Baaghi TV

Author: عائشہ ذوالفقار

  • منشیات کے جھوٹے الزام پر بھارتی اداکارہ نے خودکشی کر لی

    منشیات کے جھوٹے الزام پر بھارتی اداکارہ نے خودکشی کر لی

    ممبئی: بھارت کی مقامی انڈسٹری کی اداکارہ نے منشیات کے جھوٹے مقدمے میں گرفتاری کے خوف سے تنگ آکر خودکشی کرلی۔

    باغی ٹی وی: بھارتی میڈیا رپورٹ کے مطابق بھوجپوری انڈسٹری سے تعلق رکھنے والی 28 سالہ اداکارہ نے حال ہی میں اپنی دوستوں کے ساتھ ہوٹل میں منعقد ہونے والی پارٹی میں شرکت کی بعد ازاں ان کے نمبر پر دو لوگوں نے نارکوکٹس کنٹرول بیورو کا افسر بن کر بات کی اور انہیں منشیات استعمال کرنے کے الزام میں پھنسا کر گرفتار کرنے کی دھمکی دی۔

    گرل فرینڈ کی ٹویٹ نے بالی ووڈ کی معروف ماما بھانجا کی جوڑی میں دراڑ ڈال دی

    این بی سی کے افسر بن کر سامنے آنے والے دونوں افسران نے اداکارہ اور اُن کی تین دوستوں کی جان بخشی کے لیے چالیس لاکھ روپے ادائیگی کا مطالبہ کیا، جس کے بعد معاملہ 20 لاکھ روپے میں طے پایا رقم وقت پر نہ پہنچنے کے بعد این سی بی کے جعلی افسران نے اداکارہ کو فون کر کے گرفتاری اور مقدمہ درج کرنے کی دھمکیاں دیں، جن سے تنگ آکر 23 دسمبر کو پنکھے کے ساتھ لٹک کر خود کشی کر لی-

    پولیس حکام نے اداکارہ کی شناخت مخفی رکھی اور یہ بتایا کہ وہ ممبئی کے علاقے جوگ شواری میں قائم ایک فلیٹ میں کرایے پر رہائش پذیر تھیں، اسی مقام سے اُن کی لاش برآمد ہوئی ہےاداکارہ کی لاش ملنے کا مقدمہ درج ہونے کے بعد پولیس نے جب تحقیقات شروع کیں تو ساری کتھا کھل کر سامنے آئی، جس کے بعد تفتیشی افسر نے آنجہانی اداکارہ سے ہوٹل میں ملنے والے لوگوں سے بھی رابطہ کیا اور اُن کے بیانات قلم بند کیے۔

    رنویر سنگھ اور دیپیکا کی فلم 83 ریلیز ہوتے ہی چھا گئی

    ان میں ایک عظیم قاضی نامی نوجوان بھی تھا، جس کے ہاتھ اداکارہ نے آدھی رقم بھجوا دی تھی جس کے بعد این سی بی کے جعلی افسران نے تینوں کو بلیک میل کیا پولیس کے مطابق جعلی افسران کی دھمکیوں کے بعد اداکارہ ڈپریشن کی مریضہ بن گئی تھی اور وہ اس حوالے سے کافی پریشان تھی۔

    پولیس نے واقعے کا مقدمہ امبولی تھانے میں انڈین پینل کوڈ کی دفعات 384، 388،389، 506 اور 120 بی کے تحت مقدمہ درج کر کے این سی بی کے جعلی افسران کو گرفتار کرلیا جنہوں نے تفتیش کے دوران اپنے جرم کا اعتراف کیا ہے۔

    امتحانی پرچے میں سیف اورکرینہ کے بیٹے کا نام پوچھے جانے پرسکول کو شوکاز

  • میرے شادی نہ کرنے کی وجہ ریکھا ہیں ،سلمان خان

    میرے شادی نہ کرنے کی وجہ ریکھا ہیں ،سلمان خان

    ممبئی: بالی ووڈ اداکار سلمان خان 56 سال کے ہوگئےتاہم ابھی تک سلمان خان نے اب تک شادی نہیں جس کے بارے میں اکثر ان سے مداحوں کی جانب سے سوال کئے جاتے ہیں ان کے مداحوں کو ان کی شادی کا بے چینی سے انتظار ہے تاہم ابھی تک سلمان نے شادی کیوں نہیں کی وجہ سامنے آگئی۔

