مسلم لیگ ن کے سینئیر رہنما اور سابق وزیر خزانہ اسحاق ڈار نے دعویٰ کیا ہے کہ جہانگیر ترین گروپ وزیراعلیٰ پنجاب کے لیے حمزہ شہباز کی حمایت کرے گا۔

باغی ٹی وی : گزشتہ روز عثمان بزدار کا استعفیٰ منظور کرنے کے بعد گورنر پنجاب چوہدری محمد سرور نے نئے وزیراعلیٰ کی تقرری کے لیے آج 11 بجے پنجاب اسمبلی کا اجلاس طلب کر رکھا ہے۔

پاکستان میں امریکی مداخلت نامنظور:امریکہ سازشوں کے ذریعےحکومتیں گرانا بندکردے:سراج الحق

دوسری جانب (ن) لیگ کے رہنما خواجہ سعد رفیق نے وزیراعلیٰ پنجاب عثمان بزدار کا استعفی غیرآئینی قرار دیتے ہوئے کہا ہے کہ وزیراعلیٰ پنجاب کو اپنا استعفا وزیراعظم کو نہیں گورنر پنجاب کے نام بھیجنا ہوتا ہے (ن) لیگ کی جانب سے استعفے کا نوٹیفکیشن واپس لینے کا مطالبہ بھی کیا گیا ہے۔

پاکستان تحریک انصاف نے وزیراعلیٰ کے لیے اپنی اتحادی جماعت مسلم لیگ ق کے رہنما چوہدری پرویز الٰہی کو امیدوار نامزد کیا ہے جبکہ مسلم لیگ ن نے حمزہ شہباز کو امیدوار نامزد کیا ہے جس کی منظوری پارٹی قائد نواز شریف نے بھی دے دی ہے۔

گزشتہ روز جہانگیر ترین اور اسحاق ڈار کے درمیان لندن کے ایک ہوٹل میں تقریباً دو گھنٹے طویل ملاقات ہوئی جس میں پنجاب کے وزیراعلیٰ سمیت ملکی سیاسی صورت حال پر تبادلہ خیال کیا گیا۔

اسلام آباد سے خیر کی خبریں نہیں آرہیں:جونہیں ہونا چاہیے تھا وہ کچھ ہونے جارہا ہے:مبشرلقمان

ملاقات میں اسحاق ڈار، جہانگیر ترین اور اُن کے صاحبزادے علی ترین موجود تھے، دونوں رہنماؤں میں سیاسی امور پر تفصیلی بات چیت ہوئی اور دونوں رہنماؤں نے ملاقات میں مستقبل میں مل کر کام کرنے کے آپشنز پر غور کیا اور اس حوالے سے آمادگی ظاہر کی۔

اس ملاقات کے حوالے سے اسحاق ڈار نے سوشل میڈیا ویب سائٹ ٹوئٹر پر اپنے ایک ٹوئٹ میں بتایا کہ جہانگیر ترین کے ساتھ بامعنی مذاکرات ہوئے جس میں فیصلہ کیا گیا کہ ترین گروپ وزیراعلیٰ پنجاب کے لیے متحدہ اپوزیشن کے امیدوار حمزہ شہباز کی حمایت کرے گا۔

Had fruitful final round of discussion with Mr Jehangir Khan Tareen.
Mutually concluded that #JKT_Group will support joint Opposition's candidate, Mr Hamza Shehbaz Sharif, for the slot of Chief Minister, Punjab.
Deeply appreciate support of #JKT and #JKT_Group

— Ishaq Dar (@MIshaqDar50) April 1, 2022

دو روز قبل اسحاق ڈار اور جہانگیر ترین کے درمیان ٹیلیفونک گفتگو ہوئی تھی، جس میں ملک میں جاری سیاسی صورتحال سمیت دیگر معاملات پر تبادلہ خیال کیا گیا۔

آرمی چیف سے امریکا کے سابق مندوب برائے افغانستان زلمے خلیل زاد کی ملاقات

دوسری جانب مونس الہٰی کی بھی ترین گروپ سے چار گھنٹے طویل ملاقات ہوئی جس کے بعد ان کا کہنا تھا کہ وزارت اعلیٰ سے متعلق حتمی فیصلہ ہفتے کو کر لیا جائے گا مونس الٰہی نے دعویٰ کیا کہ ان شاء اللہ پرویز الہٰی ہی وزیراعلی پنجاب بنیں گے، ترین صاحب سے جب بھی ملا ہمیشہ اچھا پیغام ملا۔

