Baaghi TV

Author: عائشہ ذوالفقار

  • قوال غلام فرید صابری کو دنیا سے رخصت ہوئے 27 برس بیت گئے

    قوال غلام فرید صابری کو دنیا سے رخصت ہوئے 27 برس بیت گئے

    پاکستانی قوال غلام فرید صابری کو دنیا سے رخصت ہوئے 27 برس بیت گئے۔

    باغی ٹی وی : فن قوالی کو نئی جیہت دینے والے غلام فرید صابری 1930 میں ہندوستانی ریاست مشرقی پنجاب میں پیدا ہوئے، انہیں بچپن سے ہی قوالیوں کا شوق تھا ان کا پہلا البم 1958 میں ریلیز ہوا تھا، البم میں موجود قوالی ’میرا کوئی نہیں تیرے سوا‘ نے مقبولیت کے تمام ریکارڈز توڑ دیئے۔

    ’تاجدارِ حرم‘ اور اس جیسی دیگر کئی مقبول قوالیوں سے لوگوں کو جھومنے پر مجبور کر دینے والے غلام فرید صابری نہ صرف پاکستان کے مقبول ترین قوال تھے بلکہ دنیا بھر میں قوالی کے کروڑوں چاہنے والوں کے دلوں کی دھڑکن تھے-

    5 اپریل 1994 کو کراچی میں غلام فرید صابری کو دل کا دورہ پڑا جو کہ جان لیوا ثابت ہوا اور وہ خالق حقیقی سے جاملے لیکن ان کی قوالیاں آج بھی سننے والوں پر سحر طاری کر دیتی ہیں-

  • پاکستانی ٹک ٹاکر اور میزبان کنول آفتاب کی شادی ٹویٹر پر ٹاپ ٹرینڈ

    پاکستانی ٹک ٹاکر اور میزبان کنول آفتاب کی شادی ٹویٹر پر ٹاپ ٹرینڈ

    پاکستان کے ٹاک ٹاک اسٹارز کنول آفتاب اور ذوالقرنین سکندر گزشتہ روز شادی کے بندھن میں بندھے ہیں-

    باغی ٹی وی : ٹک ٹاکر کنول آفتاب اور ذوالقرنین سکندر کا نکاح گزشتہ رات دھوم دھام سے ہوا ان کی شادی رسومات کی تعدد تصاویر اور ویڈیوز سوشل میڈیا پلیٹ فارمز پر خوب وائرل ہوئیں جنہیں دونوں کے مداحوں کی جانب سے خوب پسند کیا گیا تھا اور مداح دونوں کو شادی کے بندھن میں دیکھ کر خوشی سے پھولے نہیں سما رہے-

    ٹک ٹاکرز نے اپنے زندگی کے خاص موقع پر یعنی نکاح کے لیے کریم رنگ کے لباس کا انتخاب کیا ہے کنول آفتاب نے اپنے نکاح کے دوران لال رنگ کی اوڑھنی اوڑھ رکھی ہے جبکہ ذوالقرنین نے لال ویسٹ کوٹ پہنی ہوئی ہے۔

    دونوں کے مداحوں کی جانب سے ڈھیر ساری مبارکباد اور دونوں کے مستقبل کے لیے نیک تمناؤں کا اظہار کیا جا رہا ہے یہاں تک کہ پاکستان ٹوئٹر پینل کی ٹرینڈ فہرست میں کنول آفتاب کا نام ٹاپ پر ہے جس میں مداح شادی کی مبارکباد دے رہے ہیں اور دونوں کی نئی زندگی کے لئے نیک خواہشات کا اظہار کر رہے ہیں-


    https://twitter.com/MominaAwani/status/1378980686766411779?s=20
    اس ٹرینڈ میں حصہ لیتے ہوئے مومینہ نامی خاتون صارف نے دونوں کے نکاح کے وقت کی تصاویر شئیر کرتے ہوئے لکھا کہ یہ حلال طریقہ ہے پیار کے اظہار کرنے کا ساتھ ہی خاتون نے جوڑی کو مبارکباد دیتے ہوئے نیک خواہشات کا اظہار کیا-


    https://twitter.com/AamirOfficial07/status/1378985912219144194?s=20


    https://twitter.com/ZubairB40554085/status/1378982271231791114?s=20
    https://twitter.com/F_iz__aa/status/1378983838538477574?s=20
    https://twitter.com/Simiofficiall/status/1378977466543378434?s=20
    https://twitter.com/Simiofficiall/status/1378977007657160704?s=20