    باغی ٹی وی :بالی ووڈ کی اداکاراؤں سنگیتا بجلانی، ایشوریا رائے اورکترینہ کیف کے ساتھ سلمان خان کی شادی کے چرچے تو ہوئے لیکن شادی نہ ہوسکی اب سلمان خان کی شادی نہ ہونے کی وجہ سامنے آگئی سلمان خان نے ایک انٹرویومیں یہ انکشاف کیا تھا کہ ان کی اب تک شادی نہ کرنے وجہ ماضی کی مقبول ہیروئن ریکھا ہیں کیونکہ وہ بچپن سے ریکھا کے پرستارتھے اوران سے شادی کرنا چاہتے تھے۔

    سلمان خان کو سانپ نے کاٹ لیا

    سلمان خان نے بتایا کہ ریکھا ان کی پڑوسی تھیں جن کوواک پرجاتا دیکھنے کے لئے وہ صبح ساڑھے 5 بجے اٹھ جایا کرتے تھے۔دوستوں کے ساتھ ریکھا کی یوگا کلاس میں بھی داخلہ لیا تھا۔

    سلمان خان نے کا کہنا تھا کہ شاید یہی وجہ ہے کہ اب تک میری شادی نہیں ہوسکی-

    واضح رہے کہ سلمان خان کو ان کے پنویل کے فارم ہاؤس میں اتوار کی صبح کے اوقات میں سانپ نے کاٹ لیا تھا جس کے بعد انہیں فوراً نوی ممبئی کے ایک نجی اسپتال منتقل کیا گیا خوش قسمتی سے سلو میاں کو کاٹنے والا سانپ زہریلا نہیں تھا علاج کے بعد سلمان خان کو اسپتال سے ڈسچارج کردیا گیا تھا-

    رنویر سنگھ اور دیپیکا کی فلم 83 ریلیز ہوتے ہی چھا گئی

    سانپ کے کاٹنے کا واقعہ ان کے فارم ہاؤس کے گارڈن میں پیش آیا سلمان خان کا فارم ہاؤس بہت بڑا اور جنگل کے علاقے میں واقع ہے جس میں بہت سارے جانور، نباتات اور پرندے وغیرہ بھی ہیں جس وقت حادثہ پیش آیا اس وقت سلمان اپنے دوستوں کے ساتھ بیٹھ کر گپ شپ لگارہے تھے کہ اچانک سلمان نے اپنے بازو میں ڈنک محسوس کیا اور ہاتھ کو جھٹک دیا اسی وقت ان کے ایک دوست نے سانپ دیکھا جس کے بعد وہ لوگ گھبراگئے اور مدد کے لیے پکارنے لگے۔

    سلمان خان کو فوراً اسپتال منتقل کیا گیا جہاں وہ 6 سے 7 گھنٹوں تک رہے طبی امداد کے بعد انہیں واپس پنویل کے فارم ہاؤس منتقل کردیا گیا تھا سلمان خان نے اپنے فارم ہاؤس کے آس پاس کئی سانپ دیکھے ہیں اور وہ اپنے فارم ہاؤس کی دیکھ بھال کرنے والے نگران کو محتاط رہنے کی بھی ہدایت کرچکے تھے-

    گرل فرینڈ کی ٹویٹ نے بالی ووڈ کی معروف ماما بھانجا کی جوڑی میں دراڑ ڈال دی

  • آن لائن جعلساز:زیادہ ڈالر کمانے کی لالچ کرنے والے ہزاروں پاکستانیوں کے ساتھ فراڈ ہو گیا

    آن لائن جعلساز:زیادہ ڈالر کمانے کی لالچ کرنے والے ہزاروں پاکستانیوں کے ساتھ فراڈ ہو گیا

    زیادہ ڈالر کمانے کی لالچ کرنے والے ہزاروں پاکستانیوں کے ساتھ تقریباً ایک ارب روپے مالیت کا فراڈ ہو گیا-

    باغی ٹی وی: ایچ ایف سی پاک ٹریڈنگ نامی آن لائن جعلساز کمپنی نے ٹریڈنگ کے لیے ایپ جبکہ مشورے دینے کے لیے ٹیلی گرام گروپ بنا رکھے تھےانویسٹر اپنی رقم اس ٹریڈنگ ایپ میں جمع کراتے تھے دن میں چار بار پانچ پانچ منٹ کے لیے ٹریڈنگ آفر کی جاتی تھی اور کمپنی ٹیلی گرام گروپ میں بتاتی تھی کہ بٹ کوائن اوپر جائے گا یا نیچے آئے گا-

    اس گروپ میں تقریباً چالیس ہزار لوگ موجود تھے ۔کمپنی نے 19دسمبر تک انویسٹر کے پیسے جمع کیے اور پھر ایپ بھی ڈاون ہو گئی اور ٹیلی گرام گروپ بھی بند ہو گیا۔

