ترک ڈرامہ سیریل ارطغرل کے ہیرو انگین التان سے فراڈ کرنے والے ٹک ٹاکر کاشف ضمیر کی اہلیہ اردن جبین نے پولیس پر خود کو ہراساں کرنے کاالزام لگایا ہے-

باغی ٹی وی : کاشف ضمیر کی اہلیہ نے لاہور ہائی کورٹ سے درخواست کی ہے کہ پولیس مجھے ہراساں کر رہی ہےلاہور ہائی کورٹ میں کاشف ضمیر کی اہلیہ اردن جبین کی درخواست پر سماعت ہوئی۔

عدالت نے کاشف ضمیر کی اہلیہ کی درخواست پر درخواست گزار کے وکیل کو اعتراضات ہٹانے کا حکم دے دیا عدالتِ عالیہ نے درخواست گزار کے وکیل کو ایف آئی آر کی مصدقہ کاپیاں لگانے کا حکم بھی دیا۔

ارطغرل غازی فراڈ کیس میں گرفتار کاشف ضمیر کی ایک مقدمے میں ضمانت منظور

درخواست گزار اردن جبیں نے اپنی درخواست میں مؤقف اختیار کیا ہے کہ پولیس کی جانب سے مجھے ہراساں کیا جا رہا ہے۔

ان کا یہ بھی کہنا ہے کہ پولیس کی طرف سے جھوٹے مقدمات درج کیئے جا رہے ہیں۔

ارطغرل غازی سے مبینہ فراڈ کے الزام میں گرفتار کاشف ضمیر 2 روزہ جسمانی ریمانڈ پر پولیس کے حوالے

واضح رہے کہ سی آئی اے نے 17 جون کو کاشف ضمیر کو ترک اداکار کی شکایت پر گرفتار کیا تھا جنہوں نے الزام عائد کیا تھا کہ ملزم نے غیر قانونی فوائد حاصل کرنے کے لیے ان کا غلط استعمال کیا۔

ترکش ایمبیسی کی جانب سے شکایت کا لیٹر محکمہ داخلہ پنجاب کو بھجوایا گیا۔آئی جی پنجاب کے حکم پر شکایت پرمقدمہ درج کر کے ملزم کاشف ضمیر کو گرفتار کیا گیاہے۔

ایف آئی آر کے مطابق ملزم کاشف ضمیر نے چوہدری گروپ برانڈ کی شوٹنگ کے لئے انجین التان کو پاکستان بلوایا۔یہاں آنے پر کاشف ضمیر کی جانب سے انجین التان کو طے کردہ رقم ادا نہیں کی گئی انجین التان کی ٹیم کی جانب سے رقم کا تقاضہ کرنے پر ملزم کاشف ضمیر نے ایگریمنٹ کینسل کر دیا۔

مقدمہ درج ہونے پرسی آئی اے اقبال ٹاؤن پولیس نے ملزم کاشف ضمیر کی گرفتاری کے لئے نشتر کالونی کے علاقہ میں چھاپہ مارا تو ملزم نے خود کو سرکاری افسر ظاہر کیا جبکہ ملزم کے قبضے سے نیلی لائٹ والی گاڑی اور اسلحہ برآمد کر کے ایک اور مقدمہ تھانہ نشتر کالونی میں درج کر لیا گیا تھا-

ارطغرل غازی کے پیسے نہ دینے اوردھوکادینے پرٹک ٹاکرکاشف ضمیرگرفتار

اداکار و میزبان فیصل قریشی کی ایک ویڈیو تیزی سے انٹرنیٹ پر وائرل ہو رہی جس میں وہ اپنے دوست میزبان عادی کی سالگرہ مناتے ہوئے اُ نہیں ’چپیڑیں‘ مار رہے ہیں۔

باغی ٹی وی : اداکار فیصل قریشی کی ایک پرانی ویڈیو سوشل میڈیا پلیٹ فارمز پر تیزی سے وائرل ہو رہی ہے جس میں وہ اپنے دوست عادی کی سالگرہ مناتے نظر آ رہے ہیں۔

