لکی مروت:صوبائی وزیر سوشل ویلفیئر ڈاکٹر ہشام انعام اللہ خان نے کہا ہے کہ ہمارا سیاسی سفر کافی لمبا ہے-

باغی ٹی وی : انہوں نے کہا کہ ہم عوام کی بے لوث خدمت پر یقین رکھتے ہیں اور اسی جذبے کے تحت ضلع لکی مروت میں ابتک اربوں روپے مالیت کے ترقیاتی کام کئے ہیں جن سے نہ صرف علاقے کی تقدیر بدلے گی بلکہ عوام کو گھروں کی دہلیز پر سہولیات کی فراہمی ممکن ہوسکے گی، ان خیالات کا اظہار انہوں نے مختلف شمولیتی اجتماعات سے خطاب کرتے ہوئے کیا۔

اس موقع پرمختلف سیاسی و مذہبی جماعتوں کے کارکنوں نے خاندان و ساتھیوں سمیت پی ٹی آئی میں شمولیت اختیار کر لی۔ڈاکٹر ہشام انعام اللہ خان نے کہا کہ آبنوشی، مواصلات اور تعلیمی میدان میں انقلابی اقدامات اٹھائے گئے ہیں اور ان شعبوں میں کئی ایک منصوبے مکمل کئے گئے اور متعدد پر کام جاری ہے،کوئی تین سال کے عرصے میں 130 سولر ٹیوب ویلز اور 18 ایریگیشن ٹیوب ویلز مکمل کئے گئے جبکہ گرلز ڈگری کالج غزنی خیل، احمد زئی اور پیزو ڈگری کالج پر کام شروع کیاگیا ہے۔

انہوں نے کہا کہ لکی مروت میں نرسنگ کالج اینڈ پیرامیڈیکس اور ٹراما سنٹر منظور کئے ہیں، کالج کا آغاز ہوچکا ہے جبکہ ٹراما سینٹر پر تعمیراتی کام تیزی سے جاری ہے اس کے علاوہ صوبائی حکومت نے لکی مروت کے لئے مزید 2 ارب روپے فنڈزکی منظور ی دی ہے جو ٹیوب ویلزکی تنصیب پر خرچ ہوگی۔

صوبائی وزیر نے کہا کہ شیخ بدین ڈیم پر کام شروع ہے اس منصوبے کی تکمیل سے نہ صرف زراعت کو ترقی ملے گی بلکہ لائیو سٹاک، جنگلات، جنگلی حیات، ماہی پروری، سیاحت اور دیگر شعبے بھی ترقی کریں گے یہی نہیں بلکہ ڈیم کی تعمیر سے زیر زمین پانی کی سطح بلندہو گی اور اس سے مروت علاقے میں آبنوشی کے مسائل پر بڑی حد تک قابو پانے میں مدد ملے گی۔

انہوں نے کہا کہ موجودہ حکومت نے لکی مروت کی 150 سے زائد مساجد میں سولر سسٹم نصب کیا ہے اور عنقریب دیگر مساجد کو بھی سولر پاور سسٹم پر منتقل کیا جائے گا۔

انہوں نے کہا کہ لکی مروت کا شمار پسماندہ ترین اضلاع میں ہوتا ہے، افسوس ناک امر یہ ہے کہ گذشتہ15سال سے علاقے کو پسماندہ رکھا گیا لیکن ہم ترقی اور خوشحالی لانے کا تہیہ کئے ہوئے ہیں اور تمام حلقوں میں بلاتفریق عوامی خدمت کے کام کررہے ہیں۔

راولاکوٹ : چیف الیکشن کمشنر آزاد کشمیر عبدالرشید سلہریا نے راولاکوٹ کا دورہ کیا-

باغی ٹی وی اس موقع پر انہوں نے کہا کہ ہم سب نے مل کر الیکشن کو پرامن بنانا ہے جب ووٹرز فہرستیں ترتیب دی گئیں تب کسی نے اعتراض نہیں کیا تھا اب یہ ہنگامہ آرائی سمجھ سے باہر ہے-

