بالی ووڈ سُپر اسٹار سلمان خان کی عید پر ریلیز ہونے والی فلم ‘رادھے’ کے گانے ‘سیٹی مار’ نے محض 10روز میں 10 کروڑ ویوز کا ریکارڈ بنالیا ہے۔

باغی ٹی وی : رادھے فلم کا پہلا گانا ‘سیٹی مار’ گزشتہ ہفتے ریلیز ہوا تھا جسے مداحوں نے بہت زیادہ پسند کیا اور یہ کچھ ہی گھنٹوں میں وائرل ہوگیا یہاں تک کہ ٹوئٹر پر ٹاپ ٹرینڈ فہرست میں رہا-

‘سیٹی مار’ گانے نے صرف 10 روز میں یوٹیوب پر 10 کروڑ ویوز کا سنگ میل عبور کیا اور یہ یوٹیوب پر تیز ترین ریکارڈ بنانے والا پہلا بھارتی گانا بن گیا ہے۔

جبکہ اس سے قبل یہ ریکارڈ سارہ علی خان اور رنویر سنگھ کی فلم ‘سمبا’ کے گانے ‘آنکھ مارے’ کے پاس تھا ‘آنکھ مارے’ کو 11 دن میں 10 کروڑ سے زائد صارفین نے دیکھا تھا ‘تاہم سیٹی مار’ یہ ریکارڈ 10 روز میں بنا کر آگے نکل گیا۔

‘سیٹی مار’ گانے کے یہ سنگِ میل عبور کرنے کی خبر ‘ایس کے’ فلمز کی جانب سے سوشل میڈیا پر شیئر کی گئی تھی۔

خیال رہے کہ ‘رادھے’ میں سلمان خان ایک پولیس افسر کا کردار ادا کرتے نظر آرہے ہیں جو اپنے طریقے سے کام کرتا ہے۔

وہ اس فلم میں بنیادی طور پر ‘انکاؤنٹر اسپیشلسٹ’ کا کردار ادا کررہے ہیں اور ان کی اس فلم میں ‘وانٹڈ’ کی جھلک اور ‘دبنگ’ کے ڈائیلاگز کا حوالہ بھی نظر آئے گا۔

‘رادھے’ فلم میں سلمان خان میں ڈرگ مافیا کا خاتمے کے لیے ایکشن میں نظر آئیں گے۔

‘رادھے’ کے فلمسازوں نے فلم کو 13 مئی کو تھیٹرز کے ساتھ ساتھ زی فائیو کے پے پر ویو میڈیم زی پلیکس پر اسی دن ریلیز کرنے کا اعلان بھی کیا ہے۔

‘رادھے’ بھارت کی پہلی ہندی فلم ہوگی جو ایک ہی دن میں متعدد پلیٹ فارمز پر ریلیز ہوگی۔

واضح رہے کہ فلم میں رندیپ ہودا اور جیکی شروف سمیت دیشا پٹانی اور میگھا آکاش بھی اداکاری کررہے ہیں جبکہ ایک گانے میں جیکولین فرنینڈس بھی موجود ہیں۔

ہالی ووڈ کے مشہور اداکار ٹام کروز کی نئی آنے والی فلم مشن امپاسبل7 کے سیٹ پربدمزگی پر پولیس بُلالی-

باغی ٹی وی : اداکار ٹام کروز کی ایکشن، سسپنس اور تھرلر سے بھرپور ’مشن امپاسبل‘سیریز کی ساتویں فلم ’مشن امپاسبل 7‘کی گزشتہ برس اٹلی میں جاری شوٹنگ کورونا کی وجہ سے روک دی گئی تھی لیکن اب ایک بار پھر فلم کی شوٹنگ دوبارہ شروع کردی گئی ہے۔

ٹام کروز کی فلم کےسیٹ بنا اجازت کئی لوگ گھس آئے جس کے بعد اداکار نے ایکشن لیتے ہوئے پولیس اہلکاروں کو بلا لیا۔

غیر ملکی میڈیا کے مطابق برطانیہ میں فلم کے سیٹ کا دروازہ توڑ کر متعدد لوگ اندر گھسے یہ لوگ وہاں موجود سامان پر چڑھ کر سیٹ کی تصویریں لینا چاہ رہے تھے جس کے بعد ٹام کروز کو سیکیورٹی بلانا پڑی۔

ذرائع کے مطابق فلم کا سیٹ بہت بڑا اور کھلا ہوا ہے جسے مکمل طور پر بند کرنا ممکن نہیں گزشتہ ہفتے بھی اسی طرح کے واقعے کے بعد پولیس کو بلایا گیا تھا۔