ترین گروپ کے نعمان لنگڑیال کا کہنا تھا کہ ملاقات کے دوران مسلسل جہانگیر ترین سے رابطہ رہا، دن بارہ بجے ایک اور میٹنگ ہو گی نعمان لنگڑیال کے مطابق جبکہ ترجمان ترین گروپ عون چوہدری کا کہنا تھا کہ جو بھی فیصلہ ہو گا اچھا ہی ہو گا 12 بجے تک انتظار کر لیں، حتمی فیصلہ ہو جائے گا۔

شریف فمیلی کی چوہدریوں کے خلاف سازشیں دم توڑنے لگیں:چیھنہ گروپ کی حمایت:پرویزالٰہی کی جیت یقینی

نیشنل الیکٹرک پاور ریگولیٹری اتھارٹی (نیپرا) نے 3 روپے 27 پیسے فی یونٹ اضافہ کر دیا گیا۔

باغی ٹی وی : نیپرا نے بجلی قیمتوں میں اضافے کا نوٹیفیکیشن جاری کر دیا،جس کے مطابق کراچی کے صارفین کے لیے بجلی 3 روپے 27 پیسے فی یونٹ مہنگی کی گئی ہے –

بجلی قیمتوں میں اضافے کا اطلاق اپریل کے بلوں پر ہوگا اور بجلی کی قیمت میں اضافہ جنوری کی فیول پرائس ایڈجسٹمنٹ کی مد میں کیا گیا کراچی کے بجلی صارفین پر 3 ارب 58 کروڑ روپے کا اضافی بوجھ پڑے گا۔

دوسری جانب نیشنل الیکٹرک پاور ریگولیٹری اتھارٹی (نیپرا) نے ملک بھر میں بجلی کی قیمت میں مزید اضافے کی تجویز پیش کر دی۔

فروری کے ماہانہ فیول ایڈجسٹمنٹ پر نیپرا میں سماعت مکمل ہو گئی۔ جس میں بجلی کی قیمت میں 4 روپے 68 پیسے اضافے کی تجویز دی گئی۔ چیئرمین نیپرا نے کہا کہ ریلیف پیکج کے باعث صارفین پر اضافی بوجھ نہیں پڑے گا۔

نیپرا حکام کے مطابق فروری میں ہائیڈل سے 14 فیصد کم بجلی پیدا کی گئی اور اس کمی کو فرنس آئل اور ایل این جی پیداوار سے پورا کیا گیا لیکن عالمی سطح ایندھن کی قیمتوں میں اضافہ ہوا ایل این جی کی قلت سے ایک ارب 37 کروڑ 40 لاکھ روپے کا بوجھ پڑا ہے اور بجلی صارفین پر 17 پیسے فی یونٹ کا اضافی بوجھ آیا۔

کپتان نے قوم کی چیخیں نکلوا دیں

چیئرمین نیپرا نے کہا کہ ملک میں 5 ہزار 372 میگاواٹ کا شارٹ فال ہے اور فیول کی قلت سے 2 ہزار 139 میگاواٹ بجلی کم پیدا ہو رہی ہے کے ٹو ٹرپ ہوا ہے جبکہ کے تھری ابھی مکمل آپریشنل نہیں ہوا اور گزشتہ روز چشمہ میں سی ون میں بھی کوئی فالٹ آیا ہے –

انہوں نے کہا کہ حکومت 40 ہزار میگاواٹ کی صلاحیت کا دعویٰ کرتی ہے لیکن اگر 5 سات ہزار میگاواٹ کم ہو بھی گئی تو فرق نہیں پڑنا چاہیے تھا۔

48 گھنٹے اہم،شیخ رشید نے پھر بڑا دعویٰ کر دیا

اسٹیٹ بینک نے سال 2022 کے لیے زکٰوۃ کا نصاب مقرر کردیا گیا ہے-

باغی ٹی وی : تفصیلات کے مطابق اسٹیسٹ بینک کی جانب سے تخفیف غربت اور سماجی بہبود ڈویژن نے امسال زکوۃ کی کٹوتی کے لیے نصاب کی حد 88 ہزار 927 روپے مقرر کی ہے۔

پاکستان میں پہلا روزہ اتوار 3 اپریل جبکہ عیدالفطر 3 مئی 2022 کو ہوگی،رویت ہلال…

اسٹیسٹ بینک کی جانب سے جاری کئے گئے اعلامیے کے مطابق یکم رمضان کوبینک 88 ہزار 927 روپےیا ا س سےزائد رقوم پر کھاتوں سے زکوۃ منہا کی جائے گی-