    واضح رہے کہ کنول آفتاب اور ذوالقرنین سکندر قریبی دوست ہونے کے ساتھ ہی مختصر ویڈیو شیئرنگ ایپ ٹک ٹاک کے مقبول ترین ٹک ٹاکرز بھی ہیں۔

    لاہور سے تعلق رکھنے والی ٹک ٹاک ماڈل کنول آفتاب کے مختصر ویڈیو شیئرنگ ایپ ٹک ٹاک پر 12 اعشاریہ 1 ملین فالوورز ہیں کنول آفتاب ناصرف ایک ٹک ٹاک اسٹار ہیں بلکہ وہ گزشتہ کچھ سالوں سے ایک نجی ویب چینل پر میزبانی کے فرائض بھی سرانجام دے رہی ہیں۔

    جبکہ ذوالقرنین سکندر کے ٹک ٹاک فالوورز کی تعداد 11 اعشایہ 6 ملین ہے ذوالقرنین سکندر نے 2018 میں اپنے دوستوں کے ہمراہ ٹک ٹاک پر ویڈیوز بنانے کے ذریعے اپنے کیریئر کا آغاز کیا اور پھر تھوڑے ہی عرصے اپنی جاندار اداکاری کی بدولت مقبول ہو گئے۔

    ٹک ٹاک اسٹارز کنول آفتاب اور ذوالقرنین سکندر کی شادی کی تقریبات کا آغاز

    ٹاک ٹاک اسٹارز کنول آفتاب اور ذوالقرنین کے نکاح کی خوبصورت ویڈیو

  • گوگل نے ویڈیو کانفرنسنگ سروس میٹ میں مفت کالز کی مدت میں اضافہ کر دیا

    گوگل نے ویڈیو کانفرنسنگ سروس میٹ میں مفت کالز کی مدت میں اضافہ کر دیا

    دنیا کے سب سے بڑے سرچ انجن گوگل نے اپنی ویڈیو کانفرنسنگ سروس میٹ میں لامحدود وقت تک مفت کالز کی مدت میں 30 جون تک اضافہ کردیا۔

    باغی ٹی وی : گوگل نے اپریل 2020 میں اپنی ویڈیو کانفرنسنگ سروس میٹ کو تمام صارفین کے لیے مفت کردیا تھا جس کا مقصد کورونا وائرس کی وبا کے دوران باہمی رابطوں میں لوگوں کو سہولت فراہم کرنا تھا۔

    یہ کانفرنسنگ سروس پہلے صرف جی سیوٹ کے صارفین کے لیے مخصوص اور 6 ڈالر ماہانہ پر ہی دستیاب تھی تاہم اس وبا کی وجہ سے گوگل نے اعلان کیا تھا کہ اس میں مفت ویڈیو کال کا دورانیہ 60 منٹ تک ہوگا مگر اس کا اطلاق 30 ستمبر کے بعد سے ہونا تھا۔

    مگر پھر ستمبر میں اس مدت کو 31 مارچ 2021 تک بڑھا دیا گیا تھا جبکہ ایک گھنٹے کی حد بھی اس موقع پر ختم کردی گئی تھی۔

    اب کمپنی نے مدت بڑھاتے ہوئے پھر اعلان کیا ہے کہ صارفین گوگل میٹ کو 30 جون تک مفت استعمال کرسکیں گے اور اس عرصے میں 24 گھنٹے تک کال جاری رکھ سکیں گے۔


    اب صارفین گوگل میٹ میں 100 افراد کو ویڈیو کانفرنس کا حصہ بناسکتے ہیں جبکہ اس سے زیادہ لوگوں کو شامل کرنے کے لیے گوگل ورک اسپیس سبسکرپشن خریدنا ہوگ، جس کے بعد ڈھائی سو افراد کو کانفرنس کا حصہ بنایا جاسکے گا۔

    ان افراد کو گوگل میٹ ایپ انسٹال کرنے کی ضرورت نہیں ہوگی بلکہ وہ ویب براؤزر کے ذریعے بھی کانفرنس کا حصہ بن سکیں گے جبکہ گوگل میٹ کے مفت ورژن کو استعمال کرنے کے لیے جی میل اکاؤنٹ لازمی درکار ہوگا۔

