صحافتی تنظیموں کی جوائنٹ ایکشن کمیٹی اور ہیومن رائٹس کمیشن پاکستان نے پریوینشن آف الیکٹرانک کرائمز ایکٹ (پیکا) آرڈیننس کو مسترد کردیا۔

باغی ٹی وی : صحافتی تنظیموں پاکستان براڈ کاسٹرز ایسوسی ایشن (پی بی اے)، آل پاکستان نیوزپیپرز سوسائٹی (اے پی این ایس)، کونسل آف پاکستان نیوزپیپر ایڈیٹرز (سی پی این ای)، پاکستان فیڈرل یونین آف جرنلسٹس (پی ایف یو جے) اور ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز (ایمینڈ) پر مبنی جوائنٹ ایکشن کمیٹی نے الیکٹرونک کرائم ایکٹ کو مسترد کرتے ہوئے کہا کہ ایکٹ میں انتہائی عجلت کا مظاہرہ اور اسٹیک ہولڈرز کی جانب سے دی گئی تجاویز کو بھی نظر انداز کیا گیا۔

جوائنٹ ایکشن کمیٹی نے کہا کہ صدارتی آرڈیننس کے ذریعے تنقیدی اور تعمیری آوازوں کو دبانے کے لیے کی گئی ترامیم کو یکسر مسترد کرتے ہیں، ایسی کوئی بھی ترامیم ، قانون یا آرڈیننس جس میں آزادی اظہار کو دبانے کی کوشش کی جائے گی اس کے خلاف ہر فورم پر آواز اٹھائی جائے گی۔

ادھر ہیومن رائٹس کمیشن پاکستان (ایچ آر سی پی) نے مجوزہ پیکا آرڈیننس کو غیر جمہوری قرار دیا اورالیکشن ایکٹ میں ترمیم پر افسوس کا اظہار کیا ہےکہا کہ مجوزہ قوانین میں ریاست پرتنقید کرنے والوں کی جیل مدت 2 سے 5 سال کردی گئی اور تنقید کو ناقابل ضمانت فعل قراردیا گیا مجوزہ قانون سازی کوغیرجمہوری ہےجس کے ذریعے حکومت اور ریاستی اداروں کے ناقدین کو نشانہ بنایا جائے گا۔

قبل ازیں وفاقی وزیر قانون فروغ نسیم نے کراچی میں پریس کانفرنس کرتے ہوئے کہا تھا کہ2 آرڈیننس جاری ہوگئےالیکٹرانک کرائمزایکٹ اور الیکشن ایکٹ آرڈیننس، جھوٹی خبر معاشرے کو نقصان پہنچاتی ہے،میڈیا ریاست کا چوتھا ستون، جعلی نیوز کا سدباب ہونا چاہئے،تنقید ضرور کریں لیکن خبر جھوٹی نہیں ہونی چاہئے-

انہوں نے کہا تھا کہ جعلی نیوز پر 3 سے 5 سال کی سزا ہوگی ڈس انفارمیشن لیب میں سامنے آیا کہ بھارت پاکستان کیخلاف مہم چلارہا تھا جعلی نیوز کا جرم ناقابل ضمانت اور قابل سزا جرم ہوگا جعلی نیوز کی شکایت عام شہری بھی کرسکے گا جعلی نیوز جرم کا ٹرائل 6 ماہ میں مکمل کیا جائے گا 6 ماہ میں ٹرائل مکمل نہ ہوا ہائیکورٹ متعلقہ ججز سے پوچھ گچھ کی مجاز ہوگی-

فروغ نسیم کا کہنا تھا کہ ٹرائل التوا کی وجوہات مصدقہ نہ ہوئیں تو جج کے خلاف ایکشن ہوگا جعلی نیوز میں کسی کو استثنا نہیں، پیکا قانون پر شہری پر لاگو ہوگا جعلی نیوز دینے والے وہ ہیں، جن کا کوئی ذاتی ایجنڈا ہوتا ہے یا ملک دشمن ہوتے ہیں کوئی آئین کا آرٹیکل بتادیں، جس میں لکھا ہو کہ جعلی نیوز آئینی حق ہے-

