Baaghi TV

Author: عائشہ ذوالفقار

  • ہسپتال میں مریضوں کو نشے کے انجکشن لگا کرگھناؤنا کام کرتی نرس رنگے ہاتھوں گرفتار

    ہسپتال میں مریضوں کو نشے کے انجکشن لگا کرگھناؤنا کام کرتی نرس رنگے ہاتھوں گرفتار

    سکھر کے سول ہسپتال میں جعلی نرس بن کر مریضوں کو لوٹنے والی ملزمہ کو پولیس کے حوالے کر دیا گیا-

    باغی ٹی وی : پولیس کے مطابق سکھر سول ہسپتال انتظامیہ نے ملزمہ کو ہسپتال میں زیرعلاج مریضوں کو نشہ آور انجیکشن لگاتے ہوئے رنگے ہاتھوں پکڑا اور پولیس کو اطلاع دی جس کے بعد ملزمہ کو گرفتار کرکے مقدمہ درج کرلیا گیا۔

    بحریہ ٹاؤن میں ڈکیتی،سیکورٹی کے نام پر ماہانہ چارجز،مکین پھر بھی غیر محفوظ

    مدعی نے بتایا کہ اس کی بیٹی آپریشن کے لیے ہسپتال میں داخل تھی اس دوران ملزمہ نے اسے انجیکشن لگا کر لوٹنے کی کوشش کی جو ہسپتال انتظامیہ نے ناکام بنادی۔

    پولیس کے مطابق ملزمہ اس سے قبل بھی جعلی نرس بن کر ایک خاتون کو نشہ آور انجیکشن لگا کر سونے کی بالیاں چوری کرچکی ہے، ملزمہ کے قبضے سے نشہ آور انجیکشن اور دیگر اشیاء بھی برآمد ہوئی ہیں۔

    شوہر نے بیوی پر تیزاب پھینک دیا

    قبل ازیں نجی ہسپتال کے واش رومز میں لڑکی کیساتھ زیادتی کی کوشش کرنے والے وارڈ بوائے کو گرفتار کر لیا گیا تھا ملزم عثمان اسلم نے مریضہ کیساتھ آئی ملازمہ کو زیادتی کا نشانہ بنانے کی کوشش کی،،ایس ایچ او گارڈن ٹاؤن عمران انوار کا کہنا ہے کہ ملزم کیخلاف مقدمہ درج کر لیا گیا ہے جبکہ مزید تحقیقات کا آغازکر دیا گیا ہے، ایس پی ماڈل ٹاؤن کا کہنا ہے کہ خواتین کو ہراساں کرنا ناقابل برداشت فعل ہے پارکوں،ہسپتالوں اور ایسے دیگر مقامات پر آنے والی خواتین کا تحفظ متعلقہ انتظامیہ بھی یقینی بنائیں، ڈی آئی جی آپریشنز لاہور ڈاکٹر محمد عابد کا کہنا ہے کہ خواتین فوری مدد کیلئے پولیس سیفٹی ایپ ڈاؤن لوڈ کریں-

    لڑکی کو ورغلا پھسلا کرگھناؤنا کرم کرنیوالا سفاک ملزم گرفتار

    اس ے قبل لاہور پولیس نے فیکٹری ایریا کی حدود سے04 بچیوں کے اغوا ء کا معمہ چند گھنٹوں میں حل کر لیا۔ ڈی آئی جی آپریشنز ڈاکٹر محمد عابد خان نے لاپتہ ہونے والی بچیوں سے اپنے دفتر میں ملاقات کی۔ بچیوں کی والدہ اور رکشہ ڈرائیور اصغر بھی اُنکے ہمراہ تھے۔ ایس ایس پی آپریشنز کیپٹن(ر)مستنصر فیروز بھی اس موقع پر موجود تھے۔ ڈاکٹر محمد عابد خان نے بچوں کی بازیابی میں اہم کردار ادا کرنے والے رکشہ ڈرائیور کو سراہا۔انہوں نے رکشہ ڈرائیور اصغر کو گڈ سٹیزن سرٹیفکیٹ اور نقد انعام بھی دیا۔ ڈی آئی جی آپریشنز نے بچیوں کو سویٹس اور گلدستے بھی دیئے۔ انہوں نے بچیوں کی بازیابی پر ایس پی کینٹ اور فیکٹری ایریا پولیس کو شاباش دی۔ڈی آئی جی آپریشنز ڈاکٹر محمد عابد خان کا کہنا تھا کہ جرائم کا خاتمہ عوام کے تعاون کے بغیر ممکن نہیں۔امن و امان کی صورتحال میں شہری پولیس کے ساتھ تعاون کریں-

    ہسپتال کے واش رومز میں لڑکی کیساتھ گھناؤنا کام کرنیوالا وارڈ بوائے گرفتار

  • حبا بخاری اور آریز احمد رشتہ ازدواج میں منسلک

    حبا بخاری اور آریز احمد رشتہ ازدواج میں منسلک

    پاکستان کی معروف اداکارہ حبا بخاری اوراداکار آریز احمد رشتہ ازدواج میں منسلک ہوگئے ہیں-

