پاکستانی اداکار سمیع خان نے کہا ہے کہ غیر ملکی ڈراموں سے ہمیشہ ہماری انڈسٹری کو فائدہ ہوالہٰذا ہمیں ان کی نشریات جاری رکھنی چاہیے۔

باغی ٹی وی :اداکار سمیع خان نے اپنے بھائی تیفور خان کے ہمراہ ایک نجی ٹی وی چینل کے شو میں شرکت کی اور مختلف سوالوں کے دلچسپ جواب دیئے-

میزبان نے دورانِ شو اداکار سمیع خان سے سوال کیا کہ کیا آپ پاکستان میں تُرک ڈراموں کی نشریات کے خلاف ہیں؟-

سمیع خان نے میزبان کے سوال کا جواب دیتے ہوئے کہا کہ ہاں! اگر ان ڈراموں کو درست طریقے سے امپورٹ نہیں کیا جائے تو میں ضرور اُن کی نشریات کے خلاف ہوں گا۔

اداکار نے کہا کہ جب ہم باہر سے کوئی گاڑی وغیرہ درآمد کرتے ہیں تو اس بات کا ضرور خیا ل رکھتے ہیں، اس کی درآمد سے مقامی انڈسٹری کو نقصان نہیں پہنچنا چاہیے، اسی طرح غیر ملکی ڈراموں سے ہماری انڈسٹری کو بھی نقصان نہیں پہنچنا چاہیے۔

سمیع خان نے کہا کہ اگر غیر ملکی ڈراموں سے ہمیشہ ہماری انڈسٹری کو فائدہ ہوا ہے غیر ملکی ڈرامے معیاری ہیں تو اُنہیں لازمی پاکستان میں نشر کیا جائے، اس سے ہماری انڈسٹری کو فائدہ ہوگا۔

سمیع خان نے ترک ڈراموں کے حوالے سے کہا کہ تُرک ڈراموں سے بھی ہماری ڈرامہ انڈسٹری بہت بہتر ہوئی ہے لہٰذا ہمیں ان کی نشریات جاری رکھنی چاہیے اسلامی فتوحات پر مبنی شہرہ آفاق تُرک سیریز بہترین ڈرامہ ہے۔

واضح رہے کہ مسلمانوں کی اسلامی فتوحات پر مببی ترک ڈرامہ سیریز ارطغرل غازی کو وزیراعظم پاکستان عمران خان کی ہدایت پر اردو میں ڈب کر کے سرکاری ٹی وی پر نشر کیا جا رہا ہے ڈرامے کو پاکستان میں بے حد پذیرائی ملی ڈرامے اور کرداروں نے پاکستان میں غیر معمولی مقبولیت حاصل کی اور کئی ایک اعزا اپنے نام کئے –

جہاں ڈرامے کو عوام کی جانب سے پسند کیا گیا وہیں شوبز شخصیات بھی منقسم نظر آئیں بعض شوبز شخصیات نے ترک ڈرامہ سیریل کو پسندیدہ اورپاکستان میں خوش آئند قرار دیا جبکہ بعض اداکاروں نے ڈرامےے کو پاکستان بالخصوص پی ٹی وی پر نشر کرنے کی بھر پور مخالفت کی جس کی وجہ سے انہیں شدید تنقید کا بھی سامنا رہا جن میں سر فہرست یاسر حسین اور اداکار شان ہیں-

پاکستانی اداکارہ حمائمہ ملک نے کہا ہے کہ اللہ تعالیٰ اتنا جذبہ اور اتنی طاقت دے کہ وہ حجاب کی عزت کرسکیں اور اسے لے سکیں۔

باغی ٹی وی : دعا ملک اور حمائمہ ملک نے نجی چینل اے آر وائی نیوزمیں وسیم بادامی کے پروگرام ‘ہر لمحہ پرجوش’ میں بطور مہمان شرکت کی اور اپنی زندگی سے متعلق بات چیت کی دوران گفتگوحجاب سے متعلق بھی بات چیت کی-

وسیم بادامی کے سوال پر دعا ملک نے بتایا کہ انہیں حجاب لیتے ہوئے 2 سال کا عرصہ ہو چکا ہے۔

حجاب لینے کی وجوہات سے متعلق دعا ملک نے کہا کہ ‘بس آپ کو رہنمائی حاصل ہوجاتی ہے اور پھر ظاہر بھی بدلا اور باطن بھی بدل گیا’۔

اداکار فیروز خان اور دعا ملک سے متعلق حمائمہ ملک نے کہا کہ دعا اور فیروز خان کو مرشد ملے جنہوں نے اصلاحی تربیت کی اور اب دونوں اسی راہ پر چل رہے ہیں۔

