پاکستانی اداکارہ ماہرہ خان کے نئے ڈرامے کا ٹیزر جاری ہوگیا۔

باغی ٹی وی : ماہرہ خان کے نئے ڈرامہ سیریل کا ٹیزر ہم ٹی وی چینل کے انسٹاگرام اکاؤنٹ پر جاری کیا گیا ہے جس میں ڈرامے کے چند مناظر کو دِکھا گیا ہے۔

ٹیزر میں ماہرہ خان کے ساتھ اداکارہ کبریٰ خان کو بھی دیکھا جاسکتا ہے جو شاید اس ڈرامے میں منفی کردار ادا کریں گی جبکہ مرکزی کردار میں عثمان مختار بھی شامل ہیں-

ماہرہ خان کے ڈرامے کا ٹیزر چند گھنٹے قبل ہی جاری کیا گیا ہے جسے اب تک اڑھائی لاکھ سے زائد صارفین دیکھ چکے ہیں صارفین کو ڈرامے کا بڑی بے سبری سے انتظار ہے-

خیال رہے کہ ماہرہ خان 6 سال بعد ٹی وی اسکرین پر دکھائی دیں گے ان کے نئے پراجیکٹ میں ان کے ساتھ اسکرین پر اداکار عثمان مختار، کبریٰ خان، ہارون شاہد، شمیم ہلالی، زینب قیوم، ہما نواب، لیلیٰ واستی، عمیر رانا اور دیگراداکار اہم کرداروں میں نظر آئیں گے۔

ڈرامہ مشہور ڈرامہ و افسانہ نگار عمیرہ احمد کے ناول ’ہم کہاں کے سچے تھے‘ سے ماخوذ ہے اداکارہ ڈرامے میں’مہرین منصور‘ کا کردار ادا کرتی دکھائی دیں گی ماہرہ خان اپنی مذکورہ پراجیکٹ میں ’مہرین‘ کا کردار اداکر رہی ہیں۔

ماہرہ خان کی 6 سال بعد ٹی وی اسکرین پر واپسی

اداکارہ منال خان کے منگیتر و اداکار احسن محسن اکرام نے سابق کپتان وسیم اکرم کی اہلیہ و سماجی کارکن شنیرا کو گزشتہ روز کی گئی تنقید پر جواب دیا ہے-

باغی ٹی وی : گزشتہ روز سابق کپتان وسیم اکرم کی اہلیہ شنیرا اکرم نے منال خان اور ان کے منگیتر کو ٹریفک قوانین کی خلاف ورزی کرنے اور غیر ذمہ داری کا مظاہرہ کرنے پر کھری کھری سُنائی تھی۔

منال خان نے چند روز قبل اپنے انسٹاگرام اکاؤنٹ پر ایک ویڈیو شیئر کی تھی جس میں وہ اور ان کے منگیتر احسن محسن اکرام گاڑی میں کہیں جارہے تھے۔ احسن گاڑی چلاتے ہوئے منال خان کی ویڈیو بنا رہے ہوتے ہیں اور ان سے کہتے ہیں ہمارے لیے ایک گانا گاؤ۔

منال خان تھوڑا سوچ کر بچوں کا مقبول گانا ʼʼبے بی شارکʼʼ گانا شروع کردیتی ہیں تاہم گاڑی میں ڈرائیونگ کے دوران منال خان نے سیلٹ بیلٹ نہیں باندھی تھی۔

شنیرا اکرم نے منال خان کی یہ ویڈیو اپنی انسٹااسٹوری پر شیئر کی تھی اور لکھا تھا کہ آپ دونوں مشہور ہیں اور آپ دونوں کے سوشل میڈیا پر لاکھوں فالوورز ہیں کیا آپ دونوں کے لیے تھوڑا سا زیادہ ذمہ دار ہونا بہت مشکل ہے؟

شنیرا اکرم نے مزید لکھا تھا کہ ڈرائیونگ کرتے وقت اپنی سیلٹ بیلٹ باندھیں اور اپنی نظریں روڈ پر رکھیں، معاف کرنا لیکن یہ گانا اس وقت بالکل بھی کیوٹ نہیں لگے گا جب منال خان اسے اسپتال میں گارہی ہوں گی۔

تاہم اب احسن محسن نے سماجی رابطے کی ویب سائٹ انسٹاگرام پر اپنی نئی تصویر شیئر کی ہے جس کا کیپشن ڈھکے چُھپے الفاظ میں وسیم اکرم کی اہلیہ شنیرا کے لیے ہے۔

اداکار نے لکھا کہ اپنی زندگی بسر کریں اور آپ دوسروں کو کبھی بھی یہ حکم نہ دیں کہ آپ کو اپنی زندگی کیسے گزارنی ہےآپ کو صرف ایک زندگی ملتی ہے، اس سے لطف اٹھائیں، اس کی قدر کریں کیونکہ اس دنیا کی سب سے مہنگی چیز وقت ہے اور اگر آپ نے ایک بار جو وقت کھودیا، وہ واپس نہیں آسکے گا۔

احسن محسن نے لکھا کہ زندگی میں مثبت بننا نہ بھولیں، اپنے ساتھ سچے رہیں اور دوسروں کے ساتھ بھی نرم مزاجی کے ساتھ پیش آئیں آپ خود اپنی زندگی کے ایک چمکتے ہوئے اسٹار ہیں۔

احسن محسن کی پوسٹ پر کمنٹ کرتے ہوئے منال خان نے لکھا کہ آئیے! ہر چیز کو مثبت انداز میں لیں۔

ٹریفک قوانین کی خلاف ورزی، شنیرا اکرم کی منال خان پر سخت تنقید

حال ہی میں شادی کرنے والی پاکستانی معروف اداکارہ غنا علی نے انکشاف کیا ہے کہ اُن کے شوہر کاروباری شخصیت نہیں ہے۔

باغی ٹی وی : حال ہی میں غنا علی نے انسٹاگرام پر سوال و جواب کا ایک سیشن رکھا جس میں صارفین نے اُن سے اُن کی شادی شُدہ زندگی اور شوہر کے حوالے سے مختلف سوالات کئے۔

اس سیشن کے دوران ایک صارف نے غنا علی سے پوچھا کہ اُن کے شوہر کونسا بزنس کرتے ہیں؟ جس پر غنا علی نے کہا کہ میرے شوہر بزنس مین نہیں ہیں بلکہ وہ ایک پبلک سیکٹر میں کام کرتے ہیں۔

ایک صارف نے پوچھا شادی کے بعد آپ زندگی کیسی گُزار رہی ہے؟ جس پر غنا علی نے کہا کہ الحمداللّہ! بہت اچھی گُزر رہی ہے اس میں کوئی شک نہیں کہ شادی کے بعد لڑکی اور لڑکے کی زندگیوں میں بڑے پیمانے پر تبدیلیاں آتی ہیں۔

غنا علی نے کہا کہ’کسی کے ساتھ اپنی چیزیں اور زندگی شیئر کرنا ایک بہت بڑا چیلنج ہوتا ہے لیکن میں بہت خوش ہوں کہ میرے شوہر ایک حیرت انگیز مزاج اور شخصیت کے مالک ہیں۔

واضح رہے کہ غنا علی رواں سال ہی کراچی کے رہائشی عُمیر گلزار کے ساتھ رشتۂ ازدواج میں منسلک ہوئیں جو پہلے سے شادی شدہ تھےغنا علی کو شادی کے بعد سے اُن کے شوہر کی وجہ سے کافی تنقید کا نشانہ بنایا جارہا ہے-