ہوئے تھے اگر ایمانوئیل میکرون صدارتی انتخاب جیت گئے تو 20 سال میں پہلے سیاستدان ہوں گے جو دوسری بار صدر بنیں گے۔

بھارت اور برطانیہ کے مابین نیا دفاعی معاہدہ:پاکستان کے لیے‌خطرے کی گھنٹی