    باغی ٹی وی :حبا اور آریز احمد کی شادی کی تقریبات 4 جنوری سے شروع ہوئی تھیں جبکہ جوڑے نے اپنے مایوں کی تصاویر اور وڈیوز بھی شئیر کی تھیں دولہا اور دلہن کی ایک دوسرے کو ابٹن لگانے والی تصویر سوشل میڈیا پر وائرل ہوئی تھی اس کے علاوہ مایوں کی تقریب کے بعد 6 اور 7 جنوری کی درمیانی شب حبا بخاری اور آریز احمد نے اپنے نکاح کی تصاویر شئیر کرتے ہوئے تصدیق کی۔
    اداکار آریز احمد آریز احمد نے اپنے انسٹا گرام اکاؤنٹ پر ایک مختصر سی ویڈیو شیئر کی ہے جس میں یہ جوڑ ایک ساتھ خوب حسین اور خوش نظر آ رہا ہےاس ویڈیو کے کیپشن میں آریز احمد کا اپنے نکاح کی تقریب کی جانب اشارہ کرتے ہوئے لکھنا ہے کہ ’جی بالکل ہو گیا ہے۔‘

    علی انصاری سے شادی کے بعد صبورعلی کا سوشل میڈیا پرنام تبدیل

    اپنے نکاح کے دن حبا بخاری اور آریز احمد نے سنہری اور کریم رنگ کی تھیم کے لباس زیب تن کیے جس میں وہ دونوں خوبصورت دکھائی دے رہے تھے-

    دوسری جانب حبا بخاری کی جانب سے بھی اپنے مداحوں کے ساتھ زندگی کے سب سے بڑے دن کی خوبصورت ویڈیو شیئر کی گئی ہے۔حبا بخاری کی جانب سے شیئر کی گئی ویڈیو میں آریز احمد کے نکاح کے دوران کیے گئے مذاق کی جھلکیاں دیکھی جا سکتی ہیں۔

    حبا بخاری اور آرز احمد نے منگنی کرلی

    تاہم شادی پر شوبز انڈسٹری کی نوبیاہتا جوڑی حبا بخاری اور آریز احمد نے مداح کی انوکھی خواہش بھی پوری کی شادی سے قبل ایک مداح نے فرمائش کی تھی کہ ’حبا آپی آپ اپنی شادی والے دن آریز بھائی سے کہنا کہ وہ آپ کو ہاتھ پکڑ کر گول گول گھمائیں کیوں کہ مجھے ایک بہت اچھی ویڈیو بنانی ہے ۔

    احد رضا اور ان کے اہلخانہ کی صبور کی شادی میں شرکت نہ کرنے پر مداح تشویش میں مبتلا

    اس سٹوری پر حبا اور آریز دونوں نے ردعمل دیا تھا اور جوڑے نے اپنے نکاح کے دن گول گول گھمانے کی ویڈیو بنا کر مداح کی فرمائش بھی پوری کردی۔

    واضح رہے کہ پاکستانی شوبز انڈسٹری میں اداکارہ حبا بخاری اور اداکار آریز احمد کے نکاح کے بعد ایک اور خوبصورت فنکار جوڑی کا اضافہ ہو گیا ہے-

    علی انصاری سے شادی کے بعد صبورعلی کا سوشل میڈیا پرنام تبدیل

  • احد رضا اور ان کے اہلخانہ کی صبور کی شادی میں شرکت نہ کرنے پر مداح تشویش میں مبتلا

    احد رضا اور ان کے اہلخانہ کی صبور کی شادی میں شرکت نہ کرنے پر مداح تشویش میں مبتلا

    پاکستان شوبز انڈسٹری کی معروف اداکارہ سجل علی کے شوہر اداکار احد رضا میر نے اپنی سالی صبور علی کی شادی میں شرکت نہ کرکے مداحوں کو تشویش میں مبتلا کردیا۔

    باغی ٹی وی : گزشتہ دنوں سے سوشل میڈیا پر یہ خبریں سامنے آرہی ہیں کہ سجل علی اور اُن کے شوہر احد رضا میر کے درمیان علیحدگی ہوگئی ہے اور اس حوالے سے مختلف ڈیجیٹل خبر رساں اداروں کی جانب سے یہ خبریں شائع کی جارہی ہیں کہ جوڑے کی علیحدگی ہوگئی ہے۔

    سجل علی کی مینجر نے ڈیجیٹل خبر رساں ادارے پر شدید برہمی کا اظہار کرتے ہوئے کہا تھا کہ یہ شرمناک صحافت ہے کہ آپ اپنی ریٹنگز کے لیے کسی کی ذاتی زندگی سے متعلق بےبنیاد خبریں شائع کریں۔

    علی انصاری سے شادی کے بعد صبورعلی کا سوشل میڈیا پرنام تبدیل

    تاہم ایک بار پھر سوشل میڈیا صارفین کی جانب سے سجل اور احد کی ازدواجی زندگی سے متعلق کئی سوالات کیے جارہے ہیں۔

    گزشتہ روز سجل علی کی بہن و اداکارہ صبور علی اور اداکار علی انصاری کے نکاح اور رخصتی کی تقریب ہوئی جس میں جہاں اُن کے رشتہ داروں اور شوبز ستاروں نے شرکت کی تو وہیں ان کے شوہر اور صبور کے بہنوئی احد رضا میر شادی کی تقریب میں نظر نہیں آئے۔

