بالی ووڈ اداکارہ شلپا شیٹھی کا کہنا ہے کہ اپنے شوہر راج کندرا کے کارناموں سے بے خبر تھیں۔

باغی ٹی وی :بھارتی میڈیا کے مطابق 14 سو صفحات پر مشتمل چارج شیٹ میں شلپا شیٹھی نے بیان ریکارڈ کراتے ہوئے کہا کہ انہیں اس قسم کی کسی ویب سائٹ کے بزنس کا معلوم نہیں تھا، اور نہ ان سے آنے والے پیسے کے بارے میں جانتی تھیں۔

پولیس کی جانب سے راج کندرا سے متعلق سوال پر شلپا شیٹھی کا کہنا تھا کہ وہ کام کے سلسلے میں اس قدر مصروف تھیں کہ نہیں جانتی تھیں راج کیا کر رہے ہیں۔

شوہر کی غیر اخلاقی فلمیں بنانے کے الزام میں گرفتاری کے بعد شلپا شیٹھی کا پہلا فوٹو شوٹ وائرل

بھارتی میڈیا کے مطابق شلپا شیٹھی کے شوہر راج کندرا جب سے پورنو گرافی کیس میں گرفتار ہوئے ہیں تب سے شلپا شیٹھی کی مشکلات کم ہونے کے بجائے مزید بڑھتی جا رہی ہیں۔ کبھی پولیس اداکارہ کو تفتیش کے لیے بلاتی ہے تو کبھی گھر پر پولیس کا چھاپا پڑجاتا ہے۔

اس کے علاوہ اداکارہ کو مالی مسائل کا بھی سامنا ہے تاہم شلپا ان تمام مسائل سے چھٹکارا حاصل کرنے کے لیے شوہر راج کندرا سے علیحدگی کا سوچ رہی ہیں۔

طالبان کا خوف، عرشی خان نے افغان کرکٹر سے شادی کا ارداہ ترک کر دیا

خیال رہے کہ بالی وڈ اداکارہ شلپا شیٹی کے شوہر راج کندرا چند ماہ سے پولیس کی حراست میں ہیں اور عدالت نے اہم ملزم ہونے پر چند روز قبل ان کی درخواست ضمانت بھی مسترد کردی تھی پولیس کا کہنا ہے کہ راج کندرا کے خلاف غیر اخلاقی فلم بنانے کا کیس مالانی پولیس سٹیشن میں 4 فروری 2021 کوانڈین پینل کورٹ کے انفارمیشن ٹیکنالوجی ایکٹ اور خواتین کی نامناسب نمائندگی (ممنوعہ) ایکٹ کی دفعات کے تحت درج کیا گیا تھا –

اداکارہ صنم چوہدری نے اسلام کی خاطر شوبز کو خیر باد کہہ دیا

سعودی عرب کی ایک ماڈل صوفی الشہری نے امریکا میں نیو یارک فیشن ویک شوز میں کامیابی حاصل کی ہے-

باغی ٹی وی : "العربیہ” کے مطابق صوفی الشہری نے امریکا میں نیو یارک فیشن ویک شوز میں بین الاقوامی ماڈلز کے ماڈلنگ کرتے ہوئے پوری دنیا کی توجہ اپنی جانب مبذول کرانے میں کامیابی حاصل کی ہے۔

ماڈل صوفی الشہری نے اپنے انسٹاگرام اکاؤنٹ کے ذریعے نیویارک فیشن ویک میں اپنی شرکت کی تصاویر شئیر کیں اور فیشن ویک میں ماڈلنگ پراپنی خوشی کا اظہار کیا۔

انہوں نے مداحوں کی جانب سے کئے جانے والے تبصروں پر بھی خوشگوار حیرت کا اظہار کیا اور کہا کہ اس کا یہ قدم اس کی ترقی اور مملکت کی خواتین کی خود مختاری کا واضح ثبوت ہے۔

100 بااثر شخصیات کی فہرست جاری،کوئی پاکستانی شامل نہیں، ملا عبدالغنی برادر موجود

ین الاقوامی فیشن شوز کے میدان میں مقابلہ ان مشکل مقابلوں میں سے ایک ہے جس کے لیے اس میدان میں داخل ہونے کے لیے فوری خواہش اور ہمت کی ضرورت ہوتی ہے لیکن صوفی نے اپنی صلاحیت اور سعودی فیشن ماڈلز کی طاقت کو ثابت کیا ہے۔ وہ پراعتماد اور مقابلہ کرنے کی صلاحیت رکھتی ہے اور فیشن ماڈلنگ کے عالمی شوز میں حصہ لینے کے لیے پرعزم ہے۔

ایسی کوئی اداکارہ نہیں جو مجھے فیشن میں ٹکر دے سکے نوشین شاہ

یہ بات قابل ذکر ہے کہ ماڈل صوفی الشہری نے ایک سال سےقبل اس شعبے کے لیے اپنے جذبہ اور محبت کی وجہ سے فیشن کی دنیا میں قدم رکھا۔ وہ فیشن کلچر میں سعودی دلچسپی کی نمائندگی کرنے کی خواہاں ہے چاہے وہ فیشن ڈیزائن یا فیشن کی نمائش کی بات ہو۔ الشہری اس میدان سعودی عرب کی نمائندگی رکنا چاہتی ہے۔

