Author: عائشہ ذوالفقار

بالی ووڈ کے لیجنڈری اداکار دلیپ کمار کی موت پر پاکستانی سیاسی و شوبز شخصیات کی جانب سے شدید افسوس کا اظہار کیا جا رہا ہے-

باغی ٹی وی : اپنی فلموں میں مختلف اداکاری کے رنگ چھڑکنے والے دلیپ کمارکوشہنشاہ جذبات، ٹریجڈی کنگ، برصغیرکا عظم اداکار جیسے ناموں سے پکارا جاتا رہا۔ ان کی اداکاری کی دنیا دیوانی تھی، ایک نہیں، دو نہیں بلکہ متعدد کامیاب فلموں میں اداکارنے اپنے جذبات کی عکاسی اوربہترین اداکاری سے لوگوں کے دلوں میں جگہ بنائی۔

ان کے انتقال کے بعد ان کےاہل خانہ سمیت دنیا بھر میں موجود ان کے مداح غم میں مبتلا ہوگئے ہیں اورانہیں یاد کرکے آبدیدہ ہیں جن میں پاکستانی معروف سیای و شوبز شخصیات بھی شامل ہیں-

وزیراعلیٰ پنجاب عثمان بزدار نے اداکار دلیپ کمار کے انتقال پر دکھ اورافسوس کااظہار کرتے ہوئے کہا کہ دلیپ کمار کے انتقال سے فلم انڈسٹری کے عہدکا خاتمہ ہوا ہے دلیپ کمار کے انتقال پر سوگوار خاندان سے دلی ہمدردی اورتعزیت کرتے ہیں، دلیپ کمارکوبھارتی صعنت کے سب سے بڑے اعزاز دادا صاحب پھالکےسے نوازا گیا-

سینئر اداکار عثمان پیرزادہ کا دلیپ کمار کے انتقال پر اظہار افسوس کرتے ہوئے کہنا ہے کہ دلیپ کمار نفیس اور بہترین شخصیت کے مالک تھے دلیپ کمار کی وفات بڑے فلم اسٹار کے سنہرے دور کا اختتام ہے-

پاکستن مسلم لیگ ن کی ترجمان مریم اورنگزیب کا کہنا ہے کہ دلیپ کمار کی وفات بڑے فلم اسٹار کے سنہرے دور کا اختتام ہے دلیپ کمار نے دہائیوں تک لوگوں کے دل پر راج کیا، دلیپ کمار کی وفات فن کے قدر دانوں کا بڑا نقصان ہے-

وزیر داخلہ شیخ رشید نے اداکار دلیپ کمار کی وفات پراظہار افسوس کرتے ہوئے کہا کہ میں نے ملاقاتوں میں بھی دلیپ کمار کو ایک سحر انگیزشخصیت پایا
دلیپ کمار ایک عہد ساز فنکار تھے،انکا متبادل ممکن نہیں-

قائدحزبِ اختلاف شہباز شریف کا دلیپ کمار کی وفات پر اظہار افسوس کرتے ہوئے کہنا ہے کہ دلیپ کمارکا فنی سفر فلمی دنیا کا یادگار ترین دور ہے ، دلیپ کمارنےفلموں میں ناقابل فراموش کردارنبھائے، دلیپ کمارکی بعض فلموں کوجتنی شہرت ملی کسی اورکو نہ مل سکی،پاک بھارت اچھےتعلقات کےلیے کوششیں ان کی امن پسندی کامظہر تھیں دلیپ کمارنےبطوررکن پارلیمان پاک بھارت تعلقات کےلیےکوششیں کیں-

صدر مملکت عارف علوی کا دلیپ کمار کے انتقال پر اظہار افسوس کرتے ہوئے کہنا تھا کہ صدر مملکت عارف علوی نے کہا کہ غم کی اس گھڑی میں دلیپ کمار خاندن کے ساتھ ہیں دلیپ کمار عاجز ،پروقار اور بہترین شخصیت کے مالک تھے-
https://twitter.com/SAfridiOfficial/status/1412627136821800960?s=20
کرکٹر شاہد آفریدی کا دلیپ کمار کے انتقال پر اظہار افسوس کہا کہ دلیپ کمار ہمارے دل میں رہتے ہیں،اہلیہ سےتعزیت کرتاہوں دلیپ کمار کا انتقال پشاور سے ممبئی تک تمام پرستاروں کے لیے بڑا نقصان ہے-

A purist par excellence. A man who will continue to inspire generations to come. A human being so sophisticated and refined that chapters could be written on the cadence of each line he spoke. End of an era that will nonetheless remain timeless. #DilipKumar #RestInPeace pic.twitter.com/UOczeoOl92