    احد رضا میر اور اُن کے اہلخانہ صبور کی شادی کی کسی بھی تقریب میں شریک نہیں ہوئے جس کے بعد سوشل میڈیا صارفین کی جانب سے سجل اور احد کی ازدواجی زندگی سے متعلق کئی سوالات کیے جارہے ہیں۔

    "ڈھولکی” کی رسم سے صبور علی اور علی انصاری کی شادی کی تقریبات کا آغاز

    اس کے ساتھ ہی سوشل میڈیا پر احد رضا میر اور اُن کے اہلخانہ کی ایک تصویر بھی وائرل ہورہی ہے جوکہ دبئی میں ایک شادی کی تقریب کے دوران لی گئی سوشل میڈیا صارفین کی جانب سے سوال کیا جارہا ہے کہ کیا احد کے لیے صبور علی کی شادی سے زیادہ یہ شادی اہم تھی؟-

    دوسری جانب سجل علی بھی اپنی بہن کی شادی میں کچھ کھوئی کھوئی سی نظر آئیں، صارفین کا کہنا ہے کہ احد کی غیر موجودگی نے سجل کو اُداس کیا۔

    لالی ووڈ ہیرو معمررانا کی بیٹی کی منگنی

  • سلمان خان کی گھوڑے کے ساتھ شئیرکی گئی تصویر پر دلچسپ تبصرے

    سلمان خان کی گھوڑے کے ساتھ شئیرکی گئی تصویر پر دلچسپ تبصرے

    بھارتی فلم انڈسٹری کےسُپر اسٹار سلمان خان کی گھوڑے کے ساتھ لی گئی تصویر سوشل میڈیا پر وائرل ہورہی ہے جس پر مداحوں ی جانب سے دلچسپ تبصرے کئے جا رہے ہیں-

    باغی ٹی وی :سانپ کے کاٹنے کے 2 ہفتے بعد سلمان خان نے اپنے انسٹاگرام اکاؤنٹ پر گھوڑے کے ساتھ ایک تصویر شیئر کی اور کیپشن میں لکھا کہ ’ گھوڑے کا منہ‘- تصویر میں سلمان خان نے گھوڑے کو خود سے بہت قریب کر رکھا ہے-

    بگ باس 15: سلمان خان کی کھلاڑی کو گھر میں گھس کر مارنے کی دھمکی دی

    سلمان خان کی پوسٹ کو اب تک 16 لاکھ 96 ہزار سے زائد مرتبہ دیکھا اور لائیک کیا جا چکا ہے پوسٹ پر جہاں اُن کے فین خوب محظوظ ہوئے،اور دلچسپ تبصرے کرتے ہوئے انہیں محتاط رہنے کا بھی مشورہ دیا وہیں اس تصویر کو کترینہ کیف کی بہن ازابیل کیف، ٹیلی ویژن اداکار ارجن بجلانی اور یوویکا چوہدری نے بھی کمنٹ کرتے ہوئے دل والے ایموجی شئیر کئے-

    ایک صارف نے لکھا کہ بیچارا گھوڑا، سوچ رہا ہے، آج تو ٹائیگر دبوچ ہی نہ لے، ایک مداح نے کمنٹ سیکشن میں لکھا کہ ’بھائی زیادہ پیار مت کرنا کاٹ لے گا‘،جبکہ ایک صارف نے کہا کہ ’دونوں ہی گھوڑے ہیں، ایک زمین پر بھاگتا ہے اور دوسرا باکس آفس پر، ہم آپ سے بہت محبت کرتے ہیں سلمان خان‘۔

    بالی ووڈ خانز کا دور اپنے اختتام کو پہنچ چکا،کے آر کے کا دعویٰ

    ایک خاتون صارف گھوڑے کو خوش قسمت قرار دیا کیونکہ سلمان خان نے اسے گلے لگارکھا ہے خاتون نے لکھا کہ گھوڑا بہت خوش قسمت ہے، جسے گلے لگایا گیا، یہاں کتنی لڑکیاں ہیں ،جو آپ کو گلے لگانا چاہتی ہیں۔

    حال ہی میں سلمان خان کو سانپ کے کاٹنے کی خبر سامنے آئی تھی اسی تناظر میں ایک مداح نے سلمان کو گھوڑے سے محتاط رہنے کا مشورہ دیتے ہوئے کہا کاٹ لے گا۔

    واضح رہے کہ سلمان خان کو 25 دسمبر کو اُن کے فارم ہاؤس پر سانپ نے کاٹ لیا تھا، جس کے بعد انہیں اسپتال میں داخل کرایا گیا مگر انہیں اگلے ہی دن ڈسچارج کردیا گیا۔

    سلمان خان فیروزہ والا بریسلٹ کیوں پہنتے ہیں؟ وجہ بتا دی

  • ملتان سے جدہ جانیوالی پی آئی اے پروازو فنی خرابی کے باعث کراچی اتارلی گئی

    ملتان سے جدہ جانیوالی پی آئی اے پروازو فنی خرابی کے باعث کراچی اتارلی گئی

    قومی ایئر لائن پی آئی اے کی ملتان سے سعودی شہر جدہ جانے والی پرواز کو فنی خرابی کے باعث کراچی اتار لیا گیا۔

