ماضی کی معروف بالی وڈ اداکارہ اور سیاستدان ارمیلا ماٹونڈکر نے لیجنڈری اداکار دلیپ کمارکے حوالے سے متنازع ٹوئٹ کرنے والے بھارتیہ جنتا پارٹی (بی جے پی) کے رہنما ارون یادو کو کھری کھری سُنا دیں-

باغی ٹی وی : بھارتیہ جنتا پارٹی کے رہنما ارون یادو نے سماجی رابطے کی ویب سائٹ ٹوئٹر پر اپنے پیغام میں لکھا کہ ’محمد یوسف خان (دلیپ کمار) نے صرف فلمی دُنیا میں شہرت اور پیسہ کمانے کے لیے ہندو نام کا استعمال کیا۔

फिल्मी जगत में हिन्दू नाम रखकर पैसा कमाने वाले मोहम्मद यूसुफ खान ( दिलीप कुमार ) का निधन भारतीय फिल्म जगत के लिए अपूरणीय क्षति है!

शोक संतप्त परिवार के प्रति गहन संवेदना!

दिवंगत आत्मा को शांति दे भगवान।

भावभीनी श्रद्धांजलि!

— Arun Yadav (@BeingArun28) July 7, 2021

بی جے پی رہنما نے لکھا کہ ’دلیپ کمار کے انتقال سے بھارتی فلم انڈسٹری کو نقصان پہنچا ہے۔‘

آخر میں اُنہوں نے دلیپ کمار کے اہلخانہ اور عزیزوں سے اُن کے انتقال پر تعزیت کا اظہار بھی کیا۔

بی جے پی رہنما کے اس متنازع ٹوئٹ پر جہاں دلیپ کمار کے مداحوں نے سخت الفاظ میں ردّعمل دیا تو وہیں بالی ووڈ اداکارہ ارمیلا ماٹونڈکر بھی خاموش نہ رہیں۔

Shame on you 👎

— Urmila Matondkar (@UrmilaMatondkar) July 7, 2021

ارمیلا ماٹونڈکر نے بی جے پی رہنما کے ٹوئٹ پر ردّعمل دیتے ہوئے لکھا کہ ’آپ کو شرم آنی چاہیے۔‘

واضح رہے کہ دو روزقبل بالی ووڈ لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے ڈاکٹر جلیل پارکر نے بتایا ، "ان کا صبح 7:30 بجے طویل علالت کے باعث انتقال ہوگیا۔” "صبح 8.01 بجے اداکار کے ٹویٹر ہینڈل سے خاندانی دوست فیصل فاروقی نے پوسٹ کیا ،” بہت ہی دل اور گہرے رنج و غم کے ساتھ ، میں کچھ منٹ قبل اپنے پیارے دلیپ صاحب کی وفات کا اعلان کرتا ہوں۔ دلیپ کمار کو گزشتہ روز بھارت کے تمام سرکاری اعزاز کے ساتھ ممبئی کے قبرستان میں سپرد خاک کیا گیا تھا۔

بالی ووڈ اداکارہ کترینہ کیف کو وکی کوشل کی جانب سے شادی کی پیشکش پر اداکار سلمان خان نے دلچسپ ردِ عمل دیا۔

باغی ٹی وی : بھارتی میڈیا پر ایک پرانی ویڈیو گردش کر رہی ہے جس میں وکی کوشل کی جانب سے کترینہ کیف کو شادی کی پیشکش پر سلمان خان نے دلچسپ جواب دیا تھا-

ویڈیو میں دیکھا جاسکتا ہے کہ وکی کوشل شو کے دوران میزبانی کے فرائض انجام دے رہے ہیں، اس موقع پر وہ کترینہ کیف کے ساتھ ایک مزاق کرتے ہیں۔

مزاق میں وہ خوبرو اداکارہ کو شادی کی پیشکش کرتے ہیں اور "مجھ سے شادی کروگی” کا ڈائیلاگ بھی بولتے ہیں۔

اس پر جب ایونٹ میں شریک سلمان خان کو دکھایا جاتا ہے تو وہ مسکرا رہے ہوتے ہیں، تاہم جیسی ہی کترینہ وکی کو ہاں میں جواب دیتے ہیں سلمان خان ساتھ بیٹھی اپنی بہن ارپتا خان کے کندھے پر سر رکھ کر سو جانے کی اداکاری کرتے ہیں۔

