جنیوا: فن لینڈ نے مسلسل پانچویں بار دنیا کے خوش ترین ملک کا اعزاز حاصل کرلیا جب کہ اس دوڑ میں پاکستان، بھارت پر سبقت لے گیا۔

باغی ٹی وی :عالمی خبر رساں ادارے کے مطابق اقوام متحدہ کی جانب سے جاری کی گئی ورلڈ ہیپینس رپورٹ میں سب سے زیادہ خوش اور ناخوش ممالک کی درجہ بندی کی گئی جس کے تحت سب سے خوش اورمطمئن ممالک میں پہلا نمبرفن لینڈ نے حاصل کیا جب کہ افغانستان سب سے آخری نمبر پر ہے۔

ترکی نے یورپ اورایشیا کوملانے والا دنیا کا سب سے لمبا پل کھول دیا

پانچ برس قبل 2018 میں فن لينڈ کو پہلی مرتبہ سب سے خوش ملک و قوم قرار ديا گيا تھا فن لينڈ کے جنگلات، وہاں عوام کو ميسر پبلک سروسز کا بلند معيار، حکام پر مکمل اعتماد، شفافيت اور جرائم اور عدم مساوات کی انتہائی کم شرح اس ملک کی خصوصیات میں شامل ہیں

ڈنمارک، آئس لینڈ سوئٹزرلینڈ اور ہالینڈ بالتریب دوم سے پانچویں نمبر پر ہیں۔ اس سال سربیا، بلغاریہ اور رومانیہ نے بھی اپنا درجہ بلند کیا ہے تاہم لبنان معاشی بدحالی کے باعث خوش ترین ممالک کی فہرست میں افغانستان سے ایک نمبر پہلے یعنی 145 پر آگیا۔

طاقتور عالمی قوتیں اس فہرست کے پہلے دس نمبر پر بھی جگہ بنانے میں کامیاب نہیں رہیں آسٹریلیا 12، جرمنی 14، کینیڈا 15، امریکا 16 ، برطانیہ 17 اور فرانس 20 ویں نمبر پر ہے۔

فہرست میں پاکستان کا نمبر ہے 103 جب کہ بھارت کہیں پیچھے 136 ویں نمبر پر ہے اس طرح پاکستان نے بھارت کو خوش ترین ممالک میں پیچھے چھوڑ دیا دیگر ایشیائی ممالک میں بنگلادیش 99 ویں نمبر پر ہے۔

افغانستان 146 ممالک کی فہرست ميں سب سے نچلی پوزيشن پر رہا۔ واضح رہے کہ افغانستان میں طالبان کی حکومت آنے کے بعد سے وہاں کے عوام شدید مالی مشکلات کا شکار ہیں۔ جبکہ جنگ زدہ لبنان بھی افغانستان سے ایک نمبر اوپر ہے۔

بھارتی ریاست گجرات کے اسکولوں میں بھگوت گیتا کی تعلیم لازمی قرار دے دی گئی۔

باغی ٹی وی : مودی سرکار کی ہندوتوا کی سوچ تعلیمی اداروں میں غالب آنے لگی۔ اسکولوں میں حجاب پر پابندی کے بعد بھگوت گیتا کی تعلیم لازمی قرار دے دی گئی۔

حجاب معاملہ پر بھارتی سپریم کورٹ کا فوری سماعت سے انکار

بھارتی میڈیا کے مطابق بھارتیہ جنتا پارٹی کی حکومت والی ریاست گجرات کے وزیر تعلیم جیتو واگھانی نے ریاستی اسمبلی میں جمعرات سترہ مارچ کو اعلان کیا کہ ریاست کے تمام اسکولوں میں فی الحال چھٹی سے بارہویں جماعت تک کے طلبا و طالبات کے لیے بھگوت گیتا کی تعلیم لازمی ہو گی۔

وزیر تعلیم نے کہا کہ اس کا مقصد بھگوت گیتا میں بیان کردہ اقدار اور اصولوں کو تعلیمی نصاب میں شامل کرنا ہے ریاستی وزیر تعلیم نے کہا کہ اس حکم کا اطلاق تمام سرکاری اور سرکاری امداد یافتہ اسکولوں پر ہو گا یہ فیصلہ وفاقی حکومت کی نئی تعلیمی پالیسی کے عین مطابق ہے جس میں ”جدید اور قدیم ثقافت و روایات کو شامل کرنے کی سفارش کی گئی ہے تاکہ طالب علم بھارت کی عظیم اور متنوع ثقافت پر فخر محسوس کریں-

اسلاموفوبیا قرارداد منظور ہونے پر بھارت کا شدید ردعمل

گجرات حکومت کے اس فیصلے کے مطابق طلبہ کو بھگوت گیتا نہ صرف اسکولوں میں پڑھنا ہو گی بلکہ اسے کلاسیں شروع ہونے سے قبل طالب علموں کی اسمبلی کا حصہ بھی بنایا جائے گا اس کے علاوہ طالب علموں کو راغب کرنے کے لیے بھگوت گیتا پر مبنی مباحثوں، مضمون نویسی، تصاویر اور کوئز وغیرہ کے مقابلے بھی کرائے جائیں گے۔

مختلف حلقوں نے گجرات حکومت کے اس فیصلے کی مخالفت کی ہےاپوزیشن کانگریس پارٹی نے کہا کہ بھارتیہ جنتا پارٹی کی قیادت والی حکومت اس طرح کے فیصلے کے ذریعے اساتذہ اور اسکولوں کی کمی جیسے حقیقی تعلیمی مسائل سے عام لوگوں کی توجہ ہٹانے کی کوشش کر رہی ہے۔