— Ali Zafar (@AliZafarsays) July 7, 2021

گلوکار علی ظفر کا دلیپ کمار کے انتقال پر دکھ کا اظہار کیا کہا کہ دلیپ کمار کے انتقال سے ایک ایسے دور کا اختتام ہوا جو لازوال رہے گا، ہر سطر جو دلیپ کمار نے بولی، اس پر ابواب تحریر کیے جاسکتے ہیں، دلیپ کمار ایک انتہائی نفیس اور بہترین انسان تھے-

RIP Dilip Kumar the king of acting.Ah memories

— Samina Peerzada (@SaminaSays) July 7, 2021

اداکارہ ثمینہ پیرزادی نے بھی شدید غم کا اظہار کیا-

Dilip sahib was an institution in himself. Legend would be an understatement. Thespians don’t die. They live on in their work #dilipkumar pic.twitter.com/VnW3A846Cy

— Adnan Siddiqui (@adnanactor) July 7, 2021

عدنان صدیقی نے افسوس کا اظہار کرتے ہوئے کہا کہ دلیپ صاحب اپنے آپ میں ایک ادارہ تھے علامات ایک چھوٹی سی بات ہوگی۔لیجنڈز کی موت نہیں ہوتی۔ وہ اپنے کام میں جیتے ہیں-

عمران عباس نے افسوس کا اظہار کرتے ہوئے لکھا کہ مجھے آج بھی وہ دن یاد ہے جب آپ نے ممبئی سے فون پر مجھ سے اور میرے والدین سے بات کی تھی اور پھر مجھے اپنے بلایا تھا اور عید جو میں آپ کے ساتھ گزاری تھی. میں لفظی طور پر حیران اور آپ کی موجودگی سے جادو ہوا تھا۔ میں اپنے کھونے کے احساس کو سمجھ نہیں سکتا ہوں۔ ایک ادارہ ، ایک افسانہ ، اسٹارڈم کے باوجود مہربانی اور بلا شبہ برصغیر کا سب سے بڑا ستارہ جو کبھی کبھی ہی پیدا ہوتا ہے جس نے 7 دہائیوں سے بھی زیادہ عرصے تک 3 نسلوں کے دلوں پر راج کیا اور آنے والی نسل کے لئے "اداکاری” کی بنیاد رکھی۔

پی ٹی آئی رہنما اور سینیٹر فیصل جاوید نے بالی ووڈ کے لیجنڈری اداکار دلیپ کمار کی وزیراعظم عمران خان کے ہمراہ مختلف مواقعوں کی یادگار تصاویر جاری کردی ہیں۔

باغی ٹی وی : فیصل جاوید نے سماجی رابطے کی ویب سائٹ ٹوئٹ پر اپنے ٹوئٹ میں دلیپ کمار کو خراج عقیدت پیش کرتے ہوئے کہا کہ دلیپ کمار واقعتاً ایک افسانوی اداکار اور انسان دوست شخصیت تھے ان کی آفاقی اداکاری کے انداز نے اداکاروں کی نسلوں کو متاثر کیا۔

RIP Mohammed Yusuf Khan #DalipKumar.
Truly a legendary actor, humanitarian. His universal acting style inspired generations of actors. He had bn involved with a number of charitable & social initiatives as well. He also got Pakistan’s highest civilian award, Nishan-e-Imtiaz pic.twitter.com/i9UOnqRxbE

— Faisal Javed Khan (@FaisalJavedKhan) July 7, 2021

سینیٹر فیصل جاوید نے لکھا کہ انہوں نے بہت سارے رفاہی اور معاشرتی اقدامات میں بھی حصہ لیا تھا۔ انہیں پاکستان کا اعلیٰ ترین شہری ایوارڈ نشانِ امتیاز بھی دیا گیا۔

His urdu & soft pronunciation v impressive. Sharing his golden words for Imran Khan pic.twitter.com/OiESTbqhWB

— Faisal Javed Khan (@FaisalJavedKhan) July 7, 2021

ایک اور ٹوئٹ میں سینیٹر فیصل جاوید نے دلیپ کمار کے عمران خان کی تعریف میں کہے گئے الفاظ کی ایک ویڈیو بھی شیئر کی۔

شوکت خانم اسپتال کیلئے فنڈز اکھٹا کرنے کی ایک تقریب میں دلیپ کمار عمران خان کیلئے کہا تھا کہ خوش نصیب تھی وہ ماں جس کی کوکھ سے اس قدر حسین، شجاعت والا بچہ پیدا ہوا جس کے اتنے بلند ارادے ہیں۔

بالی ووڈ لیجنڈری اداکار دلیپ کمار انتقال کر گئے

دلیپ کمار نے عمران خان کی کاوش کو سراہا اور اُن کے بلند ارادوں کی تعریف کرتے ہوئے چہرے پر نفاست، سوچ میں پختگی، ارادوں کا پکا، جیت کی لگن ،کچھ کر دکھانے کی جستجو، عملی زندگی میں کامیاب جیسے الفاظ عمران خان کے لیے استعمال کرتے ہوئے کہا کہ خوش نصیب ہیں سب پاکستان کے رہنے والے عمران خان کے عزیزو اقارب جو ان کے اندر اس قدر شجاعت اور ہمت والا شخص ہے-

