جدہ: 20 سعودی شہریوں نے یوم تاسیس کی خوشی میں جدہ میں بحیرہ احمر کے پانیوں میں 30 فٹ نیچے سعودی عرب کے یوم تاسیس کا جشن منایا اور اس موقعے پر مملکت کا پرچم زیر آب لہرایا گیا سعودی شہری "ایکو آف دی ڈیپ” اور "لیٹس گو” کی ٹیم میں شامل ہیں-
باغی ٹی وی : ” العربیہ ” کے مطابق سعودی غوطہ خورٹیم ’چلو غوطہ لگائیں‘ کے رکن کیپٹن فیصل فلیمبان کا کہنا تھا کہ سمندر کے نیچے یوم تاسیس منانے کا اپنا ہی مزہ ہے اس تجربے میں غوطہ خوری کی خوشی، جشن کی خوشی اور سعودی عرضہ کی کارکردگی شامل ہے جہاں 20 غوطہ خوروں نے تھوبے، شماغ، دقلہ اور قمنا جیسا لباس زیب تن کیا اس طرح انہوں نے سمندر میں تیس فٹ کی گہرائی پر سعودی عرب کا قومی پرچم لہرایا۔
دنیا کے سب سے خوبصورت اور جدید ’میوزیم آف دی فیوچر‘ کا افتتاح
انہوں نے کہا کہ کسٹم سوٹ کے بغیر غوطہ خوری کے لیے پیشہ ورانہ اور اعلیٰ درجے کی مہارت کی ضرورت ہوتی ہے جس میں ہر غوطہ خور کو تفویض کیے گئے وزن اور فن اسٹروک کو مدنظر رکھا جاتا ہے یہ اقدام بطور پیشہ ور غوطہ خوروں کی ان کی کوششوں سے کیا گیا تھا اور اس کام کو کامیاب بنانے کے لیے انہیں کئی ریہرسل اور آلات کی مشق کرنے میں کئی ہفتے لگے۔
سوئس سیکرٹس: مزید بین الاقوامی رہنماؤں اور اہلخانہ کے خفیہ اکاؤنٹس سامنے آگئے
واضح رہے کہ یوم تاسیس ایک قومی موقع ہے سعودی عرب میں ہرسال 22 فروری کو یوم تاسیس منانے کا اعلان کیا گیا ہے۔جس میں مملکت سعودی عرب، قیادت اور عوام سنہ 1727 عیسوی یعنی 3 صدیاں پہلے مملکت کے قیام کی یاد مناتے ہیں اس میں شان و شوکت سے متعلق مختلف ضروری تاریخی معانی،سعودی ریاست کے ورثہ،عظمت اور بہادری کی عکاسی کی گئی ہے۔ اس عظیم قومی دن کی مناسبت سے سعودی عرب کے پاسپورٹ ڈاریکٹوریٹ نے یہ مہر جاری کی ہے جسے مملکت کی بین الاقوامی گذرگاہوں پر گذرنے والے مسافروں کی دستاویزات پر لگایا گیا۔