چیف الیکشن کمشنر نے کہا کہ کوٹلی میں کشیدگی کے بعد آرمی پہنچ گئی ہے ۔

واضح رہے کہ چڑھوئی میں پرائی میٹھی جنڈ کے مقام پر پیپلز پارٹی اور تحریک انصاف کے ورکروں کے درمیان تصادم میں تحریک انصاف کے کارکن محمد ظہیر جان بحق جبکہ رمضان گولی لگنے کے باعث شدید زخمی ہو گئے تھے جنہیں زخمی حالت میں ہسپتال منتقل کیا گیا تاہم زخموں کی تاب نہ لوتے ہوئے وہ بھی جاں بحق ہو گئے ہیں-

آزاد کشمیر میں انتخابات کے موقع پر پاکستان پیپلز پارٹی کے امیدوار چوہدری یاسین کی گاڑی پر ہونے والی فائرنگ ، پی پی رہنما بال با ل بچ گئے۔

باغی ٹی وی : تفصیلات کے مطابق پیپلز پارٹی کشمیر کے مرکزی رہنما چوہدر ی محمد یاسین کی گاڑی پر فائرنگ کاواقعہ چڑھوئی کے مقام پر پیش آیا ہے ، فائرنگ سے گاڑی چھلنی ہوگئی ہے جبکہ چوہدری یاسین خود محفوظ رہے ہیں۔

چوہدری یاسین نے الیکشن کمیشن اور انتظامیہ سے مطالبہ کیا ہے کہ فائرنگ کے واقعے پر فوری کارروائی کی جائے ۔

واضح رہے کہ کوٹلی میں ہی پیپلز پارٹی اور پاکستان تحریک انصاف کے کارکنوں کے درمیان فائرنگ کا واقعہ پیش آیا ہے جس میں پی ٹی آئی کا ایک کارکن جاں بحق اور چھ افراد زخمی ہوئے ہیں۔

جبکہ راولا کوٹ کے حلقہ ایل اے 20ریڑبن میں ووٹرز نے احتجاج کرتے ہوئے پولنگ سٹیشن کو تالے لگا دیئے ہیں اور پولنگ عملے کو بھی سٹیشن کے اندر داخل نہیں ہونے دیا جارہا مظاہرین کا کہنا ہے کہ ہمارے 150ووٹ دوسری جگہ منتقل کردیئے گئے ہیں۔
پی پی کے پولنگ کیمپ اکھاڑنا نا اہل حکومت کی واضح شکست کا خوف ہے سینٹر پلوشہ خان

آزاد کشمیرانتخابات: پی پی اور پی ٹی آئی کارکنوں میں تصادم 1 شخص جاں بحق 2 زخمی

پاکستان پیپلز پارٹی کی مرکزی ڈپٹی سیکرٹری اطلاعات و سینٹر پلوشہ خان نے ایل اے 43 ویلی 4 میں پیپلز پارٹی کے پولنگ کیمپ اکھاڑنے کی شدید مذمت کی ہے-

باغی ٹی وی : سینٹر پلوشہ خان نے کہا کہ آزاد کشمیر الیکشن میں پی ٹی آئی غنڈہ گردی کر رہے ہیں پی پی پی کے پولنگ کیمپ اکھاڑنا نا اہل حکومت کی واضح شکست کا خوف ہے –

سینٹر پلوشہ خان نے کہا کہ کشمیریو ں کو اپنی آزادانہ راۓ دہی کا حق نہ دینا کشمیر کاز کے ساتھ زیادتی ہو گی وفاقی وزیر داخلہ کے حلقہ میں اس طرح کی غنڈہ گردی کے خطرناک اثرات ہوں گے-

انہوں نے مطالبہ کیا کہ الیکشن کمیشن انتخابات کی شفافیت کو یقینی بناۓ اور اسطرح کی کھلے عام حکومتی دھاندلی کو روکے –

واضح رہے کہ آج آزاد جموں و کشمیر میں عام انتخابات ہو رہے ہیں جس کے لیے پولنگ کا عمل جاری ہے جو آج شام 5 بجے تک بغیر کسی وقفے سے جاری رہے گا پاکستان تحریک انصاف ، پیپلز پارٹی اور مسلم لیگ ن کے امیدوار میدان میں موجود ہیں۔