Author: عائشہ ذوالفقار

افغانستان میں پھنسے پاکستانیوں کی ملک واپسی کا سلسلہ شروع ہو گیا ہے جنہیں حکومتی پروٹوکولز کے مطابق قرنطینہ مرکز میں تمام سہولیات کے ساتھ رہائش دے دی گئی ہے ۔

باغی ٹی وی : تفصیلات کے مطابق ضلعی انتظامیہ ملتان کے ترجمان نے بتایا کہ ملتان ڈویژں سے تعلق رکھنے والے20 پاکستانی گزشتہ شب بذریعہ بس ملتان پہنچے تھے جنہیں ضلعی انتظامیہ کے زیر انتظام قرنطینہ کر دیا گیا۔

طور خم بارڈر سے آنے والے افراد کو راولپنڈی اور دیگر متعلقہ اضلاع میں قرنطینہ مراکز میں رکھا جائے گا، 7قرنطینہ مراکز میں راولپنڈی،فیصل آباد، ملتان، ساہیوال، گوجرانوالہ، لاہور، سرگودھا، بہاولپور اور ڈیرہ غازیخان شامل ہیں، ڈیرہ غازیخان میں 400افراد کے لئے قرنطینہ مرکز بنایا گیا ہے۔

دوسری جانب فوکل پرسن ایڈیشنل ڈپٹی کمشنر ریونیو احمد حسن رانجھا نے بتایا کہ 28افراد افغانستان سے واپس آئے ہیں جنہیں حکومتی پروٹوکولز کے مطابق قرنطینہ مرکز میں تمام سہولیات کے ساتھ رہائش دے دی گئی ہے ۔

سی پیک(چائنہ پاکستان اکنامک ڈور) پر پاک چین مشترکہ تعاون کمیٹی کا اجلاس 16 جولائی کو ہوگا-

باغی ٹی وی: چیئرمین سی پیک اتھارٹی ریٹائرڈ جنرل عاصم سلیم باجوہ کا کہنا ہے کہ اجلاس میں سی پیک کے منصوبوں پر پیشرفت کا جائزہ لیا جائے گا اور مستقبل کے منصوبوں کے متعلق فیصلہ ہوگا۔

چیئرمین سی پیک اتھارٹی نے بتایا کہ اجلاس وڈیو لنک سے ہوگا جبکہ اجلاس کی صدارت وفاقی وزیر اسد عمر اور وائس چیئرمین این ڈی آر سی کریں گے۔

واضح رہےکہ سی پیک منصوبہ دنیا کا سب سے بڑا معاشی پراجیکٹ ہے ۔ سی پیک(چین، پاکستان اکنامک کوریڈور)میں چین کی طرف سے اپنی تاریخ کی سب سے بڑی سرمایہ کاری کی جارہی ہے جو کہ 46ارب ڈالر ہے ۔سی پیک میں ہمارے مفادات سے زیادہ چین کے مفادات شامل ہیں۔سی پیک کی تعمیر کے بغیر چین دنیا میں سپر پاور اور معاشی کنگ نہیں بن سکتا۔ہمارے اپنے مفادات بھی اپنی جگہ موجود ہیں ۔ چین عرب ممالک سے روزانہ کی بنیاد پر 60 لاکھ بیرل تیل منگواتا ہے جس کا سفر 12ہزارکلو میٹرکے قریب بنتا ہے۔

جنوبی چین سمندر پر چین کیلئے بے پناہ مسائل ہیں ۔سمندری سپلا ئی لائن پر تبت،تھائی لینڈ،جاپان،کوریا،کچھ جزیرے ہیںجن کے ساتھ چین کے حالات بہتر نہیں ۔ یہ ممالک کسی بھی وقت یہ لائن کسی سازش کے تحت کاٹ دیں تو چین کی معیشت برباد ہوسکتی تھی۔ اس کا متبادل بہترین حل سی پیک کی صورت میں چین کوملا۔ جو بنیادی طور پر اس کے دوست ملک پاکستان سے جُڑا ہوا ہے ۔

سی پیک سے چین کو اپنی ضرورت کے لیے تیل گوادر کے راستے 3 ہزارکلومیٹر کے فاصلے اور محفوظ ترین راستے سے کم ترین وقت میں دستیاب ہوگا۔ چین کی مصنوعات وسطی ایشیا، افریقہ، یورپی یونین ،ترکی،روس،تاجکستان، ازبکستان اورعرب ممالک تک کم سے کم وقت وکم ترین اخراجات میں پہنچ سکتی ہیں ۔چین سے ان ممالک کی درآمدات و برآمدات سے پاکستان کو حاصل ہونے والی راہداری وصولی سے اس کی معیشت کا معیا ر دنیا کے ترقی پذیر ممالک کے برابر ہو جائے گا۔او ر اس ’’سی پیک‘‘ سے جو دوسرے فائدے ہوں گے وہ الگ سے ہوں گے ۔

سی پیک کی اہمیت کے پیش نظر اس کے خلاف پہلے دن سے مختلف افواہوں اور پروپیگنڈہ کے ذریعے سبوتاژ کرنے کی کوشش کی جارہی ہے –

پاکستان پیپلز پارٹی( پی پی پی) کے چیئرمین بلاول بھٹو زرداری نجی دورے پر امریکا روانہ ہوگئے۔

باغی ٹی وی : ذرائع کے مطابق بلاول بھٹو امریکا میں 8 روز قیام کریں گے بلاول بھٹو کی امریکا میں اہم شخصیات سے ملاقاتوں کا امکان ہے۔

بلاول بھٹو دورۂ امریکا کے دوران دو الگ الگ کانفرنسز میں بھی شرکت کریں گے۔

چیئرمین پیپلز پارٹی بلاول بھٹو امریکا سے واپسی پر دوبارہ آزاد کشمیر میں الیکشن مہم شروع کریں گے جبکہ وزیراعلیٰ سندھ مراد علی شاہ پہلے ہی نجی دورے پر امریکا میں ہیں۔