رپورٹس کے مطابق اس واقعے کے بعداب فلم کی ٹیم مزید حفاظتی اقدامات کرے گی تاکہ شوٹنگ میں مزید تاخیر نہ ہو۔

کورونا وبا کی نئی لہر کی وجہ سے فلم کی ریلیز مؤخر کردی گئی تھی جس کے بعد اس کی نئی تاریخ 22مئی2022 سامنے آئی ہے۔

واضح رہے کہ ’مشن امپاسبل‘سیریز کی ہر فلم میں اداکار ٹام کروز ایتھن ہنٹ کا مرکزی کردار ادا کرتے ہیں فلم میں اداکارہ ہیلے ایٹ ویل ان کے مقابل مرکزی کردار ادا کررہی ہیں –

ٹام کروز نے حقیقی زندگی میں بھی مشن امپا سیبل کو پوسیبل بنادیا

بالی ووڈ متنازع اداکارہ کنگنا رناوت ٹوئٹرکے بعد اب انسٹاگرام سے بھی خفا ہوگئیں۔

باغی ٹی وی :اپنے متنا زع بیانات کی وجہ سے تنقید کا نشانہ بننے والی کنگنا ایک بارپھرخبروں کی زینت بن گئیں۔ اس بارانہوں نے اپنی انسٹا اسٹوری پرکچھ ایسا شیئر کیا جس کے بعد ان کے مداح ان کا مذاق اڑارہے ہیں جب کہ کچھ پھر تنقید کررہے ہیں۔

اداکارہ نے انسٹا اسٹوری پرلکھا کہ انسٹاگرام نے ان کی کوویڈ سے متعلق پوسٹ ڈیلیٹ کردی جس میں انہوں نے کوویڈ کوتباہ کرنے کی دھمکی دی تھی۔

اداکارہ نے کہا کہ ٹوئٹرپردہشت گردوں اورکمیونسٹ کے لیے ہمدردی رکھنے والوں کو تو ضرور دیکھا تھا لیکن یہاں تو کووڈ فین کلب ہے۔ اداکارہ نے مزید کہا کہ انہیں انسٹا گرام پرمحض 2 ہی دن ہوئے ہیں لیکن ایسا لگتا ہے کہ وہ ایک ہفتہ بھی گزارنہیں سکیں گی۔

واضح رہے کہ گزشتہ ہفتے ٹوئٹر نے کنگنا رناوت کا اکاؤنٹ مستقل طور پر بند کردیا تھا ٹوئٹر انتظامیہ کی جانب سے کنگنا کا اکاؤنٹ مغربی بنگال میں ممتا بینرجی کی جیت کے بعد کی گئی متنازع ٹوئٹ کے بعد بند کیا گیا۔

کنگنا رناوت نے اپنے ٹوئٹر سے مغربی بینگال کی وزیراعلیٰ ممتا بینرجی کی جیت کے بعد اشتعال انگیز ٹوئٹس میں کہا تھا کہ وزیراعظم نریندر مودی ممتا بینرجی کو لگام ڈالیں، کنگنا نے کہا تھا کہ غنڈے کو قابو میں کرنے کے لیے ایک اور بڑے غنڈے کی ضرورت ہے، ممتا بینر جی ایک بلا کی طرح ہیں لہذا مودی جی انہیں سدھارنے کے لیے 2000 سے پہلے والا روپ دکھائیں۔

ٹوئٹر انتظامیہ نے اپنے بیان میں کہا تھا کہ کنگنا کا اکاؤنٹ متعدد بار ٹوئٹر پالیسی کی خلاف ورزی کرنے پر بند کیا گیا ہے، بالخصوص نفرت آمیز پوسٹ یا کسی کو ہراساں کرنے سے متعلق ٹوئٹر کی پالیسی واضح ہے اور اس پر سخت ایکشن لیا جائے گا۔

دوسری جانب کنگنا رناوت نے ایک بیان میں کہا تھا کہ ٹوئٹر نے اکاؤنٹ بند کرکے میری بات ثابت کردی کہ یہ امریکی ہیں، اسکے علاوہ یہ گورے ایشائی باشندوں کو غلام بنانا اپنا پیدائشی حق سمجھتے ہیں، چاہتے ہیں کہ وہی کیا جائے جو یہ کہتے ہیں تاہم میرے پاس اور بھی پلیٹ فارم ہیں جہاں سے میں اپنی آواز بلند کرتی رہوں گی۔

کنگنا رناوت بھی عالمی وبا کورونا کا شکار