    باغی ٹی وی: پی آئی اے کے ترجمان کے مطابق پرواز پی کے 9739 نے کراچی میں ٹیکنیکل سیف لینڈنگ کی، کراچی قومی ایئر لائن کا انجینئرنگ بیس ہونے کی وجہ سے مذکورہ طیارہ یہاں اتارا گیا ہےجبکہ کراچی میں طیارہ تبدیل کر کے مسافروں کو جدہ روانہ کر دیا گیا ہے۔

    اسلام آباد سے سعودی عرب کیلئے اڑان بھرنے والی پروازحادثے سے بال بال بچ گئی

    ترجمان پی آئی اے نے مزید کہا کہ پہلے طیارے کی فنی خرابی بھی دور کر دی گئی ہے، جو اب پرواز کے لیے تیار ہے۔

    واضح رہے کہ اس سے قبل بھی اسلام آباد سے سعودی عرب کے لیے اڑان بھرنے والی نجی ایئرلائن کی پرواز میں ٹیک آف کرتے ہی فنی خرابی پیدا ہوگئی تھی طیارے کے کپتان نے ایئرٹریفک کنٹرولر سے رابطہ کرکے دوبار لینڈنگ کی اجازت طلب کی ایئر ٹریفک کنٹرولر نے کپتان کو فوری طور پر ٹیکنیکل لینڈنگ کی اجازت دی اجازت ملنے پر طیارے کے کپتان نے انتہائی مہارت سے طیارے کو لینڈ کروایا۔

    پی آئی اے کا فلائیٹ شیڈول اچانک تبدیل:لاہور آنے والوں کواسلام آباد اتارنے کا حکم…

    گزشتہ روز لاہور میں اچانک موسم کے شدید سلسلے کے باعث پروازیں اسلام آباد اتار لی گئیں تھیں پی آئی اے حکام کا کہنا تھا کہ کراچی تا لاہور پی کے 302، ابوظہبی تا لاہور پی کے 264 اور جدہ تا لاہور پی کے 9760 اسلام آباد اتر گئیں اس دوران موسم سے متاثر ہونے والی پروازوں کے 447 مسافروں کو خصوصی بسوں کے ذریعے لاہور لے جایا جائے گا جبکہ لاہور سے روانہ ہونے والی پروازیں پی کے 303 لاہور تا کراچی، پی کے 9759 لاہور تا جدہ اور پی کے 189 لاہور تا بحرین منسوخ کردی گئیں تھیں-

    ترجمان پی آئی اے کا کہنا تھا کہ پی آئی اے کال سینٹر 24 گھنٹے مسافروں کو معلومات فراہم کرنے میں مصروف ہےموسم کی خرابی کے پیش نظر مسافروں سے التماس ہے کہ گھر سے نکلنے سے پہلے اپنی پرواز سے متعلق معلومات حاصل کرلیں-

    معیشت مضبوط اورملازمتوں کےمواقع پیداہورہے ہیں،وزیراعظم

  • علی انصاری سے شادی کے بعد صبورعلی کا سوشل میڈیا پرنام تبدیل

    علی انصاری سے شادی کے بعد صبورعلی کا سوشل میڈیا پرنام تبدیل

    پاکستانی شوبز انڈسٹری کی معروف اداکارہ صبور علی اور علی انصاری رشتہ ازدواج میں منسلک ہو گئے-

    باغی ٹی وی : اداکارہ صبور علی اور اداکار علی انصاری کے نکاح اور رخصتی کی تقریب کا انعقاد گزشتہ روز کیا گیا تھا جس کی تصویریں اور ویڈیوز سوشل میڈیا پر وائرل ہورہی ہیں صبور علی اپنی رخصتی کے وقت جذبات پر قابو نہ رکھ سکیں-
    https://twitter.com/Lollywoodnow1/status/1479424096698052611?s=20
    صبور علی نے اپنی زندگی کے سب سے خاص اور خوبصورت موقع پر گولڈن رنگ کے عروسی لباس کا انتخاب کیا جبکہ اُن کے شوہر علی انصاری نے سفید شیروانی زیب تن کی۔

    "ڈھولکی” کی رسم سے صبور علی اور علی انصاری کی شادی کی تقریبات کا آغاز


    ساتھی اداکاروں نے شادی میں شرکت کر کے تقریب کو چار چاند لگائے عروہ حسین، زارا نور عباس سمیت دیگر شخصیات رخصتی کی تقریب میں بھی شریک تھیں۔
    https://twitter.com/Lollywoodnow1/status/1479451687207190529?s=20
    صبور علی کو رخصتی کے وقت روتے ہوئے دیکھا گیا، جس کی تصویر سماجی رابطے کی ویب سائٹ پر بھی شیئر ہوئی ایک ویڈیو میں علی انصاری کو اپنی دلہن کا ہاتھ تھامے حوصلہ دیتے ہوئے دیکھا گیا ہے۔