حمائمہ نے بتایا کہ’ ڈاکٹر جاوید سے ملاقات کے بعد مجھ میں ٹھہراؤ آیا، روحانی طور پر بہت زیادہ تبدیلیاں رونما ہوئیں اور میں نے سورۃ رحمٰن کی رمیڈی بھی کی ساتھ ہی انہوں نے لوگوں کو بھی سورۃ رحمنٰ کی رمیڈی اپلائے کرنے کا مشورہ دیا-

حمیمہ ملک نے مزید کہا کہ میری دعا ہے کہ اللہ تعالیٰ مجھے اتنا جذبہ اور اتنی طاقت دے کہ زندگی کے چند فیصلے کرنے کے بعد ایک مقام پر پہنچوں جہاں میں حجاب کی عزت کرسکوں اور حجاب لے سکوں یعنی وہ لائف اسٹائل اپناسکوں۔

مذہب کے معامے میں آپ تینوں بہن بھائی خاموش رہیں تو اچھا ہے ،سوشل میڈیا صارفین کی حمیمہ ملک پر تنقید

یال رہے کہ حمیمہ ملک ماضی میں بھی حجاب لینے کی خواہش کا اظہار کرچکی ہیں رواں برس مارچ میں ایک انسٹاگرام اسٹوری شیئر کرتے ہوئے انہوں نے تحفے میں اسکارف دینے پر نور بخاری کا شکریہ ادا کیا تھا۔

حمیمہ ملک نے لکھا تھا کہ ‘اس خوبصورت تحفے کا شکریہ، مجھے یہ اسکارف پہننا بہت اچھا لگا، دعا ہے کہ اللہ آپ کو اپنے پیاروں میں شامل کرے اور اللہ مجھے عمر بھر حجاب کرنے کی قوت دے۔

ان سے قبل مارچ 2020 میں ان کی بہن دعا ملک نے بھی حجاب لینے کا اعلان کیا تھا اداکار فیروز خان نے بھی شوبز چھوڑ کر مذہبی تعلیمات کے مطابق زندگی گزارنے کا اعلان کیا تھا اور ایک سال سے بھی کم عرصے میں انہوں نے انڈسٹری میں واپسی کا اعلان کیا تھا اور وہ ان دنوں نجی چینل کے ڈرامے ‘خدا اور محبت’ کے تیسرے سیکوئیل میں اداکاری کررہے ہیں۔

فردوس عاشق اعوان کو سپورٹ کرنے پر حمائمہ ملک شدید تنقید کا نشانہ بن گئیں

پاکستان ڈرامہ انڈسٹری کے معروف اداکار علی عباس نے کہا ہے کہ اُنہیں سیاستدانوں میں شہباز شریف پسند ہیں-

باغی ٹی وی : حال ہی میں اداکار علی عباس نے نجی ٹی وی چینل کے پروگرام’جشنَ کرکٹ‘ میں شرکت کی جہاں اُنہوں نے میزبان مختلف سوالات کے جوابات دیئے۔

دورانِ پروگرام علی عباس نے سیاستدانوں کے حوالے سے گفتگو کرتے ہوئے کہا کہ ’مجھے ہمیشہ سے ہی شہباز شریف بہت پسند ہیں کیونکہ مجھے اُن کا تقاریر کرنے کا انداز بہت پسند ہے۔‘

اُنہوں نے اپنے تعلیم کے حوالے سے بتایا کہ ’میں نے وکالت کی ڈگری حاصل کی ہے اور اس شعبے میں ایک سال پریکٹس بھی کرچکا ہوں۔‘

علی عباس نے کہا کہ ’آصف زرداری ایک اسمارٹ سیاستدان ہیں لہٰذا اگر کبھی موقع ملا تو میں ضرور اُن کے حق میں مقدمہ لڑوں گا۔‘

واضح رہے کہ علی عباس کا اسی انٹرویو میں کہنا تھا کہ مجھے لگتا ہے ہانیہ عامر اور عاصم اظہر دونوں ہی اپنی جگہ پر بالکل درست ہیں۔
’میں چونکہ وکالت پڑھ چکا ہوں تو اگر کبھی اللہ تعالیٰ نے مجھے موقع دیا تو میں ہانیہ اور عاصم کے درمیان جاری تنازعے کو ختم کرنے کے لیے اُن کی صلح کروانا پسند کروں گا۔‘

یاد رہے کہ اداکار علی عباس کئی سُپر ہٹ ڈراموں میں اپنی اداکاری کے جوہر دِکھا چکے ہیں جن میں ان کے حالیہ ڈرامے فطرت سمیت دیگر شامل ہیں-

اللہ نے موقع دیا تو ہانیہ اور عاصم اظہر کی صلح کراؤں گا