Baaghi TV

Author: عائشہ ذوالفقار

  • ایمپائراسٹیٹ بلڈنگ سے ڈھائی گنا لمبا ایسٹرائڈ زمین کے قریب سے گزرے گا

    ایمپائراسٹیٹ بلڈنگ سے ڈھائی گنا لمبا ایسٹرائڈ زمین کے قریب سے گزرے گا

    امریکی ماہرین کا کہنا ہے کہ ایمپائر اسٹیٹ بلڈنگ سے بھی ڈھائی گنا لمبا ایسٹرائڈ اگلے دو دن میں ہماری زمین کے بہت قریب سے گزرے گا-

    باغی ٹی وی : ماہرین نے اس خلائی پتھر کو 7482 یا ’1994 پی سی1‘ کا تکنیکی نام دیا ہے کیونکہ یہ پہلی بار 1994 میں دریافت کیا گیا تھا 3,451 فٹ قطر والا یہ شہابیہ (پاکستانی وقت کے مطابق) 19 جنوری 2022 کی علی الصبح 3 بج کر 51 منٹ پر زمین سے 19 لاکھ 30 ہزار کلومیٹر دوری پر ہوگا، جو زمین سے اس کا کم ترین فاصلہ بھی ہوگا۔

    چاند کی سطح پر پانی کے شواہد دریافت

    تاہم ماہرین کا کہنا ہے کہ اتنے فاصلے کی وجہ سے زمین کو اس شہابیے سے کوئی خطرہ بھی نہیں ہوگا اس شہابیے کی رفتار 76,192 کلومیٹر فی گھنٹہ ہے اور یہ جتنی تیزی سے زمین کے قریب پہنچے گا، اتنی ہی رفتار کے ساتھ زمین سے دور بھی ہوتا چلا جائےگا یہ ایک الگ مدارمیں گردش کررہا ہے اور ہماری زمین کے حساب سے ایک سال سات مہینوں میں سورج کے گرد اپنا ایک چکر مکمل کرتا ہے جبکہ 7482 کی براہِ راست نشریات ’’انورس‘‘ نامی ویب سائٹ پر دیکھی جاسکیں گی۔

    خلائی مخلوق سے ملاقات: "ناسا” نے مذہبی پیشواؤں کی خدمات حاصل کر لیں

    واضح رہے کہ یہ زمین کے ’’قریب‘‘ سے گزرنے والا سب سے بڑا شہابیہ نہیں بلکہ یہ اعزاز اب تک ’’ایسٹرائیڈ 3122 فلورینس‘‘ کے پاس ہے جس کی چوڑائی 8.85 کلومیٹر معلوم کی گئی ہے اور جو ستمبر 2057 میں زمین سے صرف چند لاکھ کلومیٹر دُوری سے گزرے گا۔

    نظام شمسی کا نیا چھوٹا سیارہ "فار فار آؤٹ” دریافت

  • سگنل ملا ہے کہ اسلام آباد میں دہشتگردی کے واقعات شروع ہو گئے ہیں، شیخ رشید

    سگنل ملا ہے کہ اسلام آباد میں دہشتگردی کے واقعات شروع ہو گئے ہیں، شیخ رشید

    سگنل ملا ہے کہ اسلام آباد میں دہشتگردی کے واقعات شروع ہو گئے ہیں، شیخ رشید
    شہید ہیڈ کانسٹیبل منور حسین کی نماز جنازہ پولیس لائنز ہیڈکوارٹرز میں ادا کردی گئی۔

    نماز جنازہ میں وفاقی وزیرداخلہ شیخ رشید احمد، آئی جی اسلام آباد محمد احسن یونس اور شہریوں سمیت بڑی تعداد میں پولیس کے افسران و جوانوں نے شرکت کی۔ پولیس کے چاک و چوبند دستے نے سلامی دی۔ وزیر داخلہ شیخ رشید احمد نے اسلام آباد پولیس کے شہید کانسٹیبل کی نماز جنازہ میں شرکت کی

    اس موقع پر شیخ رشید احمد کا کہنا تھا کہ کل کراچی کمپنی کے پاس دہشتگردی کا واقع ہوا ،ہیڈ کانسٹیبل منور ڈیوٹی پر موجود تھے فائرنگ سے شہید ہوئے،یہ چوری یا ڈکیتی کا واقع نہیں ہے دہشتگردوں نے فائرنگ کی ہے ہمیں یہ ایک قسم کا سگنل ملا ہے کہ اسلام آباد میں دہشتگردی کے واقعات شروع ہو گئے ہیں،یہ اس سال کا پہلا واقع ہے ہمیں بہت الرٹ رہنے کی ضرورت ہے،پولیس نے اپنی جان دے کر ثابت کیا ہے کہ پاکستان کی ساری فورسسز پاکستان کی حفاظت کے لیئے جان کا نظرانہ دینے کو تیار ہیں،دونوں ملزموں تک پہنچ گئے ہیں موٹر بائیکس سے ان کو ٹریس کر لیا ہے،

    تھانہ کراچی کمپنی کے علاقہ میں دہشت گردوں کی فائرنگ سے ایک پولیس اہلکار جاں بحق ہوگیا۔ ترجمان اسلام آباد پولیس کے مطابق پولیس اہلکار ناکہ جیلانیہ پر معمول کی چیکنگ پر مامور تھے اس دوران موٹرسائیکل پر سوار 2 دہشت گردوں نے اچانک اندھا دھند فائرنگ کردی۔

