چیف آف آرمی سٹاف جنرل قمر جاوید باجوہ صاحب صدر پاکستان محمد عارف علوی صاحب اور وزیر اعظم عمران خان صاحب کے نام سجادہ نشین و جانشین حضرت امیر ملت پیر سید منور حسین شاہ جماعتی صاحب نے پیغام جاری کیا ہے-

باغی ٹی وی : پیر سید منور حسین شاہ نے اپنے ویڈیو پیغام میں وزیر اعظم عمران کان سے مخاب ہوتے ہوئے کہا کہ جناب والا! کوئی بھی حکومت ظلم کے ساتھ نہیں چل سکتی کیونکہ مظلوم کی آہ سیدھی عرش الٰہی تک پہنچتی ہے کیونکہ پچھلے دو تین دنوں سے جو ظلم و ستم غریب ، مظلوم اور بے کس لوگوں پر ہو رہا ہے اور ان کا کوئی پُر سنا حال نہیں ہے-

انہوں نے کہا کہ خان صاحب اگر نظر بغور دیکھیں گے تو آپ پر یہ بات واضح ہو جائے گی کہ ان میں سے بہت سے لوگ ایسے ہیں جنہیں نہ تو آپ کی حکومت سے کوئی لینا دینا ہے اور نہ ہی کسی سیاسی جماعت یا تنظیم سے کوئی سروکار ہے آپ ان والدین کو ہی دیکھ لیں جو 1 سے 5 سال تک کے بچوں کو ہمراہ لے کر ناموس رسالت کی خاطر اپنے آقا نبی کریم ﷺ کے نام پر دیوانہ وار نکلے ہوئے ہیں اور وہ اپنے نبی ﷺ کے عاشق اور دیوانے ہیں انہیں بچپن سے محبت اور عشق رسول والا سبق ملا اور عشق رسالت مآب ﷺ ان کی گُٹھی میں ہے اُن کو اپنے آقا ﷺ کے نام پر جب بھی کوئی آواز دے گا تو وہ اپنے آقا کریم ﷺ کے نام پر میدان عمل میں ہوں گے-

پیر سید منور حسین شاہ نے ویڈیو میں جناب جنرل قمر جاوید باجوہ سے بھی مخاطب ہوتے ہوئے کہا کہ پاکستانی قوم پاک فوج کو اپنی ماں کا درجہ دیتی ہے اور ماں وہ ہستی ہے جو خود تو دُکھ درد اور تکلیف برداشت کر لیتی ہے مگر اولاد کو ہر طرف سے ہر طرح سے حفاظت کرتی ہے پاک فوج کے ہوتے ہوئے اس لاچار ، بے بس ، بے سہارا اور مظلوم قوم پر ظلم کی انتہا ہو گئی یہ قوم اپنا دُکھ درد اور تکلیف کس کو جا کر بتائے اور انصاف کہاں جا کر تلاش کرے کیونکہ اس ملک میں انصاف نام کی کوئی چیز تو نہیں ہے –

پیر سید منور حسین شاہ نے کہا کہ اس صرتحال میں آپ خدارا خود چارہ ساز بن کر ان کا مداوا کرین اگر یہ ظلم اسی طرح جاری رہا تو ممکن ہے حالات کنٹرول سے باہر ہو جائیں اور دُشمن کا یہی ایجنڈا ہے اور ففتھ جنریشن وار کا یہی مقصد ہے یہ ملک لاکھوں شہیدوں کی قربانیوں کے بعد حاصل کیا گیا ہے اور یہ ہمارے اجداد کی میراث ہے اور یہ ملک ہمیں اپنی جانوں سے بھی زیادہ عزیز ہے اس لئے ہم نہیں چاہتے کہ خدانخواستہ اس ملک کو کوئی نقصان پہنچے اور دشمن کامیاب ہو ملک میں انارکی یہ شدت پسندی پھیلے جو کہ دُشمن کا ایجنڈا ہے اس وجہ سے آپ خود درمیان میں آکر مذاکرات سے معاملات حل کروائیں تا کہ ملک میں امن و امان قائم ہو سکے وطن عزیز پاکستان کی سیکیورٹی فورسز ہو یا نہتے عوام دونوں جانب سے ہونے والی شہادتوں پر ہمارے دل چھلنی، دُکھی اور رنجیدہ ہیں لہذا آپ اس مسئلے کو فوراً حل کروائیں کیونکہ پاکستانی قوم کا اپنی فوج پر لازوال اعتماد ہے جسے کسی صورت ٹھیس نہیں پہنچنی چاہیئے –