    دوسری جانب اداکار علی انصاری کے ساتھ رشتۂ ازدواج میں منسلک ہونے والی ہصبور نے شادی کے بعد سوشل میڈیا پر اپنا نام تبدیل کردیا فوٹو اینڈ ویڈیو شیئرنگ ایپ انسٹاگرام پر موجود صبور علی کے تصدیق شدہ اکاؤنٹ پر اُنہوں نے اپنا نام تبدیل کرلیا ہے اداکارہ نے اپنے انسٹاگرام اکاؤنٹ پر نام تبدیل کرکے ’صبور علی انصاری‘ کردیا ہے۔

    لالی ووڈ ہیرو معمررانا کی بیٹی کی منگنی


    صبور علی کی جانب سے انسٹاگرام اکاؤنٹ کا نام تبدیل کرنے پر اُن کے مداح بہت خوش ہورہے ہیں اور سوشل میڈیا کے مختلف پیجز پر اُن کے انسٹاگرام اکاؤنٹ کا اسکرین شاٹ شیئر کررہے ہیں۔

    ادھر صبور علی کے ساتھ رشتۂ ازدواج میں منسلک ہونے کے بعد اداکار علی انصاری کی سوشل میڈیا مقبولیت میں اضافہ ہوگیا ہے علی انصاری گزشتہ کئی روز سے خبروں کی زینت بنے ہوئے ہیں، پہلے اداکار کی بہن کی شادی توجہ کا مرکز بنی تو اب اُن کی اپنی شادی کے خوب چرچے ہورہے ہیں۔

    بھارتی موسیقار اے آر رحمن نے بیٹی کی منگنی کر دی


    علی انصاری کے فوٹو اینڈ ویڈیو شیئرنگ ایپ انسٹاگرام پر موجود تصدیق شدہ اکاؤنٹ پر فالوورز کی تعداد میں اضافہ ہوگیا ہے اداکار کے انسٹاگرام فالوورز، اضافے کے بعد ایک ملین یعنی 10 لاکھ ہوگئے ہیں۔

    علی انصاری کے انسٹاگرام اکاؤنٹ کی جانب نظر دوڑائی جائے تو اُنہوں نے اب تک 453 پوسٹس کی ہیں جبکہ اُنہوں نے اپنے اکاؤنٹ سے صرف 374 صارفین کو فالو کیا ہوا ہے۔

    سال 2021 میں شادی کے بندھن میں بندھنے والی شوبز، سیاسی و سماجی شخصیات

  • بالی ووڈ خانز کا دور اپنے اختتام کو پہنچ چکا،کے آر کے کا دعویٰ

    بالی ووڈ خانز کا دور اپنے اختتام کو پہنچ چکا،کے آر کے کا دعویٰ

    ممبئی: بالی وڈ کے خود ساختہ فلمی ناقد کمال آر خان کا کہنا ہے کہ بھارتی فلم انڈسٹری کے تینوں خانز کا دور اب اپنے اختتام کو پہنچ چکا ہے۔

    باغی ٹی وی :بھارتی میڈیا کے مطابق ایک دہائی سے زیادہ کا عرصہ ہوگیا لیکن بالی ووڈ کے تینوں خانز (شاہ رخ خان، عامر خان، سلمان خان) اب بھی انڈسٹری پر راج کر رہے ہیں اور اس بات کا اندازہ باکس آفس کے اعداد و شمار سے بخوبی لگایا جا سکتا ہے۔
    https://twitter.com/kamaalrkhan/status/1478945347686838282?s=20
    سماجی رابطے کی ویب سائٹ ٹوئٹر پر کمال خان نے اپنے حالیہ بیان میں دعویٰ کیا ہے کہ بالی وڈ کے تینوں خانز کا دور ختم ہوگیا، ان تینوں میں حد سے زیادہ گھمنڈ اور حسد ہے جس کا اب انہیں سامنا کرنا پڑے گا۔

    کمال آر خان نے سلمان خان کو کیا دھمکی دی؟

    سلمان خان کی فلم پر منفی تجزیہ: میکا سنگھ کا کمال آر خان کیخلاف گیت بنانے کا فیصلہ

    فلمی ناقد نے کہا ’وقت کسی کا نہیں ہوتا، وہ آتا ہے اور چلا جاتا ہے، مغل اور برطانیہ بھی اپنی حکمرانی ہندوستان میں برقرار نہیں رکھ سکے، اسی طرح تینوں خانز کا دور بھی اب ختم ہو چکا ہے۔‘
    https://twitter.com/kamaalrkhan/status/1478947035009146883?s=20
    کمال خان نے مزید کہا کہ اسلام بھی کہتا ہے کہ گھمنڈ اور حسد دو ایسی چیزیں ہیں جو انسان کی تباہی کا باعث بنتی ہیں، یہ دونوں چیزیں ان تینوں خانز میں کثرت سے پائی جاتی ہیں جس سے ظاہر ہوتا ہے کہ وہ بھی تباہ چکے۔