حجاب پہننا اسلام کا لازمی جزو نہیں،کرناٹک ہائیکورٹ کا حجاب پرپابندی برقراررکھنے کا…

اپوزیشن کانگریس پارٹی نے کہا کہ بھارتیہ جنتا پارٹی کی قیادت والی حکومت اس طرح کے فیصلے کے ذریعے اساتذہ اور اسکولوں کی کمی جیسے حقیقی تعلیمی مسائل سے عام لوگوں کی توجہ ہٹانے کی کوشش کر رہی ہے۔

یاد رہے کہ اس سے پہلے ریاست کرناٹک کے اسکولوں میں مسلم طالبات کے حجاب پہننے پر پابندی عائد کی گئی تھی۔ جس کے خلاف مظاہرے ہوئے اور شدید احتجاج ریکارڈ کروایا گیا مسلم طالبات کا عدالت جانا بھی بے سود رہا کرناٹک ہائی کورٹ نے حجاب پر پابندی کے فیصلے کو درست قرار دیتے ہوئے مسلم طالبات کی درخواست مسترد کر دی تھی –

بھارتی میزائل کا پاکستانی حدود میں گرنے کا واقعہ،چین کا تحقیقات کا مطالبہ

انقرہ: ترکی میں یورپ اورایشیا کوملانے والے دنیا کے سب سے لمبے پل کا افتتاح کردیا گیا۔

باغی ٹی وی : ترکی اردو کے مطابق چناق قلعے کی جنگ آزادی کے موقع پر صدر ایردوان نے استنبول میں سمندر پر بنائے گئے دنیا کے سب سے بڑے پُل کا افتتاح کر دیا گیا ہے-

ترکی میں ایشیا اور یورپ کو ملانے والا دنیا کا طویل ترین پُل تعمیر

چناق قلعے کی جنگ آزادی کے موقع پر صدر ایردوان نے استنبول میں سمندر پر بنائے گئے دنیا کے سب سے بڑے پُل کا افتتاح کر دیا، انہوں نے کہا اس برج سے ترکی کو سالانہ 5.48 ارب ڈالر آمدنی حاصل ہو گی، ایک لاکھ 18 ہزار افراد کو روزگار ملے گا اور 2.6 ارب ڈالر قومی آمدنی میں اضافہ ہو گا pic.twitter.com/51fajc5mcg

— ترکیہ اردو (@TurkiyeUrdu_) March 18, 2022

اس موقع پر ترک صدر نے کہا کہ اس برج سے ترکی کو سالانہ 5.48 ارب ڈالر آمدنی حاصل ہو گی، ایک لاکھ 18 ہزار افراد کو روزگار ملے گا اور 2.6 ارب ڈالر قومی آمدنی میں اضافہ ہو گا-

نیٹو اور امریکی ہیلی کاپٹروں‌کی مرمت روسی انجینئرز کریں گے:افغان حکومت کااعلان

ترکی کا کینا کیلے پل 1915 میں تعمیرکیا گیا تھا جسے ترکی اورجنوبی کوریا کی کمپنیوں نے دوبارہ بنایا ہے دنیا کے سب سےلمبے سسپینشن پل کی تعمیرپر2.8بلین ڈالرز کی لاگت آئی ہے۔

ایران : آتش پرستوں کا صدیوں پرانا تہوارشروع ::تہوارکے دوران 21 ہلاک ہزاوں زخمی

کینا کیلے پل کی لمبائی 4.6 کلومیٹر ہے اوراس کی تعمیرکا کام 2017میں شروع کیا گیا تھا پل کی تعمیرمیں 5 ہزارورکرزنے حصہ لیا۔پل کی تعمیرکے بعد اناطولیہ سے ترکی کے یورپ میں واقع علاقے گیلی پولی کا گھنٹوں پرمشتمل سفراب 6منٹ میں طے کیا جاسکے گا –

ایفل ٹاور کی اونچائی میں مزید اضافہ کیوں کیا گیا؟

واضح رہے کہ درہ دانیال کو عبور کرنے کے لیے کشتیوں یا فیری کا سہارا لینا پڑتا تھا اور گھنٹوں درکار ہوتے ہیں مگر اس پل کے ذریعے یہ فاصلہ 6 منٹ میں طے ہوسکے گا ماہرین کا کہنا ہے کہ اس کا اہم ترین سپین یا ایک سے دوسرے سپورٹنگ کھمبوں کے درمیان کا فاصلہ 2023 میٹر کا ہے جو اسے دنیا کا سب سے لمبا سسپنشن برج بناتا ہے-

بنگلہ دیش:مندر پرحملہ، مشتعل افراد کی مندرمیں توڑ پھوڑ

پُل کی خاص بات یہ ہے کہ اس پُل کے اہم حصے توپ کے گولوں کی طرز پر بنائے گئے ہیں، ایسا کرکے جنگ عظیم اول کی معروف جنگ ’’بیٹل آف گیلی پولی‘‘ کے شہداء کو خراج پیش کیا گیا ہے جبکہ پل کے ستونوں کے درمیان فاصلہ 2023میٹر رکھنے کی وجہ یہ ہے کہ2023ء میں جمہوریہ ترکی اپنے قیام کی 100ویں سالگرہ منائےگا۔

اسرائیل کی 3 فلسطینیوں کو پھانسی،او آئی سی کی شدید مذمت