    ایک لاکھ ہڑپ کرنے کے لئے ون فائیو پرکال کرنا مہنگا پڑ گیا

    جعلساز کمپنی کی جانب سے فراڈ کے بعد متاثرین نے ایف آئی اے سے رابطہ کرنا شرو ع کیا جنہوں نے ابتدائی تحقیقات شروع کردی ہیں ۔ ایف آئی اے ذرائع کا کہنا ہے اس طرح کے فراڈ پہلے بھی مختلف کمپنیاں کر چکی ہیں ۔

    قبل ازیں حال ہی میں ایک لاکھ ہڑپ کرنے کے لئے ون فائیو پرکال کرنا مہنگا پڑ گیا شہری عمر جاوید نے ون فائیو بوگس کال کے ذریعے بسکونی کمپنی کے 1 لاکھ روپے ہڑپ کرنا چاہے آرڈر ٹیکر عمر جاوید نے گریفین گراوْنڈ پہنچنے پر ڈکیتی کی جھوٹی کال کر دی۔

    چینی شہریوں کے ساتھ ڈکیتی، ڈاکو سیکورٹی گارڈ کا اسلحہ بھی لے گئے

    مغلپورہ پولیس کی تحقیقات نے جھوٹ پکڑ لیا مغلپورہ پولیس نے آڈر ٹیکر عمر جاوید کی گاڑی سے ہی 1 لاکھ روپے برآمد کر لئے برآمد شدہ رقم کے حوالے سے اصل مالک سے رابطہ کیا جا رہا ہے ڈی ایس پی مغلپورہ کا کہنا تھا کہ ملزم عمر جاوید پر ون فائیو پر بوگس کال کرنے پر مقدمہ بھی درج کر لیا گیا ہے-

    ڈی آئی جی آپریشنز ڈاکٹر عابد خان نے ایمانداری اور حقائق سامنے لانے پر مغلپورہ پولیس کی ٹیم کو شاباش دی ,ایس پی سول لائنز رضا صفدر کاظمی کا کہنا تھا کہ شہریوں کے جان و مال کی حفاظت ہماری اولین ذمہ داری ہے-

    ساڑھے تین سال میں خواتین سے 14ہزار 456 زیادتی کے کیسز رپورٹ

  • دوست کا قتل،خاتون کی کال،پولیس موقع پر پہنچی تو چکرا کر رہ گئی

    دوست کا قتل،خاتون کی کال،پولیس موقع پر پہنچی تو چکرا کر رہ گئی

    امریکی ریاست میسوری میں کرسمس کے روز اپنے دوست کو تلوار سے قتل کرکے خود ہی پولیس کو اطلاع دینے والی خاتون کو گرفتار کرلیا گیا۔

    باغی ٹی وی :غیر ملکی میڈیا کے مطابق برٹنی ولسن نامی خاتون نے رات کو 11 بجے کے بعد پولیس کو کال کرکے بتایا کہ اس نے اپنے دوست کو تلوار سےقتل کردیا ہے پولیس موقع پر پہنچی تو ملزمہ اپنے دوست کے گھر پر ہی موجود تھی اور اس کے کپڑوں پر خون لگا ہوا تھا جب کہ تلوار گھر کے صحن میں پڑی ہوئی تھی۔

    ملزمہ نے پولیس کو بتایا کہ اس کے دوست پر کسی چیز کا غلبہ تھا جس کو اس نے تلوار سے ختم کردیا۔

    دوران سفر گاڑی میں سو جانے والی خاتون کو ’اوبر‘ ڈرائیور نے زیادتی کا نشانہ بنا ڈالا

    پولیس کا کہنا ہے کہ ملزمہ اور اس کے دوست ہیریسن سٹیفن نے دن کے وقت منشیات استعمال کی تھیں پولیس کو مقتول کی لاش پر تلوار کے زخموں کے نشانات بھی ملے پولیس نے ملزمہ کو گرفتار کرکے مقدمہ درج کرلیا ہے۔

    عالمی خبررساں ادارے "میل آن لائن” کے مطابق امریکہ میں خاتون مسافر کو جنسی زیادتی کا نشانہ بنانے کے الزام میں ایک ’اوبر‘ ڈرائیور کو گرفتار کر لیا یہ واقعہ لاس ویگس میں پیش آیا ہے جہاں خاتون 30سالہ ملزم داﺅد عمر میکونینی کی ٹیکسی میں سو گئی تھی خاتون کو سوتے دیکھ کر ملزم نے ٹیکسی ایک سنسان جگہ پر روکی اور اسے جنسی زیادتی کا نشانہ بنانے کے بعد دھکا دے کر گاڑی سے باہر پھینک دیا اور چلا گیا۔