واضح رہے کہ حال ہی میں ایک اور پرانی ویڈیو بھارتی سوشل میڈیا پر گردش ہوئی تھی جس میں شادی کی تقریب میں بالی ووڈ کے سپر اسٹار سلمان خان اور بھارتی اداکارہ کترینہ کیف مدعو تھے۔

تقریب میں سلمان خان اسٹیج پر موجود تھے کہ اسی دوران گلوکار میکا سنگھ کا گانا ’چکنی چمیلی‘ بجا جس پر فلم ’اگنیپتھ‘ میں کترینہ کیف نے رقص کیا تھا۔

سلمان خان نے گانا بجتے ہی اداکارہ کو اسٹیج پر آنے کی دعوت دیتے ہوئے کہا ’کترینہ‘، پھر سلمان خان نے وقفہ لیا اور آگے کہا ’کیف‘، اداکار نے ایک بار پھر وقفہ لے کر کہا ’کپور‘ اس کے بعد سلمان خان نے اداکارہ پر طنزاً کہا کہ ’کتنا بڑا موقع گنوا دیا خان بننے کا پھر ساتھ ہی کہا کہ دل سے شکریہ ادا کرتے ہیں آپ کا-

اداکارہ کترینہ کیف نے کترینہ "خان” بننے کا موقع گنوا دیا سلمان خان

اداکار دلیپ کمار کی آخری رسومات میں شرکت پر بالی ووڈ کنگ شاہ رخ پر سوشل میڈیا صارفین تنقید کررہے ہیں۔

باغی ٹی وی :گزشتہ روز دلیپ کمار 98 برس کی عمر میں اپنے چاہنے والوں کو اداس چھوڑ کر ہمیشہ کے لیے اس دار فانی سے کوچ کرگئےبالی ووڈ کنگ شاہ رخ خان کو دلیپ کمار اور سائرہ بانو اپنا منہ بولا بیٹا کہتے تھے اور شاہ رخ خان بھی انہیں اپنے والد کا درجہ دیتے تھے۔ یہی وجہ ہے کہ دلیپ کمار کے انتقال کی خبر سن کر شاہ رخ خان ان کے گھر سب سے پہلے پہنچنے والے افراد میں شامل تھے۔

شاہ رخ خان دلیپ کمار کے گھر پہنچے اور ایک بیٹے کی طرح سائرہ بانو کو دلاسہ دیتے رہے جب کہ سائرہ بانو بھی کنگ خان کے سامنے رو کر اپنے دل کا بوجھ ہلکا کرتی رہیں۔

دونوں کی ایک دوسرے کو دلاسہ دینے کی تصویر سوشل میڈیا پر وائرل ہوگئی اور لوگ شاہ رخ خان کے اس عمل کی وجہ سے انہیں بے حد سراہ رہے ہیں اور ٹوئٹر پر ٹاپ ٹرینڈ فہرست میں بھی رہے تاہم کچھ لوگ ان پر تنقید بھی کررہے ہیں۔

چند صارفین سوشل میڈیا پر وائرل ہونے والی تصویر پر تنقیدی تبصرے کرتے ہوئے اس بات پر اعتراض کررہے ہیں کہ شاہ رخ خان سائرہ بانو کو دلاسہ دیتے وقت ان کے گھر کے اندر موجود تھے تو اس وقت انہوں نے آنکھوں پر دھوپ کا چشمہ کیوں لگایا ہوا تھا۔ جب کہ کچھ لوگوں کا کہنا ہے کہ شاہ رخ خان نے ماسک نہیں پہنا۔ کچھ لوگوں نے کہا شاہ رخ خان نے اسٹائل مارنے کے لیے گھر کے اندر بھی چشمہ پہنا ہے۔

دوسری جانب بہت سے لوگ شاہ رخ خان کی حمایت میں بھی سامنے آئے اور تنقید کرنے والے صارفین کو جواب دیا کہ آخری رسومات کے وقت کوئی کیسا نظر آتا ہے اس سے کوئی فرق نہیں پڑتا۔ ہوسکتا ہے وہ اپنی شوٹنگ ادھوری چھوڑ کر آئے ہوں۔ وہ لوگ جو شاہ رخ خان پر تنقید کررہے ہیں اس طرح وہ اپنی چھوٹی سوچ کو ظاہر کررہے ہیں۔
https://twitter.com/FirozSRKsFan/status/1412821714342318084?s=20

شاہ رخ خان سمیت متعدد بالی وڈ شخصیات کی دلیپ کمار کی رہائش گاہ پر آمد