    گوگل کی جانب سے پرائیویسی کے تحفظ کے لیے مختلف اقدامات بھی کیے گئے ہیں جن میں ہوسٹ کنٹرولز یعنی کسی کو میٹنگ میں شامل کرنا یا نہ کرنا، لوگوں کو میوٹ یا چیٹ سے نکالنا، پپیچیدہ میٹنگ کوڈز اور انکرپشن قابل ذکر ہیں۔

    گوگل میٹ کو ڈیسک ٹاپ پر meet.google.com جبکہ آئی او ایس اور اینڈرائیڈ ڈیوائسز پر ایپس میں استعمال کیا جاسکتا ہے۔

  • کورونا کا شکار اکشے کمار ہسپتال منتقل

    کورونا کا شکار اکشے کمار ہسپتال منتقل

    کورونا وائرس کا شکار ہونے والے بھارتی اداکار اکشے کمار کو اسپتال منتقل کردیا گیا ہے۔

    باغی ٹی وی : گزشتہ روز بھارتی اداکار اکشے کمار نے سماجی رابطے کی سائٹ پر کورونا ٹیسٹ مثبت آنے کی تصدیق کرتے ہوئے کہا کہ تھا کہ تمام احتیاطی تدابیر اختیار کرتے ہوئے میں نے خود کو قرنطینہ کرلیا ہے اور تمام ضروری طبی امداد بھی لے رہاہوں تاہم آج انہیں اسپتال منتقل کردیا گیا ہے۔


    بالی ووڈ اداکار نے ٹوئٹر پر کہا کہ آپ سب کی دعاؤں اور نیک تمناؤں کا شکریہ، میں ٹھیک ہوں تاہم احتیاطی طور پر میں اسپتال میں داخل ہوگیا ہوں، میں بہت جلد واپس آؤں گا، آپ سب اپنا خیال رکھیے گا۔

    واضح رہے کہ متعدد بالی ووڈ اداکار کورونا وائرس کا شکار ہوچکے ہیں جن میں گووندا، عالیہ بھٹ، مسٹر پرفیکشنسٹ عامر خان، منوج باجپائی، سدھانت چترویدی، تاراسوتاریا، ستیش کوشک اور ہدایت کار سنجے لیلا بھنسالی شامل ہیں-

    گووندا کا بھی کورونا ٹیسٹ مثبت آ گیا

    اکشے کمار بھی عالمی وبا کورونا وائرس کا شکار

  • ٹاک ٹاک اسٹارز کنول آفتاب اور ذوالقرنین کے نکاح کی خوبصورت ویڈیو

    ٹاک ٹاک اسٹارز کنول آفتاب اور ذوالقرنین کے نکاح کی خوبصورت ویڈیو

    پاکستان کے ٹاک ٹاک اسٹارز کنول آفتاب اور ذوالقرنین سکندر کے نکاح کی ویڈیو سوشل میڈیا پر وائرل ہو رہی ہے-

    باغی ٹی وی : ٹک ٹاکر کنول آفتاب اور ذوالقرنین سکندر کا نکاح گزشتہ رات دھوم دھام سے ہوا اس سے قبل ان دونوں کی مہندی کی رسومات کی بھی متعدد تصاویر اور ویڈیوز سوشل میڈیا پلیٹ فارمز پر خوب وائرل ہوئی تھیں جنہیں دونوں کے مداحوں کی جانب سے خوب پسند کیا گیا تھا۔

    گزشتہ رات ہونے والے کنول آفتاب اور ذوالقرنین سکندر کے نکاح کی ایک خوبصورت ویڈیو اس وقت تمام سوشل میڈیا پلیٹ فارمز پر خوب وائرل ہو رہی ہے جسے مداحوں کی جانب سے خوب پسند کیا جا رہا ہے دونوں کے مداحوں کی جانب سے ڈھیر ساری مبارکباد اور دونوں کے مستقبل کے لیے نیک تمناؤں کا اظہار کیا جا رہا ہے۔

    کنول آفتاب اور ذوالقرنین کی ویڈیوز اور تصاویر میں دیکھا جا سکتا ہے کہ دونوں نے اپنے نکاح کے لیے کریم رنگ کے لباس کا انتخاب کیا ہے۔