مرکزی شوریٰ تحریک لبیک کے رہنما مفتی وزیر رضوی کا کہنا ہے کہ قوم دیکھ لے کہ اس کپتان وزیراعظم کو قوم یا ملک سے کچھ لینا دینا نہیں-

باغی ٹی وی :مفتی وزیر رضوی نے کہا کہ 39 نعشیں اس قوم کے افراد کی بچھا کر عمران خان میچ دیکھتے ہوئے کہتا ہے لبیک والوں سے کہو آ جائیں اسلام آباد ،فرانس کی خاطر اپنے ملک کے 39 افراد شہید کر دئیے جس میں سب کم عمر جوان تھے-

مرکزی شوریٰ تحریک لبیک نے کہا کہ قوم جان لے یہ بے ایمان نہ تو ملک کے وفادار ہیں نا قوم کے اور کپتان تو ملک میں افراتفری خانہ جنگی کے لئے پلانڈ ہے مفتی وزیر رضوی نے کہا کہ ہم تو رک گئے تھے جہلم کے پل کس نے توڑے، کنٹینر سے ملک کس نے بند کیا مزید اگر کوئی خون بہا تو سب کی ذمہ دار عمران خان کی ظالم حکومت ہو گی-

انہوں نے خبرادرا کیا کہ ہم پھر بتا رہے ہیں اب اگر خون بہا تو ذمہ دار حکومت ہو گی، ہم نے 3 مرتبہ پہلے یہ چوتھا معاہدہ کیا ہر مرتبہ پاسداری کی آخری مرتبہ بھی 3 دن مریدکے رکے یہ بے ایمان، بدعہد اور منافق عمران خان اور اسکے چٹو وٹوں کو قوم جان لے-

کچھ دیر میں ناموس رسالتﷺ مارچ مریدکے سے روانہ ہو گا مرکزی شوریٰ تحریک لبیک

قبل ازیں ید سرور شاہ سیفی نے کہا کہ کچھ دیر میں ناموس رسالتﷺ مارچ مرید کے سے روانہ ہوگا اور آگے اپنی منزل کی طرف بڑھے گا کل شیخ رشید نے جھوٹ بولا کہ معاملات طے پا گئے ہیں،8 بجے رابطے کا بھی جھوٹ بولا کل سے اب تک شیخ سمیت کسی بھی حکومتی ذمہ دار نے رابطہ نہیں کیا-

ٹی ایل پی دھرنے کے پیش نظر پاکستان ریلوے کا صرف فیملی کو ٹکٹ جاری کرنے کا فیصلہ

مرکزی شوریٰ تحریک لبیک کے رہنما سید سرور شاہ سیفی نے کہا کہ پوری قوم حکومتی بدنیتی دیکھ لے فرانس نے سرکاری سطح پر گستاخی کی ہم سرکاری سطح پر اس کا جواب چاہتے ہیں –

انہوں نے سوال اٹھایا کہ کیا یہ مدینہ کی ریاست کے دعویدار فرانس کو جواب دینے سے بھی قاصر ہیں؟ یہ اتنے غلام بن چکے یہود و نصاریٰ کے؟ انہوں نے مزید کہا کہ سب چھوڑو تم نے معاہدہ کیا فرانسیسی سفیر نکالنے کا اب معاہدہ پورا کرو-

مرکزی شوریٰ تحریک لبیک کا کہنا تھا کہ ہم نے اس مرتبہ بھی گھنٹے کے کام میں 3 دن دیئے اور معاہدے کی پاسداری کی ہم 40 شہید دے چکے مزید خون بہا تو مطالبات بڑھ جائیں گے-