    بیوی پر تشدد کرنے ، بال کاٹنے والا سفاک ملزم گرفتار

    متاثرہ خاتون کی طرف سے پولیس کو اس واردات کی رپورٹ کی گئی جس پر کارروائی کرتے ہوئے پولیس نے ملزم کو گرفتار کرکے جیل میں بند کر دیا ہے۔ پولیس کے مطابق متاثرہ خاتون کو کار سے دھکا دینے پر اسے معمولی چوٹیں بھی آئیں۔

    پولیس کا کہنا تھا کہ ملزم کو 30دسمبر کے روز عدالت میں پیش کیا جائے گا ’اوبر‘ کمپنی کی طرف سے اس واقعے پر جاری ایک بیان میں کہا گیا ہے کہ ”متاثرہ خاتون کی طرف سے بتائی گئی تفصیل خوفناک ہے ملزم کو کمپنی کی طرف سے فوری طور پر ’ڈی ایکٹیویٹ‘ کر دیا گیا ہے۔

    پولیس اہلکار اپنے ہی ساتھی کی گولی لگنے سے زخمی

  • پی ٹی آئی کے لئے خطرے کی گھنٹیاں،الیکشن کمیشن نے بڑا قدم اٹھا لیا

    پی ٹی آئی کے لئے خطرے کی گھنٹیاں،الیکشن کمیشن نے بڑا قدم اٹھا لیا

    الیکشن کمیشن نے پی ٹی آئی ممنوعہ فنڈنگ کیس 4 جنوری کو سماعت کیلئے مقرر کر دیا۔

    باغی ٹی وی :تفصیلات کے مطابق چیف الیکشن کمشنر کی سربراہی میں الیکشن کمیشن کا اجلاس ہواجس میں الیکشن کمیشن نے فریقین پی ٹی آئی اور اکبر ایس بابر کو نوٹس جاری کر دیئےگئے۔ الیکشن کمیشن سماعت کے دوران سکروٹنی کمیٹی کی رپورٹ فریقین کے سامنے رکھے گا۔

    واضح رہے کہ حکمراں جماعت پاکستان تحریک انصاف کے خلاف مبینہ طور ممنوعہ ذرائع سے غیر ملکی فنڈنگ حاصل کرنے کا کیس چھ سال سے زیرالتوا ہے مذکورہ کیس تحریک انصاف کے بانی اراکین میں سے ایک اکبر ایس بابر سنہ 2014 میں الیکشن کمیشن کے میں لے کر گئے تھے۔

    اومی کرون وائرس لاہور بھی پہنچ گیا

    درخواست گزار کا الزام ہے کہ پی ٹی آئی نے بیرون ممالک مقیم پاکستانیوں کے علاوہ غیر ملکیوں سے بھی فنڈز حاصل کیے، جس کی پاکستانی قانون اجازت نہیں دیتا۔

    پاکستان تحریک انصاف کا دعویٰ ہے کہ ان کی جاعت نے ممنوعہ ذرائع سے فنڈز حاصل نہیں کیے اور حاصل ہونے والے فنڈز کے دستاویزات موجود ہیں پی ٹی آئی نے 6 باراسلام آباد ہائی کورٹ درخواست دی اور مؤقف اپنایا کہ الیکشن کمیشن کے پاس کسی جماعت کے اکاؤنٹس کی جانچ پڑتال کا اختیار نہیں۔

    اسرائیل بہت چھوٹا سا ہے اس کی کوئی حیثیت ہی نہیں ہے، اتحاد امت کانفرنس

    موجودہ حکمراں جماعت نے الیکشن کمیشن کی جانب سے معاملے کی جانچ پڑتال کیلئے بنائی گئی اسکروٹنی کمیٹی کے دائرہ اختیار اور اسے کام کرنے سے روکنے کے لیے بھی حکم امتناع حاصل کیے۔

    ماہرین قانون کا کہنا ہے کہ اگر کسی جماعت پر ممنوعہ ذرائع سے فنڈز حاصل کرنے کے ثبوت مل جائیں تو الیکشن کمیشن اس وقت کی حکومت کو اس جماعت کے خلاف ریفرنس بھیجے گا جس پر عمل درآمد کرنا حکومت وقت کے لیے لازم ہو گا۔

