پاکستان کی نوجوان ابھرتی ہوئی خوبرو اداکارہ کومل عزیز کا کہنا ہے کہ خوش قسمت ہوں میرے خاندان نے جہیز کی بجائے میری تعلیم پر خرچ کیا-

باغی ٹی وی : اداکارہ نے انسٹاگرام پر لائیو سیشن رکھا جس میں اداکارہ نے جہاں مداحوں کے سوالوں کے جواب دلچسپ جواب دیئے وہیں انہیں زندگی میں آگے بڑنے اور کرئیر بنانے کے حوالے سے بھی قیمتی مشوروں سے نوازا-

کومل عزیز خان نے کیریئر بنانے کے حوالے سے تجویز مانگنے پر نوجوانوں کو مشورہ دیا کہ اگر ان کے پاس پیسے ہیں تو وہ بیرون ملک سے تعلیم حاصل کریں اور اگر ان کے پاس پیسے کی کمی ہے تو وہ ملکی یونیورسٹیز سے بہتر تعلیم حاصل کریں اور کوشش کرکے بہت زیادہ انٹرن شپس حاصل کرکے تجربہ حاصل کریں اور کتابیں پڑھنے کی کوشش کریں-

کومل عزیز خان نے ایک سوال کے جواب میں نوجوان لڑکیوں کو مشورہ دیا کہ انہیں تعلیم اور تربیت حاصل کرنے کے بعد پہلے مالی طور پر خود مختار ہونا چاہیے، جس کے بعد وہ اپنی جسمانی اور ذہنی صحت کا بھی خیال رکھیں۔

اداکارہ نے ایک سوال کے جواب میں کہا کہ جب وہ 15 برس کی تھیں تب سے ہی انہوں نے کاروبار کی تربیت لینا شروع کی تھی اور محض 18 سال کی عمر میں انہوں نے سونے میں سرمایہ کاری کرنا شروع کی۔

اداکارہ نے بتایا کہ انہوں نے پاکستان سمیت امریکا سے بھی بزنس کی تعلیم حاصل کی اور بزنس پر لکھی بہت ساری کتابیں بھی پڑھیں اور کاروبار کرنا ان کا سب سے بڑا جذبہ ہے۔

ایک سوال کے جواب میں انہوں نے بتایا کہ انہوں نے بزنس و اکنامکس میں بیچلر کیا ہے جب کہ ان کی بہن ڈاکٹر ہیں اور وہ خوش قسمت ہیں کہ ان کے خاندان نے ان کے جہیز کے بجائے ان کی تعلیم پر خرچ کیا۔

واضح رہے کہ اسی سیشن میں اداکارہ کا کہنا تھا کہ وہ کسی پاکستانی اداکار سے متاثر نہیں ہیں بلکہ انسانیت کی خدمت کرنے والی شخصیات سے متاثر ہیں، جو دکھاوے کے بغیر فلاحی کام کرتے ہیں ان کا کہنا تھا کہ انہوں نے زندگی میں بہت ساری مشکلات کا سامنا کیا، کیوں کہ وہ والد کے جلد فوت ہوجانے اور بغیر بھائی کے پدرشانہ نظام میں پلی بڑھیں ہیں-

خیال رہے کہ کومل عزیز خان ’عشق بے نام، بساط دل، بھروسہ پیار تیرا، راز الفت اور سہیلیاں جیسے ڈراموں میں کام کر چکی ہیں-

کسی پاکستانی اداکار سے متاثر نہیں ہوں کومل عزیز خان

پاکستان شوبز انڈسٹری کے معروف اور سینئیر اداکار و میزبان فیصل قریشی نے مسلمانوں کی اسلامی فتوحات پر مبنی ترک سیریز ’ارطغرل غازی‘ نہ دیکھنے کی وجہ بتا دی-