اعلامیے کے مطابق اسٹیٹ بینک آف پاکستان پیر 4 اپریل کو عوام سے لین دین کے لیے بند رہے گا اس دن زکوٰۃ کی کٹوتی کے لیےبینک تعطیل قرار دی گئی ہے تمام بینک/ترقیاتی مالی ادارے/ مائکرو فنانس بینک عوام سے لین سے دین کے لیے بند رہیں گے-

واضح رہے کہ ہ پاکستان میں پہلا روزہ اتوار 3 اپریل جبکہ عیدالفطر 3 مئی 2022 کو ہوگی رویت ہلال ریسرچ کونسل کے مطابق نئے چاند کی پیدائش جمعۃ المبارک یکم اپریل 2022 کو پاکستانی وقت کے مطابق صبح 11 بج کر 24 منٹ پر ہو گی، 29 شعبان المعظم یعنی ہفتہ یکم اپریل کی شام غروب آفتاب کے وقت چاند کی عمر جو عمومی طور پر کم از کم 19 گھنٹے ہونی چاہیے، پاکستان کے اکثر علاقوں میں 31 گھنٹوں سے بھی زائد ہو چُکی ہو گی۔

رمضان میں دیگرمہینوں کےمقابلے میں فالج کےامکانات کم ہو جاتے ہیں،ماہرین

رویت ہلال ریسرچ کونسل کے مطابق غروبِ شمس اور غروب قمر کے درمیان فرق جو عمومی طور پر کم از کم 40 منٹ ہونا چاہیے، مظفر آباد، گلگت اور پشاور میں 70 منٹ، راولپنڈی / اسلام آباد میں 69 منٹ، لاہورمیں 68 منٹ، کوئٹہ میں 69 منٹ جبکہ کراچی میں 67 منٹ ہو گا۔ انہوں نے بتایا کہ ہلال کی رویت بآسانی ہو جائے گی اور رمضان المبارک کا آغاز اتوار 3 اپریل سے ہو گا۔

تامل ناڈو کےاسلام قبول کرنےوالےمسلمانوں کی نوکریوں سے ہاتھ دھونے کی شکایت

زکوۃ کی فضیلت و اہمیت کیا ہے ؟ زکوٰۃ کے متعلق انتہائی اہم معلومات

محکمہ موسمیات کی پیشگوئی کے مطابق رمضان المبارک کے پہلے عشرے کے دوران ملک میں موسم شدید گرم رہنے کا امکان ہے۔

باغی ٹی وی : محکمہ موسمیات کے مطابق ہوا کے زیادہ دباؤ کے باعث ملک کے بیشتر علاقوں میں آئندہ 10 دنوں تک درجہ حرارت میں غیر معمولی اضافے کا امکان ہے اس دوران سندھ، جنوبی پنجاب، وسطی اور جنوبی بلوچستان میں دن کا درجہ حرارت 09 سے 11 ڈگری سینٹی گریڈ معمول سے زیادہ رہنے جبکہ بالائی پنجاب، اسلام آباد، خیبرپختونخوا، گلگت بلتستان اور کشمیر میں دن کا درجہ حرارت 08 سے 10 ڈگری سینٹی گریڈ معمول سے زیادہ رہنے کی توقع ہے۔

رمضان میں دیگرمہینوں کےمقابلے میں فالج کےامکانات کم ہو جاتے ہیں،ماہرین

محکمہ موسمیات کے مطابق ہفتہ اور اتوار کو بالائی خیبر پختونخوا، مری، گلیات، گلگت بلتستان اور کشمیر میں تیز ہواوؤں اور گرج چمک کے ساتھ بارش کا امکان ہے جبکہ اس دوران اسلام آباد، اٹک، چکوال اور جہلم میں آندھی، تیز ہواوؤں اور گرج چمک کے ساتھ ہلکی بارش کی توقع ہے۔

کورونا وبا پر قابو پانے کیلئے تشکیل دیا گیا نیشنل کمانڈ اینڈ آپریشن سینٹرختم کردیا گیا

محکمہ موسمیات کے مطابق طویل خشک موسم کے باعث آبی ذخائر، کھڑی فصلوں، سبزیوں اور باغات کو پانی کی کمی کا خدشہ ہے۔ کسان موسمی حالات کے مطابق فصلوں کو پانی دینے کے مناسب اقدامات کریں اور لوگ گرمی سے بچاؤ کے لیے احتیاطی تدابیر اختیار کریں۔

جب حکمرانوں کی نیت صاف ہو….عمران خان نے بڑا دعویٰ کر دیا