وائرل ویڈیو میں دیکھا جا سکتا ہے فیصل قریشی اپنے دوست کو کیک کاٹنے کے دوران سالگرہ کی مبارکباد دے رہے ہیں اور ساتھ میں انہیں مار رہے ہیں اس دوران فیصل قریشی کے ساتھ موجود دیگر فنکار بھی فیصل قریشی کی دیکھا دیکھی عادی کو مارنا شروع کر دیتے ہیں۔

انٹرنیٹ صارفین کی جانب سے اس ویڈیو پر سخت تنقید کی جا رہی ہے۔

ٹک ٹاکرز کو جاہل کہنے پر فیصل قریشی کا وضاحتی بیان

انٹرنیٹ صارفین کی جانب سے اس ویڈیو کو شیئر کرتے ہوئے فیصل قریشی کو تنقید کا نشانہ بنا رہے ہیں، انٹرنیٹ صارفین کا کہنا ہے کہ فیصل قریشی پہلے اپنے گریبان میں جھانگیں پھر ٹک ٹاکرز کو ڈانٹیں، فیصل قریشی بھی ماضی میں ایسی حرکتیں لائیو شو کے دوران کرتے رہے ہیں۔

جہاں صارفین نے تنقید کی وہیں کچھ لوگ فیصل قریشی کی حمایت میں بھی آئے نازش نامی صارف نے لکھا کہا کہ اگر لڑکے کرتے تو کوئی بات نہیں وہ اُلتا پلٹ کر اسے تھپڑ مار بھی دے تو کچھ نہیں ہوتا اور لڑکی قومی ٹی وی پر یہ حرکتیں کرتی اچھی نہیں لگتی کیا عزت رہ جاتی اگر وہ لڑکا اسے واپس تھپڑ مار دیتا تو ،غلط کو غلط کہنا سیکھو-

دوسری جانب انسٹاگرام پر ایک ویڈیو وائرل ہو رہی ہے جس میں فیصل قریشی کا کہنا تھا کہ لڑکا لڑکے کو”چپیڑ” مارتا ہے تو اتنی آگ نہیں لگتی اگر لڑکا لڑکی کو "چپیڑ”ما ردے اگر اسامہ آپ کو پلٹ کر "چپیڑ” مارد یتا تو تو دو ہزار خواتین یہاں کھڑی ہوتیں تو احتجاج ہو نا تھا کہ بول ٹی وی بند کریں فیصل قریشی کو اندر کریں یہ ایک ٹیکنیکلی ایشو ہے-

فیصل قریشی نے کہا کہ آپ ایک لائن کراس کر رہے ہیں تو اگلے کو بھی موقع دے رہے ہیں کہ آپ بھی لائن کراس کریں آڈینس میں کوئی دوسرے کو تھپڑ مارتا ہے یاکچھ اس طرح کو ئی بات تو میں نہیں کبھی ری ایکٹ نہیں کیا یہاں ایک ریزن تھی- اسی لئے میں نے ری ایکٹ کیا-

کہاں سے لے آ تے ہیں یہ بدتمیز اورجاہل لوگ،فیصل قریشی لائیو شو میں ٹک ٹاکرز پر برس…

ادکارہ و ماڈل منشا پاشا نے شادی کے بعد اپنا نام تبدیل نہ کرنے کی وجہ بتا دی ہے-

باغی ٹی وی : گزشتہ دنوں اداکارہ منشا پشا کی جانب سے انسٹا گرم اکاؤنٹ پر چند خوبصورت تصویریں شیئر کی گئیں جن میں وہ خوبصوت ساڑھی زیب تن کئے بے حد دلکش لگ رہی ہیں-

اداکارہ کی تصاویر کو اُن کے مداحوں کی جانب سے خوب پسند کیا گیا تھا اس پوسٹ پر جہاں منشا پاشا اور اُ ن کے شوہر، سماجی کارکن جبران ناصر کے مداحوں کی جانب سے تعریفی کمنٹس کیے گئے وہیں ایک صارف کی جانب سے منشا پاشا سے ایک اہم سول بھی پوچھ لیا گیا ۔

نعمان نامی انسٹا گرام صارف کا منشاپاشا سے سوال پوچھنا تھا کہ ’انہوں نے شادی کے بعد اپنا نام نہیں بدلا؟‘