    افغانستان میں شدید زلزلہ،12 افراد جاں بحق

    انہوں نے بتایا کہ فائرنگ سے ایک پولیس اہلکار شہید ہوگیا جبکہ پولیس اہلکاروں کی جواب کارروائی کے نتیجے میں دونوں دہشت گرد ہلاک ہوگئے ہیں۔

    دوسری جانب صوبہ خیبر پختونخواہ کے ضلع مانسہرہ کے گھنول نامی گاؤں میں ایک گاڑی کھائی میں جاگری جس میں اب تک 2 خواتین کے جاں بحق ہونے کی اطلاع ملی ہے سیاحتی گاڑی میں موجود افراد کی تعداد 7 تھی۔ مقامی اسسٹنٹ کمشنر نے بتایا کہ سیاحوں کے پاس سے شناختی کارڈ ملا ہے جس میں ٹیکسلا درج ہے۔

    پاکستان میں قازقستان کے سفیر کی جنرل قمر جاوید باجوہ سے ملاقات

    تاہم اسسٹنٹ کمشنر نے حادثے میں مزید ہلاکتوں کا خدشہ ظاہر کیا ہے جبکہ جاں بحق ہونے والی خواتین کی لاشیں برآمد کی جاچکی ہیں مقامی ذرائع کا کہنا ہے کہ امدادی کارروائیوں میں اندھیرے کے باعث شدید مشکلات پیش آرہی ہیں۔

    بہت ہو گیا ہمیں الگ گورنر وزیراعلی چاہیے٫یوسف رضا گیلانی نے جنوبی پنجاب کا مقدمہ…

    قبل ازیں افغانستان میں زلزلے سے شدید تباہی،12 افراد جاں بحق ہو گئے ہیں غیر ملکی خبر ایجنسی کی رپورٹ کے مطابق افغانستان میں زلزلے نے تباہی مچادی زلزلہ افغانستان کے مغربی علاقوں میں آیا ہے زلزلے سے کئی عمارتوں کو نقصان پہنچا اور 12 افراد جاں بحق ہوگئے زلزلے سے صوبہ بادغیس میں نقصان پہنچا امریکی جیولوجیکل سروے کے مطابق زلزلے کی شدت 5.6 تھی۔

    سیالکوٹ بزنس کمیونٹی کیجانب سے پریانتھا کمارا کے اہلخانہ کیلئے 0.1 ملین ڈالر امداد

    رپورٹ کے مطابق زلزلے کے باعث کئی عمارتوں کو نقصان پہنچا اور متعدد افراد کے زخمی ہونے کی اطلاعات ہیں زلزلہ مقامی وقت کے مطابق 11 بجکر 40 منٹ پر آیا زلزلے کے بعد لوگ گھروں اور دکانوں سے کلمہ طیبہ کا ورد کرتے ہوئے باہر نکل آئے تاہم کسی قسم کے جانی نقصان کی اطلاع نہیں ملی۔

    اگرنون لیگ شریف فیملی سے خودکو علیحدہ ہ کرتی ہے تو یہ مثبت پیشرفت ہوگی ، فواد…

  • دوسری شادی کی خواہش، بیوی نے شوہر کی انگلیاں توڑ دیں

    دوسری شادی کی خواہش، بیوی نے شوہر کی انگلیاں توڑ دیں

    متحدہ عرب امارات (یو اے ای) میں ایک خاتون نے دوسری شادی کی خواہش پر اپنے شوہر کی انگلیاں توڑ دیں۔

    باغی ٹی وی : عرب میڈیا رپورٹس کےمطابق متحدہ عرب امارات کی ریاست الفجیرہ میں میاں بیوی کے درمیان معمولی سے بات پر جھگڑا ہوگیا، دونوں نے ایک دوسرے کو زدوکوب کیا اور مارا پیٹا شوہر نے تھپڑ مارا جس کی وجہ سے اس کی بیوی کی سماعت پر فرق پڑا اور اسے سننے میں مشکلات پیش آنے لگیں اس دوران بیوی نے خود کو کمرے میں بند کرلیا شوہر نے دروازہ توڑنے کی کوشش کی جس پر مشتعل بیوی نے اچانک دروازہ کھول کر شوہر کی انگلیاں پھنسا دی۔

    دروازے میں ہاتھ آنے سے شوہر کی انگلیوں کی ہڈیاں ٹوٹ گئیں اور ایمرجنسی میں اسپتال جانا پڑا اس دوران بیوی تھانے پہنچ گئی اور شوہر کیخلاف مقدمہ درج کرانے کی درخواست کی جس پر پولیس نے بتایا کہ آپ کے شوہر نے پہلے ہی آپ پر مقدمہ کر رکھا ہے۔

    میموری کارڈ کے تنازعہ پر بھائی کو قتل کرنیوالا ملزم گرفتار

    خاتون نے حکام کو بتایا کہ وہ اپنے شوہر کے دوسری عورت سے شادی کرنے کے فیصلے اور اسے ازدواجی حقوق دینے سے انکار پر طیش میں آگئی تھی۔

    پولیس نے دونوں کو گرفتار کرکے فیملی کورٹ میں پیش کیا متحدہ عرب امارات کی فوجداری عدالت نے ایک 25 سالہ ایشیائی خاتون کو دوسری عورت سے شادی کرنے کے بارے علم ہونے پر شوہر کی انگلیاں توڑنے کے جرم میں 6 ماہ قید اور ملک بدری کی سزا سنائی ہے۔