    کنول آفتاب نے اپنے نکاح کے دوران لال رنگ کی اوڑھنی اوڑھ رکھی ہے جبکہ ذوالقرنین نے لال ویسٹ کوٹ پہنی ہوئی ہے۔

    واضح رہے کہ اس سے قبل کنول آفتاب نے اپنی مایوں اور مہندی کی تقریب کی تصاویر اپنے آفیشل انسٹاگرام اکاؤنٹ کی اسٹوری میں شیئر کی تھیں۔

    ٹک ٹاک اسٹارز کنول آفتاب اور ذوالقرنین سکندر کی شادی کی تقریبات کا آغاز

  • موسیقی میں شوکت علی کی شراکت ناقابلِ فراموش ہے عدنان سمیع

    موسیقی میں شوکت علی کی شراکت ناقابلِ فراموش ہے عدنان سمیع

    پاکستانی نژاد بھارتی گلوکار و موسیقارعدنان سمیع نے لیجنڈری فوک گلوکار شوکت علی کی وفات پر اظہارِ افسوس کرتے ہوئے کہا کہ وہ بلاشبہ ایک حیرت انگیز آواز کے مالک تھے۔

    باغی ٹی وی :عدنان سمیع نے سماجی رابطے کی ویب سائٹ ٹوئٹر پر اپنے ٹوئٹ میں شوکت علی کی تصویر شیئر کرتے ہوئے کہا کہ پاکستان کے لیجنڈ گلوکار شوکت علی کی وفات کی خبر نے انہیں افسردہ کردیا ہے۔


    انہوں نے لکھا کہ موسیقی میں ان کی شراکت ناقابلِ فراموش ہے بلاشبہ وہ ایک بہترین آواز رکھتے تھے۔

    اپنے پیغام کے آخر میں انہوں نے شوکت علی کے بلند درجات کی دعا بھی کی۔

    واضح رہے کہ معروف لوک گلوکار شوکت علی طویل علالت کے بعد یکم اپریل کو لاہور میں انتقال کر گئے، وہ جگر کے عارضے میں مبتلا تھے ۔

    شوکت علی نے زندگی کے تقریباً 55 سال فن کی دنیا کو دیئے اس دوران انہوں نے پنجابی لوک گانوں کے علاوہ صوفیانہ کلام بھی گایا جبکہ اردو میں بھی نغمے ریکارڈ کروائے اور ان کے ملی نغمے بھی بہت مقبول ہوئے۔

    1965 کی پاکستان انڈیا جنگ کے دنوں میں انہوں نے ایک گانا ریکارڈ کروایا تھا ’جاگ اٹھا ہے سارا وطن، ساتھیو، مجاہدو‘ بہت مقبول ہوا اور آج بھی اکثر سننے کو ملتا ہے شوکت علی کو ان کی فنی خدمات کے صلے میں 1990 میں صدارتی تمغۂ حسن کارکردگی سے نوازا گیا۔

  • فیس بک نے نفرت اور نسل کی بنا پر نازیبا جملوں کو روکنے کا ایک اہم ٹول پیش کردیا

    فیس بک نے نفرت اور نسل کی بنا پر نازیبا جملوں کو روکنے کا ایک اہم ٹول پیش کردیا

    فیس بک نے آپ کی پوسٹ پر کسی مطلوبہ شخص کا طنزیہ یا ہراساں کرنے کا تبصرہ یا کمنٹس روکنے کا آپشن پیش کردیا –

    باغی ٹی وی : فیس بک پر کھلاڑیوں اور دیگر شخصیات نے اس جانب اپنی توجہ مبذول کرائی تھی کیونکہ ان کی پوسٹ پر رنگ، نسل اور دیگر تعصبات کی بنیاد پر ہر شخص نے اپنا منہ اور کمنٹس کا دہانہ کھول رکھا تھا فیس بک نے اب اپنے پلیٹ فارم پر نفرت اور نسل کی بنا پر نازیبا جملوں کو روکنے کا ایک اہم ٹول پیش کردیا ہے۔

    کمپنی کے مطابق اس ٹول سے لوگ ایک جانب تو پوسٹ کو تمام افراد، مخصوص افراد یا گروپ کے لیے منتخب کرسکتےہیں۔ اس طرح یہ پوسٹ وہی دیکھ سکیں گے اور عوامی پوسٹ پر بھی مخصوص افراد کو کمنٹس سے روکا جاسکے گا۔