    لاہور: 2 ڈپٹی کمشنرز کی گاڑی پرنامعلوم افراد کی فائرنگ

    الیکشن کمیشن اس سیاسی جماعت کو کالعدم قرار دینے کے حوالے سے وفاقی حکومت کو لکھے گا اور وفاقی حکومت 15 روز میں یہ معاملہ سپریم کورٹ کو بھییجے گی اگر سپریم کورٹ ریفرنس کو درست مانتی ہے تو ایسی صورت میں سیاسی جماعت ختم ہو جائے گی سیاسی جماعت ختم ہونے کی صورت میں اس جماعت سے تعلق رکھنے والے ارکان پارلیمنٹ کے علاوہ ارکان صوبائی اسمبلی اور لوکل حکومت کے نمائندے بھی نااہل ہو جائیں گے۔

    وقت آ گیا ہے کہ ہم اپنے مقرر کردہ اہداف کو حاصل کرنے کیلئے اپنی تمام تر توانائیاں…

  • کے الیکٹرک نے کراچی میں بارش کے دوران بجلی کی فراہمی کو یقینی بنایا ہے، ترجمان کا دعویٰ

    کے الیکٹرک نے کراچی میں بارش کے دوران بجلی کی فراہمی کو یقینی بنایا ہے، ترجمان کا دعویٰ

    کراچی: ترجمان کے الیکٹرک نے دعویٰ کیا کہ کے الیکٹرک نے کراچی میں بارش کے دوران بجلی کی مسلسل فراہمی کو یقینی بنایا-

    باغی ٹی وی : پیر کو کراچی میں مسلسل ہونے والی ہلکی اور تیز بارش کے دوران کے الیکٹرک (کے ای) نے شہر اور اس کے ملحقہ علاقوں میں بجلی کی مسلسل فراہمی کو یقینی بنایا۔ یوٹیلٹی کی ٹیمز برسات کے اس موسم کے دوران مسلسل متحرک رہیں اور اس بات کو یقینی بنایا کہ بجلی کی فراہمی بلا تعطل جاری ہے۔

    جن علاقوں میں کنڈوں کی بہتات اور بجلی کی چوری زیادہ ہے وہاں پر رہائشیوں کی حفاظت کے پیش نظر بجلی کی فراہمی عارضی طور پر معطل کی گئی بعدازاں کے الیکٹرک کی فیلڈ میں موجود ٹیموں سے کلیئرنس ملنے کے بعد بجلی کی فراہمی دوبارہ بحال کردی جائے گی۔

    بارش کے بعد شہر کے بیشتر علاقوں میں بجلی کی فراہمی مکمل طور پر بحال ہوگئی ہے صارفین کو بجلی کی صورتحال سے مسلسل آگاہ رکھنے کیلئے کے۔الیکٹرک اپنے سوشل میدیا پلیٹ فارمز سے مسلسل تازہ ترین صورتحال نشر کرتا رہا۔

    پاور یوٹیلیٹی کی جانب موجودہ بارش کے دوران حفاظت کے نکتہ نظر سے بند کئے جانے والے فیڈرز کی تعداد نے کسی بھی موقع پر 380 سے تجاوز نہیں کیا کے ای کی ٹیمیں موسم کی تبدیل ہوتی صورتحال کے تحت شہر بھر میں متحرک ہیں

    کے۔الیکٹرک کی ٹیموں نے صدر کے علاقے فریئر مارکیٹ میں ہونے والی ایک افسوناک ہلاکت کی بروقت تحقیقات بھی کیں۔ اس تحقیق کے نتیجے میں یہ بات سامنے آئی کہ یہ ایک قدرتی موت تھی اور اس کا سبسب کرنٹ لگنا نہیں تھا۔

    کے۔الیکٹرک کے ترجمان نے بتایا ”بارش کے دوران ہمارا سسٹم عمومی طور پر مستحکم رہا اور ہماری ٹیمز نے اس بات کو یقینی بنایا کہ شہریوں کو محفوظ انداز سے بجلی کی فراہمی جاری رہے۔ جن علاقوں میں بجلی چوری اور کنڈوں کی موجودگی عام ہے وہاں خطرات کے سدباب کیلئے چند فیڈرز سے بجلی کی فراہمی کو عارضی طور پر منقطع کیا گیا تھا۔ ان علاقوں میں بھی مقامی ٹیمز کی منظوری کے بعد بجلی کی فراہمی جلد بھال کر دی گئی تھی۔“

