مزار شریف: قندھار کے بعد مزار شریف میں بھی بھارتی قونصل خانہ بند-

باغی ٹی وی : تفصیلات کے مطابق بھارت نے مزار شریف میں قیام پذیر اپنے سفارتی عملے اور مقیم شہریوں کو ہدایت کی ہے کہ فوری طور پر واپس چلے جائیں اس ضمن میں بھارت کی جانب سے صوبہ بلخ کے دارالحکومت مزار شریف میں قائم بھارت کے قونصل جنرل نے سماجی ر بطے کی ویب سائٹ ’ٹوئٹر‘ پہ بھارتی شہریوں سے کہا گیا ہے کہ مزار شریف اور اس کے قرب و جوار میں مقیم تمام بھارتی شہری علاقہ چھوڑ دیں۔

(1/2) A special flight is leaving from Mazar-e-Sharif to New Delhi. Any Indian nationals in and around Mazar-e-Sharif are requested to leave for India in the special flight scheduled to depart late today evening.

— India in Mazar (@IndianConsMazar) August 10, 2021

بھارت کے قونصل خانے کی جانب سے یہ بھی بتایا گیا ہے کہ آج شام بھارتی دارالحکومت دہلی کے لیے خصوصی پرواز مزار شریف سے روانہ ہوگی قونصل جنرل آفس نے خصوصی پرواز سے روانگی کے خواہش مند بھارتی شہریوں سے اس ضمن میں نام اور پاسپورٹ نمبر واٹس ایپ کرنے کی اپیل بھی کی ہے-

(2/2) Indian citizens desiring to leave by special flight should immediately convey their full name, passport number, date of expiry by whatsapp at the following numbers:

0785891303
0785891301

— India in Mazar (@IndianConsMazar) August 10, 2021

علاوہ ازیں بھارتی قونصلیٹ نے سفارتی اور سکیورٹی عملے کو بھی وہاں سے نکالنے کا اعلان کیا ہے-

بھارتی میڈیا کے مطابق دہلی روانہ ہونے والا بھارتی جہاز عملے اور شہریوں کو لے کر مزار شریف سے بھارت جائے گا میڈیاکے مطابق قندھار کے بعد مزار شریف میں بھی قونصل خانہ خالی کرنے کے بعد عارضی طور پر بند کر دیا جائے گا۔

امریکی صدر جوبائیڈن نے کہا ہے کہ ہمارافوجی مشن31 اگست ختم ہوجائے گا اب افغانستان کا دفاع کرنا افغان افواج کی ہی ذمہ داری ہے-

باغی ٹی وی : : تفصیلات کے مطابق جو بائیڈن نےکہا کہ افغانستان کے عوام کو اپنے ملک کے مستقبل کا فیصلہ خود کرنا ہوگا میں امریکیوں کی ایک اور نسل کو 20 سالہ جنگ میں دھکیلنا نہیں چاہتا۔

ینٹاگون کے ترجمان جان کربی نے کہا ہے کہ افغانستان میں جاری صورتحال سے امریکا کو بہت تشویش لاحق ہے افغان فوج کے پاس طالبان سے جنگ کرنے کی پوری صلاحیت ہے یہ ان کی اپنی فوج ہے یہ ان کے اپنے صوبائی دارالحکومت ہیں، یہ ان کے اپنے لوگ ہیں جن کا دفاع کرنا ہے اور یہ سب ان کی قیادت پر آ جاتا ہے کہ وہ اس موقع پر کیسی کارکردگی دکھاتے ہیں۔

خیال رہے کہ امریکہ نے افغانستان سے اپنی فوجوں کا انخلا تقریباً مکمل کر لیا ہے تاہم وہ اب بھی طالبان پر فضائی حملے کر رہا ہے۔

واضح رہے کہ افغانستان میں طالبان کی پیش قدمی میں گذشتہ چند دن کے دوران تیزی دیکھی گئی ہے اور انھوں نے پانچ دن میں چھ اہم شہروں پر قبضہ کر لیا ہےگزشتہ اتوار طالبان نے قندوز کے علاوہ شمالی شہر سرِ پُل اور تالقان پر بھی قبضہ کر لیا تھا۔ قندوز وسطی ایشیا کا دروازہ کہلاتا ہے اور اسی کی سٹریٹیجک اور معاشی لحاظ سے بہت اہمیت ہے۔

افغانستان کی موجودہ صورتحال کے باعث امریکی سفارتخانے نے اپنے شہریوں کو افغانستان چھوڑنے کی ہدایت کی تھی امریکی سفارتخانے نے کہا تھا کہ افغانستان میں مقیم امریکی شہری فوری طور پر دستیاب پروازوں کے ذریعے افغانستان چھوڑ دیں۔امریکہ کے بعد برطانیہ نے بھی اپنے شہریوں کو فوری طور پر افغانستان چھوڑنے کی ہدایت کی تھی-