واضح بالی ووڈ لیجنڈری اداکار یوسف خان المعروف دلیپ کمار آج 98 سال کی عُمر میں انتقال کر گئے ہیں۔

بالی ووڈکے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے۔

باغی ٹی وی :بھارتی میڈیا کے مطابق بالی ووڈ کے’’شہنشاہ جذبات‘‘ کہلائے جانے والے اداکار یوسف خان المعروف دلیپ کمار کو گزشتہ ہفتے سانس لینے میں دشواری کے باعث ممبئی کے ہندوجا اسپتال منتقل کیا گیا تھا اور اسی اسپتال میں انہوں نے اپنی زندگی کی آخری سانس لی۔ دلیپ کمار کو گزشتہ ماہ دو بار سانس لینے میں تکلیف کے باعث اسپتال منتقل کیا گیا تھا۔

گزشتہ دو دنوں سے ان کی حالت میں بہتری آرہی تھی۔ دلیپ صاحب کے مینجر نے تمام لوگوں سے ان کی صحت یابی کی دعا کرنے کے لیے بھی کہا تھا۔ تاہم دلیپ صاحب جانبر نہ ہوسکے اور بھارتی میڈیا کی رپورٹس کے مطابق بالی ووڈ کے ’’ٹریجڈی کنگ‘‘ دلیپ کمار نے بدھ کی صبح 7:30 بجے ممبئی کے کھار ہندوجا اسپتال میں اپنی زندگی کی آخری سانس لی۔
https://twitter.com/TheDilipKumar/status/1412600233062699008?s=20
دوسری جانب دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی ہے۔

سماجی رابطے کی ویب سائٹ ٹوئٹر پر جاری کیئے گئے افسوسناک پیغام میں بتایا گیا کہ ’انتہائی دل اور گہرے رنج و غم کے ساتھ، میں یہ اعلان کررہا ہوں کہ ہمارے دلیپ کمار صاحب کچھ دیر قبل انتقال کرگئے ہیں۔‘
https://twitter.com/TheDilipKumar/status/1412090861790195713?s=20
فیصل فاروقی نے مزید لکھا کہ ’بے شک! ہمیں خُدا نے اس دُنیا میں بھیجا ہے اور ہمیں لوٹ کر اُسی کی طرف جانا ہے۔‘

دلیپ کمار کے انتقال کی افسوسناک خبر پر اُن کے اہلخانہ، بالی ووڈ فنکاروں اور دُنیا بھر میں موجود اُن کے مداحوں کی جانب سے شدید دُکھ کا اظہار کیا جارہا ہے۔

واضح رہے کہ لیجنڈری اداکار دلیپ کمار گزشتہ کئی سالوں سے بیمار تھے جس کی وجہ سے اُنہیں اکثر معائنے کے لیے اسپتال منتقل کیا جاتا تھا دلیپ کمار سانس لینے میں دشواری کی وجہ سے ممبئی کے اسپتال میں زیرِ علاج تھے۔

خیال رہے کہ دلیپ کمار 1922ء میں پشاور کے محلےخداداد میں پیدا ہوئے تھے، دلیپ کمار نے اپنے فلمی کیریئر کا آغاز 1944 میں فلم ’جوار بھاٹا‘سے کیا مگر فلم انڈسٹری میں اپنی اصل پہچان 1960میں تاریخی فلم ’مغلِ اعظم‘ میں شہزادہ سلیم کا کردار ادا کرکے بنائی۔

دلیپ کمار نے اپنے فلمی کیرئیر کے دوران مغل اعظم، ملن، جگنو، شہید، ندیا کے پار، انداز جوگن، بابل، آرزو، ترانہ، ہلچل، دیدار، سنگدل، داغ، آن، شکست، فٹ پاتھ، امر،اڑن کٹھولا، انسانیت، دیوداس، نیا دور، پیغام، کوہ نور، گنگا جمنا، شکتی، سمیت کئی لازوال فلموں میں عمدہ اداکاری کے جوہر دکھائے۔

ان کی خدمات کے پیشِ نظر حکومت ہندوستان کی طرف سے انہیں پدما بھوشن ایوارڈ، دادا صاحب پھالکے سمیت کئی اعزازات دئیے گئے جبکہ 1998 کو انہیں پاکستان کے سب سے بڑے سویلین اعزاز نشان پاکستان سے بھی نوازا گیا دلیپ کمار نے 65 سے زائد فلموں میں کام کیا جبکہ دلیپ کمار کو انڈین فلم کا سب سے بڑا اعزاز دادا صاحب پھالکے ایوارڈ بھی دیا گیا۔