    محکمہ موسمیات کی جانب سے مزید بارش کی پیش گوئی کے پیش نظر ترجمان کے الیکٹرک نے شہریوں کو حفاظتی تدابیر یقینی بنانے اور کسی بھی ممکنہ حادثے سے محفوظ رہنے کے لیے بجلی کی تنصیبات سے مناسب فاصلہ رکھنے کی تاکید کی ہے۔

    بارش کے دوران مقامی سطح پر شکایت کے لیے کال سینٹر 118، ایس ایم ایس سروس 8119، کے لائیو ایپ، اور سوشل میڈیا پلیٹ فارمز پر 24/7 رابطہ کیا جاسکتا ہے۔

  • اومی کرون وائرس لاہور بھی پہنچ گیا

    اومی کرون وائرس لاہور بھی پہنچ گیا

    کراچی اور اسلام آباد کے بعد اومی کرون کے لاہور میں بھی کیسز رپورٹ ہوئے ہیں-

    باغی ٹی وی : تفصیلات کے مطابق لاہورمیں اومی کرون وائرس کے 12مریضوں کی تصدیق ہوئی ہے 7 مریضوں کاتعلق جوہرٹاؤن جبکہ پانچ مریضوں کاتعلق ڈیفنس سےہے۔

    اس سے قبل اسلام آباد اور کراچی میں اومی کرون کے متعدد کیسز سامنے آچکے ہیں اسلام آباد میں جن افراد میں اومی کرون پایا گیا وہ لوگ کراچی کا سفر کرچکے تھے۔

    اسلام آباد میں اومی کرون کا پہلا کیس:ڈی سی اسلام آباد نے تصدیق کردی

    اسلام آباد میں اومی کرون کے پہلے کیس کی تصدیق ڈی سی اسلام آباد نے کی تھی اس حوالے سے محکمۂ صحت کے ذرائع کا کہنا تھا کہ اسلام آباد کے شہری میں کورونا وائرس کے اومی کرون ویرینٹ کی تصدیق ہو گئی تھی این آئی ایچ کے مطابق اومی کرون کے مذکورہ مریض کی حالت خطرے سے باہر ہے۔

    بھارت میں اومی کرون کا پھیلاؤ: 2ریاستوں میں رات کا کرفیو نافذ کرنے کا اعلان

    دوسری طرف ڈی سی اسلام آباد حمزہ شفقات نے بھی اس کی تصدیق کی تھی ان کا کہنا تھا کہ واقعی ایک مریض جو کہ کراچی سے اسلام آباد آیا ہے وہ اومی کرون کا شکار ہے اور اب انتظامیہ اس شخص سے رابطہ میں رہنےوالے تمام لوگوں کی مانیٹرنگ کررہےہیں اور اس بات کا جائزہ لے رہے ہیں کہ کہیں ان کے ملنسار تواس مرض کا شکارنہیں ہوئے؟

    امریکا میں اومی کرون نے تباہی مچا دی،اسپتالوں میں جگہ ختم، درجنوں فلائٹس منسوخ

    ڈاکٹر زعیم ضیا کا کہنا تھا کہ اومی کرون ویرینٹ سے نمٹنے کے لیے ہیلتھ ٹیمیں تیار ہیں، اومی کرون ویرینٹ کا مقابلہ ماضی کی طرح کیا جائے گا، شہری احتیاطی تدابیراختیار کریں،ویکسی نیشن کرائیں، شہری اگر بوسٹر ویکسین کے اہل ہیں تو بوسٹر لگوائیں۔

    اومی کرون کا خوف:متحدہ عرب امارات نےچار ممالک پر پابندی عائد کر دی

  • دوران سفر گاڑی میں سو جانے والی خاتون کو ’اوبر‘ ڈرائیور نے زیادتی کا نشانہ بنا ڈالا

    دوران سفر گاڑی میں سو جانے والی خاتون کو ’اوبر‘ ڈرائیور نے زیادتی کا نشانہ بنا ڈالا

    امریکہ میں خاتون مسافر کو جنسی زیادتی کا نشانہ بنانے کے الزام میں ایک ’اوبر‘ ڈرائیور کو گرفتار کر لیا گیا۔

    باغی ٹی وی : عالمی خبررساں ادارے "میل آن لائن” کے مطابق یہ واقعہ لاس ویگس میں پیش آیا ہے جہاں خاتون 30سالہ ملزم داﺅد عمر میکونینی کی ٹیکسی میں سو گئی تھی خاتون کو سوتے دیکھ کر ملزم نے ٹیکسی ایک سنسان جگہ پر روکی اور اسے جنسی زیادتی کا نشانہ بنانے کے بعد دھکا دے کر گاڑی سے باہر پھینک دیا اور چلا گیا۔