یڈیٹر ان چیف آن لائن نیوز ایجنسی و روزنامہ جناح محسن جمیل بیگ کی اہلیہ نے اپنے بیان میں کہا ہے کہ میرے شوہر اور ہمارے خاندان کو کوئی جانی ومالی نقصان ہوا تو اس کی ایف آئی آر وزیر اعظم پاکستان عمران خان سمیت ملوث دیگر سرکاری افسران و عملے کیخلاف کاٹی جائے ۔

باغی ٹی وی :محسن جمیل بیگ کی اہلیہ نے کہا کہ میری چیف جسٹس آف پاکستان اور غیر جانبدار حلقوں سے اپیل ہے کہ حقائق کو منظر عام پر لانے اور انصاف کی فراہمی کے تقاضے پورے کرنے کےلئے اعلیٰ سطحی عدالتی کمیشن قائم کیا جائے 16فروری کو چادر اور چار دیواری کا تقدس پامال کرتے ہوئے ہمارے گھر میں چند نامعلوم افراد زبردستی داخل ہوگئے ملازمین اور بچوں کا شور سن کر ہم سب پریشان ہوگئے جبکہ میرے شوہر محسن جمیل بیگ اس وقت اپنے کمرے میں سو رہے تھے چیخ و پکارسن کر جاگ اٹھے اور کمرے سے باہر آئے-

انہوں نے کہا کہ نامعلوم افراد جوکہ سادہ کپڑوں میں تھے میرے شوہر نے شناخت کا کہا تو وہ اپنی شناخت کرانے میں ناکام رہے انہوں نے میرے خاوند کے ساتھ دست درازی شروع کردی ، جواب میں میرے شوہر نے دفاع کا حق استعمال کیا اسی دوران ہم نے پولیس کو کال کرکے گھر میں داخل ہونے والے لوگوں کی بابت آگاہ کیا مذکورہ نامعلوم افراد نے فرار ہونے کی کوشش کی تو میرے شوہر نے ایک شخص کا ہاتھ پکڑلیا تاکہ پولیس کے حوالے کیا جاسکے ۔اسی اثناءمیں پولیس موقع پر پہنچ گئی میرے خاوند نے پولیس افسران سے کہا کہ آپ ان لوگوں سے پوچھیں کہ یہ کون لوگ ہیں اور میرے گھر میں زبردستی کیسے داخل ہوئے ہیں-

محسن جمیل بیگ کی اہلیہ نے کہا کہ جس پر ایس ایس پی آپریشن اسلام آباد فیصل کامران نے کہا کہ میں معاملے کو ابھی ”سارٹ آﺅٹ“ کرتا ہوں ۔ایس ایس پی کو مذکورہ افراد نے بتایا کہ ہم ایف آئی اے سے ہیں جس پر ایس ایس پی نے ان سے ایف آئی آر،وارنٹ گرفتاری اورچھاپہ مار ٹیم کی شناخت کی بابت دفتری کارڈوں اور تفتیشی آفیسر کی موجودگی کا پوچھا تو یہ لوگ کچھ بھی فراہم کرنے میں کامیاب نہ ہوئے مگر ظلم کی انتہا دیکھیں ،ہونا تو یہ چاہئیے تھا کہ پولیس ان لوگوں کو گرفتار کرکے ان کے خلاف مقدمہ درج کرتی الٹا پولیس نے گھسیٹ کر میرے خاوند کو گاڑی میں ڈالا اور اس کی تذلیل کرتے ہوئے تھانہ مارگلہ لے گئے ۔

سینئیر صحافی و تجزیہ نگار کی اہلیہ نے کہا کہ ایس ایچ او مارگلہ کے کمرے میں آٹھ افراد نے میرے خاوند کو اس قدر تشدد کا نشانہ بنایا جس سے ان کوایک آنکھ کی بینائی متاثر ہوئی ،ناک کی ہڈی سمیت جسم پر شدید ضربیں لگائی گئیں مذکورہ تشدد کے حوالے سے تمام ٹی وی چینلز و اخبارات میں فوٹیجز و خبریں شائع و نشر ہوئیں بے پناہ تشدد کے حوالے سے میرے شوہر نے بھی آگاہ کیا پولیس حراست میں ایک شریف شہری اور سینئرصحافی پر وحشیانہ تشدد کہاں کا انصاف ہے ۔