باغی ٹی وی: اداکار ومیزبان فیصل قریشی نے نجی ٹی وی پروگرام میں اداکار اعجاز اسلم کے ہمراہ بطور مہمان شرکت کی دوران شو ارطغرل غازی ڈرامے کے بارے میں بھی گفتگو کی-

میزبان کی جانب سے ارطغرل غازی دیکھنے سے متعلق پوچھے گئے سوال پر اداکار فیصل قریشی نے بتایا کہ میں نے تو یہ ڈارمہ دیکھا ہی نہیں-

ڈرامہ نہ دیکھنے کی وضاحت کرتے ہوئے اداکار نے بتایا کہ میرا مسئلہ یہ ہے کہ مجھے اس طرح کے کوئی بھی ڈرامے یا فلمیں پسند نہیں آتی جن کی دوسری زبان میں ڈبنگ کی گئی ہو یا پھر ڈرامے یا فلم کے ساتھ سب ٹائٹل چل رہے ہوتے ہیں، تو میرے لیے اس طرح کے پروگرامز دیکھنا بہت مشکل ہوجاتا ہے۔

دوسری جانب اداکار اعجاز اسلم نے اس حوالے سے کہا کہ میں نے ڈرامہ سیریل ’ارطغرل غازی‘ اس وقت دیکھا تھا جب اس کے بارے میں پاکستان میں دور دور تک کسی کو پتہ ہی نہیں تھا، میں نے یہ نیٹ فلکس پر دیکھا تھا اور یہ اچھا ڈرامہ ہے۔

تُرک ڈراموں سے ہماری ڈرامہ انڈسٹری بہت بہتر ہوئی ہے سمیع خان

بعد ازاں میزبان کی جانب سے ڈرامے میں ’ارطغرل غازی‘ کا کردار ادا کرنے والے ترک اداکار کی تصویر دکھائی گئی تو فیصل قریشی نے کہا کہ ڈرامہ سیریل ’ارطغرل غازی‘ اچھا پلے ہے اور پاکستانی ان سے بہت پیار کرتے ہیں اور ان لوگوں کو بھی پاکستان سے بہت پیار ہے لہذا ہم چاہتے ہیں یہ پیارومحبت کا رشتہ برقرار رہے۔

واضح رہے کہ مسلمانوں کی اسلامی فتوحات پر مببی ترک ڈرامہ سیریز ارطغرل غازی کو وزیراعظم پاکستان عمران خان کی ہدایت پر اردو میں ڈب کر کے سرکاری ٹی وی پر نشر کیا جا رہا ہے ڈرامے کو پاکستان میں بے حد پذیرائی ملی ڈرامے اور کرداروں نے پاکستان میں غیر معمولی مقبولیت حاصل کی اور کئی ایک اعزا اپنے نام کئے –

جہاں ڈرامے کو عوام کی جانب سے پسند کیا گیا وہیں شوبز شخصیات بھی منقسم نظر آئیں بعض شوبز شخصیات نے ترک ڈرامہ سیریل کو پسندیدہ اورپاکستان میں خوش آئند قرار دیا جبکہ بعض اداکاروں نے ڈرامےے کو پاکستان بالخصوص پی ٹی وی پر نشر کرنے کی بھر پور مخالفت کی جس کی وجہ سے انہیں شدید تنقید کا بھی سامنا رہا جن میں سر فہرست یاسر حسین اور اداکار شان ہیں-

پاکستان ڈرامہ انڈسٹری کی نامور اداکارہ کومل عزیز کا کہنا ہے کہ وہ کسی پاکستانی اداکار سے متاثر نہیں ہیں بلکہ انسانیت کی خدمت کرنے والی شخصیات سے متاثر ہیں، جو دکھاوے کے بغیر فلاحی کام کرتے ہیں۔