    شادی کا جھانسہ دے کر زیادتی کی کوشش کرنے والا ملزم گرفتار

    متاثرہ خاتون کی طرف سے پولیس کو اس واردات کی رپورٹ کی گئی جس پر کارروائی کرتے ہوئے پولیس نے ملزم کو گرفتار کرکے جیل میں بند کر دیا ہے۔ پولیس کے مطابق متاثرہ خاتون کو کار سے دھکا دینے پر اسے معمولی چوٹیں بھی آئیں۔

    پولیس کا کہنا تھا کہ ملزم کو 30دسمبر کے روز عدالت میں پیش کیا جائے گا ’اوبر‘ کمپنی کی طرف سے اس واقعے پر جاری ایک بیان میں کہا گیا ہے کہ ”متاثرہ خاتون کی طرف سے بتائی گئی تفصیل خوفناک ہے ملزم کو کمپنی کی طرف سے فوری طور پر ’ڈی ایکٹیویٹ‘ کر دیا گیا ہے۔

    ساڑھے تین سال میں خواتین سے 14ہزار 456 زیادتی کے کیسز رپورٹ

    واضح رہے کہ اس سے قبل شادی کا جھانسہ دے کر زیادتی کی کوشش کرنے والے ملزم کو پولیس نے گرفتار کر لیا تھا اچھرہ پولیس نے ون فائیو کال پر بروقت ریسپانس دیا اور شادی کا جھانسہ دے کر زیادتی کی کوشش کرنے والا ملزم ثاقب گرفتار کر لیا-

    متاثرہ خاتون کا کہنا ہے کہ ملزم نے شادی کا جھانسہ دے کر نازیبا حرکات سمیت زیادتی کی کوشش کی،پولیس نے کاروائی کرتے ہوئے متاثرہ خاتون کی مدعیت میں مقدمہ درج کے ملزم کو حوالات میں بند کر دیا، ملزم کو آج ریمانڈ کے لئے عدالت میں پیش کیا جائے گا-

    ڈی آئی جی آپریشنز ڈاکٹر عابد خان کا کہنا ہے کہ خواتین کے حقوق کا ہر صورت تحفظ کیا جائے گا، ملزم کو قرارواقعی سزا دلوانے کیلئے تمام قانونی تقاضے پورے کریں گے-

    چینی شہریوں کے ساتھ ڈکیتی، ڈاکو سیکورٹی گارڈ کا اسلحہ بھی لے گئے

  • لاہور: 2 ڈپٹی کمشنرز کی گاڑی پرنامعلوم افراد کی فائرنگ

    لاہور: 2 ڈپٹی کمشنرز کی گاڑی پرنامعلوم افراد کی فائرنگ

    لاہور: مسلم ٹاؤن کے علاقہ میں ڈپٹی کمشنرز کی گاڑی پر فائرنگ کا واقعہ پیش آیا ہے۔

    باغی ٹی وی : پولیس کے مطابق نامعلوم موٹرسائیکل سوار افراد فائرنگ کے بعد موقع سے فرار ہوگئے،فائرنگ کے وقت گاڑی میں ڈپٹی کمشنر سلمان علی اور علی سولنگی موجود تھے فائرنگ کے دوران تین گولیاں گاڑی کو لگیں ،تاہم دونوں افسران معجزانہ طور پر محفوظ رہے۔

    واقعہ کی اطلاع ملتے ہی ڈی آئی جی آپریشن لاہور ڈاکٹر عابد اور پولیس کی بھاری نفری موقع پر پہنچ گئی پولیس نے سیف سٹی کیمروں کی مدد سے ملزمان کو ٹریس کرنا شروع کردیا ہے۔

    پولیس اہلکار اپنے ہی ساتھی کی گولی لگنے سے زخمی

    آئی جی پنجاب راؤ سردار نے واقعہ کا نوٹس لیتے ہوئے سی سی پی او لاہو رفیاض دیو سے واقعہ کی رپورٹ طلب کرلی ہے۔

    مسلم ٹاؤن پولیس نے واردات کا مقدمہ درج کرلیا مقدمہ ڈپٹی کمشنر ایف بی آر سلمان کی مدعیت میں درج کیا گیا مقدمے میں اقدام قتل کی دفعات شامل کی گئیں مقدمہ دو نامعلوم موٹر سائیکل سوار ملزموں کے خلاف درج کیا گیا

    ڈی آئی جی آپریشنز ڈاکٹر محمد عابد خان نے کہا کہ واقعہ میں ملوث ملزموں کی تلاش کی جا رہی ہے ملزم جلد قانون کی گرفت میں ہوں گے-