ان کا کہنا تھا کہ اعدالت نے حکم دیاتھا کہ محسن جمیل بیگ کا میڈیکل کرایا جائے مگر پولیس رات گئے تک میڈیکل کی آڑمیں ا نہیں سڑکوں پر گھماتی رہی ۔عدالتی حکم کے باوجود میرے شوہر کوطبی امداد نہ دلوائی گئی پولیس اورایف آئی اے کی ٹیمیں متعدد بار ہمارے گھر پر آئیںتلاشی کی آڑ میں ہماری تذلیل کی جارہی ہے ہمیں مسلسل ہراساں کیا جارہا ہے بنیادی انسانی حقوق کی خلاف ورزی کرتے ہوئے پولیس نے اس قدرسختی کررکھی ہے کہ ملاقات کی اجازت نہیں دی جارہی تھی حتیٰ کہ حق دفاع کےلئے عدالتی کارروائی کی خاطر ہمیں وکالت نامہ بھی دستخط کرانے سے روکے رکھا گیا ۔

انہوں نے مزید کہا کہ اسلام آبادہائیکورٹ کے معزز چیف جسٹس کوہمار ی طرف سے کی جانیوالی استدعا پر وکیل کو ملنے کی اجازت ملی ۔ہمارے گھر میں نامعلوم افراد کے داخلے سے لے کر اب تک پیش آنے والی سنگین صورتحال سے لگ رہا ہے کہ میرے شوہر کوجانی نقصان پہنچایا جاسکتا ہے ۔یہ بات بھی ریکارڈ پر آچکی ہے کہ یہ لوگ جب ہمارے گھر میں داخل ہوئے تو ان کے پاس نہ تو ایف آئی آر تھی نہ ہی وارنٹ گرفتاری ،حتیٰ کہ اپنی شناخت بھی نہ کراسکے جب میرے خاوند نے حق دفاع استعمال کیا اور یہ لوگ میرے خاوند کو اٹھانے میں ناکام ہوئے تو فوری طور پر درخواست دے کر میرے خاوند کے خلاف جھوٹا مقدمہ درج کیا گیا

تجزیہ نگار کی اہلیہ کا کہنا تھا کہ میرے شوہرکوتھانہ مارگلہ منتقل کرنے کے بعد وزیراعظم پاکستان عمران خان کی طرف سے ڈی جی ایف آئی اے کو شاباش دینا،میرٹ پرفیصلہ دینے والے ایڈیشنل سیشن جج اسلام آباد کے خلاف کارروائی کی بابت ایڈوکیٹ جنرل اسلام آباد کو بلوا کر جج کےخلاف ریفرنس دائر کرنے کے حوالے سے دھمکی آمیز بیان دیا جانا اور ان واقعات کے بعد میرے شوہر کے خلاف مزید مقدمات قائم کرناواضح کررہا ہے کہ وزیر اعظم عمران خان اس معاملے میں ذاتی طور پرملوث ہیں ۔

انہوں نے کہا کہ اگر محسن جمیل بیگ اپنے دفاع کاقانونی حق استعمال نہ کرتے اور خدانخواستہ یہ لوگ میرے خاوند اٹھا کرکہیں لے جاتے تو ان کے ساتھ کیا کچھ ہوتا اس بات کا اندازہ آپ اب تک پیش آنیوالے اندوہناک واقعات سے لگا سکتے ہیں ۔ایف آئی اے کی طرف سے لاہور میں ایف آئی آر درج کرنا بھی بدنیتی پر مبنی ہے یہ لوگ لاہور ایف آئی آر درج کرکے میرے خاوند کو لاہور لے جانے کی آڑ میں جانی نقصان بھی پہنچا سکتے تھے ۔

