کراچی کےساحل پر ریت میں پھنسنے والے بحری جہازہینگ ٹو نگ77 کو حکومت نےتحویل میں لےلیا ۔
باغی ٹی وی : جہاز کو نکالنے کے لیے ریسکیو آپریشن جاری ہے بحری جہاز کے اطراف سے ریت کو نکالا جا رہا ہےجہاز کو نکالنے کے لیے میری ٹائم سیکیورٹی ایجنسی اور کے پی ٹی کی مشینری کو بھی استعمال کیا جا رہا ہے گزشتہ روز سمندر میں طغیانی کے سبب آپریشن روک دیا گیا تھا۔
پہلے مرحلے میں سمندر کے اندر اینکر گاڑ کر اس سے بندھے تار سے جہاز کو سمندر میں پانی کی طرف دھکیلا جارہا ہے تار کھینچنے کیلیے ساحل پر کھڑی بارج کی طاقت استعمال کی جارہی ہے۔ دوسرے مرحلے میں ٹگ بوٹ کے ذریعے جہاز کو کھینچا جائے گا۔
وزارت بحری امور کے حکم نامے کے مطابق ماہرین نے جہاز کو سمندری کاموں کےلیےناقابل استعمال قرار دیا ہے جہاز کا نیویگیشن سسٹم اور مشینری خراب حالت میں ہے، یہ انسانی جانوں کےلئےبھی خطرہ ہے۔
وزارت میری ٹائم نےسی ویو پرپھنسے جہاز کو ناکارہ قرار دیتے ہوئے اسے قبضے میں لینا کا فیصلہ کیا تھا جہاز ہینگ ٹانگ 77 کے کپتان کو تحریری طور پر آگاہ کر دیا گیاہے۔
بحری جہازہینگ ٹانگ77کو سی وردی نہ ہونے پر پاکستان مرچنٹ آرڈیننس 2001 کے تحت کو قبضے میں لیا گیا ہےجہازکوتسلی بخش رپورٹ کے بعدچھوڑدیا جائےگا حکومت پاکستان کی جانب سے جہاز کےکپتان اور مالک کو دستاویزات پیش کرنے کا کہا گیا تھا۔
اور کہا گیا تھا کہ یہ واضح کریں کہ جہاز فٹنس کے اعتبار سے بالکل ٹھیک ہےاور سمندرمیں چلنے کے قابل ہے لیکن ان کی جانب سے کوئی دستاویزات اورتفصیلات نہیں دی گئی ہیں۔
The @MaritimeGovPK has issued detention orders on MV Heng Tong 77 as per port state rules.
Vessel is not sea worthy due to defective hull & nav equip, weak engine, poor life saving/fire fitting equipment. In this current state it poses a threat to our channel + other vessels well pic.twitter.com/QofW5B8kNX— Ali Haider Zaidi (@AliHZaidiPTI) August 10, 2021
دوسری جانب سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں وفاقی وزیر برائے بحری امورعلی زیدی نے ہینگ ٹونگ 77 بحری جہاز کو ضبط کرنے کے آحکامات کی تصدیق کرتے ہوئے لکھا کہ سی ویو پر پھنسے جہاز ہینگ ٹونگ سمندر میں سفر کرنے کے قابل نہیں ہے پھنسے بحری جہاز کا نیویگیشن پاور مشنری خراب ہے جبکہ جہاز کا انجن بھی بہت کمزور پایا گیا ہے پھنسا ہوا بحری جہاز اس حالت میں انسانی جان اور دوسرے بحری جہازوں کے لیے بھی خطرہ ہے۔
واضح رہے کہ 19 جولائی کی شب بحری جہاز ہینگ ٹانگ 77 انجن کی خرابی اور تیز ہواؤں کے باعث سی ویو پر آکر پھنس گیا تھا۔