    بالی وڈ کی بلاک بسٹر فلمیں جو سلمان خان نے ٹھکرا دیں تھیں

    فلمی ناقد نے اپنے بیان میں کہا تھا کہ میں سلمان خان کا کیریئر ختم کر دوں گا اور تب تک نہیں رکوں گا جب تک یہ سپر اسٹار بالکل صفر نہیں ہو جاتا کے آر کے نے کہا تھا لیکن کیریئر تھا ہی کہاں؟ ایکٹنگ کا ’اے‘ نہیں آتا، زبردستی کا اسٹار تھا، بس مجھے لوگوں کو بتانے میں تھوڑا وقت لگا۔

    سلمان خان پر تنقید کرنے والے کمال آر خان کی بھارت چھوڑنے کی دھمکی

    کےآرکے نے کہا تھا کہ میں نے فلموں کےریویو کرنا چھوڑ دیا تھا تاہم بالی وڈ والوں نے دوبارہ مجبور کیا، مجھے ریویو کرنے سے صرف عدالت کے ذریعے روکا جاسکتا ہے، ایک بار بھارت سے چلاگیا تو پھر کوئی نہیں روک پائے گا اور اگر میں ہندوستان چھوڑوں گا تو مجھے افسوس ہوگا بالی ووڈ کے لوگوں کا تاحیات بھائی چارہ ختم ہو چکا ہو گا بہتر ہے مجھے زیادہ پریشان نہ کیا جائے ورنہ میرے پاس بالی وڈ والوں سے متعلق بہت سی ویڈیوز اور تصاویر ہیں جنہیں وائرل کر کے سب کے راز فاش کرسکتا ہوں۔

    میں نے اکیلے ہی سلمان خان کا پورا کیریئر ختم کردیا کمال آر خان کا دعویٰ

  • بگ باس 15: سلمان خان کی کھلاڑی کو گھر میں گھس کر مارنے کی دھمکی دی

    بگ باس 15: سلمان خان کی کھلاڑی کو گھر میں گھس کر مارنے کی دھمکی دی

    ممبئی: بالی ووڈ کے دبنگ اداکار سلمان خان نے بگ باس 15 کے کھلاڑی ابھیجیت بچوکلے کو گھر میں گھس کر مارنے کی دھمکی دی ہے۔

    باغی ٹی وی : بگ باس 15 کے کھلاڑی ابھیجیت بچوکلے جب سے گیم شو میں شامل ہوئے ہیں اس وقت سے ہی شو کے متنازع کھلاڑی کی بن چکے ہیں اور اکثر ان کے دیگر کھلاڑیوں کے ساتھ برے رویے کی ویڈیوز بھی سوشل میڈیا پر وائرل ہوتی رہتی ہیں لیکن اس بار تو ابھیجیت بچوکلے نے کچھ ایسا کردیا جس کی وجہ سے سلمان خان اتنا زیادہ غصے میں آگئے کہ انہیں بگ باس کے گھر کے اندر آکر مارنے کی دھمکی دے دی۔

    سلمان خان فیروزہ والا بریسلٹ کیوں پہنتے ہیں؟ وجہ بتا دی

    بھارتی نجی چینل نے حال ہی میں شو کے نئے پرومو کی ویڈیو شیئر کی ہے جس میں سلمان خان ابھیجیت بچو کلے کو دیگر کھلاڑیوں کے ساتھ نازیبا رویہ اختیار کرنے پر ڈانٹتے ہوئے نظر آرہے ہیں۔

    سلمان خان کہہ رہے ہیں بچوکلے یہ جو آپ نے گندی گندی گالیاں دی تھیں، کوئی دوسرا آپ کے گھروالوں کو دے تو آپ کو کیسا لگے گا۔ میں آپ کو وارننگ دے رہاہوں مڈ ویک آ کے نکال کے جاؤں گا یہاں سے بال پکڑ کے۔

    بچو کلے سلمان خان کو کہتے ہیں میں بولوں، لیکن سلمان غصے میں انہیں کہتے ہیں ’’تو بولے گا نا تو گھر میں آکے تجھے مار کے جاؤں گا ،سلمان خان کی اس بات پر ابھیجیت بچو کلے بھڑک کر کہتے ہیں بھاڑ میں جائے آپ کا شو، کھولو دروازہ ایسے شو میں، میں رکنا بھی نہیں چاہتا۔

    پاکستانی فلم ’پرے ہٹ لو’ نے بھارتی ایوارڈ جیت لیا

    واضح رہے کہ اس سے قبل سلمان خان نے شو میں شامل ایک اور کھلاڑی اداکارہ شمیتا شیٹھی کو بھی گھر والوں سے الجھنے پر کھری کھری سنائی تھیں یہ اس وقت شروع ہوا جب شو میں اداکارہ روینہ ٹنڈن نے بطور مہمان خصوصی شرکت کی اور شو کے کھلاڑیوں کو ٹاسک دیا کہ وہ بگ باس کے گھر میں موجود گناہگار کا نام بتائیں۔

    شو کی کھلاڑی ریشمی دیسائی نے شو میں شامل ایک اور کنٹیسٹنٹ ابھی شیک بچھوکلے کا نام لیا اور ان کا نام لینے کی وجہ بتائی کہ انہوں نے دو بار شمیتا شیٹھی کو پیر کی جوتی بتایا ہے اور یہ بات مجھے چبھی۔