صارف کے اس سوال پر منشا پاشا نے کہا کہ اسلامی تعلیمات کے مطابق لڑکی کے لیے شادی کے بعد نام بدلنا ضروری نہیں ہے اسی لیے انہوں نے اپنا نام نہیں بدلا۔’

اس کے ساتھ ہی منشا پاشا کی جانب سے اپنی انسٹا اسٹوری پر اسی سے متعلق ایک نوٹ میں کہنا تھا کہ ’ اُن کا خود سے متعلق یہ نہیں کہنا ہے کہ وہ بہت بہتر انسان یا مسلم ہیں، اُن کی پوسٹ جو لوگ پڑھ رہے ہیں وہ اُن کی طرح ہی ایک خطا کا پتلا ہیں، مگر وہ اسلام کی جتنی مان سکتی ہیں وہ کوشش کرتی ہیں کہ وہ اسلامی تعلیمات پر عمل کریں۔

منشاپاشا نے کہا کہ میرا مذہب عورت کو اجازت دیتا ہے کہ وہ شادی کے بعد اپنا نام اپنی شناخت نہ بدلے، تاہم نے فیصلہ کیا ہے کہ میں اپنا نام نہیں بدلوں گی اور وہ اُن سے متعلق بھی کوئی فیصلہ نہیں سنانا چاہتی جو خواتین شادی کے بعد اپنا نام بدل لیتی ہیں، یہ سب کی اپنی مرضی اور فیصلہ ہے۔‘

پاکستان شوبز انڈسٹری کے معروف ترین اداکار و میزبان فیصل قریشی نےاپنے شو کے دوران ٹک ٹاکرز کو جاہل قرار دینے والی ویڈیو پر وضاحتی بیان دیا ہے-

باغی ٹی وی : فیصل قریشی کے وضاحتی بیان کی ویڈیو سوشل میڈیا پر وائرل ہوگئی ہے جس میں دیکھا جاسکتا ہے کہ اداکار کے ہمراہ خاتون ٹک ٹاکر مسکان اور تھپڑ کھانے والا اسامہ بھی موجود ہے۔

اداکار ویڈیو میں مسکان سے مخاطب ہوتے ہوئے کہتے ہیں کہ ’لوگ جو بھی کہہ رہے ہیں، اُنہیں کہنے دو کیونکہ اُن کا کام ہی تنقید کرنا ہے یہ لڑکا اُسامہ ہے، جسے مسکان نے تھپڑ مارے تھے اور میں کہتا ہوں کہ اسے اور بھی زیادہ تھپڑ لگنے چاہیے لیکن آن ایئر نہیں۔‘

ٹک ٹاکرز کو ڈانٹنے کی ویڈیوائرل ہونے کے بعد فیصل قریشی کا بیان سامنے آ گیا

اُنہوں نے کہا کہ آن ائیر کسی کو تھپڑ ماریں گے تو اس سے ہماری امیج اور عزت پر سوال اُٹھیں گے جو کہ بالکل غلط بات ہے میں ان بچوں کو ڈانٹتا ہوں کیونکہ یہ مجھے اپنا استاد اور والد کا درجہ دیتے ہیں۔

اداکار نے مزید کہا کہ مجھے معلوم ہوتا ہے کہ اگر میں انہیں کچھ بھی کہوں گا تو یہ پلٹ کر مجھے جواب نہیں دیں گے بلکہ خاموشی سے سُنیں گے۔

علی گل پیر کی فیصل قریشی پر بنائی گئی پیروڈی سوشل میڈٰیا پر وائرل

کہاں سے لے آ تے ہیں یہ بدتمیز اورجاہل لوگ،فیصل قریشی لائیو شو میں ٹک ٹاکرز پر برس…

بھارتی مسلمان اداکارہ شگفتہ علی کو بالی ووڈ کے معروف فلم پروڈیوسر اور ڈائریکٹر روہت شیٹھی اور بالی ووڈ کی ڈانسنگ کوئین مادھوری ڈکشٹ کی جانب سے فراخدلانہ مالی امداد موصول ہوئی ہے۔