محسن جمیل بیگ کی اہلیہ نے مزید کہا کہ مجھے اور میرے بچوں اور میرے شوہر محسن جمیل بیگ جو اس وقت پولیس حراست میں ہیں ،کو کوئی جانی و مالی نقصان ہوا تو اس کے ذمہ دار وزیر اعظم پاکستان عمران خان ،ڈی جی ایف آئی اے اور انکی ٹیم اوراسلام آباد پولیس کے متعلقہ حکام ہونگے اس بیان کو آن ریکارڈ رکھا جائے ،میں ملک پاکستان کی اعلی عدلیہ اور غیر جانبدار اعلی حکام کو آگاہ کرتی ہوں کہ گزشتہ کئی ماہ سے میرے شوہر کو ملنے والے سنگین دھمکیوں پر عملدرآمد شروع ہوچکا ہے جس کےلئے وزیر اعظم پاکستان ذاتی طور پر متحرک ہوچکے ہیں-

صحافی کی اہلیہ نے کہا کہ مجھے اندیشہ ہے کہ میرے شوہر کو مستقبل میں جانی و مالی نقصان پہنچایا جاسکتا ہے ۔ چیف جسٹس آف پاکستان اور غیر جانبدار اعلی حکام سے اپیل ہے کہ میرے خاوند کے خلاف کی جانیوالی انتقامی کارروائیوں کو فوری روکا جائے انہیں رہا کیا جائے اور اعلی سطحی عدالتی کمیشن قائم کر کے انصاف کے تقاضے پورے کئے جائیں ۔

ملتان:وزیر خارجہ شاہ محمود قریشی کا کہنا ہے کہ اپوزیشن جماعتوں کا عدم اعتماد کی تحریک پیش کرنے کا اعلان ایک نئی ڈیل کے لیے سودے بازی کی ایک اور کوشش ہے جس میں اپوزیشن کو ناکامی ہوگی۔

باغی ٹی وی: شاہ محمود قریشی کا کہنا ہے کہ پی ٹی آئی کے اراکین اسمبلی اور پارلیمنٹ میں ان کے اتحادی مل کر اپوزیشن رہنماؤں کی احتساب سے بچنے کی کوششوں کو ناکام بنائیں گے وزیراعظم عمران خان مسلسل کہہ رہے ہیں کہ این آر او کا امکان صفر ہے اپوزیشن جو مرضی کرلے این آر او نہیں ملے گا۔

وزیر خارجہ نے کہا کہ اپوزیشن جماعتیں احتساب سے بچنے کیلئے اکٹھی ہو رہی ہیں اپوزیشن جماعتیں جتنا مرضی اکٹھی ہو جائے اپوزیشن کو اپنے ایجنڈے میں ناکامی ہوگی اقتدار سے باہر بیٹھی ہوئی جماعتوں کو انتظار کرنا ہوگا حکومت اپنی آئینی مدت پوری کرے گی۔

شاہ محمود قریشی نے کہا کہ پی پی ن لیگ دونوں نے عوام کو مایوس کیا دونوں جماعتیں چاہتی تو پاکستان کی تقدیر بدل سکتی تھیں دونو ں جماعتوں کی قیادت نے عوام کو سنہری خواب دکھائے۔ خالی او رجھوٹے نعرے لگائے۔ عوام کا جھوٹے نعروں سے پیٹ نہیں بھرسکتا عوام کو ”مسٹر ٹین پرسنٹ“اور علاج کے بہانے بیرون ملک فرار ہونے والی قیادت قبول نہیں۔

پی ٹی آئی رہنما کا کہنا تھا کہ عوام جان چکے ہیں دونوں جماعتیں اقتدار ہو تو پاکستان اور اقتدارکے بعد بیرون ملک ان کی منزل ہوتی ہے وزیراعظم عمران خان اقتدار میں بھی عوام کے ساتھ ہیں اور اقتدار کے بعد بھی عوام کے ساتھ ہوں گے عوام اب ان لٹیروں کے جھانسے میں نہیں آئیں گےعوام اپوزیشن کی کال پر سڑکوں پر نہیں نکلیں گے۔

