پاکستان تحریک انصاف (پی ٹی آئی)کے چیئر میں عمران خان نے عوام کے لیے ایک ویڈیو پیغام جاری کیا ہے جس میں انہوں نے اوورسیز پاکستانیوں سے فنڈ دینے کی اپیل کی ہے-
باغی ٹی وی : سماجی رابطے کی ویب سائٹ ٹویٹر پر اپنے ویڈیو پیغام میں سابق وزیراعظم عمران خان نے کہا کہ میں اپنے بیرون ملک پاکستانیوں سے آج ایک اپیل کر رہا ہوں کہ ہم نے نامنظور ڈاٹ کام کی ایک ویب سائٹ بنائی ہے۔
سابق وزیراعظم کی برطرفی کے بعد ’عمران خان کُرتا‘ پھر سے مقبول
بیرونِ ملک مقیم اپنے پاکستانیوں کے نام میرا پیغام! pic.twitter.com/dAaiXXFJ3e
— Imran Khan (@ImranKhanPTI) April 15, 2022
انہوں نے اپنی ویڈیو میں بتایا کہ اس ویب سائٹ کا مقصد یہ ہے کہ ہم اپنی مہم کے لیے پیسے اکٹھے کر سکیں خاص کر اپنے بیرون ملک میں رہنے والے پاکستانیوں یہ درخواست ہے کہ وہ اس مہم میں بڑھ چڑھ کر حصہ لیں۔
چیئر مین پی ٹی آئی عمران خان نے کہا کہ ایک بیرونی سازش کے ذریعے حکومت بدلنے کی سازش کی گئی تھی اور پاکستان کے جو کرپٹ ترین لوگ تھے،ایک پورا خاندان جو یا ضمانت پر ہے یا مفرور تھا ان کی جانب سے اربوں روپے کی کرپشن کی گئی ہے۔
پاکستان کو امریکا سے سفارتی تعلقات رکھنے چاہیے،شہباز گل
ان کا کہنا تھا کہ یہ لوگ 30سا ل سے چوری کر رہے تھے اور ان کو مسلط کیا گیاجس سے 22 کروڑ عوام کی توہین کی گئی ہے اس سازش کے خلاف میں پوری قوم میں نکلنے لگا ہوں۔جاگی ہوئی قوم کو اور جگا رہا ہوں اور میری پوری کوشش ہے کہ اس سازش کو ہم مل کر ناکام کریں تا کہ پاکستان کو الیکشن کی طرف لے کر جایا جائے۔
سابق وزیراعظم کا کہنا تھا کہ اس کا ایک ہی حل ہے کہ اس کا عوام ہی فیصلہ کرے وہ اگر ان چوروں کو چاہتی ہے تو ٹھیک ہے لیکن فیصلہ عوام کرے اور عوام الیکشن کے ذریعے فیصلہ کریں۔ ہم پوری مہم کر رہے ہیں جس کے لیے آپ کے فنڈز کی ضرورت ہے۔
عمران خان نے اپنی ویڈیو کے آخر میں کہا کہ میری آپ سب سے گزارش ہے کہ اس مہم میں بھر پور طریقے سے حصہ لیں کیونکہ یہ ہے پاکستان کی حقیقی آزادی کی مہم۔