    فیس بک نے اپنے اعلامیے میں کہا کہ ’لوگوں کو عوامی پوسٹ پر مزید کنٹرول فراہم کرکے، ہم پرامید ہیں کہ وہ اپنے مندرجات میں مدد لیتے ہوئے غیرضروری مداخلت کو روک سکیں گے-

    فیس بک نے مزید کہا کہ اگر آپ عوامی شخصیت، کوئی تخلیق کار یا کسی برانڈ سے وابستہ ہیں تو آپ بھی کمنٹ کرنے والے افراد کو محدود رکھ سکتےہیں اس سے آپ کا تحفظ بڑھے گا اور آپ کمیونٹی میں بامعنی گفتگو شروع کرسکیں گے۔

    خیال رہے کہ برطانوی فٹبال کھلاڑیوں کو فیس بک پر ایسے ہی مسائل کا سامنا تھا اور وہ اس پلیٹ فارم سے دور ہوتے جارہے تھے۔ تاہم کئی کھلاڑیوں نے کہا تھا ان کی پوسٹ پر نسلی منافرت کے کمنٹس روکنے میں فیس بک ناکام رہا ہے اس کے بعد ہی فیس بک نے یہ قدم اٹھایا ہے۔

  • کورونا وائرس سے بچاؤ: مسافر طیاروں میں روبوٹس جراثیم اور وائرسز کا خاتمہ کریں گے

    کورونا وائرس سے بچاؤ: مسافر طیاروں میں روبوٹس جراثیم اور وائرسز کا خاتمہ کریں گے

    الٹراوائیلٹ شعاعیں پھینکنے والے آلات سے لیس روبوٹ سوئس ہوائی جہازوں کو جراثیم اور وائرسز سے پاک کریں گے۔

    باغی ٹی وی : کورونا نے دنیا بھر میں بہت سی صنعتوں کو ناقابل تلافی نقصان پہنچایا ہے جن میں سیاحت اور ہوا بازی کی صنعت سرفہرست ہے ہوائی جہازوں میں جراثیم/ وائرس کش روبوٹس کی آزمائش کا مقصد کورونا کے بعد زبوں حالی کی شکار، فضائی سفر کی صنعت کو بحال کرتے ہوئے مسافروں کا اعتماد بحال کرنا ہے۔

    یہی بات مدنظر رکھتے ہوئے سوئٹزر لینڈ کی اسٹارٹ اپ کمپنی ’یوویا‘ (UVeya) نے جہازوں کو جراثیم سے پاک کرنے کےلیے جراثیم/ وائرس کش الٹراوائلٹ شعاعوں سے لیس روبوٹ تیار کیے ہیں۔

    صلیب کی شکل والے یہ روبوٹ اپنے بازؤوں پر نصب آلات سے نکلنے والی بالائے بنفشی شعاعوں آگے کی طرف ہر سمت میں پھیلاتے ہوئے جہاز کی نشستوں کے درمیان حرکت کرتے ہیں۔

    یوویا کے مطابق، ایسا ایک روبوٹ صرف 13 منٹ میں ایک درمیانے مسافر بردار جہاز کو جس میں لگ بھگ 200 مسافروں کی گنجائش ہو جراثیم اور وائرسوں سے پاک کرسکتا ہے۔

    اس حوالے سے یوویا کے شریک بانی ہودوک ایلمیگر کا کہنا ہے کہ ’الٹراوائیلٹ سی‘‘ شعاعوں کی ٹیکنالوجی گزشتہ 50 سال سے اسپتالوں اور تجربہ گاہوں (لیباریٹریز) میں استعمال کی جا رہی ہے۔ لیکن بداحتیاطی پر یہ شعاعیں انسانوں کےلیے مہلک ہوسکتی ہیں، ’اسی وجہ سے ہم نے یہ کام سرانجام دینے کےلیے خود مختار روبوٹس کی جانب دیکھ رہے ہیں۔‘

    ایلیمگر کا تخمینہ ہے کہ وہ 15،000 سوئس فرانک ($ 15،930) میں فروخت کریں گے – کیونکہ حکومتوں کو یہ یقینی بنانے کے لئے نئے اقدامات کی ضرورت ہے کہ ہوائی مسافر بیمار نہ ہوں۔