    سعودی عرب میں خاتون کو ہراساں کرنے کے الزام میں ڈرائیور گرفتار

    واضح رہے کہ اس سے قبل پنجاب کے صوبائی دارالحکومت لاہور میں شوہر نے بیوی پر تیزاب پھینک دیا تھا ڈی آئی جی آپریشنز ڈاکٹر محمد عابد خان نےواقعہ کا نوٹس لیا اور ایس پی سٹی حفیظ الرحمان بگٹی کی قیادت میں شفیق آباد پولیس نے بروقت کاروائی کی، شفیق آباد پولیس نے کاروائی کرتے واقعہ میں ملوث ملزم عاقب کو گرفتار کر لیا .ترجمان پولیس کا کہنا ہے کہ واقعہ گھریلو ناچاقی لڑائی جھگڑا پر پیش آیا,زخمی خاتون کو طبی امداد کے لئے ہسپتال منتقل کیا جو علاج معالجہ کے بعد گھر واپس آ گئی ،ملزم کے خلاف مقدمہ درج کر لیا گیا ہے اور تفتیش جاری ہے، ایس پی سٹی حفیظ الرحمان بگٹی کا کہنا ہے کہ خواتین پر تشدد اور جنسی استحصال کرنے والوں کے خلاف فوری قانونی کاروائی عمل میں لائی جا رہی ہے,

    ہسپتال کے واش رومز میں لڑکی کیساتھ گھناؤنا کام کرنیوالا وارڈ بوائے گرفتار

    قبل ازیں لاہور میں انسداد دہشت گردی عدالت نے شادی سے انکار پر لڑکی پر تیزاب پھینکنے والے 2 افراد کو عمر قید، 21، 21 سال قید اور جرمانے کی سزا سنا دی انسداد دہشت گردی کی عدالت نے ملزمان محمد احمد اور شاہ نواز کو عمر قید، 21، 21 سال قید کے علاوہ 42 ، 42 لاکھ دیت اور 10، 10 لاکھ روپے جرمانہ بھی ادا کرنے کا حکم سنایا ،مقدمے کے مطابق ملزمان نے شادی سے انکار پر لڑکی کے چہرے پر تیزاب پھینک دیا تھا ،عدالت نے ملزمان محمد احمد اور شاہ نواز کو ٹرائل مکمل ہونے کے بعد سزا سنائی، ملزمان نے شادی سے انکار پر تیزاب سے بھرا جگ مدعیہ پر پھینکا تھا24 سالہ متاثرہ شخص نے بتایا کہ اس کی بیوی کو اس کے دوبارہ شادی کا فیصلہ قبول نہیں تھا اس لیے اس نے اپنے شوہر پر حملہ کیا ۔

    شوہر نے بیوی پر تیزاب پھینک دیا

  • کورونا وائرس سے بچاؤ میں بھنگ بھی بہت مفید ،تحقیق

    کورونا وائرس سے بچاؤ میں بھنگ بھی بہت مفید ،تحقیق

    امریکی ماہرین نے حالیہ تحقیق میں دریافت کیا ہے کہ کورونا وائرس سے بچانے میں بھنگ بھی بہت مفید ہے-

    باغی ٹی وی : ’جرنل آف نیچرل پروڈکٹس‘ کے تازہ شمارے میں شائع ہونے والی تحقیق کے مطابق اوریگون اسٹیٹ یونیورسٹی اور اوریگون ہیلتھ اینڈ سائنس یونیورسٹی کےماہرین نےمشترکہ تحقیق میں بھنگ کے پودے میں دو ایسے قدرتی مرکبات دریافت کئے ہیں جو کووِیڈ 19 کی وجہ بننے والے ’سارس کوو 2‘ وائرس کو پھیلنے سے روکتے ہیں اوراس بیماری کی شدت میں اضافہ ہونےنہیں دیتے دریافت ہونے والے ان دونوں مرکبات کے نام ’’کینابیگیرولک ایسڈ‘‘ (سی بی جی-اے) اور ’’کینابیڈایولک ایسڈ‘‘ (سی بی ڈی-اے) رکھے گئے ہیں۔

    سرخ آنکھوں اور جلد کی خارش بھی اومی کرون کی علامات ہیں ،امریکی طبی ماہرین

    ان مرکبات کی سالماتی ساخت دیکھ کر ماہرین کو اندازہ ہوا کہ شاید یہ کورونا وائرس کے انسانی خلیوں سے جڑنے میں رکاوٹ ڈال سکتے ہیں بعد ازاں اس کی تصدیق پیٹری ڈش میں رکھے گئے انسانی پھیپھڑوں اور نظامِ تنفس کے خلیات پر ان مرکبات کی آزمائش سے ہوئی جنہیں کورونا وائرس (سارس کوو 2) سے متاثر کیا گیا تھا۔

    لاک ڈاون برطانوی ماہرین کے لیے سونے کی چڑیا ثابت ہوا

    سی بی جی-اے اور سی بی ڈی-اے، دونوں نے ہی کورونا وائرس کی سطح پر ابھار جیسی اس پروٹین کو جکڑ کر ناکارہ بنا دیا جسے استعمال کرتے ہوئے یہ وائرس خلیے کے اندر داخل ہوتا ہے اور اپنے حملے کی شدت میں اضافہ کرتا ہےتاہم ابھی یہ تحقیق ابتدائی مراحل میں ہے لہذا اسے بنیاد بنا کر بھنگ کا استعمال شروع نہ کیا جائے۔