    دوسری جانب تھانہ کوہسار کے علاقے میں پولیس اہلکار اپنے ہی ساتھی کی گولی لگنے سے زخمی ہو گیا تھا ترجمان اسلام آباد پولیس کے مطابق تھانہ کوہسار کی موبائل گاڑی معمول کی پٹرولنگ پر تھی کہ پچھیے بیٹھے کانسٹیبل نجم الحسن کی غفلت سے فائر ہونے پر ساتھی اہلکار حماد زخمی ہوگیا ،زخمی اہلکار کو پولی کلینک ہسپتال منتقل کیا جس کا علاج معالجہ جاری ہے حالت خطرے سے باہر ہے-

    ساڑھے تین سال میں خواتین سے 14ہزار 456 زیادتی کے کیسز رپورٹ

    آئی جی اسلام آباد محمد احسن یونس نے نوٹس لے کر کانسٹیبل مذکورہ کو فوری طور پر معطل کردیا گیا ہے ایس ایس پی آپریشنز کو معاملے کی انکوائری کرکے رپورٹ پیش کرنے کی ہدایت کی ہے-

    شادی کا جھانسہ دے کر زیادتی کی کوشش کرنے والا ملزم گرفتار

  • انڈر19 ایشا کپ:پاکستان سیمی فائنل میں پہنچ گیا

    انڈر19 ایشا کپ:پاکستان سیمی فائنل میں پہنچ گیا

    انڈر 19 ایشیا کپ میں متحدہ عرب امارات (یو اے ای) کے خلاف پاکستان نے میچ جیت لیا ہے-

    باغی ٹی وی : دبئی کے میدان میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا جو زیادہ اچھا ثابت نہ ہو سکا پاکستان نے مقررہ 50 اوورز میں 8 وکٹوں کے نقصان پر 219 رنز بنائے، قومی ٹیم کے کپتان قاسم اکرم نے نصف سنچری اسکور کی جب کہ حسیب اللہ خان 39 اور احمد خان 34 رنز بنا کر نمایاں رہے۔

    ہدف کے تعاقب میں یواے ای کی ٹیم مقررہ 50 اوورز میں 9 وکٹوں کے نقصان پر 198 رنز ہی بنا سکی یوں پاکستان نے میچ 21 رنز سے جیت لیا۔

    پاکستان کی جانب سے قاسم اکرم نے تین جب کہ معاذ صداقت، مہران ممتاز اور محمد ذیشان نے دو دو کھلاڑیوں کو آؤٹ کیا۔

    قومی ٹیم کی اس ٹورنامنٹ میں یہ مسلسل تیسری فتح ہے، اس سے پہلے پاکستان نے روائتی حریف بھارت اور افغانستان کو شکست دی تھی۔

    واضح رہے کہ ے میچ میں پاکستان نے بھارت کی جانب سے دیا گیا 238 رنز کا ہدف آخری گیند پر حاصل کیا تھا پاکستان کے محمد شہزاد 82 رنز بنا کر نمایاں رہے جب کہ احمد خان اننگز کے آخر میں 29 رنز کی میچ وننگ اننگز کھیلی تھی-

    اس سے پہلے پاکستان نے ٹاس جیت کر پہلے بولنگ کا فیصلہ کیا تھا جو بہت اچھا ثابت ہوا ایک موقع پر بھارت کی ٹیم کے 4 کھلاڑی 41 رنز پر آوٹ ہو گئے تھے۔

    شاہد آفریدی اور شعیب اختر سمیت دنیا بھر کے ریٹائرڈ کھلاڑی کرکٹ میں واپسی کیلئے تیار

    واضح رہے کہ پاکستان ، بھارت ،بنگلا دیش،سری لنکا اور افغانستان سمیت دنیا بھر کے ریٹائرڈ کرکٹرز لیجنڈز لیگ کرکٹ میں کھیلیں گے ریٹائرڈ بین الاقوامی کرکٹرز کی پیشہ ورانہ کرکٹ لیگ لیجنڈز نے جمعرات کو ایشیا کی نمائندگی کرنے والے کرکٹرز کے نام کا اعلان کیا ہے لیجنڈز لیگ کرکٹ کے چیف ایگزیکٹیو آفیسر (سی ای او) رمن راہجا نے اپنے بیان میں کہا تھا کہ ایشیا کی نمائندگی کرنے والی ٹیم کو ایشیا لائن کا نام دیا گیا ہے-

    شاداب خان نے بگ بیش لیگ میں سڈنی سکسرز کے ساتھ معاہدہ کر لیا