Author: عائشہ ذوالفقار

پاکستان کی معروف اداکارہ مایا علی نے رات کے وقت دوستوں کے ساتھ گلی میں کرکٹ کا میدان سجایا اور خوب مزے کئے، اپنے شاٹس کھیلنے کی ویڈیو بھی سوشل میڈیا پر اپ لوڈ کی۔

باغی ٹی وی :مایا علی جو نا صرف ایک ذہین اور قابل اداکارہ ہیں بلکہ اچھی کرکٹ بھی کھیل لیتی ہیں جس کا اندازہ ان کے حالیہ ویڈیو کلپ سے لگایا جا سکتا ہےاداکارہ کی دیر رات کو کرکٹ کھیلنے کی ویڈیو وائرل ہو رہی ہے جسے مداحوں کی جانب سے بہت پسند کیا جا رہا ہے۔

ویڈیو میں دیکھا جا سکتا ہے کہ مایا علی بیٹنگ کر رہی ہیں جب کہ معروف اسپورٹس اینکر فیضان نجیب انہیں بولنگ کروا رہے ہیں، اداکارہ کے ساتھ ان کے دیگر دوست بھی موجود ہیں۔

مایا علی مداحوں کو بتا رہی ہیں کہ ان کے دوست فیضان ایک کروڑ بالز کروا چکے ہیں لیکن وہ پھر بھی آؤٹ نہیں ہوئیں جب کہ فیضان نجیب کافی دیر سے اداکارہ کی وکٹ گرانا چاہ رہے ہیں-

مایا علی کا شمار پاکستان کی ان اداکاراؤں میں ہوتا ہے جو چھوٹی اسکرین اور بڑے پردے پر اداکاری کے جوہر دکھا کر مداحوں کے دل جیت چکی ہیں،مایا علی اپنی جاندار اداکاری کے باعث پہنچانی جاتی ہیں-

معروف اداکارہ و میزبان حنا الطاف کی شادی سے قبل کی ایک ویڈیو سوشل میڈیا پر وائرل ہورہی ہے جس میں وہ اپنے شوہر آغا علی سے متعلق گفتگو کررہی تھیں۔

باغی ٹی وی :حنا الطاف اپنی شادی سے قبل ایک پروگرام میں بطور مہمان شریک ہوئی تھیں جس کی ویڈیو سوشل میڈیا پر وائرل ہو رہی ہے ویڈیو میں میزبان نے اداکارہ سے سوال کیا کہ وہ کونسے اداکار ہیں جو کھانے کے حوالے سے بہت شکایت کرتے ہیں؟

میزبان کے سوال کا جواب دیتے ہوئے حنا الطاف نے کہا کہ ایک اداکار ہیں جن کا نام آغا علی ہے، وہ ویسے تو بہت اچھے انسان ہیں لیکن جب میں نے اُن کے ساتھ ایک بار میزبانی کی تھی تو وہ کھانے کو لےکر بہت شکایت کرتے تھے۔

حنا الطاف کی یہ ویڈیو اُس وقت کی ہے جب اُن کے اور آغا علی کے درمیان کوئی تعلق نہیں تھا لیکن بعدازاں دونوں نے اچانک نکاح کرکے سب کو حیران کردیا تھا۔

واضح رہے کہ گزشتہ سال جمعتہ الوداع یعنی 22 مئی 2020 کو چند عزیزوں کی موجودگی میں حنا الطاف نے معروف اداکار آغا علی سے نکاح کیا تھا جوڑے نے اپنی انسٹا پوسٹ کے ذریعے مداحوں کو نکاح کی خوشخبری سنائی-

پاکستان کی عالمی شہرت یافتہ اداکارہ ماہرہ خان کا کہنا تھا کہ ایک نجی ٹی وی چینل میں کام کرنے والے کچھ دوستوں کو پک کرنے گئی تھی تو وی جے بننے کی آفر ہو گئی-

باغی ٹی وی : اداکارہ ماہرہ خان حال ہی میں ایک نجی ٹی وی شو میں شریک ہوئیں اور دوران انہوں نے شوبز میں انٹری کے متعلق گفتگو کی –

ماہرہ خان نے دوران انٹرویو بتایا کہ وہ کالج کی چھٹیوں کے دوران ایک نجی ٹی وی چینل میں کام کرنے والے کچھ دوستوں کو پک کرنے گئی تھیں، کہ وہاں انہیں ایک چینل کے ایگزیکٹو غضنفر علی نے دیکھا۔

اداکارہ نے بتایا کہ غضنفر علی نے انگلی سے اشارہ کرتے ہوئے اپنی جانب بلایا اور کہا تم وی جے بن جاؤ لیکن میں نے انہیں انکار کردیا اور کہا کہ مجھے وی جے نہیں بلکہ مووی اسٹار بننا ہے۔

ما ہرہ خان کے مطابق غضنفر علی نے ان سے کہا کہ مووی اسٹار بھی بن جاؤ گی لیکن ابھی وی جے بن جاؤ۔

اداکارہ نے مزید بتایا کہ چینل نے ان پر وی جے بننے کے لیے دباؤ ڈالا لیکن جب میں وی جے بن گئی تو میں نے وی جے کو انجوائے کرنا شروع کردیا۔

خیال رہے کہ سپر اسٹار ماہرہ خان جلد ہی بھارتی ڈراموں میں نظر آئیں گی مخان زی چینل کی آنے والی نئی ڈرامہ سیریز ’’یار جولاہے‘‘ میں نظر آئیں گی، ڈرامہ سیریز 12 اقساط پر مشتمل ہے اور پہلی قسط 15 مئی کو ٹاٹا اسکائی تھیٹر میں پیش کی جائے گی جبکہ اداکارہ ماہرہ خان بھارت میں آخری مرتبہ شاہ رخ خان کی فلم ’رئیس‘ میں نظر آئیں تھیں جس میں ان کی اداکاری کو دنیا بھر میں کوبہت پسند کیا گیا تھا-

علاوہ ازیں ماہرہ خان اداکاری میں پاکستان سمیت سرحد پار مقبولیت حاصل کرنے کے بعد اب پروڈکشن میں بھی انٹری دے چکی ہیں ان کی پروڈکشن میں بننے والی پہلی ویب سیریز بارہواں کھلاڑی ہے-

ماہرہ خان کی بھارتی ڈراموں میں بھی انٹری