باغی ٹیوی : اداکارہ نے سماجی رابطے کی ویب سائٹ انسٹاگرام پر لائیو سیشن کے دوران مداحوں کے سوالوں کے جواب دیتے ہوئے بتایا کہ انہوں نے زندگی میں بہت ساری مشکلات کا سامنا کیا، کیوں کہ وہ والد کے جلد فوت ہوجانے اور بغیر بھائی کے پدرشانہ نظام میں پلی بڑھیں ہیں-

اداکارہ نے ایک مداح کی جانب سے اپنی مضبوطی سے متعلق پوچھے جانے پر کہا کہ بہت ساری مشکلات جھیلنے اور غربت کی وجہ سے اچھی تعلیم نہ حاصل کرپانے کے باوجود کامیابی حاصل کرنے کی وجہ سے وہ مضبوط بنیں۔

ایک سوال کے جواب میں کومل عزیز خان نے کہا کہ وہ کسی بھی پاکستانی اداکار سے متاثر نہیں ہیں، کیوں کہ زیادہ تر اداکار پیسے بنانے اور کمانے کی ترغیب دیتے ہیں۔

اداکارہ نے کہا کہ وہ عبدالستار ایدھی اور ادیب رضوی جیسی انسانیت کی خدمت کرنے والی شخصیات سے متاثر ہیں، جو دکھاوے کے بغیر فلاحی کام کرتے ہیں۔

ایک سوال کے جواب میں اداکارہ نے بتایا کہ شوبز میں آنے کے لیے ان کے پاس کوئی سفارش نہیں تھی، وہ اپنی محنت کے بل بوتے پر کیریئر شروع کرنے میں کامیاب ہوئیں۔

کومل عزیز خان نے اپنے قد کے سوال پر انکشاف کیا کہ وہ 5 فٹ 5 انچ لمبی ہیں اور گوگل پر ان کے قد سے متعلق غلط معلومات دستیاب ہے۔

ایک مداح نے سوال کیا وہ کشمیر کب آئیں گی جس پر اداکارہ نے کہا وہ بھی آنا چاہتی ہیں آپ مجھے انوائیٹ کریں-

واضح رہے کہ کومل عزیز خان ’عشق بے نام، بساط دل، بھروسہ پیار تیرا، راز الفت اور سہیلیاں جیسے ڈراموں میں کام کر چکی ہیں-

پاکستان ڈرامہ انڈسٹری کے معورف اداکار و میزبان آغا علی کا کہنا ہے کہ انہیں ڈائریکٹر سکینہ سموں کے ساتھ کام کر کے پچھتانا پڑا-

باغی ٹی وی :اداکارسے حال ہی میں ایک شو میں میزبان نے سوال پوچھا کہ کیا وہ آج تک کسی کے ساتھ کام کرنے پر پچھتائے ہیں جس پر اداکار نے انکشاف کیا کہ وہ ڈرامہ سیریل ’میرے بےوفا‘ میں ڈائریکٹر سکینہ سموں کے ساتھ کام کرکے شدید پچھتائے ہیں ان کا سکینہ سموں کے ساتھ کام کرنے کا تجربہ خوشگوار نہیں رہا تھا-
https://www.instagram.com/p/CQH16IoBffU/
آغا علی نے کہا کہ بہت عجیب ٹائم گزرا تھا ان کے ساتھ کچھ نجی مسائل بھی تھے جس کا وہ تذکرہ نہیں کریں گے۔

اداکار نے کہا کہ ان کے ساتھ کام کرنا نا صرف ایک تلخ تجربہ تھا بلکہ اس ڈرامے کی شُوٹنگ کا وقت بھی بہت سخت تھا

واضح رہےکہ 2018 میں نجی ٹی وی چینل پر نشرہونے والےڈرامہ سیریل ’میرے بے وفا‘ میں آغا علی کے ساتھ سارہ خان نے مرکزی کردار ادا کیا تھا-