    برطانوی وزیراعظم کی پریس سیکرٹری مستعفی:وزیراعظم کی حکومت خطرے میں‌:تہلکہ…

    ماہرین کا کہنا ہے کہ وہ جلد ہی مزید تجربات اور تحقیق کے بعد یہ معلوم کریں گے کہ آیا یہ دونوں مرکبات جیتے جاگتے انسانوں کو بھی کورونا وائرس سے اتنے ہی مؤثر اندازمیں بچاسکتے ہیں کہ جس طرح انہوں نے پیٹری ڈش میں کارکردگی کا مظاہرہ کیا تھا علاوہ ازیں، مزید تحقیق میں یہ مرکبات استعمال کرنے پر ظاہر ہونے والے سائیڈ ایفیکٹس کا جائزہ بھی لیا جائے گا اس کے بعد ہی حتمی طور پر ان مرکبات کو کورونا کے علاج میں استعمال کرنے یا نہ کرنے کا فیصلہ کیا جاسکے گا۔

    حمل کے دوران کورونا ویکسین لگوانا محفوظ ہے یا نہیں؟،نئی تحقیق کے نتائج سامنے آگئے

    کچھ وقت پہلےاس جنگلی پودے کو ہر لحاظ سے برُا سمجھا جاتا تھاکیوں کہ اس پودے کے پتے اور پھول کھانے سے انسان کوایک عجب قسم کا نشہ ہوجایاکرتا تھا، پہلے پہل اس کو جناتی پودا بھی قرار دیا گیا کیوں کہ اس پودے کا نشہ کرنے والوں نے اسے شراب اور افیون سے یک سر مختلف قرار دیا تھا۔

    بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان

    اس پودے سے تیار نشہ آور مشروب کو پاکستان اور بھارتی پنجاب میں عمومی طور پر ’’ سردائی‘‘ کہا جاتا ہے جب کہ بھارت کے دیگر علاقوں میں بھنگ لسی کے نام سے یاد کیا جاتا ہے کیوں کہ یہ پودا برصغیر کی دریافت ہے۔اس لیے اس پودے کو ہندی بھنگ،ہندی سن،قنب ہندی،شاہدانہ اور گانجا کے نام سے موسوم کیا گیا ہے جب کہ مغرب میں اس کو ’’میری جوآنا‘‘ کہا جاتا ہے۔

    کورونا،ڈیلٹا،اومی کرون،فلورونا کے بعد ڈیلٹا کرون:نیاوائرس کتنا خطرناک ہے ماہرین نے…

    انگریز دوا ساز کمپنیوں کے ماہرین اس پودے کا نباتاتی نام Cannabis indica اور Cannabis sativa کے نام سے پکارتے ہیں۔ ان میں سے کینے بس انڈیکا، برصغیر پاک و ہند کی مناسبت سے ہے اور کینے بس سیٹائیوا یورپ اور امریکا کی مناسبت سے ہے۔بھارت اور پاکستان میں تو اب بھی یہ مشروب ایک خاص طرح کا روایتی نشہ سمجھا جاتا ہے اور برصغیر کے بہت بڑے حصے میں تو یہ خیال بھی عام ہے کہ اس مشروب کے طبی فوائد بھی ہیں صدیوں سے بھنگ کے مادہ پودے کے پھولوں اور پتوں سے ایک خاص ترکیب کے ساتھ نشہ آور مشروب تیار کیا جاتا ہے-

    جاپان نےکورونا کے پھیلاؤ کا ذمہ دار امریکی فوجی اڈوں کو قرار دے دیا

  • ‏امریکی فوج کے سربراہ جنرل مارک ملی بھی کورونا سے نہ بچ سکے

    ‏امریکی فوج کے سربراہ جنرل مارک ملی بھی کورونا سے نہ بچ سکے

    ‏امریکی فوج کے سربراہ جنرل مارک ملی بھی کورونا میں مبتلا ہو گئے-

    باغی ٹی وی : برطانوی خبر رساں ادرے "روئٹرز” کے مطابق پیر کو ایک ترجمان نے کہا کہ امریکی جوائنٹ چیفس کے چیئرمین جنرل مارک ملی کا اتوار کو کورونا ٹیسٹ مثبت آیا ہے جس کے بعد انہوں نے خود کو قرنطینہ کر لیا ہے تاہم ان میں کورونا کی علامات معمولی نوعیت کی ہیں-

    بیجنگ میں پہلے اومی کرون کیس کی تصدیق،چین پھربحران کا شکار

    ترجمان نے کہا کہ صدر جو بائیڈن کے ساتھ ملی کا آخری بار رابطہ 12 جنوری کو ریٹائرڈ جنرل ریمنڈ اوڈیرنو کی آخری رسومات کے موقع پر ہوا تھا۔ ترجمان نے مزید کہا کہ ملی کا بائیڈن کے ساتھ رابطے کے بعد کئی دن پہلے کورونا ٹیسٹ منفی آیا تھا جبکہ ملی کو کورونا ویکسین کی بوسٹر شاٹ بھی لگ چکی ہے-

    واضح رہے کہ امریکی وزیر دفاع، لائیڈ آسٹن نے اس مہینے کے شروع میں کورونا کے لیے مثبت تجربہ کیا تھا۔ 9 جنوری کو ان کا ٹیسٹ منفی آیاتھا-

    بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان

    دوسری جانب چین کے دارالحکومت بیجنگ میں اومی کرون کیس کی نشاندہی کے بعد شہر میں داخلے کے قواعد میں سختی کردی گئی جبکہ دارالحکومت آنے والوں کو 72 گھنٹے قبل کورونا ٹیسٹ کرانا ہوگا گزشتہ روز بیجنگ کے ضلع ہایدیان میں کورونا کی نئی قسم اومی کرون کی مقامی منتقلی کا پہلا کیس رپورٹ ہوا اومی کرون کی تشخیص کے متاثرہ شہری کے اپارٹمنٹ اور دفتر کو سیل کردیا گیا اور دونوں مقامات پر 2430 افراد کے ٹیسٹ کیے گئے۔