    بگ باس 15 میں کھلاڑیوں کی غیر ضروری گفتگو اور حرکتیں،سلمان خان غصے میں آگ بگولہ ہو…

    یہاں پر شمیتا شیٹھی نے بھی کہا کہ ابھیشیک نے مجھے پیر کی جوتی کہا اس کے علاوہ ایک نازیبا لفظ بھی کہا۔ کون ہے یہ آدمی؟ تاہم سلمان خان نے تصدیق کی کہ ابھیشیک نے شمیتا شیٹھی کو ایسا کچھ نہیں کہا۔ لیکن شمیتا اپنے موقف پر قائم رہیں اور مزید کہا یہ آدمی یہاں کیوں ہے؟-

    شمیتا کی یہ بات سلمان خان کو اچھی نہیں لگی اور انہوں نے کہا اگر انہوں نے آپ کو کچھ کہا بھی ہے تو کیا آپ ان کے کہنے پر ہوجائیں گی؟ سلمان نے شمیتا کو ڈانٹتے ہوئے کہا آپ نے کہا وہ یہاں کیوں ہے؟ یہ بات صحیح نہیں ہے شمیتا ’’لعنت ہے‘‘۔

    گلوکارسونو نگم فیملی سمیت کورونا وائرس کا شکار

  • یو اے ای میں ہفتہ وار چھٹی کا دن تبدیل،پہلی بار جمعہ کواسکول و کاروباری مراکز کھلے رہے

    یو اے ای میں ہفتہ وار چھٹی کا دن تبدیل،پہلی بار جمعہ کواسکول و کاروباری مراکز کھلے رہے

    ابو ظبی: متحدہ عرب امارات میں جمعہ کوہفتہ وارچھٹی تبدیل ہونے کے بعد تاریخ میں پہلی مرتبہ اسکول و کاروباری مراکز کھلے رہے۔

    باغی ٹی وی :غیرملکی خبرایجنسی کے مطابق متحدہ عرب امارات میں ہفتہ وار چھٹی کا دن تبدیل کردیا گیا ہے اوراب ہفتہ وارچھٹی جمعہ اورہفتے کے بجائے ہفتہ اوراتوارکوہوگی۔

    متحدہ عرب امارات نے گزشتہ سال دسمبرمیں جمعہ کی چھٹی تبدیل کرنے کااعلان کیا تھا۔ یواے ای کی جانب سے جاری بیان میں کہا گیا تھا کہ ہفتہ وار چھٹی میں تبدیلی کا فیصلہ سعودی عرب سے بڑھتی کاروباری مسابقت اوربہترکاروباری مواقعوں کے لئے دیگرممالک سے مطابقت کی غرض سے کیا گیا ہے۔

    متحدہ عرب امارات میں دفتری اوقات کار میں کمی ، ہفتہ اور اتوار کو باضابطہ ویک اینڈ…

    امارات میں جمعہ کے دن نماز کے اجتماع کی وجہ سے ہمیشہ سے چھٹی ہوا کرتی تھی اور اس کے ساتھ ساتھ جمعرات کو بھی چھٹی دی جاتی تھی البتہ 2006 کے بعد ہفتہ وار چھٹی تبدیل کر کے جمعہ ہفتہ کردی گئی تھی۔

    تاہم اس تبدیلی پر اب بھی عوام کی بڑی تعداد خوش نظر نہیں آتی کیونکہ انہوں نے جمعہ کو بھی کاروباری مراکز بند رکھے البتہ ایک بڑی تعداد میں کاروبار کھلا رکھا جبکہ بچے بھی معمول کے مطابق اسکول گئے۔

    جمعہ کو ہفتہ وار چھٹی ختم ہونے کے باوجود امارات میں لوگ ہمیشہ کی طرح بڑی تعداد میں نماز جمعہ کی ادائیگی کے لیے مساجد میں آتے رہے البتہ نماز کی ادائیگی کے بعد ایک بڑی تعداد دفاتر کو واپس لوٹ گئی۔

    سعودی ولی عہد محمد بن سلمان کا وژن 2030، دبئی،قطر اورابو ظہبی کیلئے چیلنج

    چھ ماہ سے دبئی میں رہنے والے 22سالہ برطانوی شہری ریچل کنگ اس تبدیلی سے زیادہ خوش نظر نہیں آتے اور انہوں نے کہا کہ میں اس کے بجائے جمعہ کو ہی ہفتہ وار چھٹی کرنے کو ترجیح دوں گا ہم ہمیشہ سے یہ دیکھتے رہے ہیں کہ جمعہ کو چھٹی ہوتی ہے اور اسے پسند کرتے ہیں، ہم اس دوران ان مقامات پر جاتے ہیں جو کھلے ہوتے ہیں لیکن اب ہمیں یہ سب اتوار کو کرنا ہو گا۔

    امارات نے یہ اعلان سعودی سے بڑھتی کاروباری مسابقت اور بہتر کاروباری مواقعوں کے لیے ممالک سے مطابقت کی غرض سے گزشتہ سال دسمبر میں ہفتہ وار جمعہ کی چھٹی تبدیل کرنے کا اعلان کیا تھا اب اس نئے طریقہ کار کے تحت امارات میں سرکاری دفاتر اور اسکول ہفتے میں سارے دن کام کریں گے اور جمعہ نماز جمعہ کی ادائیگی سے قبل 12 بجے بند ہو جائیں گے۔