باغی ٹی وی : چند روز قبل بھارتی ٹی وی کی سینئر اداکارہ شگفتہ علی کے حوالے سے بھارتی میڈیا میں خبر چلی تھی کہ گزشتہ 36 برس سے بھارتی شوبز انڈسٹری کے لیے اپنی خدمات دینے والی شگفتہ علی پچھلے چار برسوں سے کام نہ ہونے کی وجہ سے پائی پائی کی محتاج ہوگئی ہیں۔

اداکارہ شگفتہ علی نے میڈیا سے بات کرتے ہوئے بتایا تھا کہ وہ صحت کے مسائل سے بھی دوچار ہیں جس کی وجہ سے ان کی زندگی بہت مشکل ہوگئی ہے۔ گزشتہ چار برسوں سے انہیں انڈسٹری میں بہت کم کام مل رہا ہے اور یہ چار سال ان کی زندگی کے بدتر سال رہے ہیں۔ یہاں تک کہ انہیں گزارا کرنے کے لیے اپنے زیور اور گاڑی سمیت استعمال کی بہت ساری چیزیں بیچنی پڑیں اور اب تو حالت یہ ہوگئی ہے کہ ان کے پاس بیچنے کے لیے بھی کچھ نہیں بچا۔

اداکارہ شگفتہ علی کے بارے میں سُن کر اداکارہ مادھوری ڈکشٹ اور بھارت کے نجی ٹی وی چینل کے رئیلیٹی شو’’ڈانس دیوانے 3‘‘ کی ٹیم اداکارہ کی مدد کے لیے آگے آئی ہے۔

حال ہی میں شگفتہ علی کو رئیلیٹی شو’’ ڈانس دیوانے 3‘‘ میں مدعو کیا گیا جس کی جج مادھوری ڈکشٹ ہیں شو میں شگفتہ علی نے اپنے حالاتوں کے بارے میں سب کو بتایا ان کی دکھ بھری کہانی سن کر مادھوری ڈکشٹ سمیت شو میں موجود تمام لوگ آبدیدہ ہوگئے۔

بعد ازاں مادھوری ڈکشٹ نے اپنے شو کی ٹیم کی جانب سے اداکارہ شگفتہ علی کو 5 لاکھ روپے امداد کے طور پر دئیے اداکارہ شگفتہ نے اس موقع پر جذباتی لہجے میں مادھوری ڈکشٹ کا شکریہ ادا کرتے ہوئے کہا میرے پاس الفاظ نہیں ہیں۔

دوسری جانب معروف فلم پروڈیوسر اور ڈائریکٹر روہت شیٹھی نے بھی اداکارہ شگفتہ کی مدد کی اس بات کی تصدیق فلمساز اور انڈین فلم اینڈ ٹیلی ویژن ڈائریکٹرز ایسوسی ایشن کے صدر اشوک پنڈت نے کی۔

انھوں نے کہا کہ روہیت شیٹھی نے بڑی فیاضی سے شگفتہ کی مدد کی جس پر ہم روہت کے انتہائی مشکور ہیں۔

اشوک پنڈت نے بتایا کہ جب انھیں شگفتہ کی مالی صورتحال اور بیماری کا پتہ چلا تو وہ حالات کا جائزہ لینے ان کے پاس گئے اور صورتحال دیکھنے کے بعد انھوں نے روہیت سے بات کی جس پر وہ مالی مدد کے لیے فوری تیار ہوگئے۔

اشوک کے مطابق وہ اب بالی ووڈ میں مزید ایسے لوگوں تک پہنچنے کی کوشش کررہے ہیں جو کہ اسی قسم کی صورتحال سے پریشان ہیں۔

اس حوالے سے مالی مشکلات کا شکار شگفتہ علی نے کہا کہ ان کی روہیت شیٹھی سے کبھی ملاقات ہوئی نہ آمنا سامنا ہوا اور نہ ہی فون پر بات ہوئی، لیکن اس کے باوجود انھوں نے دل کھول کر اور بڑی فیاضی سے ان کی مدد کی ہے شگفتہ علی نے روہت شیٹھی کا شکریہ ادا کرتے ہوئے کہا کہ جسطرح انھوں نے میری مدد کی اللّٰہ تعالیٰ انھیں اسکا صلہ دے گا۔

بھارتی ٹی وی کی مسلمان سینئیر اداکارہ شدید مالی مشکلات کا شکار، ساتھی فنکاروں سے…