8 ویں جماعت کی طالبہ سے اجتماعی زیادتی،3 ملزمان گرفتار

شاہ محمود قریشی کا کہنا تھا کہ تحریک انصاف کرپشن اور لٹیروں کے خلاف جنگ کررہی ہے اپوزیشن کی سیاست مفادات اور اقتدار کی سیاست ہے۔ تحریک انصاف کو اقتدار کی ہوس نہیں ہم کرپٹ اور فرسودہ نظام کو تبدیل کرنا چاہتے ہیں۔ ہم ملک اور قوم کیلئے سیاست کررہے ہیں ہم ایسے نظام کی بنیاد رکھنا چاہتے ہیں جس میں کرپشن کی دلدل نہ ہو۔

انہوں نے کہا کہ ہم ایک ایسے نظام کی بنیاد رکھنا چاہتے ہیں جس میں انصاف کا بول بالا ہو ہم ایک ایسے نظام کی بنیاد رکھنا چاہتے ہیں جس میں میرٹ اور گورننس کی جھلک ہو تحریک انصاف نے حقیقی تبدیلی اور شفاف نظام کے قیام کی بنیاد رکھ دی ہے تحریک انصاف جب اقتدار میں آئی تو ادارے تباہ‘ خزانہ خالی‘ کمزور ملکی معیشت ورثے میں ملی۔

وزیر خارجہ کا کہنا تھا کہ ماضی کے حکمران تمام قومی اداروں کو تباہ کر گئے۔ ہم نے ہر شعبے میں اصلاحات نافذ کیں صحت کارڈ ہماری حکومت کا ایک انقلابی اقدام ہے۔ جس کے ذریعے ہر مستحق شخص دس لاکھ روپے تک کا علاج کروا سکتاہے۔ماضی میں پیسے نہ ہونے کی وجہ سے غریب اور مستحق شخص ایڑھیاں رگڑکر مر جاتا تھا اب ایسا نہیں ہوگا۔

ان کا کہنا تھا کہ ہم ایسے اصلاحات نافذکر رہے ہیں بعد میں کوئی بھی شخص صحت کارڈ جیسے اقدامات کو رول بیک نہیں کرسکے گا کورونا وباء کے دوران ہماری حکومت کی پالیسیوں کی بدولت نہ صرف ملکی معیشت کا پہیہ بھی چلتا رہا بلکہ غریب عوام کو فاقوں سے بھی بچایا وزیراعظم عمران خان نے سمارٹ لاک ڈاؤن کے کلچر کو روشناس کروایا جسے عالمی برادری و اداروں نے سراہا۔

فیک نیوز،جھوٹی خبروں پرپابندی کا قانون:آزادی رائے کےاظہارپرپابندی ہے:مریم…

شاہ محمود قریشی کا کہنا تھا کہ پاکستان ایک زرعی ملک ہے جہاں 70 فیصد لوگ زراعت پر انحصار کرتے ہیں۔ لیکن بدقسمتی سے ماضی کی کسی حکومت نے زراعت کے شعبے پر توجہ نہیں دی غریب کاشتکاروں کو ان کا معاوضہ نہیں ملک سکا ہم وزیراعظم کے زرعی ایمرجنسی پیکیج کے تحت اس سیکٹر پر 300 ارب روپیہ خرچ کررہے ہیں ہم نے گندم، کماد، کپاس وغیرہ کی امدادی قیمت خرید میں اضافہ کیا جس سے کاشتکاروں کو گزشتہ سال 1100 ارب روپے کی اضافی آمدنی حاصل ہوئی۔

وزیر خارجہ کا کہنا تھا کہ 1967 کے بعد ملک میں کوئی نیا ڈیم نہیں بنایا گیا جس سے زیادہ تر بجلی فرنس آئل سے بنتی ہے ماضی کے حکمرانوں نے ایسے ایسے عجیب و غریب مہنگی بجلی کے معاہدے کئے کہ ہم بجلی لیں نہ لیں ہمیں اس کی ادائیگی کرنی ہے ان معاہدوں کا خمیازہ قوم آج بجلی کے بھاری بلوں کی صورت میں بھگت رہی ہے۔