    نیشنل کمانڈ اینڈ آپریشن سینٹر کے اجلاس میں اہم فیصلے:پھر سے پابندیوں کا امکان

    دارالحکومت میں اومی کرون کیس کی نشاندہی کےبعد شہرمیں داخلےکے قواعد میں سختی کردی گئی ہے اور بیجنگ آنے والوں کو72 گھنٹے قبل کورونا ٹیسٹ لازمی قرار دیا گیا ہے بیجنگ میں نئی سفری پابندی 22 جنوری سے مارچ تک نافذ رہے گی جبکہ بیجنگ اور اس کے قریبی صوبے ہیبی میں 4 فروری سے سرمائی اولمپکس ہونےہیں۔

    دوسری جانب بیجنگ کے قریبی شہر تیانجن میں بڑے پیمانے پر ٹیسٹنگ کے تیسرے مرحلے میں اومی کرون کے مزید 59 کیس سامنے آئے ہیں۔ چین میں اومی کرون کے کیسز پانچ صوبوں میں رپورٹ ہوچکے ہیں۔

    تعلیمی ادارے بند کریں گے یا نہیں؟ این سی او سی اجلاس میں کیا بات ہوئی،بڑا فیصلہ

  • فیٹی لیور ایک اور موذی مرض کی وجہ بن سکتا ہے،تحقیق

    فیٹی لیور ایک اور موذی مرض کی وجہ بن سکتا ہے،تحقیق

    لندن: پاکستان میں لوگوں کی بڑی تعداد فیٹی لیورکی شکارہے تاہم اب تحقیق سے بات سامنے آئی ہے کہ یہ کیفیت ایک اور خوفناک اورزندگی بھر ساتھ رہنے والے مرض ذیابیطس کی وجہ بن سکتی ہے۔

    باغی ٹی وی : یونیورسٹی آف برونل نے ہزاروں افراد کا جائزہ لیا ہے جس کا موضوع فیٹی لیوراورذیابیطس کے درمیان تعلق دریافت کرنا تھا اس کے لیے سائنسدانوں نے 32859 افراد کے ایم آرآئی اسکین دیکھے جس میں جگرکی جسامت کا بغور جائزہ لیا گیا اور فیٹی لیورکی جینیاتی وجوہ جاننے کی بھی کوشش کی چربی بھرے جگر کے مرض کا پورا نام ’نان الکحلک فیٹی لیورڈیزیز (این اے ایف ایل ڈی) ہے۔

    حکومت غیر متعدی بیماریوں سے بچاؤ کے لیے بھی این سی او سی کی طرز کے اقدامات اٹھائے ماہرین

    سائنسدانوں نے دریافت کیا کہ اگر جگر پر چربی 5 فیصد بڑھ جائے تو ذیابیطس کا خدشہ 27 فیصد تک بڑھ سکتا ہے یعنی ثابت ہوا کہ اگرجگرچکنائیوں سے بھرا ہوتو اس سے شوگر کا خطرہ بڑھ جاتا ہے-

    ذیا بیطس اور موٹاپے میں مبتلا خواتین میں بریسٹ کینسرکا خطرہ بڑھ سکتا ہے تحقیق

    تحقیق کے سربراہ ہینی یاغوٹکر نے اپنے بیان میں کہا ہمارے تحقیقی نتائج بتاتے ہیں کہ این اے ایف ایل ڈی کا علاج کرکے نہ صرف لوگوں کو وزن کم کیا جاسکتا ہے بلکہ اسے ذیابیطس کا خطرہ بھی دور بھگایا جاسکتا ہے اگرچہ چربی بھرے جگر کی سب سے بڑی وجہ شراب نوشی ہے لیکن شراب نہ پینے والوں میں بھی یہ مرض لاحق ہوسکتا ہے۔ ایک اندازے کے مطابق پاکستان سمیت دنیا بھر میں تین میں سے ایک فرد اس کیفیت کا شکار ہوتا ہے۔

    فاسٹ فوڈ کے فوائد

    ذیابیطس کی ماہر ایرن پیلنکسی کہتی ہیں کہ این اے ایف ایل ڈی اور انسولین کی حساسیت کے درمیان گہرا تعلق پایا جاتا ہے۔ ہمیں چاہیے کہ جگر کو چکنائیوں سے پاک رکھیں کیونکہ چکنائی معمول سے تھوڑی بڑھ جائے تب بھی ٹائپ ٹو ذیابیطس کا خطرہ آگھیرتا ہے۔

    روزانہ چائے اور کافی کا استعمال فالج اور دماغی بیماریوں سے بچاتا ہے ماہرین

    غذائی ماہرین چکنائیوں، روغنی کھانوں اور کریم بھری کافی سے پرہیز کا مشورہ دیتے ہیں ورنہ اس سے پہلے جگر متاثر ہوگا اور بعد میں ذٰیابیطس کا عارضہ چمٹ جائے گا اس لیے ضروری ہے کہ پھل، ہرے پتے والی سبزیوں اور دارچینی وغیرہ کے استعمال کو بڑھایا جائے۔

    ذیا بیطس کے مریضوں کے لئے مفید پھل

    ماہرین نے کہا ہے کہ جگر کو صاف اور تندرست رکھنے کے لیے پالک، سیب، بیریاں، شاخ گوبھی، مغزیات، دالوں، فائربھری اشیا ضرور استعمال کیجئے اس طرح دوہری بیماریوں کو دور بھگایا جاسکتا ہے۔