    انہوں نے بتایا کہ ان کی ٹیم تجرباتی بنیادوں پر تین روبوٹ تیار کرچکی ہے جن میں ایک کامظاہرہ گزشتہ ہفتے ہی زیورخ کے ہوائی اڈے پر ہلویٹک ایئرویز کے جہازوں میں کیا جاچکا ہے۔

    اگلے مرحلے پر ان کی مزید آزمائشیں دبئی ایئرپورٹ پر ہواباز کمپنیوں کو خدمات فراہم کرنے والی کمپنی ’’دناتا‘‘ کے ذریعے جاری رکھی جائیں گی تاکہ اس ٹیکنالوجی کو محفوظ ثابت کیا جاسکے۔

  • نمکین دنبہ تکہ بنانے کا طریقہ

    نمکین دنبہ تکہ بنانے کا طریقہ

    دنبہ تکہ

    ٹائم : 40سے 50 منٹ

    5سے 6 افراد کے لئے

    اجزائے ترکیبی مقدار
    دنبے کا گوشت ہڈیوں سمیت 1کلو
    نمک حسب ذائقہ

    طریقہ کار :
    دنبے کے گوشت کو 3½سے 4سینٹی میٹر ٹکڑوں میں کاٹ لیں اس پر نمک چھڑ ک دیں اور 2گھنٹے کے لئے رکھ دیں۔ اب سلاخوں پر 5سے 6بوٹیاں فی سلا خ پرو دیں۔ اب کوئلوں کی انگیٹھی پر ہلکی آنچ پر 25سے 30 منٹ تک پکائیں۔ گرم گرم پشاوری نان اور پودینے دہی کی چٹنی کے ساتھ پیش کریں۔ فوراً پیش کردیں ورنہ تکے سخت ہو جائیں گے۔

  • چکن سیخ کباب بنانے کی ترکیب

    چکن سیخ کباب بنانے کی ترکیب

    چکن سیخ کباب

    ٹائم : 40 سے50 منٹ

    8 سے 10 افراد کے لئے

    اجزائے ترکیبی مقدار
    چکن کا قیمہ 1کلو
    دنبے کی چربی (قیمہ) 200گرام
    پیاز (باریک کٹے اور نچڑے ہوئے) 1کپ
    ادرک (باریک کٹا ہوا) 1کھانے کا چمچ
    لہسن (باریک کٹا ہوا) 1کھانے کا چمچ
    ہری مرچیں (باریک کٹی ہوئی) 1کھانے کا چمچ
    نمک حسب ذائقہ
    سرخ مرچ پاؤڈ 2چائے کے چمچ
    ہلدی پاؤڈر ½چائے کا چمچ
    زیرہ پاؤڈر 1چائے کا چمچ
    سوڈا بائی کاربونیٹ ½ کھانے کا چمچ

    سجاوٹ کے لئے :
    ہرا دھنیا 1چھوٹی گٹھی
    لیموں کے قتلے 8سے 10عدد
    ٹماٹر کے قتلے 8سے 10عدد

    طریقہ کار:
    ایک پیالے میں چکن کا قیمہ ڈالیں اور سوڈا بائی کاربونیٹ کے علاوہ تمام مصالحے شامل کردیں۔ نرمی سے مکس کریں اور آدھے گھنٹے کے لئے چھوڑ دیں۔ سوڈا بائی کاربونیٹ پکانے سے تھوڑی دیر قبل شامل کریں۔ چوکور سلاخیں جو ایک سینٹی میٹر xایک سینٹی میٹر کی ہوں ان پر گیلے ہاتھوں سے تقریباً 50گرام قیمے کی لمبی مقدار لپیٹ دیں۔ یہ کباب 10سے 12 سینٹی میٹر لمبا اور ½سینٹی میٹر موٹا ہونا
    چاہئے اسی طرح تمام کباب تیار کرلیں۔ اب کوئلوں کی انگیٹھی پر اسے پکائیں اور چاروں طرف گھماتے جائیں تاکہ تمام طرف سے کباب پک جائے۔ اب سلاخوں سے اتار کر سرونگ ڈش میں رکھیں۔ ہرے دھنیے لیموں اور ٹماٹر کے قتلوں کے ساتھ سجا کر پودینے کی چٹنی کے ساتھ پیش کریں۔ خیال رہے کہ قیمے کا مکسچر زیادہ پتلا نہ ہو اس صورت میں وہ سلاخوں پر نہیں لگیں گے۔