جوان رہنے کے لئے انیل کپور پر سانپ کا خون پینے کا الزام

پٹودی خاندان سے تعلق رکھنے والے بالی ووڈ کے چھوٹے نواب سیف علی خان کا کہنا ہے کہ وہ مہنگی شادیوں سے خوفزدہ ہو چکے ہیں کیونکہ ان کے ایک نہیں بلکہ 4 بچے ہیں۔

باغی ٹی وی : بھارت کے معروف کامیڈی شو کپل شرما میں سیف علی خان اور یمی گوتم نے شرکت کی جس میں انہوں نے آج کل کروڑوں روپوں میں ہونے والی شادیوں کی بارے میں اپنے خدشات کا اظہار کیا۔

ایسی کوئی اداکارہ نہیں جو مجھے فیشن میں ٹکر دے سکے نوشین شاہ

سیف علی خان نے کرینہ کپور سے 2012 میں ہونے والی اپنے شادی کو یاد کرتے ہوئے کہا کہ وہ چاہتے تھے کہ اُن کی شادی کی تقریب سادہ اور چھوٹی ہوں جس میں صرف خاندان کے افراد شامل ہوں لیکن کپور خاندان کے افراد ہی 200 تھے ، جنہیں مدعو کرنا پڑا کیونکہ ان کی شرکت ضروری تھی۔

دلیپ کمار کا آفیشیل ٹوئٹر اکاؤنٹ بند کرنے کا فیصلہ

سیف علی خان نے اپنے بچوں کی شادیوں کے حوالے سے کہا کہ میرے 4 بچے ہیں اورانہیں مہنگی شادیوں سے بہت خوف آتا ہے۔

جبکہ اس موقع پر اداکارہ و ماڈل یمی گوتم نے اپنی شادی کا تذکرہ کرتے ہوئے کہا کہ ان کی شادی کورونا کے وقت میں ہوئی جس میں صرف 20 لوگوں نے ہی شرکت کی، اور انہیں زیادہ خرچہ کرنا نہیں پڑا۔

جوان رہنے کے لئے انیل کپور پر سانپ کا خون پینے کا الزام

ایودھیا میں ہونے والی فلمی ’رام لیلا‘ کو لے کر تنازعہ کھڑا ہو گیا ہے۔

باٍغی ٹی وی : بھارتی میڈیا کے مطابق ایودھیا کے ہنومان گڑھی مندر کے مہنت دھرم داس کی قیادت میں کئی سَنتوں نے اس کی مخالفت کرتے ہوئے کہا ہے کہ بالی ووڈ اداکاروں کو رام لیلاؤں میں کردار نبھانے کی اجازت نہیں دی جانی چاہیے کیونکہ ان کے پاس ’اخلاقی اور مذہبی ڈسپلن‘ نہیں ہے۔

بھارتی حکومت فلمسازوں سے پروپیگنڈا فلمیں بنواتی ہے نصیرالدین شاہ

انہوں نے کہا کہ رام لیلاؤں میں اداکاری کرنے والے اداکار اپنی زندگی میں سخت ڈسپلن پر عمل کرتے ہیں اور لوگ آشیرواد لینے کے لیے ان کے سامنے جھکتے ہیں۔

ایودھیا کے تقریباً 100 اہم سَنتوں نے منگل کے روز ایودھیا میں ایک اہم ہندو مذہبی مقام بڑا بھکت مال مندر میں ملاقات کی اور ’غیر اخلاقی رام لیلا‘ پر پابندی لگانے کے لیے وزیر اعلیٰ یوگی آدتیہ ناتھ سے ملاقات کرنے کا فیصلہ کیا۔

بھارتی میڈیا کے مطابق مہنت دھرم داس نے کہا کہ ایودھیا میں رام لیلا کی ایک خصوصی روایت ہے روایتی رام لیلا میں بھگوان رام، ماتا سیتا اور دیگر کردار نبھانے والے اداکاروں کی لوگ عزت کرتے ہیں ہم ان کے سامنے جھکتے ہیں ہم مذہبی ڈسپلن پر عمل نہ کرنے والے بالی ووڈ اداکاروں کا آشیرواد نہیں لے سکتے ہیں۔

جاوید اختر ہتک عزت کیس :کنگنا رناوت کے وارنٹ گرفتاری جاری ہونے کا امکان

پجاریوں نے کہا کہ ہم ایودھیا میں رام لیلا میں کردار نبھانے والے ایسے لوگوں کو برداشت نہیں کر سکتے۔ وہ شراب نوشی کرتے ہیں، گوشت کھاتے ہیں اور غیر اخلاقی رسوم میں ملوث ہوتے ہیں ہم چاہتے ہیں کہ رام لیلا میں ’سناتن مذہب‘ کو اہمیت دی جائے ہم ہندو مذہب کو تباہ کرنے والی فلمی ہستیوں کو نہیں چاہتے ہیں۔