    نمک کا کم استعمال امراض قلب سے تحفظ فراہم کرتا ہے تحقیق

  • لوگوں کو بنیادی حقوق سے محروم کرنا کہاں کی جمہوریت ہے؟ سراج الحق

    لوگوں کو بنیادی حقوق سے محروم کرنا کہاں کی جمہوریت ہے؟ سراج الحق

    امیر جماعت اسلامی پاکستان سراج الحق نے کہا ہے کہ لوگوں کو بنیادی حقوق سے محروم کرنا کہاں کی جمہوریت ہے؟-

    باغی ٹی وی :تفصیلات کے مطابق سراج الحق نے کہا کہجب 3 کروڑ آبادی والے کراچی کے میئر کو اختیارات نہ ملیں تو الیکشن ایکسر سائز کا کیا فائدہ؟ انہوں ںے استفسار کیا کہ کیا کراچی کا میئر صرف جھاڑو پکڑ کر صفائی کرے گا ؟

    بہت ہو گیا ہمیں الگ گورنر وزیراعلی چاہیے٫یوسف رضا گیلانی نے جنوبی پنجاب کا مقدمہ اٹھا دیا

    امیر جماعت اسلامی پاکستان نے کہا کہ شہری حکومتوں کے قیام کا مقصد نچلے درجے تک اختیارات کی تقسیم ہے لوگوں کو بنیادی حقوق سے محروم کرنا کہاں کی جمہوریت ہے؟پیپلزپارٹی جمہوری جماعت ہے تو 18 دنوں سے سڑک پر بیٹھے لوگوں کی آواز سنے سندھ کا بلدیاتی قانون تمام اسٹیک ہولڈرز کی مشاورت سے بننا چاہیے حکومت سندھ ہٹ دھرمی چھوڑے اور کالا بلدیاتی قانون واپس لے۔

    امیر جماعت اسلامی پاکستان سراج الحق نے واضح طور پر کہا کہ جماعت اسلامی کراچی دھرنا جاری رکھے گی۔ ان کا کہنا تھا کہ جماعت اسلامی کراچی کے عوام کے حقوق کا تحفظ چاہتی ہے۔

    اگرنون لیگ شریف فیملی سے خودکو علیحدہ ہ کرتی ہے تو یہ مثبت پیشرفت ہوگی ، فواد چودھری

    قبل ازیں ایم کیو ایم پاکستان کے سینئر ڈپٹی کنوینر عامر خان نے چیئرمین پاکستان پیپلزپارٹی کو مخاطب کرتے ہوئے کہا تھا کہ بلاول بھٹو صاحب! اپنے جذبات کو قابو میں رکھیں، آپ کو اپنی عمر کے مطابق باتیں کرنی چاہئیں بلاول جتنی آپ کی عمر ہے اتنی ہم نے جیلیں کاٹی ہیں ایم کیو ایم مختلف علاقوں میں احتجاج کررہی ہے اور آج ہماری ماؤں و بہنوں نے بھی احتجاج کرنے کا فیصلہ کیا ہےجب یہ بہنیں نکلتی ہیں تو ہمارا حوصلہ بڑھتا ہے۔

    پاکستان میں قازقستان کے سفیر کی جنرل قمر جاوید باجوہ سے ملاقات

    ایم کیو ایم پاکستان کے سینئر ڈپٹی کنوینرعامر خان نے کہا تھا کہ تمام سیاسی و مذہبی جماعتوں نے سندھ کے بلدیاتی قانون کومسترد کیا اور کہا کہ ہم اس کالے قانون کو مسترد کرتے ہیں ہم کراچی کے بلدیاتی اداروں کو اختیارات دلوانا چاہتے ہیں ہم دادو اور لاڑکانہ سمیت دیگر اضلاع کے نمائندوں کو بھی ان کا حق دلوانا چاہتے ہیں۔

    وزیراعلیٰ ہاؤس کے بعد گورنر ہاؤس بھی جائیں گے، حافظ نعیم الرحمان

    عامر خان نے سخت انداز میں پی پی کے رہنماؤں کو مخاطب کرتے ہوئے کہا تھا کہ نفرت اور لسانیت کی سیاست آپ کرتے ہو، ہم نہیں پیپلزپارٹی کا وڈیرہ گینگ تحمل اختیار کرے۔ 2013 کے ایکٹ میں ترمیم کو تسلیم کرنے سے پہلے ہی انکار کر دیا تھاکراچی سے ہر سال صوبائی حکومت 400 ارب روپے کا ٹیکس جمع کرتی ہے۔ انہوں نے مطالبہ کیا کہ ہمارے شہروں کی گندگی صاف کرنے کا انتظام ہمارے حوالے کردواین ایف سی ایوارڈ کا مسئلہ ہو یا دیگر کوئی بھی مسئلہ، حل ہم نکال کر رہیں گے۔

    سیالکوٹ بزنس کمیونٹی کیجانب سے پریانتھا کمارا کے اہلخانہ کیلئے 0.1 ملین ڈالر امداد

  • افغانستان میں شدید زلزلہ،12 افراد جاں بحق

    افغانستان میں شدید زلزلہ،12 افراد جاں بحق

    افغانستان میں زلزلے سے تباہی،جاں بحق افراد کی تعداد 26 ہوگئی-

    باغی ٹی وی : غیر ملکی خبر ایجنسی کی رپورٹ کے مطابق افغانستان میں زلزلے نے تباہی مچادی زلزلہ افغانستان کے مغربی علاقوں میں آیا ہے زلزلے سے کئی عمارتوں کو نقصان پہنچا اور26 افراد جاں بحق ہوگئے زلزلے سے صوبہ بادغیس میں نقصان پہنچا امریکی جیولوجیکل سروے کے مطابق زلزلے کی شدت 5.6 تھی۔