خیال رہے کہ اس سے قبل ندا یاسر نے ایک پروگرام میں انکشاف کیا تھا کہ کہ بطور اداکار یاسر کو علیزے شاہ کے ساتھ کام کرنے میں بہت مشکل ہوئی تھی کیونکہ اُن کے ساتھ یاسر کی کیمسٹری نہیں بن پارہی تھی جبکہ بطور ہدایت کار یاسر کو کبھی کسی اداکار کے ساتھ کام کرنے میں مشکلات کا سامنا نہیں کرنا پڑا۔

جبکہ یاسر نواز نے کہا تھا کہ میں واقعی علیزے شاہ کے ساتھ کام کرکے پریشان ہوگیا تھا اور میں پچھتانے لگا تھا کہ آخر میں نے اس اداکارہ کے ساتھ کام کیوں کیا۔

یاسر نواز نے کہا تھا کہ جب ہم کسی فلم یا ڈرامے کے لیے کوئی کردار نبھا رہے ہوتے ہیں تو ہمیں اپنی نجی زندگی کو پیچھے چھوڑ دینا چاہیے اور میں اسی وجہ سے علیزے شاہ کے ساتھ کام کرنے پر خاصا پریشان تھا مجھے ڈرامے کی اقساط بڑھانے کا مشورہ دیا گیا تھا لیکن میں نے ہاتھ جوڑ کر کہا اگر اقساط کم کرنی ہیں تو بتاؤ، اس میں اضافہ نہیں ہوگا۔

علیزے شاہ کے ساتھ کام کرکے پچھتانا پڑا یاسر نواز

اداکار فیروز خان کا کہنا ہے کہ ہمیں بھی نبی اکرم محمد ﷺ کی سنت پر عمل کرتے ہوئے زیادہ شادیاں کرنی چاہئیے۔

باغی ٹی وی :اداکار فیروز نے احسن خان کے شو ’’ٹائم آؤٹ ود احسن خان‘‘ میں اپنی بہن اداکارہ حمائمہ ملک کے ساتھ شرکت کی جس کا ایک مختصر کلپ سوشل میڈیا پر وائرل ہورہا ہے جس میں وہ شادی سے متعلق اپنی رائے دیتے ہوئے نظر آرہے ہیں۔

شو میں میزبان احسن خان نے فیروز خان سے سوال کیا کہ کیا کبھی وہ پچھتائے کہ وہ ابھی بچے تھے اور انہوں نے بہت جلدی شادی کرلی؟-

اس سوال کے جواب میں فیروز خان نے کہا نہیں بلکہ مجھے اور ینگ ایج میں جلدی شادی کرنی چاہئے تھی۔ فیروز خان نے اپنی بات کی مزید وضاحت کرتے ہوئے کہا مجھے لگتا ہے شادی سے انسان بہت کچھ سیکھتا ہے اور ایک نہیں بلکہ جس طرح ہمارے نبی محمد ﷺ نے زیادہ شادیاں کی ہیں ہمیں بھی زیادہ کرنی چاہئیں۔

واضح رہے کہ فیروز خان نے 2018 میں علیزے کے ساتھ شادی کی تھی اور دونوں کا ایک بیٹا محمد سلطان خان ہے تاہم گزشتہ برس فیروز خان اور ان کی اہلیہ کے درمیان علیحدگی کی خبریں سوشل میڈیا پر وائرل ہوئی تھیں جس فیروز خان اور ان کی اہلیہ علیزے کی جانب سے کوئی ردعمل نہیں دیا گیا اور نہ ہی جوڑی کے درمیان علیحدگی کی تصدیق ہوسکی تھی۔

اللہ تعالیٰ مجھے اتنا جذبہ او طاقت دے کہ حجاب کی عزت کرسکوں اور لے سکوں حمائمہ ملک

مذہب کے معامے میں آپ تینوں بہن بھائی خاموش رہیں تو اچھا ہے ،سوشل میڈیا صارفین کی حمیمہ ملک پر تنقید

فردوس عاشق اعوان کو سپورٹ کرنے پر حمائمہ ملک شدید تنقید کا نشانہ بن گئیں