    سعودی عرب میں خاتون کو ہراساں کرنے کے الزام میں ڈرائیور گرفتار

    جب اس نئی تبدیلی کے حوالے 195 کاروباروں سے پولنگ کی گئی تو صرف 23فیصد کاروبار ساڑھے چار دن تک کاروبار کے طریقہ کار پر متفق نظر آئے غیرمعمولی تبدیلی کے حامل اس جمعہ کو کاروباری معمولات کچھ تیز نہ رہے کیونکہ بڑھتے ہوئے کووڈ کیسز کے پیش نظر عملے کی بڑی تعداد گھر سے کام کررہی ہے جبکہ بچے بھی اسکول میں آن لائن کلاسز لے رہے ہیں۔

    جہاں ایک طرف متحدہ عرب امارات میں یہ تبدیلی ہوئی ہے وہیں ایک اور خلیجی ریاست شارجہ نے اس کا آسان حل نکالتے ہوئے جمعہ، ہفتہ اور اتوار تینوں دن چھٹی کا اعلان کردیا ہے۔

    عالمی برادری کسی سیاسی تعصب کے بغیر افغان عوام کی مدد کرے،ملا عبدالغنی برادر

  • امریکا:کورونا سے متاثربیٹے کوگاڑی کی ڈکی میں بند کرنے والی خاتون گرفتار

    امریکا:کورونا سے متاثربیٹے کوگاڑی کی ڈکی میں بند کرنے والی خاتون گرفتار

    واشنگٹن: امریکا میں کورونا سے متاثربیٹے کوگاڑی کی ڈکی میں بند کرنے والی خاتون ٹیچرکوگرفتارکرلیا گیا۔

    باغی ٹی وی : غیرملکی میڈیا کے مطابق امریکی ریاست ٹیکساس میں 41 سال کی خاتون ٹیچرسارہ بیم نے کورونا ٹیسٹ مثبت آنے کے بعد اپنے13 سال کے بیٹے کوگاڑی کی ڈکی میں بند کردیا۔

    یورپ بھر میں کورونا کیسز اور اموات میں اضافہ جبکہ پاکستان میں 1مریض جاں بحق

    خاتون ٹیچر اپنا کورونا ٹیسٹ کرانے ٹیسٹ سینڑ پہنچیں تو لوگوں نے شورسن کران کے بیٹے کوڈکی سے نکالا سارہ بیم کا کہنا تھا کہ انہوں نے خود کوکورونا سے محفوظ رکھنے کے لئے بیٹے کوکار کی ڈکی میں بند کیا۔

    پولیس نے سارہ بیم کوبچے کی جان خطرے میں ڈالنے کے الزام میں گرفتارکرلیا۔

    واضح رہے کہ دنیا بھر میں27 لاکھ سے زائد افراد کورونا وائرس میں مبتلا ہو گئےاور دنیا میں بھر میں کورونا سے 6 ہزار سے زائد اموات ریکارڈ کی گئیں ہیں 24گھنٹے میں ارجنٹائن میں ایک لاکھ 8ہزار، جرمنی میں 59ہزار سے زائد کیسز رپورٹ ہوئےبھارت میں کورونا کے ایک لاکھ 41ہزار سے زائد کیسز رپورٹ کئے گئے-

    ڈاکٹر یاسمین راشد میں اومیکرون کی تصدیق

    امریکا میں کورونا کے8 لاکھ 49 ہزار سے زائد کیسز ریکارڈ اسپین میں ایک لاکھ 15ہزارسے زائد کورونا کیسز ریکارڈ، ترکی میں 60ہزار، برازیل میں 54 ہزار سے زائد کیسز رپورٹ، اٹلی میں کورونا کے ایک لاکھ 8 ہزار سے زائد کیسز ریکارڈ فرانس میں کورونا کے 24 گھنٹے میں 3لاکھ 28ہزار سے زائد کیسزریکارڈ اور برطانیہ میں کورونا کےایک لاکھ 78ہزار سے زائد نئے کیسز ریکارڈ ہوئے-

    اومیکرون….احتیاط کریں نہیں تو پابندیاں لگائی جا سکتی ہیں. اعلان ہو گیا

    جبکہ این سی او سی کے مطابق پاکستان کورونا مریضوں کے حوالے سے مرتب کی گئی فہرست میں 40 ویں نمبر پر آ گیا، تاہم کورونا کیسز کی شرح میں مسلسل اضافہ ہو رہا ہےنیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 46 ہزار 537 کورونا ٹیسٹ کیے گئے مزید ایک ہزار 345 کورونا کیسزرپورٹ ہوئےگزشتہ چوبیس گھنٹوں میں ملک میں کورونا کیسزکی مجموعی تعداد 13 لاکھ 2 ہزار 486 ہو گئی جبکہ اموات کی مجموعی تعداد 28 ہزار 962 ہو گئی ہے اور مثبت کیسز کی شرح 2.89 فیصد رہی۔

    اومی کرون کی علامت جو نیند میں سامنے آتی ہے