    رپورٹ کے مطابق زلزلے کے باعث کئی عمارتوں کو نقصان پہنچا اور متعدد افراد کے زخمی ہونے کی اطلاعات ہیں زلزلہ مقامی وقت کے مطابق 11 بجکر 40 منٹ پر آیا۔

    بین الاقوامی میڈیا کے مطابق مغربی افغانستان میں صوبے بدغیث میں ڈسٹرکٹ گورنر محمد صالح نے بتایا کہ زلزلے کے نتیجے میں گھروں کی چھتیں گرنے کے سبب 26 افراد جاں بحق ہوئے ہیں جاں بحق ہونے والے افراد میں 5 خواتین اور 4 بچے بھی شامل ہیں۔

    بغدیث کے ضلع موقر میں بھی زلزلے کے اطلاع ہے تاہم ہلاکتوں کے حوالے سے اب تک کوئی اطلاع موصول نہیں ہوئی ہے۔ خیال رہے کہ 3 دن پہلے افغانستان میں ہندوکش کے علاقے میں بھی زلزلہ آیا تھا جس کے جھٹکے جموں و کشمیر تک محسوس کیے گئے تھے تاہم کوئی جانی و مالی نقصان کی اطلاع نہیں آئی۔

    قبل ازیں گوادرشہراور مضافات میں زلزلے کے جھٹکے محسوس کئے گئے تاہم کسی جانی نقصان کی کوئی اطلاع نہیں ملی کوئٹہ میں زلزلے کے جھٹکے محسوس کیے جس کے باعث لوگوں میں خوف و ہراس پھیل گیا، زلزلے کے بعد لوگ گھروں اور دکانوں سے کلمہ طیبہ کا ورد کرتے ہوئے باہر نکل آئے تاہم کسی قسم کے جانی نقصان کی اطلاع نہیں ملی۔

    زلزلہ پیما مرکز کے مطابق ریکٹر اسکیل پر زلزلے کی شدت 5.0 اور گہرائی 25 کلومیٹر ریکارڈ کی گئی جب کہ زلزلے کا مرکز گوادر کے ساحل کے قریب سمندر میں تھا –

  • جسٹس عمرعطاء بندیال کی بطور چیف جسٹس آف پاکستان تعیناتی کا نوٹیفکیشن جاری

    جسٹس عمرعطاء بندیال کی بطور چیف جسٹس آف پاکستان تعیناتی کا نوٹیفکیشن جاری

    وزارت قانون نے جسٹس عمر عطاء بندیال کی بطور چیف جسٹس آف پاکستان تعیناتی کا نوٹیفکیشن جاری کر دیا۔

    باغی ٹی وی : نوٹیفکیشن کے مطابق جسٹس عمر عطاء بندیال 2 فروری کو عہدے کا چارج سنبھالیں گے، وہ سپریم کورٹ کے سینئر ترین جج ہیں-

    یاد رہے کہ چیف جسٹس گلزاراحمد یکم فروری 2022 کو ریٹائر ہو جائیں گے جسٹس گلزار احمد نے 21 دسمبر 2019ء کو جسٹس ثاقب نثار کی جگہ چیف جسٹس کا منصب سنبھالا تھا-

    جسٹس عمرعطا بندیال کی بطور چیف جسٹس تعیناتی کی سمری تیار

    سپریم کورٹ آف پاکستان کی ویب سائٹ پر جاری کردہ تفصیل کے مطابق جسٹس عمر عطا بندیال 17 ستمبر 1958ء کو لاہور میں پیدا ہوئے انہوں نے ابتدائی تعلیم کوہاٹ، راولپنڈی اور پشاور میں حاصل کرنے کے بعد کولمبیا یونیورسٹی امریکا سے گریجویشن کیا کیمبرج یونیورسٹی کے لنکن اِن سے بیرسٹر کی سند حاصل کی۔ 1983ء میں لاہور ہائی کورٹ اور کچھ برسوں بعد سپریم کورٹ کے وکیل کی حیثیت سے درج ہوئے۔

    عمر عطا بندیال پاکستان کے اگلے چیف جسٹس ہوں گے:صدر نے منظوری دیدی

    جسٹس عمر عطاء بندیال نے 4 دسمبر 2004ء کو لاہور ہائی کورٹ کے جج کی حیثیت سے حلف اُٹھایا لیکن نومبر 2007ء میں انہوں نے سابق فوجی حکمراں پرویز مشرف کے عبوری آئینی حکم نامے (پی سی او) کے تحت حلف اُٹھانے سے انکار کر دیا تھا بعدازاں وہ دو سال کے لئے لاہور ہائی کورٹ کے چیف جسٹس بھی رہے جون 2014ء میں ان کو سپریم کورٹ کا جج بنایا گیا۔ اپنے اعلیٰ عدالتوں میں منصب قاضی کی ذمہ داریاں نبھاتے ہوئے جسٹس بندیال نے اہم مقدمات کے فیصلے دیئے-