کالعدم تنظیم اپنے وعدے پورے کرے تو حکومت بھی پور ے کرے گی ترجمان پنجاب حکومت…

واضح رہے کہ تحریک لبیک کا لانگ مارچ اس وقت مرید کے میں موجود ہے، حکومت کے ساتھ مذاکرات کے بعد لانگ مارچ نے مرید کے میں ہی پڑاؤ ڈال رکھا ہے، لاہور سے نکلتے وقت پولیس کے ساتھ جھڑپوں میں تحریک لبیک کے آٹھ کارکنان کی موت ہوئی ہے جبکہ دو پولیس اہلکار بھی جان کی بازی ہار چکے ہیں، مرنیوالوں کی گزشتہ روز مرید کے میں ہی نماز جنازہ ادا کی گئی،مرید کے میں ملک بھر سے تحریک لبیک کے کارکنان کی آمد جاری ہے، مارچ کے شرکا میں اضافہ دیکھنے میں آیا ہے-

حریک لبیک کی شوریٰ نے مرید کے کینٹینر سے اعلان کیا ہے کہ خندقیں کھودنا، کنٹینر منگوانا اور افراتفری پھیلانا یہ حکومت کا کام ہے، فورتھ شیڈول، علما پر پرچے، لاٹھی گولی نا منظور ہے، کارکنان جتنا جلد ہو سکے قائد محترم کیلئے مریدکے پڑاؤ ناموس رسالتﷺ مارچ پہنچیں ، تحریک لبیک کی شوریٰ نے دعویٰ کیا ہے کہ حکومت نے وزیراعظم کی واپسی تک وقت مانگا ہے جس پر ہم نے وقت دے دیا ، وزیراعظم سعودی عرب سے واپس آئیں پھر حکومت معاہدہ پورا کرے گی اگر پورا نہ کیا گیا تو پھر اسلام آباد ہی منزل ہے ،حکومت نے ہمیں یقین دہانی کروائی ہے کہ حافظ سعد رضوی سمیت تمام گرفتار شدگان کو رہا کیا جائے گا اور فورتھ شیڈول سے نام نکالے جائیں گے،

کالعدم تنظیم کا احتجاج: قائدین اور کارکنوں کیخلاف قتل، اقدامِ قتل اور دہشت گردی…

خیال رہے کہ تحریک لبیک پر حکومت نے پابندی لگا دی تھی تحریک لبیک کے سربراہ حافظ سعد رضوی جو علامہ خادم حسین رضوی کے صاحبزادے ہیں کو 12 اپریل کو اسکیم موڑ چوک لاہورسے گرفتار کیا گیا تھا ،پولیس نے حافظ سعد رضوی کو 16 اپریل کا احتجاج روکنے کے لیے حراست میں لیا کیونکہ حکومت کے ساتھ ان کے مذاکرات ناکام ہوگئے تھے اور فرانسیسی سفیر کو ملک بدر کرنے سے متعلق تحریک لبیک نے اپنے موقف سے پیچھے ہٹنے سے انکار کردیا تھا

کالعدم تحریک لبیک کی شوریٰ کی جانب سے انتہائی اہم ویڈیو پیغام جاری

سعد رضوی کی گرفتاری کے بعد ملک بھر میں ہنگامہ آرائی ہوئی، اور حکومت نے تحریک لبیک پر پابندی لگا دی، پابندی کے خلاف تحریک لبیک نے اپیل دائر کی ہے جس پر حکومت فیصلہ دے گی تاحال حافظ سعد جیل میں بند ہیں اور انکی جماعت پر پابندی عائد ہے-

دوسری جانب فتی منیب الرحمٰن ،پیر پگارااورسندھ بھر کے سیکڑوں علماء و مشائخ نے کالعدم تحریک لبیک کے ساتھ سابقہ تحریری معاہدوں سے پھر جانے والے نورالحق قادری اور شیخ رشید کو برطرف کرنے کا مطالبہ کیا ہے-

پیر پگارا،مفتی منیب الرحمٰن و دیگر مشائخ کا شیخ رشید اور نور الحق قادری کے استعفے…