انہوں نے کہا کہ سابقہ ادوار میں ذاتی و مالی مفادات کیلئے ضرورت سے زیادہ مہنگی بجلی خریدنے کے معاہدے تو کرلئے گئے مگر ٹرانسمشن سسٹم کو اپ گریڈ نہیں کیا گیا ہم 10 نئے ڈیم بنارہے ہیں جن سے 10 ہزار میگا واٹ سستی بجلی پیدا ہوگی ہماری حکومت تمام شعوبوں میں اصلاحات نافذ کررہی ہے۔ فیصلے مشکل کرنا پڑ رہے ہیں۔ جن سے وقتی طور پر پریشانی تو ہو رہی ہے آنے والے دنوں میں بہتری آئے گی-

اسلام میں حجاب مرضی نہیں فرض ہے: سابق بھارتی اداکارہ حق سچ بیان کرکے سب کوحیران…

اسلام آباد: وزیر خزانہ شوکت ترین نے دنیا کے 139 مہنگے ممالک میں سے پاکستان کو سب سے آخری یعنی 139ویں نمبر پر قرار دے دیا۔

باغی ٹی وی : تفصیلات کے مطابق وزیر خزانہ شوکت ترین نے سماجی رابطے کی ویب سائٹ ٹوئٹر پر اپنی ٹئوٹ میں ایک اسکرین شاٹ شئیر جس میں مہنگائی کے اعتبار سے 139 ممالک کے نام دیئے گئے ہیں اور اس میں پاکستان کا سب سے آخری 139واں نمبر ہے۔

ہماری معیشت درست سمت میں ہے لیکن ملک میں اشیا کی قیمتیں یکساں ہونی چاہئیں،وزیراعظم

https://twitter.com/shaukat_tarin/status/1495274739991867401?s=20&t=KG2S88QG7oWIEQ_rKejegQ
فہرست میں برمودا، سوئزرلینڈ اور ناروے کو بالترتیب مہنگے ترین ممالک قرار دیا گیا ہے جب کہ بھارت 138 ویں، افغانستان 137 ویں، نیپال 136 ویں اور سری لنکا 135 ویں نمبر پر ہیں۔ اس فہرست میں چین 84 اور ایران 87 نمبر پر ہیں۔

وزیراعظم اور خاتون اول میں علیحدگی کی خبریں، حقیقت سامنے آ گئی

قبل ازیں وزیر خزانہ شوکت ترین نے کہا تھا کہ پاکستان کو آئی ایم ایف کے پروگرام سے نکلنا ہوگا، اداروں سے بار بار قرضے نہیں مانگ سکتے پاکستان میں بڑے ہنرمند لوگ ہیں، پاکستانی عوام دنیا کی بہترین قوم ہے 38 ملین میں سے صرف2 ملین گھرانے ٹیکس ادا کرتے ہیں، ہمارے پاس اب ڈیٹا آ گیا ہے سب کو ٹیکس دینا پڑے گا، ہم نے قواعد سوچ سمجھ کر بنائے ہیں، تاجروں کی شکایات کا نوٹس لیا ہے،ازالہ کریں گے۔

بجلی کی قیمتوں میں اضافے کا امکان

شوکت ترین نے کہا تھا کہ کاروبارکیلئے یکساں مواقع تمام پاکستانی شہریوں کا حق ہے، ہمارے پاس ڈیٹا آ گیا ہے جو ٹیکس نہیں دیتے ان کے پاس جائیں گے۔ جو لوگ ٹیکس نیٹ میں نہیں انہیں ٹیکس نیٹ میں آنا چاہیے ہم نے زراعت، آئی ٹی، ہاؤسنگ، تجارت پرتوجہ دینی ہے، مستحکم گروتھ ہو گی تو نچلے طبقے کیلئے آسانیاں پیدا کریں گے پاکستان کی معیشت صحیح سمت میں جا رہی ہے، پیٹرول سے ہم نے تمام ٹیکس ہٹادیئے ہیں۔

پیٹرول مہنگا ہونے کے اثرات ،28 اشیائے ضروریہ مہنگی ہو گئیں