    بریکنگ،150 اراکین قومی و صوبائی اسمبلی کی رکنیت معطل

    سپریم کورٹ کے ججز کی تکمیل مدت ملازمت 65 اورہائی کورٹ کےججوں کی عمر کی حد 62 سال ہےایسا ایک سے زائد بار ہوا ہے کہ ہائی کورٹ میں جونیئر کوئی جج عدالت عظمیٰ میں پہنچ کرسینئر ہو جاتا ہےجسٹس گلزاراحمد نے 21 دسمبر 2019ء کوجسٹس ثاقب نثار کی جگہ چیف جسٹس کا منصب سنبھالاتھاجسٹس بندیال 18 ستمبر 2023ء اپنے ریٹائرمنٹ تک سپریم کورٹ آف پاکستان کے چیف جسٹس رہیں گے اس دوران پاکستان میں عام انتخابات بھی ہوں گے۔

    پولیس ملزمان کی ویڈیو کیوں نہیں بناتی؟ جسٹس قاضی فائز عیسیٰ کا اظہار برہمی

    جسٹس بندیال کے منصب کی میعاد مکمل ہونےپرجسٹس قاضی فائز عیسیٰ ان کی جگہ لیں گے ان کی چیف جسٹس کے لئے میعاد 25 اکتوبر 2024ء تک ہوگی اس دوران انہیں صدر عارف علوی کی جانب سے اپنے خلاف دائر ریفرنس کا بھی سامناکرناہوگااس دوران جسٹس مقبول باقر اور جسٹس مظہر عالم خان چیف جسٹس بنے بغیر ہی عدالت عظمیٰ سے ریٹائر ہو جائیں گے۔

    اگرنون لیگ شریف فیملی سے خودکو علیحدہ ہ کرتی ہے تو یہ مثبت پیشرفت ہوگی ، فواد چودھری

  • منشیات کےعادی افراد طالبان کے لئے بڑا چیلنج بن گئے

    منشیات کےعادی افراد طالبان کے لئے بڑا چیلنج بن گئے

    کابل:منشیات کے عادی افراد طالبان کے لئے ایک بڑا چیلنج بن گئے ہیں۔

    باغی ٹی وی : عرب میڈیا "الجزیرہ” کے مطابق منشیات کے عادی بے گھر افغان منشیات لینے کے لیے پلوں کے نیچے جمع ہوتے ہیں اور طالبان اکثر انہیں پکڑتے اور مار تے پیٹتے ہوئے زبردستی علاج کے مراکز میں لے جاتے ہیں تاکہ سخت سردی کے باعث جانی نقصان سے بچایا جا سکے۔

    طالبان نے غیر قانونی سرگرمیوں میں ملوث سینکڑوں ارکان کو برطرف کردیا

    رپورٹ کے مطابق دارالحکومت کابل کے بحالی مرکز میں تقریباً 350 افراد پر مشتمل عملہ ہے اور یہ تقریباً ایک ہزارمریضوں کی دیکھ بھال کررہا ہے جبکہ نئے مریضوں کی آمد کے بعد وسائل محدود ہوگئے ہیں اس کے باوجود طالبان تقریباً 3 ہزار 500 منشیات کے عادی افراد کو بھی اسی بحالی مرکز میں لے آئے ہیں گنتی کے چند بحالی مراکز دوسرے شہروں میں بھی نجی خیراتی ادارے کے تعاون سے چلا رہے ہیں۔

    واں برس مارچ سے لڑکیوں کے تمام اسکول کھول دیئے جائیں گے،ذبیح اللہ مجاہد

    افغانستان ان چند ایک ممالک کے فہرست میں شامل ہے جہاں ہیروئن اور میتھم فیٹامین کی بڑی مقدار موجود ہے، اس میں زیادہ تر دنیا کی بلیک مارکیٹوں میں برآمد کی جاتی ہے۔

    ایک ہسپتال کے سربراہ احمد ظاہر سلطانی منشیات کے عادی افراد کے علاج کے بارے میں بات کرتے ہوئے بتایا کہ طالبان نے دارالحکومت کے مختلف علاقوں سے منشیات کے عادی افراد کو گرفتار کیا اور انہیں کابل میں منشیات کے بحالی سینٹر میں ڈال دیا گیا۔

    طالبان کا تعلیم کے حقوق کا مطالبہ کرنے والی خواتین پرکالی مرچ کا اسپرے

    واضح رہے کہ اس سے قبل شفافیت کو برقرار رکھنے کے لیے طالبان حکومت نے ایسے 2 ہزار 840 ارکان کو برطرف کردیا ہے جو اپنی غیر قانونی سرگرمیوں کے باعث امارت اسلامیہ کی بدنامی کا باعث بن رہے تھے طالبان حکومت کے وزیر لطیف اللہ حکیمی نے عالمی میڈیا کو بتایا کہ عوامی شکایات اور دیگر ذرائع سے حاصل ہونےوالی معلومات کےبعد ان ارکان کےخلاف شفاف جانچ پڑتال کی گئی مکمل تحقیقات کےبعد 2 ہزار 480 ارکان کوبرطرف کیا گیا یہ لوگ کرپشن، منشیات کی اسمگلنگ اور لوگوں کی نجی زندگیوں میں مد اخلت کرنے میں ملوث تھے اور بعض داعش کے ساتھ بھی منسلک تھے۔

    ’ایک بچہ‘پالیسی :چین میں شرح پیدائش کی کم ترین سطح ریکارڈ

    لطیف اللہ حکیمی نے مزید بتایا تھا کہ یہ افراد اپنی غیر قانونی سرگرمیوں کے باعث اماراتِ اسلامی کی بدنامی کا باعث بن رہے تھے تنظیم میں تطہیر کا عمل جارہے گا تاکہ مستقبل میں ایک شفاف عوام دوست پولیس اور فوج بنائی جاسکے۔

    سیکیورٹی کیوں نہیں دی،شہزادہ ہیری برطانوی حکومت کیخلاف عدالت پہنچ گئے