ہندو پرسنل لاء بورڈ کے سکریٹری مہنت پون کمار داس شاستری نے بتایا کہ گزشتہ سال جب بالی ووڈ اداکاروں نے رام لیلا کو اسٹیج کیا تھا، تو انھوں نے اسٹیج پر ’مغل شیروانی‘ اور چمڑے کے جوتے پہنے تھے اتنی فحش پوشاک میں کوئی کیسے اداکاری کر سکتا ہے؟-

مجھے مردوں نے نہیں بلکہ خواتین نے ہراساں اور پریشان کیا ملکہ شراوت

وزیراعظم عمران خان کی سابقہ اہلیہ اور برطانوی پروڈیوسر جمایما گولڈ اسمتھ کو لندن میں پاکستانی اسٹائل رکشے کی تلاش ہے-

باغی ٹی وی : جمائما نے سماجی رابطوں کی ویب سائٹ ٹوئٹر پر برطانیہ میں مقیم پاکستانیوں کو مخاطب کرتے ہوئے لکھا ہے کہ ہمیں لندن میں فلم کیلئے پاکستانی اسٹائل کے رکشے کی ضرورت ہے۔ رکشہ اگلے ہفتے منگل اور جمعہ کو چاہیے، کیا کوئی کسی کو جانتا ہے جس کے پاس(رکشہ)ہے؟

British Pakistanis of Twitter: We are looking for a Pakistani style rickshaw in London for filming – Tuesday and Friday next week. Anyone know anyone who’s got one?

— Jemima Goldsmith (@Jemima_Khan) September 15, 2021

جواب میں ایک پاکستانی صارف احتشام الحق نے ان کے مطلوبہ رکشے سے متعلق معلومات دیں جس کے جواب میں جمائما نے ان سے رابطے کیلئے کہااحتشام الحق نے اپنا ای میل ایڈریس دیتے ہوئے واٹس ایپ نمبر سرِعام دینے سے معذرت کی، جمائما نے ای میل ایڈریس پر ہی شکریہ ادا کیا۔

واضح رہے کہ جمائما نے اعلان کیا تھا کہ وہ جلد ہی فلم بنانے کا ارادہ رکھتی ہیں جس کی شُوٹنگ کا آغاز ہوگیا ہے۔ فلم کی کہانی کا موضوع متوقع طور پر محبت اور شادی سے متعلق ہوگا جو لندن اور جنوبی ایشیا کے مابین ہوگا لوگوں کا خیال ہے کہ کہانی ان کی اپنی زندگی پر مبنی ہو گی فلم میں پاکستانی اداکارہ سجل بھی مرکزی کردار ادا کرتے دکھائی دیں گی اس فلم کی اسکرپٹ رائٹر اور پروڈیوسر جمائما خان ہیں اور وہ اپنے پروڈکشن ہاؤس کے بینر تلے اسے بنائیں گی۔

بھارت کے لیجنڈری اور مرحوم اداکار دلیپ کمار کا آفیشل ٹوئٹر اکاؤنٹ بند کرنے کا فیصلہ کیا گیا ہے۔

باغی ٹی وی : رواں سال جولائی کو دلیپ کمار ممبئی کے مقامی اسپتال میں طویل علالت کے بعد انتقال کرگئے تھے ان کے انتقال کے بعد ان کی اہلیہ سائرہ بانو بھی بیمارہیں اور گزشتہ دنوں بھی ان کو اسپتال میں داخل کرایا گیا تھا۔
https://twitter.com/TheDilipKumar/status/1438094787396071426?s=20
دلیپ کمار کے آفیشل ٹوئٹر اکاؤنٹ پر ان کے ترجمان فیصل فاروقی نے ٹوئٹ کرتے ہوئے لکھا کہ سائرہ بانو کی مشاورت اور سوچ بچار کے بعد فیصلہ کیا ہے کہ ان کا آفیشل ٹوئٹر اکاؤنٹ بند کردیا جائے گا۔

سائرہ بانو کی طبیعت خطرے سے باہر

واضح رہے کہ پشاور میں پیدا ہونے والے یوسف خان رواں سال 7 جولائی کو اس دنیا سے رخصت ہو گئے تھے دلیپ کمار نے فلمی کیرئیر کا آغاز فلم جوار بھاٹا سے کیا تھا دلیپ کمار 1940 سے 1960 کی دہائی میں بھارتی سینما پر چھا ئے رہے، انہوں نے 65 سے زائد فلموں میں کام کیا-

ان کی مشہور فلموں میں جگنو، آن، دیوداس، آزاد، مغل اعظم، گنگا جمنا، انقلاب، شکتی، کرما، نیا دور، مسافر، مدھومتی، دل دیا درد لیا، مزدور، لیڈر، جوار بھاٹا، شہید، ندیا کے پار، میلہ، داغ، دیدار، آگ کا دریا، عزت دار، داستان، دنیا، کرانتی، قانون اپنا اپنا اور سوداگر شامل ہیں آخری بار انہوں 1998 میں فلم قلعہ میں اداکاری کی –

اداکارہ سائرہ بانو طبیعت ناسازی کے باعث آئی سی یو منتقل